DROPS Paris
DROPS Paris
100% Bómull
frá 246.00 kr /50g
Þú færð garn sem þarf í að gera þetta mynstur frá 1722.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

Summer Foam

Aðsniðinn toppur með háum kraga, laskalínu og gatamynstri á ermum, prjónaður ofan frá og niður úr DROPS Paris. Stærð S - XXXL.

DROPS 178-46
DROPS Design: Mynstur w-643
Garnflokkur C eða A + A
-----------------------------------------------------------

Stærð: S - M - L - XL - XXL - XXXL

Efni:
DROPS PARIS frá Garnstudio (tilheyrir garnflokki C)
350-400-450-500-550-600 g litur 16, hvítur

DROPS HRINGPRJÓNAR (40 + 60 eða 80 cm) NR 5 – eða þá stærð sem þarf til að 17 lykkjur og 22 umferðir með sléttprjóni verði 10 cm á breidd og 10 cm á hæð.
DROPS HRINGPRJÓNAR (40 + 60 eða 80 cm) NR 4 fyrir stroff – eða þá stærð sem þarf til að 19 lykkjur og 25 umferðir sléttprjón verði 10 cm á breidd og 10 cm á hæð.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Paris
DROPS Paris
100% Bómull
frá 246.00 kr /50g
Þú færð garn sem þarf í að gera þetta mynstur frá 1722.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað í hring):
*1 umferð slétt og 1 umferð brugðið*, endurtakið frá *-*.

UPPHÆKKUN:
Byrjið frá réttu og prjónið stroff þar til prjónaðar hafa verið 7-7-11-11-11-11 lykkjur fram hjá prjónamerki, snúið við, herðið á þræði og prjónið 14-14-22-22-22-22 lykkjur stroff til baka. Snúið við, herðið á þræði og prjónið 22-22-30-30-30-30 lykkjur stroff, snúið við, herðið á þræði og prjónið 30-30-38-38-38-38 lykkjur stroff til baka. Snúið við, herðið á þræði og prjónið 38-38-46-46-46-46 lykkjur stroff, snúið við, herðið á þræði og prjónið 46-46-54-54-54-54 lykkjur stroff til baka. Snúið við og prjónið stroff til baka frá miðju að aftan.

MYNSTUR:
Sjá mynsturteikningu A.1 til A.3. Mynsturteikning sýnir allar umferðir í mynstri séð frá réttu. A.2 er í stærð S – A.2 er prjónað alveg eins og í hinum stærðunum, þ.e.a.s. götin halda áfram út alveg eins, en passið uppá að það komi ekki gat aðliggjandi við laskalínu. 1 mynstureining með götum á breidd og á hæð er útskýrð í A.2A.

ÚRTAKA/ÚTAUKNING (jafnt yfir):
Til þess að reikna út hvernig auka eigi jafnt út/fækka lykkjum, teljið fjölda lykkja í umferð (t.d. 112 lykkjur) og deilið með fjölda útaukninga/úrtöku sem á að gera (t.d. 32) = 3,5. Í þessu dæmi þá eru prjónaðar til skiptis ca önnur hver og 3. hver lykkja saman og 3. og 4. hver lykkja saman (ef aukið er út þá er slegið 1 sinni uppá prjóninn til skiptis við ca 3. og 4. hverja lykkju).

LASKALÍNA:
Aukið út fyrir laskalínu hvoru megin við A.1 í hverri skiptingu á milli fram- og bakstykkis og erma. Aukið út um 1 lykkju með því að slá 1 sinni uppá prjóninn, í næstu umferð er uppslátturinn prjónaður snúinn slétt svo að ekki myndist gat. Útauknar lykkjur eru prjónaðar í sléttprjóni á fram- og bakstykki og í A.2 á ermum. ATH: Mismunandi er aukið út á fram- og bakstykki og ermum eins og útskýrt er í uppskrift.

ÚRTAKA (á við um hliðar á fram- og bakstykki):
Fækkið um 1 lykkju hvoru megin við 6-6-10-10-10-10 lykkjur með stroffi í hvorri hlið.

