Ísland

DROPS Flora
65% Ull, 35% Alpakka
frá 704.00 kr /50g

Panta

Panta

Þú færð garn sem þarf í að gera þetta mynstur frá 3520.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

Miss Flora Cardigan

Prjónuð peysa með gatamynstri, laskalínu og ¾ ermum úr DROPS Flora. Stærð S - XXXL.

DROPS 186-23
DROPS Design: Mynstur fl-025
Garnflokkur A
-----------------------------------------------------------

Stærð: S - M - L - XL - XXL - XXXL

Efni:
DROPS FLORA frá Garnstudio (tilheyrir garnflokki A)
250-300-300-350-400-400 g litur 19, kórall

DROPS SOKKAPRJÓNAR OG HRINGPRJÓNAR (60 eða 80 cm) NR 3 – eða þá stærð sem þarf til að 24 lykkjur og 32 umferðir með sléttprjóni verði 10 cm á breidd og 10 cm á hæð.

DROPS HRINGPRJÓNN (60 eða 80 cm) NR 2,5 – fyrir kant í hálsmáli með garðaprjóni.

DROPS PERLUTALA, Bogalaga (hvít) NR 521: 8 st í allar stærðir.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

Meira svona:
Dömur Jakkapeysur & peysur gatamynstur hringlaga hálsmál laskalína neðan frá og upp

DROPS Flora
65% Ull, 35% Alpakka
frá 704.00 kr /50g

Panta

Prjónar & Heklunálar

Panta

Þú færð garn sem þarf í að gera þetta mynstur frá 3520.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

GARÐAPRJÓN (prjónað í hring):
*1 umferð slétt og 1 umferð brugðið*, endurtakið frá *-*.

KANTUR AÐ FRAMAN:
Hægri kantur að framan er prjónaður þannig (þ.e.a.s. fyrstu 8 lykkjur í umferð þegar prjónað er frá réttu): 2 lykkjur garðaprjón, 1 lykkja slétt, 2 lykkjur brugðið, 1 lykkja slétt, 2 lykkjur brugðið.
Vinstri kantur að framan er prjónaður þannig (þ.e.a.s. síðustu 8 lykkjur í umferð þegar prjónað er frá réttu): 2 lykkjur brugðið, 1 lykkja slétt, 2 lykkjur brugðið, 1 lykkja slétt, 2 lykkjur í garðaprjóni við miðju að framan.
Haldið áfram með kant að framan með garðaprjón yfir garðaprjón, sléttum lykkjum yfir sléttar lykkjur og brugðnum lykkjum yfir brugðnar lykkjur.

MYNSTUR:
Sjá mynsturteikningu A.1 til A.4. Veldu mynstur fyrir þína stærð (á við um A.1, A.2 og A.3). Mynsturteikning sýnir allar umferðir í mynstri séð frá réttu.

LEIÐBEININGAR:
Ef ekki er óskað eftir að hafa gatamynstur uppi meðfram miðju að aftan er prjónað sléttprjón yfir 32-34-38-32-34-38 lykkjur í A.2 við miðju að aftan.

LEIÐBEININGAR-1 (á við um hliðar á fram- og bakstykki):
Öll úrtaka er gerð frá réttu!
Byrjið 4 lykkjum á undan prjónamerki, prjónið 2 lykkjur slétt saman, 4 lykkjur slétt (prjónamerki er staðsett mitt á milli þessa 4 lykkja), takið 1 lykkju óprjónaða eins og prjóna eigi slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð (= 2 lykkjur færri).

ÚRTAKA-2 (jafnt yfir):
Til þess að reikna út hvernig fækka eigi jafnt í umferð, teljið fjölda lykkja í umferð (t.d. 146 lykkjur), deilið þessum lykkjufjölda með fjölda úrtöku sem á að gera (t.d. 136) = 10. Síðan eru taldar fjölda lykkja í umferð (t.d. 146 lykkjur), mínus kanta að framan (t.d. 16 lykkjur) og deilið þessum lykkjum sem eftir eru með fjölda úrtöku sem á að gera (t.d. 10) = 13.
Í þessu dæmi eru prjónaðar 12. og 13. hver lykkja slétt saman þegar fækkað er um 10 lykkjur.

