DROPS / 186 / 15

Miss Flora Top by DROPS Design

Prjónaður toppur með gatamynstri, laskalínu og stuttum ermum. Stærð S - XXXL. Stykkið er prjónað úr DROPS Flora.

DROPS Design: Mynstur fl-028
Garnflokkur A
-----------------------------------------------------------
Stærð: S - M - L - XL - XXL - XXXL
Efni:
DROPS FLORA frá Garnstudio (tilheyrir garnflokki A)
200-200-250-250-300-300 g litur 19, kórall

Einnig er hægt að prjóna stykkið með garni frá: "Garnmöguleiki (Garnflokkur A)" – sjá tengil að neðan.

DROPS SOKKAPRJÓNAR OG HRINGPRJÓNAR (40 + 60 eða 80 cm) NR 3 – eða þá stærð sem þarf til að 24 lykkjur og 32 umferðir með sléttprjóni verði 10 cm á breidd og 10 cm á hæð.

DROPS SOKKAPRJÓNAR OG HRINGPRJÓNAR (40 cm) NR 2,5 – fyrir kant með garðaprjóni.
----------------------------------------------------------

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!

Ertu ekki viss hvaða stærð þú þarft? Þá hjálpar það kannski að fyrirsætan á myndinni er ca 170 cm á hæð og notar stærð S eða M. Ef þú gerir peysu, jakkapeysu, kjól eða álíka þá getur þú fundið teikningu með máli neðst í mynstri.
Athugasemdir (3)

65% Ull, 35% Alpakka
frá 550.00 kr /50g
DROPS Flora uni colour DROPS Flora uni colour 550.00 kr /50g
Gallery Spuni
Panta
DROPS Flora mix DROPS Flora mix 572.00 kr /50g
Gallery Spuni
Panta
Prjónar & Heklunálar
Þú færð garn sem þarf í að gera þetta mynstur frá 2200kr. Sjá hér.

Leiðbeiningar um mynstur

UPPLÝSINGAR FYRIR MYNSTUR:

GARÐAPRJÓN (prjónað í hring):
*1 umferð slétt og 1 umferð brugðin*, endurtakið frá *-*.

MYNSTUR:
Sjá mynsturteikningu A.1 til A.3. Veldu mynstur fyrir þína stærð (á við um A.1 og A.2). Mynsturteikning sýnir allar umferðir í mynstri séð frá réttu.

LEIÐBEININGAR:
Ef ekki er óskað eftir að hafa gatamynstur uppi meðfram miðju að aftan er prjónað sléttprjón yfir 32-34-38-32-34-38 lykkjur í A.2 við miðju að aftan.

LEIÐBEININGAR-1 (á við um hliðar á fram- og bakstykki):
Byrjið 4 lykkjum á undan prjónamerki, prjónið 2 lykkjur slétt saman, 4 lykkjur slétt (prjónamerki er staðsett mitt á milli þessa 4 lykkja), takið 1 lykkju óprjónaða eins og prjóna eigi hana slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð (= 2 lykkjur færri).

ÚRTAKA-2 (jafnt yfir):
Til þess að reikna út hvernig fækka eigi jafnt í umferð, teljið fjölda lykkja í umferð (t.d. 128 lykkjur), deilið þessum lykkjufjölda með fjölda úrtöku sem á að gera (t.d. 8) = 16.
Í þessu dæmi þá eru prjónaðar 15. og 16. hver lykkja slétt saman.

ÚTAUKNING (á við um hliðar á fram- og bakstykki):
Byrjið 3 lykkjum á undan prjónamerki, sláið 1 sinni uppá prjóninn, prjónið 6 lykkjur slétt (prjónamerki er staðsett mitt í þessum 6 lykkjum), sláið 1 sinni uppá prjóninn (= 2 lykkjur fleiri). Í næstu umferð eru uppslættirnir prjónaðir snúnir brugðnir svo að ekki myndast göt.

LASKALÍNA:
Fækkið lykkjum fyrir laskalínu hvoru megin við 4 prjónamerkin í hverri skiptingu á milli fram- og bakstykkis og erma (= 8 lykkjur færri í hverri úrtökuumferð). Öll úrtaka er gerð frá réttu!
Byrjið 3 lykkjum á undan prjónamerki, prjónið 2 lykkjur slétt saman, 2 lykkjur slétt (prjónamerki er staðsett mitt á milli þessa 2 lykkja), takið 1 lykkju óprjónaða eins og prjóna eigi hana slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð (= 2 lykkjur færri).
----------------------------------------------------------

TOPPUR:
Fram- og bakstykki er prjónað í hring á sokkaprjóna, neðan frá og upp. Kantur á ermum er prjónaður í hring á sokkaprjóna/stuttan hringprjón, neðan frá og upp. Síðan er fram- og bakstykki og kantur á ermum sett saman og berustykkið er prjónað í hring á hringprjón upp að úrtöku fyrir hálsmáli. Síðan er stykkið prjónað fram og til baka á hringprjón upp að kanti í hálsi.