Fækkið lykkjum á undan 6-6-10-10-10-10 lykkjum með stroffi þannig: Prjónið 2 lykkjur slétt saman (= 1 lykkja færri).
Fækkið lykkjum á eftir 6-6-10-10-10-10 lykkjum með stroffi þannig: Takið 1 lykkju óprjónaða eins og prjóna eigi hana slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð (= 1 lykkja færri).

ÚTAUKNING (á við um hliðar á fram- og bakstykki):
Aukið út um 1 lykkju hvoru megin við 6-6-10-10-10-10 lykkjur með stroffi í hvorri hlið. Aukið út um 1 lykkju með því að slá 1 sinni uppá prjóninn, í næstu umferð er uppslátturinn prjónaður snúinn slétt svo ekki myndist gat.

-------------------------------------------------------

BYRJIÐ Á STYKKI HÉR:

-------------------------------------------------------

TOPPUR - STUTT ÚTSKÝRING Á STYKKI:
Stykkið er prjónað í hring á hringprjóna og prjónað er ofan frá og niður.

KRAGI:
Fitjið upp 112-112-120-120-128-128 lykkjur á stuttan hringprjón 4 með Paris. Prjónið 1 umferð slétt. Setjið 1 prjónamerki í byrjun umferðar = miðja að aftan. Næsta umferð er prjónuð þannig: * 1 lykkja slétt, 2 lykkjur brugðið, 1 lykkja slétt *, endurtakið frá *-* út umferðina. Haldið áfram með stroff svona í 8 cm.
Til að flíkin passi betur er prjónuð UPPHÆKKUN aftan í hnakka – sjá útskýring að ofan. Eftir upphækkun er prjónuð 1 umferð slétt þar sem fækkað er um 32-32-36-36-40-40 lykkjur jafnt yfir – LESIÐ ÚRTAKA/ÚTAUKNING = 80-80-84-84-88-88 lykkjur. Skiptið yfir á stutta hringprjóna 5 og prjónið næstu umferð þannig: 12-12-13-13-14-14 lykkjur sléttprjón (= ½ bakstykki), A.6 (= 6 lykkjur í laskalínu), A.2 (= 4 lykkjur á ermi), A.1 (= 6 lykkjur í laskalínu), 24-24-26-26-28-28 lykkjur sléttprjón (= framstykki), A.1 (= 6 lykkjur í laskalínu), A.2 (= 4 lykkjur á ermi), A.6 (= 6 lykkjur í laskalínu) og 12-12-13-13-14-14 lykkjur í sléttprjóni (= ½ bakstykki).
LESIÐ ALLAN KAFLANN ÁÐUR EN PRJÓNAÐ ER ÁFRAM!
Haldið áfram í sléttprjóni á fram- og bakstykki, A.1 í hverri skiptingu á milli fram- og bakstykkis og erma og A.2 á hvorri ermi (sjá útskýringu á A.2 undir MYNSTUR). ATHUGIÐ PRJÓNFESTUNA!
JAFNFRAMT í fyrstu umferð byrjar útaukning fyrir LASKALÍNA – sjá útskýringu að ofan. Mismunandi er aukið út á fram-/bakstykki og ermum – ATH: Í stærð L byrjar útaukning fyrir ermar í fyrstu umferð, en á fram- og bakstykki eru prjónaðar 2 umferðir áður en útaukningin byrjar:
FRAM- OG BAKSTYKKI: Aukið út í hverri umferð alls 0-2-0-5-9-14 sinnum, síðan í annarri hverri umferð alls 18-19-21-22-22-22 sinnum.
ERMAR: Aukið út í annarri hverri umferð alls 12-14-16-20-26-29 sinnum og síðan í 4. hverri umferð alls 3-3-3-2-0-0 sinnum.
Eftir allar útaukningar fyrir laskalínu eru 212-232-244-280-316-348 lykkjur í umferð og stykkið mælist ca 16-18-20-22-24-26 cm (mælt við miðju að framan á eftir stroffi í hálsi).
Næsta umferð er prjónuð þannig: Prjónið fyrstu 33-36-37-43-48-53 lykkjur eins og áður (= ½ bakstykki), setjið næstu 40-44-48-54-62-68 lykkjur á þráð (= vinstri ermi), fitjið upp 6-6-10-10-10-10 nýjar lykkjur á prjóninn (= í hlíð mitt undir ermi), prjónið næstu 66-72-74-86-96-106 lykkjur eins og áður (= framstykki), setjið næstu 40-44-48-54-62-68 lykkjur á þráð (= hægri ermi), fitjið upp 6-6-10-10-10-10 nýjar lykkjur á prjóninn (= í hlið undir ermi) og prjónið næstu 33-36-37-43-48-53 lykkjur sem eftir eru eins og áður (= ½ bakstykki).