ÚTAUKNING (á við um hliðar á fram- og bakstykki og mitt undir ermum):
Byrjið 3 lykkjum á undan prjónamerki, sláið 1 sinni uppá prjóninn, prjónið 6 lykkjur slétt (prjónamerki er staðsett mitt í þessum 6 lykkjum), sláið 1 sinni uppá prjóninn (= 2 lykkjur fleiri). Í næstu umferð eru uppslættirnir prjónaðir snúnir brugðið svo ekki myndist gat.

LASKALÍNA:
Fækkið lykkjum fyrir laskalínu hvoru megin við 4 prjónamerkin í hverri skiptingu á milli fram- og bakstykkis og erma (= 8 lykkjur færri í hverri úrtökuumferð). Öll úrtaka er gerð frá réttu!
Byrjið 3 lykkjum á undan prjónamerki, prjónið 2 lykkjur slétt saman, 2 lykkjur slétt (prjónamerki er staðsett mitt á milli þessa 2 lykkja), takið 1 lykkju óprjónaða eins og prjóna hana slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð (= 2 lykkjur færri).

HNAPPAGAT:
Fellið af fyrir hnappagötum frá réttu í hægri kanti að framan (séð þegar flíkin er mátuð).
1 hnappagat = prjónið fjórðu og fimmtu lykkju frá kanti brugðið saman og sláið 1 sinni uppá prjóninn. Í næstu umferð (ranga) er uppslátturinn prjónaður slétt svo að það myndist gat.
Fellið af fyrir hnappagötum þegar stykkið mælist:
S: 2, 9, 16, 22, 29, 36, 42 og 48 cm.
M: 2, 9, 16, 23, 30, 37, 44 og 50 cm.
L: 2, 9, 16, 23, 30, 37, 44 og 52 cm.
XL: 2, 9, 16, 24, 31, 38, 46 og 54 cm.
XXL: 2, 10, 18, 25, 33, 41, 48 og 56 cm.
XXXL: 2, 10, 18, 26, 34, 42, 50 og 58 cm.
ATH: Fellt er af fyrir síðasta af þessum 8 hnappagötum í fyrstu umferð frá réttu eftir að prjónaðar hafa verið upp lykkjur fyrir kant í hálsmáli eins og útskýrt er í uppskrift.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Fram- og bakstykki er prjónað fram og til baka á hringprjón frá miðju að framan, neðan frá og upp. Ermar eru prjónaðar í hring á sokkaprjóna/stuttan hringprjón, neðan frá og upp.
Síðan eru fram- og bakstykki og ermar sett saman og berustykkið er prjónað til loka fram og til baka á hringprjóna frá miðju að framan.

