DROPS Cotton Light
DROPS Cotton Light
50% Bómull, 50% Polyester
frá 262.00 kr /50g
Þú færð garn sem þarf í að gera þetta mynstur frá 1834.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

Loving Summer

Prjónaður toppur með gatamynstri, prjónaður ofan frá og niður úr DROPS Cotton Light. Stærð S - XXXL

DROPS 190-13
DROPS Design: Mynstur cl-087
Garnflokkur B
-----------------------------------------------------------

Stærð: S - M - L - XL - XXL - XXXL

Efni:
DROPS COTTON LIGHT frá Garnstudio (tilheyrir garnflokki B)
350-400-450-500-550-600 g litur 02, hvítur

DROPS HRINGPRJÓNAR (60 eða 80 cm) NR 4 – eða þá stærð sem þarf til að 21 lykkja og 28 umferðir með sléttprjóni verði 10 cm á breidd og 10 cm á hæð.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Cotton Light
DROPS Cotton Light
50% Bómull, 50% Polyester
frá 262.00 kr /50g
Þú færð garn sem þarf í að gera þetta mynstur frá 1834.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað í hring):
*1 umferð slétt og 1 umferð brugðið*, endurtakið frá *-*.

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

MYNSTUR:
Sjá mynsturteikningu A.1 til A.4. Mynsturteikning sýnir allar umferðir í mynstri séð frá réttu.

ÚTAUKNING-1 (á við um hliðar á fram- og bakstykki):
Aukið er út um 1 lykkju innan við 3 lykkjur í garðaprjóni. Aukið út með því að slá 1 sinni uppá prjóninn, í næstu umferð er uppslátturinn prjónaður slétt, það á að myndast gat.

ÚTAUKNING-2 (fram- og bakstykki):
Aukið út hvoru megin við prjónamerki + 1 lykkja í hvorri hlið. Aukið út með því að slá 1 sinni uppá prjóninn, í næstu umferð er uppslátturinn prjónaður slétt, það á að myndast gat.

-------------------------------------------------------

BYRJIÐ Á STYKKI HÉR:

-------------------------------------------------------

TOPPUR - STUTT ÚTSKÝRING Á STYKKI:
Stykkið er prjónað ofan frá og niður. Framstykkin og bakstykkin er prjónað fram og til baka hvert fyrir sig niður að fram-bakstykki, síðan eru allar lykkjur settar á sama hringprjón. Prjónið síðan í hring.

BAKSTYKKI:
VINSTRI ÖXL:
Fitjið upp 18-18-18-18-18-18 lykkjur á hringprjón 4 með Cotton Light. Prjónið 2 umferðir GARÐAPRJÓN – sjá útskýringu að ofan, prjónið síðan þannig – frá réttu: 3 lykkjur garðaprjón, A.1 (= 12 lykkjur), 3 lykkjur garðaprjón. Haldið svona áfram þar til stykkið mælist 2 cm, endið með 1 umferð frá röngu. Klippið frá og geymið stykkið.

HÆGRI ÖXL:
Fitjið upp og prjónið á sama hátt og vinstri öxl, en prjónið A.2 í stað A.1. Prjónið þar til stykkið mælist 2 cm, endið með 1 umferð frá röngu. Prjónið 1 umferð frá réttu, fitjið upp 33-33-35-37-39-41 nýjar lykkjur og prjónið til baka lykkjur frá vinstri öxl á prjóninn = 69-69-71-73-75-77 lykkjur. Prjónið þannig – frá röngu: 3 lykkjur garðaprjón, A.2, 39-39-41-43-45-47 lykkjur í garðaprjóni, A.1, 3 lykkjur garðaprjón. Haldið svona áfram þar prjónaðar hafa verið 4 umferðir í garðaprjóni yfir miðju 39-39-41-43-45-47 lykkjur. Næsta umferð er prjónuð þannig – frá réttu: 3 lykkjur garðaprjón, 0-0-1-2-0-1 lykkjur í sléttprjóni, A.3 A yfir næstu 60-60-60-60-66-66 lykkjur, A.3 B (= 3 lykkjur),0-0-1-2-0-1 lykkjur sléttprjón, 3 lykkjur garðaprjón – ATH! Passið uppá að A.3 passið yfir A.2 og A.1. Þegar stykkið mælist 14-12-11-11-9-8 cm (mælt frá öxl) aukið út um 1 lykkju innan við 3 lykkjur í garðaprjóni í hvorri hlið – LESIÐ ÚTAUKNING-1. Aukið út um 1 lykkju í hvorri hlið í hverri umferð frá réttu (= önnur hver umferð) alls 5-9-11-13-17-20 sinnum = 79-87-93-99-109-117 lykkjur, útauknar lykkjur í hlið eru prjónaðar jafnóðum inn í A.3. Þegar útaukning í hlið hefur verið gerð til loka, leggið stykkið til hliðar en endið eftir heila umferð frá röngu, stykkið mælist ca 17-18-19-20-21-22 cm frá öxl.

