DROPS Fabel
DROPS Fabel
75% Ull, 25% Polyamide
frá 638.00 kr /50g
Þú færð garn sem þarf í að gera þetta mynstur frá 2552.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale
DROPS 178-33
DROPS Design: Mynstur fa-370
Garnflokkur A
-----------------------------------------------------------

Mál:
Lengd fyrir miðju: ca 53 cm.
Breidd efst: ca 160 cm.

Efni:
DROPS FABEL frá Garnstudio (tilheyrir garnflokki A)
150 g litur 100, natur
100 g litur 340, bláa lónið
ATH. Ef sjalið er prjónað með einum lit þá þarf 200 g Fabel.

DROPS HRINGPRJÓNN (80 cm) NR 3,5 – eða þá stærð sem þarf til að 23 lykkjur og 30 umferðir með sléttprjón verði 10 cm á breidd og 10 cm á hæð.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Fabel
DROPS Fabel
75% Ull, 25% Polyamide
frá 638.00 kr /50g
Þú færð garn sem þarf í að gera þetta mynstur frá 2552.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað fram og til baka):
Lykkjurnar prjónast slétt í öllum umferðum.

RENDUR:
* 2 umferð garðaprjón með litnum bláa lónið, 2 umferð garðaprjón með litnum natur *, endurtakið frá *-*.

LEIÐBEININGAR:
Til að sleppa við að hafa langt bil þar með þráðum meðfram hlið á sjali þegar prjónaðar eru rendur, prjónið síðustu lykkjuna í hvorri hlið (bæði frá réttu og frá röngu) með 1 þræði í litnum natur + 1 þræði í litnum bláa lónið (= 2 þræðir). Til að geta þetta er þráðurinn notaður annað hvort bæði innan í og utan með dokkunni eða þá er undið upp smá hnykill í hvorum lit sem fylgja sjalinu meðfram annarri hliðinni.

MYNSTUR:
Sjá mynsturteikningu A.1 til A.6. Mynsturteikning sýnir allar umferðir í mynstri séð frá réttu.

-------------------------------------------------------

BYRJIÐ Á STYKKI HÉR:

-------------------------------------------------------

SJAL - STUTT ÚTSKÝRING Á STYKKI:
Stykkið er prjónað fram og til baka á hringprjóna. Fyrst er prjónað GARÐAPRJÓN fram og til baka – sjá útskýringu að ofan, síðan er prjónað gatamynstur.