FRAM- OG BAKSTYKKI:
Fitjið aðeins laust upp 292-292-292-384-384-384 lykkjur (meðtaldar 8 kantlykkjur að framan í hvorri hlið við miðju að framan) á hringprjón 3 með Flora. Prjónið 4 umferðir GARÐAPRJÓN – sjá útskýringu að ofan. Prjónið 1 umferð slétt frá réttu og 1 umferð brugðið frá röngu með 2 kantlykkjur í garðaprjóni í hvorri hlið.
Næsta umferð er prjónuð frá réttu þannig: 8 lykkjur KANTUR AÐ FRAMAN – sjá útskýringu að ofan, prjónið A.1 þar til 8 lykkjur eru eftir á prjóni (= 12-12-12-16-16-16 mynstureiningar með 23 lykkjum) og endið með 8 lykkjur KANTUR AÐ FRAMAN. Haldið svona áfram með mynstur. ATHUGIÐ PRJÓNFESTUNA og munið eftir HNAPPAGAT í hægri kanti að framan – sjá útskýringu að ofan.
Þegar A.1 hefur verið prjónað til loka eru 208-220-244-272-288-320 lykkjur í umferð. Setjið 1 prjónamerki 56-59-65-72-76-84 lykkjur inn frá hvorri hlið (= 96-102-114-128-136-152 lykkjur á milli prjónamerkja á bakstykki).
Næsta umferð er prjónuð frá réttu þannig: Prjónið 8 lykkjur í kanti að framan eins og áður, A.2 (= 32-34-38-32-34-38 lykkjur), 48-51-57-80-85-95 lykkjur sléttprjón, A.2 (= 32-34-38-32-34-38 lykkjur við miðju að aftan – lesið LEIÐBEININGAR), 48-51-57-80-85-95 lykkjur sléttprjón, A.2 (= 32-34-38-32-34-38 lykkjur) og endið með 8 lykkjur í kanti að framan eins og áður. Haldið svona áfram með mynstur.
JAFNFRAMT þegar stykkið mælist 12 cm þar sem stykkið er styst, fellið af 1 lykkju hvoru megin við bæði prjónamerkin – lesið ÚRTAKA (= 4 lykkjur færri). Fækkið lykkjum svona með 2-2-4-4-4-4 cm millibili alls 3-3-2-2-2-2 sinnum í hvorri hlið = 196-208-236-264-280-312 lykkjur.
Þegar stykkið mælist 22-20-20-22-20-20 cm er aukið út um 1 lykkju hvoru megin við bæði prjónamerkin – lesið ÚTAUKNING (= 4 lykkjur fleiri). Aukið svona út með 2 cm millibili alls 5-6-6-5-6-6 sinnum í hvorri hlið = 216-232-260-284-304-336 lykkjur.
Prjónið síðan áfram þar til stykkið mælist 32 cm þar sem stykkið er styst í öllum stærðum.
Næsta umferð er prjónuð frá röngu þannig: Prjónið 53-57-63-69-73-80 lykkjur eins og áður (= framstykki), fellið af 10-10-12-12-14-16 lykkjur eins og áður, prjónið 90-98-110-122-130-144 lykkjur eins og áður (= bakstykki), fellið af 10-10-12-12-14-16 lykkjur fyrir handveg og prjónið þær 53-57-63-69-73-80 lykkjur sem eftir eru eins og áður (= framstykki). Geymið stykkið og prjónið ermar.

ERMI:
Fitjið upp 87-87-87-95-95-95 lykkjur á sokkaprjón eða stuttan hringprjón 3 með Flora. Prjónið 4 umferðir GARÐAPRJÓN hringinn – sjá útskýringu að ofan. Setjið 1 prjónamerki í byrjun á umferð (= mitt undir ermi).
Næsta umferð er prjónuð þannig: * 1 lykkja slétt, 3 lykkjur brugðið *, prjónið frá *-* alls 8-8-8-9-9-9 sinnum, prjónið A.3 (= 23 lykkjur), * 3 lykkjur brugðið, 1 lykkja slétt *, prjónið frá *-* alls 8-8-8-9-9-9 sinnum. Haldið svona áfram með stroff og mynstur.
Þegar stykkið mælist 2 cm þar sem það er styst er fækkað um allar 3 lykkjur brugðið í stroffi til 2 lykkjur brugðið með því að prjóna 2 lykkjur brugðið saman í hverri brugðinni einingu = 71-71-71-77-77-77 lykkjur. Þegar A.3 hefur verið prjónað til loka eru 65-65-65-73-73-73 lykkjur í umferð. Prjónið síðan sléttprjón hringinn, en handlið áfram með A.4 mitt yfir A.3 til loka.
JAFNFRAMT þegar stykkið mælist 8 cm þar sem það er styst er aukið út um 2 lykkjur mitt undir ermi – lesið ÚTAUKNING. Aukið svona út alls 6-10-14-13-15-18 sinnum í S: Í 18. hverri umferð, í M: Í 9. hverri umferð, í L og XL: Í 6. hverri umferð, í XXL: Í 5. hverri umferð og í XXXL: Til skiptis í 3. og 4. hverri umferð = 77-85-93-99-103-109 lykkjur.
Þegar ermin mælist 38-37-35-33-32-30 cm (styttra mál í stærri stærðum vegna lengra berustykkis) fellið af 10-10-12-12-14-16 lykkjur mitt undir ermi (fellið af 5-5-6-6-7-8 lykkjur hvoru megin við prjónamerkin) = 67-75-81-87-89-93 lykkjur eftir á prjóni. Geymið stykkið og prjónið hina ermina á sama hátt.