FRAM- OG BAKSTYKKI:
= 144-156-168-192-212-232 lykkjur. Setjið 1 prjónamerki í hlið – HÉÐAN ER NÚ MÆLT! Prjónið sléttprjón hringinn, en yfir 6-6-10-10-10-10 lykkjur í hvorri hlið eru prjónaðar 4 umferðir GARÐAPRJÓN – sjá útskýringu að ofan. Þegar prjónaðar hafa verið 4 umferðir garðaprjóni í hvorri hlið er prjónað stroff yfir þessar 6-6-10-10-10-10 lykkjur í hvorri hlið þannig: S + M: Prjónið A.1 (= 6 lykkjur), L + XL + XXL + XXXL: Prjónið A.3 (= 10 lykkjur) – aðrar lykkjur halda áfram í sléttprjóni. Þegar stykkið mælist 2 cm frá prjónamerki er fækkað um 1 lykkju hvoru megin við stroff í hvorri hlið – LESIÐ ÚRTAKA (= 4 lykkjur færri). Fækkið lykkjum svona í 6. hverri umferð alls 4 sinnum í hvorri hlið = 128-140-152-176-196-216 lykkjur.
Þegar stykkið mælist 17 cm frá prjónamerki er aukið út um 1 lykkju hvoru megin við stroff í hvorri hlið – LESIÐ ÚTAUKNING (= 4 lykkjur fleiri). Aukið svona út í 6.-6.-6.-5.-5.-5. hverri umferð alls 5-5-5-6-6-6 sinnum í hvorri hlið = 148-160-172-200-220-240 lykkjur. Þegar stykkið mælist 29 cm frá prjónamerki eru prjónuð 1 umferð slétt þar sem aukið er út um 36-36-36-40-44-48 lykkjur jafnt yfir – LESIÐ ÚRTAKA/ÚTAUKNING = 184-196-208-240-264-288 lykkjur. Skiptið yfir á hringprjón 4 og prjónið stroff hringinn (= 2 lykkjur slétt, 2 lykkjur brugðið). Þegar stroffið mælist 5 cm (eða að óskaðri lengd) skiptið til baka yfir á hringprjón 5 áður en fellt er af með sléttum lykkjum yfir sléttar lykkjur og brugðnum lykkjum yfir brugðnar lykkjur.

KANTUR Á ERMI:
Setjið 40-44-48-54-62-68 lykkjur af þræði í annarri hlið á stykki yfir á sokkaprjón 4, prjónið að auki upp 1 lykkju í hverja og eina af 6-6-10-10-10-10 lykkjum mitt undir ermi = 46-50-58-64-72-78 lykkjur í umferð. Prjónið 1 umferð slétt þar sem aukið er út um 10-10-10-12-12-14 lykkjur jafnt yfir = 56-60-68-76-84-92 lykkjur. Prjónið síðan stroff (= 2 lykkjur slétt, 2 lykkjur brugðið). Þegar kantur á ermum mælist 2 cm er fellt LAUST af með sléttum lykkjum yfir sléttar lykkjur og brugðnum lykkjum yfir brugðnar lykkjur.
Prjónið hinn kant á ermi á sama hátt.