SJAL:
Fitjið upp 5 lykkjur á hringprjón 3,5 með litnum natur og prjónið þannig:
UMFERÐ 1 (= rétta): Prjónið slétt.
UMFERÐ 2 (= ranga): 2 lykkjur slétt, sláið 1 sinni uppá prjóninn, 1 lykkja brugðið, sláið 1 sinni uppá prjóninn, 2 lykkjur slétt = 7 lykkjur.
UMFERÐ 3 (= rétta): 2 lykkjur slétt, sláið 1 sinni uppá prjóninn, 1 lykkja slétt, sláið 1 sinni uppá prjóninn, 1 lykkja slétt, sláið 1 sinni uppá prjóninn, 1 lykkja slétt, sláið 1 sinni uppá prjóninn, 2 lykkjur slétt = 11 lykkjur. Setjið 1 prjónamerki í miðju lykkjuna (= miðjulykkja).
UMFERÐ 4 (= ranga): Prjónið sléttar lykkjur fram að miðjulykkju, prjónið miðjulykkju brugðið og prjónið sléttar lykkjur út umferðina.
Prjónið síðan garðaprjón í RENDUR – sjá útskýringu að ofan, með 1 kantlykkju í garðaprjóni í hvorri hlið, miðjulykkja er prjónuð í sléttprjóni og aukið út þannig – LESIÐ LEIÐBEININGAR og ATHUGIÐ PRJÓNFESTUNA:
UMFERÐ 5 (= rétta): 1 lykkja slétt með 1 þræði í litnum natur + 1 þræði í litnum bláa lónið (= 2 þræðir), prjónið síðan með 1 þræði í litnum bláa lónið þannig: sláið 1 sinni uppá prjóninn, 1 lykkja slétt, sláið 1 sinni uppá prjóninn, prjónið sléttar lykkjur fram að miðjulykkju, sláið 1 sinni uppá prjóninn, 1 lykkja slétt (miðjulykkja), sláið 1 sinni uppá prjóninn, prjónið sléttar lykkjur þar til eftir eru 2 lykkjur á prjóni, sláið 1 sinni uppá prjóninn, 1 lykkja slétt, sláið 1 sinni uppá prjóninn, prjónið 1 lykkju slétt með 1 þræði í litnum natur + 1 þræði í litnum bláa lónið.
UMFERÐ 6 (= ranga): 1 lykkja slétt með 2 þráðum, prjónið síðan með 1 þræði í litnum bláa lónið þannig: 2 lykkjur slétt, prjónið næsta uppslátt snúinn slétt svo ekki myndist gat, prjónið sléttar lykkjur fram að miðjulykkju, prjónið miðjulykkju brugðið, prjónið sléttar lykkjur þar til 4 lykkjur eru eftir á prjóni, prjónið fyrsta uppsláttinn snúinn slétt, prjónið 2 lykkjur slétt og endið með 1 lykkju slétt með 2 þráðum.
UMFERÐ 7 (= rétta): 1 lykkja slétt með 2 þráðum, prjónið síðan með 1 þræði í litnum natur þannig: Sláið 1 sinni uppá prjóninn, 1 lykkja slétt, sláið 1 sinni uppá prjóninn, prjónið sléttar lykkjur fram að miðjulykkju, sláið 1 sinni uppá prjóninn, 1 lykkja slétt (= miðjulykkja), sláið 1 sinni uppá prjóninn, prjónið sléttar lykkjur þar til 2 lykkjur eru eftir á prjóni, sláið 1 sinni uppá prjóninn, 1 lykkja slétt, sláið 1 sinni uppá prjóninn og 1 lykkja slétt með 2 þráðum.
UMFERÐ 8 (= stuttar umferðir frá röngu): 1 lykkja slétt með 2 þráðum, prjónið síðan með 1 þræði í litnum natur þannig: 2 lykkjur slétt, 1 lykkja snúin slétt (svo ekki myndist gat), 4 lykkjur slétt, snúið stykkinu.
UMFERÐ 9 (= rétta): Takið 1. lykkjuna óprjónaða eins og prjóna eigi hana slétt, herðið á þræði og prjónið 6 lykkjur slétt til baka með litnum natur og síðustu lykkju slétt með 2 þráðum.
UMFERÐ 10 (= ranga): 1 lykkja slétt með 2 þráðum, prjónið síðan með 1 þræði í litnum natur þannig: Prjónið sléttar lykkjur fram að miðjulykkju, prjónið miðjulykkju brugðið, prjónið sléttar lykkjur þar til 4 lykkjur eru eftir á prjóni, prjónið fyrsta uppsláttinn snúinn slétt (svo ekki myndist gat), prjónið 2 lykkjur slétt og endið með 1 lykkju slétt með 2 þráðum.
UMFERÐ 11 (= stuttar umferðir frá réttu): 1 lykkja slétt með 2 þráðum, prjónið 7 lykkjur slétt með litnum natur.
UMFEÐR 12 (= ranga): Takið 1. lykkjuna óprjónaða eins og prjóna eigi hana slétt, herðið á þræði og prjónið 6 lykkjur slétt til baka með litnum natur og prjónið síðustu lykkju slétt með 2 þráðum.