BERUSTYKKI:
Setjið ermar á sama prjón og fram- og bakstykki þar sem lykkjur voru felldar af fyrir handveg (þetta er gert án þess að prjóna lykkjurnar) = 330-362-398-434-454-490 lykkjur í umferð. Takið öll fyrri prjónamerki úr stykkinu. Setjið 1 prjónamerki í hverja skiptingu á milli fram- og bakstykkis og kanta á ermum (= 4 ný prjónamerki).
Byrjið frá réttu, haldið áfram fram og til baka í sléttprjóni og A.2 eins og áður og með 8 lykkjur í kanti að framan í hvorri hlið eins og áður. Að auki er haldið áfram með A.4 yfir 3 miðjulykkjur í hvorri ermi.
Þegar prjónaðar hafa verið 2 umferðir fram og til baka yfir allar lykkjur byrjar úrtaka fyrir LASKALÍNA í næstu umferð frá réttu – sjá útskýringu að ofan.
Fækkið lykkjum fyrir laskalínu í 4. hverri umferð (þ.e.a.s. í annarri hverri umferð frá réttu) alls 6-5-4-4-6-7 sinnum og síðan í annarri hverri umferð (þ.e.a.s. í hverri umferð frá réttu) alls 17-22-27-30-30-31 sinnum.
JAFNFRAMT þegar stykkið mælist 48-50-52-54-56-58 cm setjið ystu 21-21-23-26-28-33 lykkjur í hvorri hlið við miðju að framan á þráð fyrir hálsmáli, þ.e.a.s. þetta er gert í byrjun á 2 næstu umferðum, en til að sleppa við að klippa frá eru lykkjurnar prjónaðar áður en þær eru settar á þráðinn.
Haldið áfram fram og til baka eins og áður og fellið af fyrir hálsmáli í byrjun á hverri umferð í hvorri hlið þannig: Fellið af 3 lykkjur 1 sinni og 2 lykkjur 1 sinni. Síðan er felld af 1 lykkja í byrjun á hverri umferð í hvorri hlið þar til úrtaka fyrir laskalínu er lokið. Eftir alla úrtöku/affellingu fyrir laskalínu og hálsmáls eru ca 92-92-92-98-98-108 lykkjur eftir í umferð.

KANTUR Í HÁLSMÁLI:
Prjónið upp frá réttu ca 146-146-150-162-166-186 lykkjur í kringum hálsmál (meðtaldar lykkjur á þræði að framan) á hringprjón 2,5.
Prjónið 1 umferð slétt frá röngu. Prjónið síðan 1 umferð slétt frá réttu þar sem lykkjum er fækkað jafnt yfir til 136-136-140-150-154-160 lykkjur, þ.e.a.s. fækkað er um ca 10-10-10-12-12-26 lykkjur jafnt yfir – lesið ÚRTAKA/ÚTAUKNING og munið eftir að fella af fyrir síðasta hnappagatinu í þessari umferð.
Prjónið 1 umferð slétt frá röngu, 1 umferð slétt frá réttu og 1 umferð slétt frá röngu. Fellið af með sléttum lykkjum frá réttu. Peysan mælist ca 54-56-58-60-62-64 cm frá öxl og niður.

FRÁGANGUR:
Saumið saman op undir ermum. Saumið tölur í vinstri kant að framan.

