DROPS Karisma
DROPS Karisma
100% Ull
frá 616.00 kr /50g
Þú færð garn sem þarf í að gera þetta mynstur frá 10472.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

Telegram Jacket

Prjónuð peysa með marglitu mynstri og laskalínu úr DROPS Karisma. Stærð S - XXXL.

DROPS 184-22
DROPS Design: Mynstur u-818
Garnflokkur B
-----------------------------------------------------------

Stærð: S - M - L - XL - XXL - XXXL

Efni:
DROPS KARISMA frá Garnstudio (tilheyrir garnflokki B)
600-700-750-800-900-1000 g litur 01, natur
250-300-350-350-400-450 g litur 05, svartur

DROPS SOKKAPRJÓNAR OG HRINGPRJÓNAR (60 eða 80 cm) NR 4 – eða þá stærð sem þarf til að 21 lykkja og 28 umferðir með sléttprjóni verði 10 cm á breidd og 10 cm á hæð.

DROPS SOKKAPRJÓNAR OG HRINGPRJÓNAR (60 eða 80 cm) NR 3 – eða þá stærð sem þarf til að 23 lykkjur og 32 umferðir með sléttprjóni verði 10 cm á breidd og 10 cm á hæð.

DROPS STÁLTALA NR 534: 8-8-8-9-9-9 st.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Karisma
DROPS Karisma
100% Ull
frá 616.00 kr /50g
Þú færð garn sem þarf í að gera þetta mynstur frá 10472.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

MYNSTUR:
Sjá mynsturteikningu A.1 til A.6. Allt mynstrið er prjónað í sléttprjóni. Veljið mynsturteikningu fyrir rétta stærð.

LEIÐBEININGAR-1:
Til að koma í veg fyrir að prjónfestan verði of stíf þegar mynstrið er prjónað er mikilvægt að herða ekki á þráðum á bakhlið á stykkinu. Skiptið e.t.v. yfir á grófari prjóna þegar mynstrið er prjónað ef það herpist saman.

LEIÐBEININGAR-2 (á við um berustykki á peysu):
Ef prjónfestan passar ekki á hæðina og það verða fleiri umferðir á hæðina á 10 cm en sem gefið er upp í uppskrift, þá verður berustykkið allt of stutt og handvegur of lítill. Þetta er hægt að laga með því að prjóna 1 auka umferð í sléttprjóni með jöfnu millibili á berustykki.

ÚRTAKA:
Til þess að reikna út hvernig fækka eigi jafnt í umferð, teljið fjölda lykkja í umferð (t.d. 272 lykkjur), deilið þessum lykkjufjölda með fjölda úrtöku sem á að gera (t.d. 44) = 6,1. Í þessu dæmi þá eru prjónaðar ca 5. og 6. hver lykkja saman.

ÚTAUKNING:
Prjónið þar til 2 lykkjur eru eftir á undan prjónamerki, sláið 1 sinni uppá prjóninn (= 1 lykkja fleiri), prjónið 4 lykkjur slétt (prjónamerki er staðsett mitt á milli þessa lykkja), sláið 1 sinni uppá prjóninn (= 1 lykkja fleiri). Í næstu umferð er uppslátturinn prjónaður snúinn. Það á ekki að myndast gat.

LASKALÍNA:
Öll úrtaka er gerð frá réttu!
Lykkjum er fækkað fyrir laskalínu hvoru megin við hvert A.6 þannig:
Fækkið um 1 lykkju eftir A.6 þannig: Takið 1 lykkju óprjónaða í A.6, prjónið 1 lykkju slétt, steypið óprjónuðu lykkjunni yfir (= 1 lykkja færri).
Fækkið um 1 lykkju á undan A.6 þannig: Prjónið þar til 1 lykkja er eftir á undan A.6, prjónið næstu 2 lykkjurnar slétt saman (= 1 lykkja færri). Þ.e.a.s. fækkað er um 2 lykkjur við hvert A.6 og allt 8 lykkjur í umferð.