FRAMSTYKKI:
VINSTRI ÖXL:
Fitjið upp 18-18-18-18-18-18 lykkjur á prjón 4 með Cotton Light. Prjónið 2 umferðir garðaprjón, prjónið síðan þannig – frá réttu: 3 lykkjur garðaprjón, A.1 (= 12 lykkjur), 3 lykkjur garðaprjón. Haldið svona áfram þar til stykkið mælist 6 cm, endið með 1 umferð frá röngu. Klippið frá og geymið stykkið.

HÆGRI ÖXL:
Fitjið upp og prjónið eins og vinstri öxl, en prjónið A.2 í stað A.1. Prjónið þar til stykkið mælist 6 cm, endið með 1 umferð frá röngu. Prjónið 1 umferð frá réttu, fitjið upp 33-33-35-37-39-41 nýjar lykkjur og prjónið til baka lykkjur frá vinstri öxl á prjóninn = 69-69-71-73-75-77 lykkjur. Prjónið þannig – frá röngu: 3 lykkjur garðaprjón, A.2, 39-39-41-43-45-47 lykkjur garðaprjón, A.3, 3 lykkjur garðaprjón. Haldið svona áfram þar til prjónaðar hafa verið 4 umferðir garðaprjón yfir miðju 39-39-41-43-45-47 lykkjur. Næsta umferð er prjónuð þannig – frá réttu: 3 lykkjur garðaprjón, 0-0-1-2-0-1 lykkjur sléttprjón, A.3 A yfir næstu 60-60-60-60-66-66 lykkjur, A.3 B (= 3 lykkjur),0-0-1-2-0-1 lykkjur sléttprjón, 3 lykkjur garðaprjón – ATH! Passið uppá að A.3 passi yfir A.2 og A.1. Þegar stykkið mælist 14-12-11-11-9-8 cm (mælt frá öxl) aukið út um 1 lykkju innan við 3 lykkjur í garðaprjón í hvorri hlið – LESIÐ ÚTAUKNING-1. Aukið út um 1 lykkju í hvorri hlið í hverri umferð frá réttu (= önnur hver umferð) alls 5-9-11-13-17-20 sinnum = 79-87-93-99-109-117 lykkjur, útauknar lykkjur í hlið eru prjónaðar jafnóðum inn í A.3. Þegar útaukning hefur verið gerð til loka, leggið stykkið til hliðar en endið eftir umferð frá röngu, stykkið mælist ca 17-18-19-20-21-22 cm frá öxl.

Næsta umferð frá réttu er prjónuð þannig: Prjónið 79-87-93-99-109-117 lykkjur frá framstykki, fitjið upp 6-6-8-12-14-20 nýjar lykkjur, prjónið 79-87-93-99-109-117 lykkjur frá bakstykki og fitjið upp 6-6-8-12-14-20 nýjar lykkjur.

FRAM- OG BAKSTYKKI:
= 170-186-202-222-246-274 lykkjur. HÉÐAN ER NÚ MÆLT! Setjið 1 prjónamerki í hvora hlið – mitt í nýjar lykkjur sem fitjaðar voru upp.
Prjónið næstu 3 umferðir þannig: Haldið áfram í sléttprjóni, en prjónið 4 umferðir garðaprjón yfir miðju 12-12-14-18-20-26 lykkjur í hvorri hlið (1 umferð brugðið, 1 umferð slétt, 1 umferð brugðið) fyrir handveg. Prjónið síðan sléttprjón yfir allar lykkjur. Þegar stykkið mælist 4 cm er aukið út um 1 lykkju hvoru megin við prjónamerkin í hlið (= 4 lykkjur fleiri) – LESIÐ ÚTAUKNING-2, endurtakið útaukningu í 6. hverri umferð þar til stykkið mælist 40-41-42-43-44-45 cm, nú eru ca 244-262-280-302-328-358 lykkjur í umferð. Prjónið A.4 yfir allar lykkjur, fellið síðan af. Stykkið mælist ca 60-62-64-66-68-70 cm frá öxl.