Mynstur

	= slétt frá réttu, brugðið frá réttu
	= brugðið frá réttu, slétt frá röngu
	= á milli 2 lykkja er slegið 2 sinnum uppá prjóninn, í næstu umferð er annar uppslátturinn prjónaður brugðið, hinn er látinn falla niður
	= 2 lykkjur brugðið saman
	= 2 lykkjur slétt saman
	= lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð
	= lyftið 2 lykkjum af prjóni eins og prjóna eigi slétt saman, prjónið 1 lykkju slétt, steypið lyftu lykkjunni yfir lykkjuna sem var prjónuð
	= lyftið 1 lykkju af prjóni eins og prjóna eigi slétt, prjónið 2 lykkjur slétt saman, steypið lyftu lykkjunni yfir lykkjuna sem var prjónuð
	= prjónið 3 lykkjur slétt saman
	= Hnútur: prjónið þessar 4 lykkjur án þess að sleppa þeim af vinstri prjóni þannig: 4 lykkjur brugðið saman, 4 lykkjur slétt saman, 4 lykkjur brugðið saman, 4 lykkjur slétt saman, sleppið síðan lykkjunum af vinstri prjóni
	= Hnútur: prjónið þessar 3 lykkjur án þess að sleppa þeim af vinstri prjóni þannig: 3 lykkjur brugðið saman, 3 lykkjur slétt saman, 3 lykkjur brugðið saman, 3 lykkjur slétt saman, sleppið síðan lykkjunum af vinstri prjóni

© 1982-2024 DROPS Design A/S Öll réttindi áskilin. Þetta skjal ásamt öllum undirskjölum eru með höfundarétti.
Hvað máttu gera með mynstrin okkar? Þú mátt deila DROPS mynstrum á netinu, nota upprunalegu myndina af mynstrinu, efni, nafn og númer. En þér er EKKI HEIMILT að endurgera allt mynstrið stafrænt á nokkurn hátt.
Garnverslanir hafa heimild til að nota DROPS mynsturgagnagrunninn til þess að auka sölu á sínu garni. Prentaðu út hvaða mynstur sem þú vilt, eins mörg eintök og þú vilt. Einu kröfurnar sem við gerum er að ekki verði gerðar neinar breytingar eða viðaukar á upprunalega skjalinu sem prentað er út. Samkvæmt grunngildum DROPS eiga mynstrin að standa viðskiptavinum til boða endurgjaldlaust.
Útgefendur sem vilja birta mynstrin okkar í prentuðum bókum eða í tímaritum geta haft samband við okkur til frekari upplýsinga. Sala á flíkum/vörum gerðar eftir DROPS mynstrum er leyfileg svo lengi sem salan einskorðast við einn hlut eða eftir pöntun, önnur almenn sala en þessi er ekki leyfileg. Skýrt skal tekið fram að flíkin/varan sé framleidd eftir hönnun frá DROPS DESIGN. Skilmálar til að fá að nota merkingu á fatnaði/vörum þar sem hönnun DROPS DESIGN hefur verið notuð er að textinn á að vera "A DROPS DESIGN made by…". Notkun DROPS mynda til markaðssetningar/sölu er aðeins leyfð þegar einungis DROPS garn hefur verið notað. Ekki má klippa myndirnar eða breyta þeim og vörumerkið á að sjást mjög greinilega.
Við áskiljum okkur allan rétt til þess draga þetta leyfi til baka hvenær sem er, án þess að tilgreina ástæðu.

Hvert mynstur okkar hefur sérstök kennslumyndbönd til að hjálpa þér.

Þessi skref - fyrir - skref kennslumyndbönd gætu aðstoðað þig:

Ertu með spurningu? Sjá lista yfir algengar spurningar (FAQ)

Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Hvaða stærð á ég að prjóna?

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Af hverju hnökrar flíkin mín?

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Athugasemdir / Spurningar (33)

Karin Pedersen wrote:

Hvad gøres når der står når arb måler 2 cm på det korteste? Hvor måles fra og hvad er det korteste? Dbh Karin

03.03.2024 - 14:59

DROPS Design answered:

Hej Karin, du ser at arbejdet er lidt kortere imellem hulmønsteret, det er her du måler :)

05.03.2024 - 15:01

Patty Walk wrote:

Is this pattern written in English?

29.10.2023 - 08:35

Marisol Ramírez wrote:

Puede enviar un video explicativo de Punto Nudo, por favor. Muchas Gracias

14.05.2022 - 22:13

Hola Marisol, aquí tienes un vídeo sobre como trabajar un nudo sobre 4 puntos: https://www.garnstudio.com/video.php?id=1328&lang=es y sobre 3 puntos: https://www.garnstudio.com/video.php?id=1327&lang=es

15.05.2022 - 23:50

SYLVIE GRAND-CHIPOT wrote:

Bonjour, Il est dommage que lorsqu’on attaque l’encolure, à partir des mailles qu’on met en attente pour le devant à partir de 48 cm, les explications de diminution ne soient pas plus détaillées. Il faut penser aux tricoteuses moins expérimentées. C’est le seul reproche que je ferai sur ce modèle.