HNAPPAGAT (á við um hægri kant að framan):
Fellið af fyrir hnappagötum í hægri kant að framan.
Þegar kantur að framan mælist ca 1,5 cm er fellt af fyrir 8-8-8-9-9-9 hnappagötum jafnt yfir (fellt er af fyrir hnappagötum í brugðnu einingunum séð frá réttu). 1 hnappagat = prjónið 2 lykkjur brugðið saman og sláið 1 sinni uppá prjóninn – efsta hnappagatið á að vera ca 2 cm frá toppi, hin hnappagötin eiga að vera með ca 7-8 cm millibili.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Stykkið er prjónað fram og til baka á hringprjón, frá miðju að framan. Ermar eru prjónaðar í hring á sokkaprjóna, skipt er yfir á stuttan hringprjón eftir þörf. Stykkin eru sett saman og berustykki er prjónað fram og til baka. Kantur að framan er prjónaður fram og til baka í lokin.

FRAM- OG BAKSTYKKI:
Fitjið upp 276-288-320-332-372-388 lykkjur (meðtalin 1 kantlykkja í hvorri hlið á stykki) á hringprjón 3 með litnum svartur Karisma.
Prjónið þannig: Prjónið 1 kantlykkju með GARÐAPRJÓN – sjá útskýringu að ofan, prjónið stroff (= 2 lykkjur slétt, 2 lykkjur brugðið), þar til 3 lykkjur eru eftir, endið með 2 lykkjur slétt og 1 kantlykkju í garðaprjóni. Þegar stykkið mælist 5 cm, skiptið yfir á hringprjón 4 og prjónið 1 umferð slétt frá réttu þar sem fækkað er um 39-45-53-47-57-55 lykkjur jafnt yfir – lesið ÚRTAKA = 237-243-267-285-315-333 lykkjur.
Prjónið 1 umferð þannig: Prjónið 1 kantlykkju í garðaprjóni, 60-60-66-72-78-84 lykkjur í sléttprjóni (= framstykki), setjið 1 prjónamerki í næstu lykkju, prjónið lykkjuna í sléttprjóni, prjónið 113-119-131-137-155-161 lykkjur í sléttprjóni (= bakstykki), setjið 1 prjónamerki í næstu lykkju, prjónið lykkjuna í sléttprjóni, prjónið 60-60-66-72-78-84 lykkjur í sléttprjóni þar til 1 lykkja er eftir, endið með 1 kantlykkju í garðaprjóni (= framstykki). Prjónamerki merkir hliðar á stykki.
Prjónið nú næstu umferð þannig: Prjónið 1 kantlykkju í garðaprjóni með grunnlit í mynstri, A.1 (= 6 lykkjur) þar til 2 lykkjur eru eftir (= 39-40-44-47-52-55 sinnum á breidd) og endið með A.2 yfir næstu lykkju og 1 kantlykkju í garðaprjóni – lesið LEIÐBEININGAR-1. ATHUGIÐ PRJÓNFESTUNA!
Þegar A.1 og A.2 hefur verið prjónað 1 sinni á hæðina, endurtakið A.1a og A.2a á hæðina.
Þegar stykkið mælist 39-41-40-42-41-43 cm, prjónið A.3 yfir A.1 og A.4 yfir A.2.
Þegar prjónað hefur verið að ör í A.3 er næsta umferð í A.3 prjónuð þannig: Prjónið fyrstu 58-58-64-70-76-82 lykkjur eins og áður, fellið af 3 lykkjur á undan prjónamerki og 4 lykkjur á eftir prjónamerki (= alls 7 lykkjur), prjónið næstu 107-113-125-131-149-155 lykkjur eins og áður, fellið af 3 lykkjur á undan prjónamerki og 4 lykkjur á eftir prjónamerki (= alls 7 lykkjur), prjónið síðustu 58-58-64-70-76-82 lykkjur eins og áður. Stykkið mælist ca 44-44-44-45-45-45 cm. Geymið stykkið og prjónið ermar.