FRÁGANGUR:
Saumið axlasauma.

Mynstur

symbols = slétt frá réttu, brugðið frá röngu
symbols = brugðið frá réttu, slétt frá röngu
symbols = 2 lykkjur slétt saman
symbols = lyftið 1 lykkju af prjóni eins og prjóna eigi slétt, 1 lykkja slétt, steypið lyftu lykkjunni yfir lykkjuna sem var prjónuð
symbols = sláið 1 sinni uppá prjóninn á milli 2 lykkja
symbols = lyftið 1 lykkju af prjóni eins og prjóna eigi slétt, prjónið 2 lykkjur slétt saman, steypið lyftu lykkjunni yfir lykkjurnar sem prjónaðar voru saman
diagram
diagram

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS 190-13

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (18)

country flag Pia wrote:

Hallo, Ich stricke das Modell 190-13 Loving Summer. In Rückenteil werden neben 3 kraus rechten Maschen zugenommen. Diese sollen in A.3 eingearbeitet werden. Damit verschiebt sich doch der Muster immer eine Masche, oder? Also wenn ich nach den 3 Randmaschen mit dem Muster anfange. Ist es korrekt? Und wenn die Zunahme vor A.3 gemacht wird, müsste ich 2 Umschläge auf ein Mal machen. Wie geht das? Danke für die Hilfe im voraus! LG, Pia

12.05.2023 - 13:36

DROPS Design answered:

Liebe Pia, das Muster soll nicht verschoben werden, dh stricken Sie die neuen Maschen glatt rechts, bis genügend Maschen zugenommen werden um ein neues Lochmuster in der Breite zu stricken. Beachten Sie nur, daß das Lochmuster immer wie zuvor in der Höhe weitergestrickt wird. Viel Spaß beim stricken!

12.05.2023 - 14:44

country flag Gitte Røssel wrote:

Hvilket hulmønster er der i siden på denne top? Jeg kan ikke se hulmønsteret i opskriften, men det er på billederne og jeg syntes at det giver et fint look.

26.05.2022 - 09:17

DROPS Design answered:

Hej Gitte. Det är udtagningarna som skapar hulmønsteret, se UDTAGNINGSTIPS-2. Mvh DROPS Design

27.05.2022 - 10:14

country flag Lirenka wrote:

Witam serdecznie. Proszę o pomoc w zrozumieniu opisu. Chodzi o moment, gdy zaczynam dobierać oczka na dekolt (tył robótki). "Dalej przerabiać 1 rząd na prawej stronie robótki, nabrać....... itd." Ale w jaki sposób "przerabiać"? Dziergając wzór ażurowy, czy ściegiem francuskim (czyli oczka prawe), czy tak, jak się ukazują oczka (czyli dżersejem). W następnym rzędzie (czyli lewa strona robótki) mam dziergać wzór ażurowy? To nie jest pomyłka? Pozdrawiam.

03.03.2022 - 08:36

DROPS Design answered:

Witaj Lirenko, oczka ramion przerabiasz na prawej stronie robótki ściegiem ażurowym jak wcześniej. Teraz przerabiać na lewej stronie robótki następująco: 3 oczka ściegiem francuskim, A.2, 39-39-41-43-45-47 oczek ściegiem francuskim, A.1, 3 oczka ściegiem francuskim. Dalej przerabiać tak samo, aż zostaną przerobione 2 ściągacze francuskie ponad 39-39-41-43-45-47 oczkami środkowymi. Pozdrawiamy!

03.03.2022 - 17:03

country flag Diane wrote:

Bonjour je suis encore en difficulté, pour le diagramme,A3A, on commence avec un jeté ou une maille endroit? Et, quand on est au A3B, faut-il faire 2 jetés de suite, 1 en finissant A3A et l’autre en commençant A3B? De plus, quand vous dites une maille jersey, est-ce une maille à l’endroit? Merci

23.03.2021 - 14:30

DROPS Design answered:

Bonjour Diane, au 1er rang de A.3A, on a: *1 jeté, glisser 1 m à l'end, 2 m ens à l'end, passer la m glissée par-dessus la m tricotée, 1 jeté, 3 m end* (= 6 mailles pour chaque A.3A), répétez de *-* et tricotez A.3B ainsi: 1 jeté, glisser 1 m à l'end, 2 m ens à l'end, passer la m glissée par-dessus la m tricotée, 1 jeté (= 3 m pour A.3B). 1 m jersey se tricote à l'endroit sur l'endroit (et à l'envers sur l'envers). Bon tricot!