Mynstur

symbols = slétt frá réttu, brugðið frá röngu
symbols = brugðið frá réttu, slétt frá röngu
symbols = á milli 2 lykkja er slegið 1 sinni uppá prjóninn
symbols = lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð
diagram
diagram
diagram

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS 178-46

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (42)

country flag Leentje wrote:

Ik brei maat xl en moet meerderen op de mouwen en voor en rugpand . ik moet in totaal eindigen met 280 steken. dat wil dus zeggen 20 steken = 5keer elke naald en 88 st = elke 2e naald 22keer. maar dan op de mouwen moet ik 20keer= elke 2e naald (4 steken per nld) en nog eens 8 steken=2keer elke 4e nld. mijn vraag is dus waar moet ik meerderen in voor en rug ?En voor de mouwen wand in het telpatroon zitten ook 30 meerderingen .wat met A2A ?daar word niets van vermeld. alvast bedankt leentje

24.03.2024 - 16:19

country flag Leentje wrote:

Ik brei maat xl en moet meerderen op de mouwen en voor en rugpand . ik moet in totaal eindigen met 280 steken. dat wil dus zeggen 20 steken = 5keer elke naald en 88 st = elke 2e naald 22keer. maar dan op de mouwen moet ik 20keer= elke 2e naald (4 steken per nld) en nog eens 8 steken=2keer elke 4e nld. mijn vraag is dus waar moet ik meerderen in voor en rug ?En voor de mouwen wand in het telpatroon zitten ook 30 meerderingen alvast bedankt leentje

23.03.2024 - 17:25

DROPS Design answered:

Dag Leentje,

In het telpatroon zijn geen meerderingen getekend, de meerderingen staan allemaal in de beschrijving (wel is er in het telpatroon rekening mee gehouden dat er meerderingen zijn gemaakt). Je begint de raglan met 84 steken. VOOR- EN ACHTERPAND: Meerder iedere naald in totaal 5 keer, dan iedere 2e naald in totaal 22 keer (108 st gemeerderd). MOUWEN: Meerder iedere 2e naald in totaal 20 keer en dan iedere 4e naald in totaal 2 keer (88 st gemeerderd). In totaal kom je dan op 84 + 108 + 88 = 280 steken. Het kan handig zijn om even op ruitjespapier uit te schrijven wanneer je moet meerderen voor iedere naald die je breit.

24.03.2024 - 20:08

country flag Leentje wrote:

Ik brei maat xl en moet meerderen op de mouwen en voor en rugpand . ik moet in totaal eindigen met 280 steken. dat wil dus zeggen 20 steken = 5keer elke naald en 88 st = elke 2e naald 22keer. maar dan op de mouwen moet ik 20keer= elke 2e naald (4 steken per nld) en nog eens 8 steken=2keer elke 4e nld. mijn vraag is dus waar moet ik meerderen voor de mouwen wand in het telpatroon zitten ook 30 meerderingen alvast bedankt leentje

22.03.2024 - 21:32

country flag Leentje wrote:

Ik ben bezig met maat xl.vanaf de text : LEES HET VOLGENDE STUK VOLLEDIG DOOR VOORDAT U VERDER GAAT ! Alvast bedankt

15.03.2024 - 00:01

country flag Leentje wrote:

Hallo, Kan iemand me helpen ik snap niets van de uitleg voor de meerderingen voor de raglan en de mouwen .alvast bedankt

12.03.2024 - 21:49

DROPS Design answered:

Dag Leentje,

Kan je aangeven welke maat je aan het breien bent en wat je precies niet begrijpt? Er staat per maat (reeks getallen) aangegeven hoe vaak je moet meerderen. Soms moet je eerst een aantal keren op iedere naald meerderen en dan een aantal keren op iedere 4e naald. Daarnaast kunnen de meerderingen op de panden anders verdeeld zijn dan op de mouwen. Het kan soms helpen om dit even uit te schrijven op ruitjespapier.