ERMI:
Stykkið er prjónað í hring á sokkaprjón, skiptið yfir á stuttan hringprjón eftir þörf.
Fitjið upp 48-52-56-60-64-64 lykkjur á sokkaprjón 3. Prjónið stroff (= 2 lykkjur slétt, 2 lykkjur brugðið). Þegar stykkið mælist 5 cm, skiptið yfir á sokkaprjón 4 og prjónið 1 umferð sléttprjón þar sem fækkað er um 6-8-8-10-12-10 lykkjur jafnt yfir = 42-44-48-50-52-54 lykkjur. Setjið 1 prjónamerki í byrjun umferðar (= mitt undir ermi). Prjónið 1 umferð með svartur, prjónið síðan næstu umferð þannig: Prjónið 0-1-0-1-2-0 lykkjur A.5, prjónið A.1 yfir næstu 42-42-48-48-48-54 lykkjur (= 7-7-8-8-8-9 mynstureiningar), endið með 0-1-0-1-2-0 lykkjur A.5. Þegar A.1 hefur verið prjónað 1 sinni á hæðina er A.1a endurtekið. Þegar stykkið mælist 6 cm er aukið út um 1 lykkju hvoru megin við prjónamerki (= 2 lykkjur fleiri) – lesið ÚTAUKNING! Aukið svona út með 3-2½-2-1½-1½-1½ cm millibili alls 12-14-15-17-19-21 sinnum = 66-72-78-84-90-96 lykkjur. Lykkjur í A.5 og útauknar lykkjur eru prjónaðar jafnóðum inn í mynstur. Þegar stykkið mælist 38-39-37-37-34-35 cm prjónið A.3 yfir A.1. Þegar aukið hefur verið út um allar lykkjur undir ermi er A.3 prjónað alls 11-12-13-14-15-16 sinnum á breidd. Þegar prjónað hefur verið að ör í A.3 er næsta umferð prjónuð þannig: Fellið af 4 lykkjur, prjónið næstu 59-65-71-77-83-89 lykkjur eins og áður, fellið af síðustu 3 lykkjur. Ermin mælist ca 43-42-41-40-38-37 cm.
Prjónið hina ermina á sama hátt.

BERUSTYKKI:
Setjið ermar inn á sama hringprjón og fram- og bakstykki þar sem fellt er af fyrir handveg = 341-359-395-425-467-497 lykkjur. Setjið 1 prjónamerki á milli hverra skiptinga á milli hvorra erma og fram- og bakstykki áður en þú prjónar áfram. Prjónið 1 kantlykkju í garðaprjóni, prjónið mynstur eins og áður þar til 2 lykkjur eru eftir á undan prjónamerki á milli erma og fram- og bakstykki, A.6 yfir næstu 2 lykkjur (= framstykki), prjónið mynstur yfir 59-65-71-77-83-89 lykkjur (= ermi), A.6 yfir næstu 2 lykkjur, prjónið mynstur yfir næstu 103-109-121-127-145-151 lykkjur eins og áður, A.6 yfir næstu 2 lykkjur (= bakstykki), prjónið mynstur yfir næstu 59-65-71-77-83-89 lykkjur (= ermi), A.6 yfir næstu 2 lykkjur, mynstur eins og áður þar til 1 lykkja er eftir, endið með 1 kantlykkju í garðaprjóni – lesið LEIÐBEININGAR-2.
Haldið svona áfram með mynstur og fækkið lykkjum fyrir LASKALÍNA – sjá útskýringu að ofan, í annarri hverri umferð alls 26-29-31-33-36-39 sinnum = 133-127-147-161-179-185 lykkjur. Þegar A.3 hefur verið prjónað 1 sinni á hæðina, skiptið yfir í litinn svartur. Prjónið 1 umferð með litnum svartur. Berustykkið mælist ca 19-21-23-24-26-28 cm.
Nú er hægt að prjóna upphækkun í hnakka til að flíkin passi betur, þá verður berustykkið aðeins hærra í hnakka. Hægt er að sleppa upphækkuninni, þá verður hálsmálið alveg eins að framan og að aftan. Prjónið upphækkun aftan í hnakka eða farið beint í að prjóna kant í hálsi ef ekki er óskað eftir upphækkun.