16.03.2022 - 10:02

Juliette wrote:

Le gilet mesure 77 cm en bas en taille XL ? Cela me paraît anormalement large. N'y a-t-il pas une erreur de côte ?

23.01.2022 - 00:11

Bonjour Juliette, cette mesure a été calculée sur la base de l'échantillon jersey, mais en raison du motif A.1, la base du gilet sera effectivement un peu plus étroite. Bon tricot!

24.01.2022 - 10:41

GRAND-CHIPOT Sylvie wrote:

Modèle fl-025. Bonjour, Je ne comprends pas comment on doit tricoter (diagramme A2 taille M) le noeud de 4 mailles. J’ai beau essayer de relire votre explication du diagramme mais je ne percupe pas. Pouvez-vous me détaillé l’explication. Je vous remercie beaucoup.

08.11.2021 - 14:26

Bonjour Mme Grand-Chipot, pour faire un noeud, vous allez tricoter 4 fois 4 mailles ensemble, sans lâcher ces 4 mailles de l'aiguille gauche tricotez les 1 fois ensemble à l'envers, 1 fois ensemble à l'endroit, 1 fois ensemble à l'envers et encore 1 fois ensemble à l'endroit = vous avez de nouveau 4 mailles sur l'aiguille droite, lâchez les 4 m de l'aiguille gauche. Cette vidéo montre ce même noeud sur 3 mailles (procédez de la même façon mais avec 4 mailles et 4 fois pour qu'il y ait toujours bien 4 mailles. Bon tricot!

08.11.2021 - 15:13

Rosa Klotz wrote:

Liebes Team! Bei Diagrammbeschreibung kann ich für A4 nicht erkennen wie das gemacht wird. Umschlag und zusammenstricken? Das ist für mich nicht erkennbar nicht erkennbar...Vielen Dank

25.03.2021 - 09:48

Siehe Antwort unten :)

25.03.2021 - 11:18

Liebes Team! Ich kann beim Diagramm die Beschreibung von A 4 nicht finden. Auf dem Bild schauts wie ein Lochmuster mit Umschlag aus aber bei dem Diagramm seh ich nicht wies gemacht wird. Danke

25.03.2021 - 09:42

Liebe Frau Klotz, A.4 befindet sich links von A.1 in L+XXXL; bei der 1. (sowie 3. und 5.) Reihe stricken Sie: 1 Umschlag, 1 Masche wie zum Rechtsstricken abheben, 2 Maschen rechts zusammenstricken, die abgehobene Masche über die zusammengestrickten ziehen (2 Abnahmen), 1 Umschlag. Kann das Ihnen helfen? Viel Spaß beim stricken!

Sanna wrote:

När man stickat 32cm på fram-och bakstycket och ska maska av för ärmhål 12 maskor, får jag inte det att stämma. Är ärmhålsmaskorna inräknade i bakstyckets 110 maskor? Om jag räknar in dessa, så kan jag sticka 63maskor framstycke, 12 avmaskade +bakstyckes maskor(110 minus24)+12 avmaskade, 63 maskor framstycke. Har jag gjort fel någonstans ? 63+12+110+12+63 blir fler maskor än vad jag har efter 32 cm.

01.03.2021 - 13:45

Hej Sanna. Nej ärmhålsmaskorna är inte inräknade i de 110 m till bakstycket. Innan du börjar med avmaskning för ärmhål ska du ha 260 m. 63+12+110+12+63=260 m. Mvh DROPS Design

11.03.2021 - 07:25

Cuál es el centro bajo de la manga

20.09.2020 - 19:38

Hola Marisol. El centro bajo la manga es inicio de la vuelta donde está colocado el marcapuntos. Los aumentos para la manga se trabajan a cada lado del marcapuntos (es decir, en el centro bajo la manga).

27.09.2020 - 19:38