14.03.2024 - 22:14

country flag Mia wrote:

Hallo! Betreff Rumpfteil: Habe nun 160 Maschen.Soll nun 36 Masch gleichmäßig verteilt zunehmen. 160 : 36 =4,44444. Habe probiert nach jeder 4.M zuzunehmen,dadurch sind zu viele Maschen auf der Nadel,dann habe ich es mit nach jeder 4. und 5. Masche probiert, paßt auch nicht,dann nach jeder 3. und 4.Masche geht nicht auf,nach jeder 5.Masche fehlen 5 Maschen,damit es dann insgesamt 196 Maschen sein sollen. Nach welcher Masche soll ich zunehmen? VG Mia

07.02.2022 - 17:54

DROPS Design answered:

Liebe Mia, Sie sollen abwechlslungsweise nach ca jeder 5. und nach jeder 4. Masche zunehmen, hier lesen Sie mehr. Viel Spaß beim stricken!

08.02.2022 - 08:41

country flag Mia wrote:

Hallo ! Betreff: Rumpfteil: "Bei einer Länge von 17 cm ab dem Markierer je 1 Masche beidseitig Rippenmusters an beiden Seiten zunehmen " - Ist der seitliche Markierer von "Bei einer Länge von 2 cm ab dem Markierer je 1 Masche beidseitig des Rippenmusters an beiden Seiten abnehmen " gemeint? Danke

06.02.2022 - 11:20

DROPS Design answered:

Liebe Mia, davor haben beidseitig Rippenmuster an beiden Seiten abgenommen, jetzt wird es beidseiting Rippenmuster an beiden Seiten zugenommen - so wird das Top tailiert. Viel Spaß beim stricken!

07.02.2022 - 10:20

country flag Mia wrote:

Hi ! Ich habe jetzt für Größe M nach allen Raglanzunahmen 232 Maschen auf der Nadel,meine Arbeit mißt aber nur 16cm statt 18cm. Soll ich die nächsten 2cm über alle Maschen rechts stricken,sodaß ich auf auf das Maß von 18cm komme oder soll ich gleich weiter verfahren mit "Die nächste Runde wie folgt stricken: Die ersten 33-36-37-43-48-53 Maschen wie zuvor stricken (= ½ Rückenteil) ....?

02.02.2022 - 17:10

DROPS Design answered:

Liebe Mia, wenn Sie genau in der Mitte vorne messen, und trotzdem 2 cm fehlen, ist sicher Ihre Maschenprobe in der Höhe nicht richtig, dann stricken Sie diese 2 cm weiter genauso wie zuvor, aber nun ohne Zunahmen. Viel Spaß beim stricken!

03.02.2022 - 08:32

country flag Mia wrote:

Hallo Drops Team ! Habe nun alle Raglan Zunahmen ( 19x 4M ) und für den Ärmelzunahemn ( 14x 4m + 3x in jeder 4.Rd = 12M ) gearbeitet. Nun sind 224 M insgesamt auf der Nadel. Ich schreibe mir jede gestrickte Runde auf und zähle immer wieder und es werden keine 232 M in der Größe M? Woran kann das liegen? Vielen lieben Dnak für die Hilfe!

28.01.2022 - 15:47

Mia answered:

Habe den Fehler gefunden.Gür Größe M : \"VORDER- UND RÜCKENTEIL: In jeder Runde insgesamt 2 x zunehmen,...\r\nDanke euch trotzdem für die bisherige Hilfe.

30.01.2022 - 12:03

country flag Mia wrote:

Hi ! Muss die Erhöhung unbedingt gestrickt werden? VG Mia

26.01.2022 - 11:42

DROPS Design answered:

Liebe Mia, dank der Erhöhung wird der Halsausschnitt höher beim Rücken als beim Vorderteil, wenn Sie aber keine Erhöhung stricken, dann sind Halsausschnitt am Rücken- und Vorderteil gleich. Viel Spaß beim stricken!

26.01.2022 - 13:26