UPPHÆKKUN Í HNAKKA:
Hoppið yfir þennan kafla ef ekki er óskað eftir upphækkun. Setjið 1 prjónamerki í miðju lykkju í umferð (= miðja að aftan).
Prjónið 30-30-34-34-40-40 lykkjur slétt fram hjá prjónamerki, herðið á þræði og prjónið 60-60-68-68-80-80 lykkjur brugðið til baka.
Snúið, herðið á þræði og prjónið 54-54-61-61-72-72 lykkjur slétt, snúið, herðið á þræði og prjónið 48-48-54-54-64-64 lykkjur brugðið til baka. Snúið, herðið á þræði og prjónið 42-42-48-48-56-56 lykkjur slétt.
Snúið, herðið á þræði og prjónið 36-36-42-42-48-48 lykkjur brugðið til baka.
Snúið, herðið á þræði og prjónið 30-30-35-35-40-40 lykkjur slétt.
Snúið, herðið á þræði og prjónið 24-24-28-28-32-32 lykkjur brugðið.
Snúið, herðið á þræði og prjónið út umferðina.

KANTUR Í HÁLSI:
Í næstu umferð frá réttu er lykkjum fækkað þannig: Prjónið 27-24-29-34-37-40 lykkjur slétt og fækkið um 3-0-4-6-9-10 lykkjur jafnt yfir, prjónið næstu 18 lykkjur saman 2 og 2 (= 9 lykkjur færri), prjónið 44-44-54-58-70-70 lykkjur slétt og fækkið um 5-0-8-10-18-18 lykkjur jafnt yfir, prjónið næstu 18 lykkjur saman 2 og 2 (= 9 lykkjur færri), prjónið síðustu 26-23-28-33-36-39 lykkjur slétt og fækkið um 3-1-5-7-10-11 lykkjur jafnt yfir = 104-108-112-120-124-128 lykkjur.
Skiptið yfir á hringprjón 3. Prjónið næstu umferð þannig: Prjónið 1 kantlykkju slétt * 2 lykkjur slétt, 2 lykkjur brugðið, 1 lykkja slétt, sláið 1 sinni uppá prjóninn (= 1 lykkja fleiri), 2 lykkjur brugðið, 2 lykkjur slétt, sláið 1 sinni uppá prjóninn (= 1 lykkja fleiri), 1 lykkja brugðin *, prjónið frá *-* þar til 3-7-11-19-3-7 lykkjur eru eftir, prjónið stroff (= 2 lykkjur slétt, 2 lykkjur brugðið) þar til 3 lykkjur eru eftir, endið með 2 lykkjur slétt og 1 kantlykkju í garðaprjóni = 124-128-132-140-148-152 lykkjur. Uppslátturinn er prjónaður snúinn í stroffi (þ.e.a.s. 2 lykkjur slétt, 2 lykkjur brugðið) í næstu umferð, það eiga ekki að myndast göt. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur þegar stroffið mælist 3 cm.

VINSTRI KANTUR AÐ FRAMAN:
Kantur að framan er prjónaðu fram og til baka á hringprjón 3 með litnum svartur.
Prjónið upp 174-210 lykkjur (lykkjufjöldinn verður að vera deilanlegur með 4+2) á hringprjón 3 með svartur, innan við 1 kantlykkju frá réttu. Prjónið 1 umferð slétt frá röngu. Prjónið stroff (= 2 lykkjur brugðið, 2 lykkjur slétt) þar til 2 lykkjur eru eftir á prjóni, endið með 2 lykkjur slétt. Haldið áfram með sléttar lykkjur yfir sléttar lykkjur og brugðnar lykkjur yfir brugðnar lykkjur þar til stroffið mælist 3 cm. Fellið af með sléttum lykkjum yfir sléttar lykkjur og brugðnar lykkjur yfir brugðnar lykkjur.