23.03.2021 - 15:31

country flag Diane wrote:

Bonjour, j’ai besoin d’aide! Après avoir réuni l’épaule gauche et la droite, j’ai monté les 41 mailles, j’ai tricoté sur l’envers le diagramme A2 et A1, sur 4 rangs c.à d. 2 côtes mousse au-dessus des 47 mailles, donc j’ai fini sur l’endroit! Le patron indique de « tricoter ensuite le rang suivant sur l’endroit: 3 mailles au point mousse 1 maille jersey, A3 au-dessus des 66 mailles suivantes, sauf que je suis sur l’envers! Où fais-je erreur? Merci

21.03.2021 - 20:58

DROPS Design answered:

Bonjour Diane, tricotez encore 1 rang sur l'envers et tricotez ensuite le rang suivant avec A.3 comme indiqué. Bon tricot!

22.03.2021 - 09:37

country flag Dyane wrote:

Bonjour, j’ai besoin d’aide! Après avoir réuni l’épaule gauche et la droite, j’ai monté les 41 mailles, j’ai tricoté sur l’envers le diagramme A2 et A1, sur 4 rangs c.à d. 2 côtes mousse au-dessus des 47 mailles, donc j’ai fini sur l’endroit! Le patron indique de « tricoter ensuite le rang suivant sur l’endroit: 3 mailles au point mousse 1 maille jersey, A3 au-dessus des 66 mailles suivantes, sauf que je suis sur l’envers! Où fais-je erreur? Merci

21.03.2021 - 15:45

country flag Diane wrote:

Bonjour, après avoir monté 41 mailles et réuni l’épaule gauche, j’ai monté les 41 mailles), j’ai tricoté sur l’envers le diagramme A2 et A1, sur 4 rangs c.à d. 2 côtes mousse au-dessus des 47 mailles, donc j’ai fini sur l’endroit! Le patron indique de « tricoter ensuite le rang suivant sur l’endroit: 3 mailles au point mousse 1 maille jersey, A3 au-dessus des 66 mailles suivantes, sauf que je suis sur l’envers! Où fais-je erreur? Merci

20.03.2021 - 20:48

country flag Diane wrote:

Merci pour vos beaux patrons et vos bons conseils, dommage que les réponses ne puissent pas être traduites (en français), elles seraient vraiment utiles et me donneraient de la confiance pour entreprendre cet ouvrage! Bonne continuité!

14.03.2021 - 20:30

DROPS Design answered:

Bonjour Diane et merci. Lisez attentivement les explications, consultez les vidéos et les leçons si besoin, et, si vous avez une question, n'hésitez pas à utiliser cet espace. Bon tricot!

15.03.2021 - 09:17

country flag Tanja wrote:

Ich verstehe nicht, wie A3 genau über A2 und A1 passen soll, wenn ich nach den 3 krausen Maschen noch 2 glatt rechte Maschen stricken muss. Da hat das Muster doch automatisch einen Versatz? (Größe L)

16.08.2020 - 21:40

DROPS Design answered:

Liebe Tanja, schauen Sie mal die letzte Reihe die Sie mit A.2/A.1 gestrickt haben, wenn diese Reihe die 2. Reihe ist, dann beginnen Sie A.3 mit 3. Reihe (und dann, wenn A.3 fertig ist, von 1. bis 4. Reihe wiederholen) - wenn die letzte Reihe in A.1/A.2 die 4. Reihe war, dann stricken Sie A.3 von der 1. Reihe. Das Muster soll sich einfach übereinander passen. Viel Spaß beim stricken!

17.08.2020 - 09:05

country flag Annie wrote:

Hi. I am a bit confused with the joining of the shoulders. Do I work the last row of the shoulders on the wrong side and then cast on and join on the right side, or do i finish right side and then cast on and join on the wrong side? I ended up with a bit of mess and A2 working over A1 Thanks!

29.07.2020 - 12:59

DROPS Design answered:

Dear Annie, last row on left shoulder, back piece will be worked from WS. Work then right shoulder the same way (= last row from WS), then work next row from RS right shoulder, cast on new sts for neck, sts from left shoulder the work next row from WS as before with A.2 over A.2, the new sts in garter st, A.1 over A.1and 3 sts in garter st on each side; from RS work: 3 sts in garter st, A.1 as before, garter st, A.2 as before, 3 sts in garter st. Happy knitting!

29.07.2020 - 13:28