FRAM- OG BAKSTYKKI:
Fitjið aðeins laust upp 276-276-276-368-368-368 lykkjur á hringprjón 3 með Flora. Prjónið 4 umferðir GARÐAPRJÓN – sjá útskýringu að ofan. Prjónið 2 umferðir slétt. Prjónið síðan A.1 hringinn (= 12-12-12-16-16-16 mynstureiningar með 23 lykkjum). Haldið svona áfram með mynstur. ATHUGIÐ PRJÓNFESTUNA!
Þegar A.1 hefur verið prjónað til loka á hæðina eru 192-204-228-256-272-304 lykkjur í umferð. Setjið 1 prjónamerki í byrjun á umferð og 1 prjónamerki eftir 96-102-114-128-136-152 lykkjur (= í hliðum – látið prjónamerkin fylgja með í stykkinu).
Næsta umferð er prjónuð þannig: Prjónið 32-34-38-48-51-57 lykkjur með sléttprjóni, A.2 (= 32-34-38-32-34-38 lykkjur við miðju að framan), 64-68-76-96-102-114 lykkjur sléttprjón, A.2 (= 32-34-38-32-34-38 lykkjur við miðju að aftan – lesið LEIÐBEININGAR) og endið með 32-34-38-48-51-57 lykkjur sléttprjón. Haldið svona áfram með mynstur.
JAFNFRAMT þegar stykkið mælist 12 cm þar sem það er styst, fækkið um 1 lykkju hvoru megin við bæði prjónamerkin – lesið ÚRTAKA-1 (= 4 lykkjur færri). Fækkið lykkjum svona með 2-2-4-4-4-4 cm millibili alls 3-3-2-2-2-2 sinnum á hvorri hlið = 180-192-220-248-264-296 lykkjur.
Þegar stykkið mælist 22-20-20-22-20-20 cm er aukið út um 1 lykkju hvoru megin við bæði prjónamerkin – lesið ÚTAUKNING (= 4 lykkjur fleiri). Aukið svona út með 2 cm millibili alls 5-6-6-5-6-6 sinnum á hvorri hlið = 200-216-244-268-288-320 lykkjur.
Prjónið síðan áfram þar til stykkið mælist 32 cm þar sem það er styst í öllum stærðum.
Næsta umferð er prjónuð þannig: Fellið af 5-5-6-6-7-8 lykkjur fyrir handveg, prjónið 90-98-110-122-130-144 lykkjur eins og áður (= framstykki), fellið af 10-10-12-12-14-16 lykkjur fyrir handveg, prjónið 90-98-110-122-130-144 lykkjur eins og áður (= bakstykki) og fellið af síðustu 5-5-6-6-7-8 lykkjurnar fyrir handveg. Geymið stykkið og prjónið kanta á ermum.

KANTAR Á ERMUM:
Fitjið upp 67-75-83-89-93-99 lykkjur á sokkaprjón 2,5 með Flora. Prjónið 4 umferðir GARÐAPRJÓN hringinn – sjá útskýringu að ofan. Skiptið yfir á sokkaprjón 3 og prjónið 1 umferð slétt þar sem aukið er út um 10 lykkjur jafnt yfir – lesið ÚTAUKNING/ÚRTAKA = 77-85-93-99-103-109 lykkjur. Næsta umferð er prjónuð þannig: Prjónið 37-41-45-48-50-53 lykkjur slétt (uppslátturinn er prjónaður snúinn slétt svo að ekki myndist gat), A.3 (= 3 lykkjur), 37-41-45-48-50-53 lykkjur slétt.
Næsta umferð er prjónuð þannig: Fellið af 5-5-6-6-7-8 lykkjur, prjónið 67-75-81-87-89-93 lykkjur slétt og fellið af þær 5-5-6-6-7-8 lykkjur sem eftir eru. Klippið frá. Geymið stykkið og prjónið hinn kant á ermi alveg eins.