HÆGRI KANTUR AÐ FRAMAN:
Prjónið eins og vinstri kantur að framan – en fellið af fyrir HNAPPAGAT – sjá útskýringu að ofan.

FRÁGANGUR:
Saumið saman op undir hvorri ermi í ystu lykkjubogana. Saumið tölur í vinstri kant að framan.

Mynstur

symbols = svartur
symbols = natur
diagram
diagram
diagram

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS 184-22

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (22)

country flag Gaetane wrote:

Bonjour, dernière étape! Je ne saisi pas la méthode des boutonnières ? Comment procede t on ? Merci 🙏

28.02.2024 - 21:00

DROPS Design answered:

Bonjour Gaetane, pour former 1 boutonnière dans les sections 2 mailles envers des côtes, on va tricoter 2 mailles ensemble à l'envers, et faire 1 jeté, au rang suivant, on tricote le jeté à l'endroit. Bon tricot!

29.02.2024 - 08:05

country flag Gaetane wrote:

Bonjour ! Suis rendu au col , après mon premier rang , l envers je tricote normal pour revenir à l endroit pour continuer avec l aiguille circulaire 3 ? Autrement dit je tricote le rang comme indiqué et à l envers je tricote comme elle se présente c est ça ? Les rangs entre les *** et répétez? Ai-je bien saisi ? Merci 🙏

26.02.2024 - 12:55

DROPS Design answered:

Bonjour Gaetane, effectivement vous pouvez tricoter 1 rang envers sur l'envers avant de tricoter les côtes en les commençant sur l'endroit. Après le 1er rang des côtes, tricotez simplement en côtes 2 mailles endroit/2 mailles envers (= tricotez les mailles comme elles se présentent, on n'augmente qu'au 1er rang). Bon tricot!

26.02.2024 - 14:11

country flag Gaetane wrote:

Bonjour, suis rendu à l empiècement, si je comprends bien je tricote les mailles du début du devant jusqu’à l emmanchure, là je mets un fil marqueur et je tricote les mailles de la manche et au bout je tricote les mailles du dos etc alors la manche est en rond je saisi pas comment procéder pour empiécer manche avec le devant etc,, ? Merci 🙏

18.02.2024 - 16:35

DROPS Design answered:

Bonjour Gaetane, c'est bien ainsi que l'on doit faire, dans cette vidéo, nous montrons comment mettre les manches entre le devant et le dos; les premiers rangs sont parfois un peu plus difficile, vous pouvez vous aider d'une autre aiguille circulaire ou bien utiliser la technique du magic loop, après quelques rangs ce sera plus simple de nouveau. Bon tricot!

19.02.2024 - 09:30

country flag Gaetane wrote:

Bonjour ! Encore moi ! Je comprends votre diagramme mais au moment qu on augmente on tricote ces mailles en noir ou blanc car ça suit pas du diagramme 😢comment je procède pour le suivi des motifs ? Merci 🙏

13.02.2024 - 00:56

country flag Gaetane wrote:

Bonjour ! Lorsqu on fait les augmentations des manches , on procède comment pour suivre le diagramme, la maille augmenter devient elle le diagramme A5 ou quoi ? Merci 🙏

12.02.2024 - 18:41

DROPS Design answered:

Bonjour Gaetane, tricotez les augmentations en suivant A.5, vous pouvez progressivement les incorporer dans A.1 si vous le souhaitez ou comme dans A.5 tout simplement. Bon tricot!