Endurtakið umferð 5-12 fram og til baka, en við hverja endurtekningu eru prjónaðar 2 lykkjur fleiri í stuttu umferðum þar til prjónaðar hafa verið stuttar umferðir yfir þessar 26 lykkjur til loka (aðrar lykkjur halda áfram eins og áður). Eftir hverja endurtekningu hafa verið auknar út 12 nýjar lykkjur. Haldið svona áfram þar til 347 lykkjur eru í umferð (stykkið mælist nú ca 38 cm meðfram miðju lykkju).
Prjónið með 1 þræði í litnum natur, en síðasta lykkja í hvorri hlið er prjónuð með 2 þráðum í litnum natur til loka.
Prjónið 2 umferðir garðaprjón fram og til baka yfir allar lykkjur með útaukningu í hvorri hlið og hvoru megin við miðjulykkju eins og áður = 353 lykkjur í umferð.

Prjónið síðan mynstur eftir mynsturteikningu A.1 til A.6 þannig: Prjónið mynsturteikningu A.1 yfir 1 lykkju, prjónið A.2 þar til 7 lykkjur eru eftir á undan miðjulykkju, prjónið A.3 yfir næstu 7 lykkjur, 1 lykkja með sléttprjón (= miðjulykkja), A.4 yfir næstu 7 lykkjur, A.5 er endurtekið þar til 1 lykkja er eftir og prjónið A.5 yfir 1 lykkju. Prjónið og aukið svona út þar til prjónaðar hafa verið 2 mynstureiningar af A.1 til A.6 á hæðina. Prjónið 4 umferðir garðaprjón yfir allar lykkjur, fellið síðan af með því að slá 1 sinni uppá prjóninn þannig:
Til að affellingarkanturinn verði ekki stífur þá er hægt að slá 1 sinni uppá prjóninn eftir ca 4. hverja lykkju (uppslátturinn er felldur af eins og venjuleg lykkja).

Mynstur

symbols = slétt frá réttu, brugðið frá röngu
symbols = sláið 1 sinni uppá prjóninn á milli 2 lykkja
symbols = 2 lykkjur slétt saman
symbols = lyftið 1 lykkju af prjóni eins og prjóna eigi slétt, prjónið 1 lykkju slétt og steypið lyftu lykkjunni yfir lykkjuna sem var prjónuð
symbols = lyftið 1 lykkju af prjóni eins og prjóna eigi slétt, prjónið 2 lykkjur slétt saman og steypið lyftu lykkjunni yfir lykkjurnar sem prjónaðar voru saman
diagram
diagram

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS 178-33

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (12)

country flag Valérie Hochet wrote:

Bonjour. Je viens de terminer les diagrammes de A1 à A6, une fois en hauteur. Il faut en faire une seconde hauteur, mais je ne comprends pas comment continuer aves les diagrammes A1 et A3 ainsi que A4 et A6! Le nombre de mailles ne correspond plus au nombre de mailles du rangs 1 des différents diagrammes. A2 et A6 restent avec 8 mailles, donc pas de problème pour ceux-ci. Je suis bloquée pour l'instant. C'est un très joli châle d'été. Merci d'avance pour votre réponse.

31.07.2023 - 23:50

DROPS Design answered:

Bonjour Mme Hochet, tricotez comme avant: A.1 sur la 1ère maille, répétez maintenant A.2 jusqu'à ce qu'il reste 7 mailles avant la maille centrale (si vous utilisiez des marqueurs entre chaque A.2, ils vont être décalés de 4 m) et tricotez A.3 sur ces 7 mailles - tricotez la maille centrale en jersey et tricotez ensuite les 7 m de A.4, répétez ensuite A.5 jusqu'à ce qu'il reste 1 maille et terminez par A.6. Bon tricot!

01.08.2023 - 09:31

country flag Miki wrote:

So do I start with the small separate balls of lagoon at the end of row 7? When I work with the small ball of lagoon, I leave the small ball of white as it is ? KNITTING TIPS says "To prevent long lengths of yarn along the sides of the shawl". I don't quite understand what it means.

09.04.2020 - 21:37

DROPS Design answered:

Dear Mikki, this video shows how to work the stitches on the edge with 2 strands of yarn, this might help you to understand how to do that (on this shawl you will work this on each side = beg of row from RS/end of row from WS and beg of row from WS/end of row from RS. Happy knitting!