BERUSTYKKI:
Setjið inn kanta á ermum á sama hringprjón og fram- og bakstykki þar sem lykkjur voru felldar af fyrir handveg (þetta er gert án þess að prjóna lykkjurnar) = 314-346-382-418-438-474 lykkjur í umferð. Takið frá öll fyrri prjónamerki í stykkinu. Setjið 1 prjónamerki í hverja skiptingu á milli fram- og bakstykkis og kanta á ermum (= 4 ný prjónamerki).
Haldið áfram hringinn með sléttprjóni og A.2 eins og áður, að auki er haldið áfram með A.3 yfir miðju 3 lykkjurnar á hvorri ermi.
Þegar prjónaðar hafa verið 2 umferðir byrjar úrtaka fyrir LASKALÍNA í næstu umferð – sjá útskýringu að ofan.
Fækkið lykkjum fyrir laskalínu í 4. hverri umferð alls 6-5-4-4-6-7 sinnum og síðan í annarri hverri umferð alls 17-22-27-30-30-31 sinnum.
JAFNFRAMT þegar stykkið mælist 48-50-52-54-56-58 cm setjið miðju 26-26-30-36-40-50 lykkjurnar við miðju að framan á 1 band fyrir hálsmáli.
Haldið áfram fram og til baka eins og áður með úrtöku fyrir laskalínu í hverri umferð frá réttu. Að aukið er fellt af fyrir hálsmáli í byrjun á hverri umferð á hvorri hlið þannig: Fellið af 3 lykkjur 1 sinni og 2 lykkjur 1 sinni. Fellið síðan af 1 lykkju í byrjun á hverri umferð á hvorri hlið þar til laskaúrtöku er lokið.
Eftir allar úrtökur fyrir laskalínu og hálsmáls eru ca 90-90-90-96-96-106 lykkjur eftir á prjóni.

KANTUR Í HÁLSI:
Prjónið upp frá réttu ca 128-128-132-144-148-168 lykkjur í kringum háls (meðtaldar lykkjur á bandi að framan) á hringprjón 2,5.
Prjónið 1 umferð brugðna. Prjónið síðan 1 umferð slétt þar sem lykkjum er fækkað jafnt yfir til 120-120-124-134-138-144 lykkjur – lesið ÚRTAKA-2.
Prjónið 1 umferð brugðna, 1 umferð slétt og 1 umferð brugðna. Fellið af með sléttum lykkjum. Toppurinn mælist ca 54-56-58-60-62-64 cm frá öxl og niður.

FRÁGANGUR:
Saumið saman op undir ermum.

Mynstur

= slétt frá réttu, brugðið frá röngu
= brugðið
= á milli 2 lykkja er slegið 2 sinnum uppá prjóninn, í næstu umferð er annar uppslátturinn prjónaður brugðinn, hinn er látinn falla niður
= 2 lykkjur brugðnar saman
= 2 lykkjur slétt saman
= takið 1 lykkju óprjónaða eins og prjóna eigi hana slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð
= takið 2 lykkjur óprjónaðar eins og prjóna eigi þær slétt saman, prjónið 1 lykkju slétt, steypið tveimur óprjónuðu lykkjunum yfir lykkjuna sem var prjónuð
= takið 1 lykkju óprjónaða eins og prjóna eigi hana slétt, prjónið 2 lykkjur slétt saman, steypið óprjónuðu lykkjunni yfir lykkjurnar sem prjónaðar voru saman
= prjónið 3 lykkjur slétt saman
= Hnútur: prjónið þessar 4 lykkjur án þess að sleppa þeim af vinstri prjóni þannig: 4 lykkjur brugðnar saman, 4 lykkjur slétt saman, 4 lykkjur brugðnar saman, 4 lykkjur slétt saman, sleppið síðan lykkjunum af vinstri prjóni
= Hnútur: prjónið þessar 3 lykkjur án þess að sleppa þeim af vinstri prjóni þannig: 3 lykkjur brugðnar saman, 3 lykkjur slétt saman, 3 lykkjur brugðnar saman, 3 lykkjur slétt saman, sleppið síðan lykkjunum af vinstri prjóni




Käthe Christians 16.09.2018 - 10:25:

Hallo, was bedeutet im Garnumrechner die Bezeichnung "1 Faden"? K. Christians

DROPS Design 17.09.2018 kl. 09:06:

Liebe Frau Christians, wenn Sie ein anderes Garn benutzen möchten, können Sie je nach der Modellen/Anleitung/gestricktem Garn mit mehr als 1 Faden ersetzen (= z.B 2 Fäden Garngruppe A = 1 Faden Garngruppe C - siehe Garnalternativen). Hier wird nur mit 1 Faden Garngruppe A gestrickt. Viel Spaß beim stricken!

Käthe Christians 10.09.2018 - 16:43:

Ich habe den Pullover in Gr. L nach Anleitung gestrickt. Sie war gut zu lesen und der Pullover passte genau. Die Wolle ist super zu verarbeiten.

Daisie 19.08.2018 - 14:46:

This model is beautiful but please include photos of regular sized models please. It is very difficult to "imagine" what the garment would look like on an average/small body. Thank you kindly.

Skrifaðu athugasemd um DROPS 186-15

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.