13.02.2024 - 08:24

country flag Gaetane wrote:

Bonjour ! Suite à votre réponse concernant les augmentations des manches , ça veut dire qu au bout de 6 cm, je commence à tricoter les augmentations et le diagramme en rond sur 4 aiguilles? Et qu en est-il pour suivre le diagramme des mailles qu on augmente ? Merci 🙏

12.02.2024 - 17:14

DROPS Design answered:

Bonjour Gaetane, pour les manches, tricotez d'abord 5 cm de côtes puis 1 tour avec les aiguilles 4 en diminuant comme indiqué, tricotez ensuite 1 tour en noir et commencez les diagrammes. En même temps, quand la manche mesure 6 cm, commencez à augmenter et incorporez les augmentations au motif. Bon tricot!

13.02.2024 - 08:20

country flag Gaetane wrote:

Bonjour ! Pour les augmentations de la manche , vous dites après 6 cm, de l ouvrage , on commence les augmentations, alors à partir du début du poignet qu on mesure? On se trouve alors sur le diagramme A1.c est ça ? Et le fil marqueur se trouve au bout de l aiguille ? C est ça ? Merci 🙏

12.02.2024 - 16:56

DROPS Design answered:

Bonjour Gaetane, mesurez les 6 cm à partir du rang de montage. Le marqueur du début du tour doit être au niveau de la jonction, autrement dit entre la fin du tour et le début du tour suivant. Tricotez les nouvelles mailles en suivant A.1/.A5. Bon tricot!

13.02.2024 - 08:18

country flag Gaetane Bouchard wrote:

Bonjour ! je saisi pas concernant vos augmentations de chaque cote de la manche ? en étant sur endroit au bout du rang je fait un jeté avant les 2 dernieres mailles et la j ai on fil marqueur ok je me trouve maintenant a etre sur l envers alrs je tricote 2 mailles et la est ce que je fais un jeté ? ainsi de suite est ca? merci

11.02.2024 - 16:46

DROPS Design answered:

Bonjour Mme Bouchard, les manches se tricotent en rond sur les aiguilles doubles pointes, vous allez augmenter 1 maille à la fin du tour + 1 maille au début du tour ainsi: tricotez jusqu'à ce qu'il reste 2 mailles avant le fil marqueur, faites 1 jeté, tricotez les 2 mailles suivantes (la dernière maille du tour + la 1ère maille du tour suivant), faites 1 jeté; au tour suivant, tricotez les jetés torse à l'endroit pour éviter des trous. Bon tricot!

12.02.2024 - 09:02

country flag Gaetane wrote:

Bonjour, lorsqu’on est rendu à un autre diagramme l on commence tu a l endroit où selon qu on a fini l autre diagramme? Exemple: après avoir fini en hauteur celui de A1 je me trouve être à l envers , alors est-ce que je commence A3 à l envers ? Ou je fait un autre rang à l envers pour commencer le A3 à l endroit ? Merci 🙏

09.02.2024 - 13:31

DROPS Design answered:

Bonjour Gaetane, dans ce cas vous allez effectivement tricoter le 1er rang de A.3 sur l'envers. Bon tricot!

12.02.2024 - 07:05

country flag Gaetane wrote:

Bonjour! Suite à votre réponse concernant le diagramme , la 1ère ligne en noir et rendu sur l envers je prends la 2 iemes ligne de gauche en blanc et je recommence ainsi ? Alors pour le fil qui suit pas je coupe ? Je saisi pas ça ! Surtout les 1ère ligne sans motif ? Merci !

01.02.2024 - 12:15

DROPS Design answered:

Bonjour Gaetane, vous pouvez soit couper le fil soit tricoter le rang du côté où se trouve le fil, autrement dit, vous pouvez par ex tricoter (A.1) 1 rang sur l'endroit en noir, 1 rang sur l'endroit en naturel, 1 rang sur l'envers en noir, 1 rang sur l'envers en naturel, puis continuer sur l'endroit avec la suite du diagramme. Bon tricot!

01.02.2024 - 15:48