14.04.2020 - 10:00

country flag Miki wrote:

When do I use a small separate ball of off white first time? The last stich of row5? What about a small separate ball of blue? The last stich of row7? Do I afterwards use these small separate balls only the last stich of right side and the first stich of wrong side?

08.04.2020 - 11:24

DROPS Design answered:

Dear Miki, you start with the small separate balls at the end of row 5, at the beg of row 5 you work with the same ball off white as since beg of piece + lagoon (2 strands), continue with lagoon until end of the row and work the last stitch with the yarn lagoon + 1 separate ball off white. At the beg of WS rows, you first start with the separate ball and at the end of WS rows you finish with the ball from the beg. Happy knitting!

09.04.2020 - 16:40

country flag Lisa wrote:

After the “short rows” reach 26 the pattern says to “work the short rows over these 26 stitches until finished length (the other stitches are continued as before). Does this mean to skip the short rows? So skip rows 8,9,11,12? Or something different? Thank you!

27.05.2019 - 05:37

DROPS Design answered:

Dear Lisa, once you have worked the short rows over 26 sts, continue as before with the short rows but the short rows will be worked over 26 sts (= you don't increase anymore the number of sts worked into the short rows). Happy knitting!

27.05.2019 - 11:54

country flag Jozefien De Bruijn wrote:

Dit lijkt me een fijn project voor de vakantie. Ik heb echter maar 100 gram Lace. Als ik in tricotsteek brei in plaats van in ribbelsteek, kom ik dan toe met mijn 100 gram ?

19.04.2018 - 14:39

DROPS Design answered:

Hallo Jozefien, De garenvervanger geeft aan dat je 200 gram Fabel kunt vervangen door 103 gram Lace, dus waarschijnlijk moet dat wel lukken.

21.04.2018 - 12:43

Marta wrote:

Hi, I would love to make this shawl but I don't exactly understand the pattern. Is there any chance for a short tutorial video how to make stripes with that 2 strands of yarn. I don't understand this knitting tip. DO I need 1 ball of 2 yarns of 2 balls to put on each side of the shawl? Thank you for your help.

12.02.2018 - 15:20

DROPS Design answered:

Dear Marta, the edge sts will be worked with double strand, ie 1 strand off-white + 1 strand blue lagoon, to get the double strand on each side you can make a small separate ball in each colour and let it follow upwards. This video shows how to work the edge st with double strand. Happy knitting!

12.02.2018 - 17:10

country flag Karin Mokvist wrote:

Jag får inte bytet av färgerna att stämma. 1 rand = 2 v blu lagoon och 2 v natur enl instruktionen men när man läser mönstret står det från varv 5: sticka med blu lagoon samt v 6. Varv 7,8 ,9,10, 11,12 stickas med natur! Ska vissa ränder vara tjockare? Eller hur menar ni? Med vänlig hälsning Karin

10.11.2017 - 10:23

DROPS Design answered:

Hej Karin, jo men du följer varven som i mönstret. Lägger upp med natur, från varv 5 stickas Ränder, det står även vilken färg du skall börja med på varv 5. Lycka till!

14.11.2017 - 12:24

country flag Melissa wrote:

Nei selfølgelig ikke, jeg fant ut av det :-)

04.06.2017 - 21:52

country flag Melissa wrote:

"Gjenta 5.-12.pinne frem og tilbake" menes med det å strikke pinne 5-12 og så baklengs igjen? Altså 12, 11, 10....?

04.06.2017 - 15:30

DROPS Design answered:

Nej vi mener bare at du fortsætter med de forkortede pinde som 5.-12. pind. God fornøjelse!

05.06.2017 - 16:41

country flag Schwörer wrote:

Werden die Umschläge im gestreiften Teil verschränkt abgestrickt oder nur abgestrickt steht nirgends bei den Tips Mit freundlichen Grüssen Pia Schwörer

12.05.2017 - 10:33

DROPS Design answered:

Liebe Frau Schwörer, die Umschläge, die verschränkt gestrikt sind, sind in der Reihe 6, 8, 10 und 12 beschrieben. Viel Spaß beim stricken!

12.05.2017 - 13:45