DROPS Flora
DROPS Flora
65% Ull, 35% Alpakka
frá 704.00 kr /50g
Þú færð garn sem þarf í að gera þetta mynstur frá 4928.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale
DROPS 175-25
DROPS Design: Mynstur fl-007
Garnflokkur A
-----------------------------------------------------------

Stærð: S - M - L - XL - XXL - XXXL

Efni:
DROPS FLORA frá Garnstudio (tilheyrir garnflokki A)
350-400-400-450-500-550 g litur 16, pistasía

DROPS SOKKAPRJÓNAR OG HRINGPRJÓNAR (40 + 80 cm) NR 3 – eða þá stærð sem þarf til að 24 lykkjur og 32 umferðir með sléttprjóni verði 10 cm á breidd og 10 cm á hæð. 1 mynstureining A.1 mælist ca 9-9-9-12-12-12 cm á breidd.
DROPS SOKKAPRJÓNAR OG HRINGPRJÓNAR (80 cm) NR 2,5 – fyrir kanta með garðaprjóni.
DROPS PERLUTALA, Bogalaga (hvít) NR 521: 4 st í öllum stærðum.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Flora
DROPS Flora
65% Ull, 35% Alpakka
frá 704.00 kr /50g
Þú færð garn sem þarf í að gera þetta mynstur frá 4928.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað fram og til baka):
Lykkjurnar prjónast slétt í öllum umferðum.

GARÐAPRJÓN (prjónað í hring):
*1 umferð slétt og 1 umferð brugðið*, endurtakið frá *-*.

MYNSTUR:
Sjá mynsturteikningu A.1 og A.2. Mynsturteikning sýnir allar umferðir í mynstri séð frá réttu. Veljið mynstur fyrir rétta stærð.

LEIÐBEININGAR:
Vegna mynsturs í A.1 þá kemur lykkjufjöldinn í umferð að breytast. Þegar gefin er upp lykkjufjöldi í útskýringu er talan gefin upp án útaukningar í mynstri (þ.e.a.s. með stöðuna í þeim lykkjufjölda í A.1/A.2 sem er í byrjun á 1 mynstureiningu á hæðina).

STUTTAR UMFERÐIR:
Til að kantar að framan dragist ekki saman á hæðina eru prjónaðar stuttar umferðir yfir kant að framan í hvorri hlið þannig:
* Prjónið 2 umferðir slétt fram og til baka einungis yfir ystu 10-10-12-12-14-14 kantlykkjur að framan í annarri hlið á stykki (eða yfir eins margar lykkjur og eru í kanti að framan eftir útaukningu fyrir sjalkraga), prjónið 1 umferð yfir allar lykkjur í umferð, snúið stykkinu og prjónið 2 umferðir slétt fram og til baka yfir 10-10-12-12-14-14 kantlykkjur að framan á hinni hlið á stykki *, endurtakið frá *-* með 4 cm millibili til loka.

ÚRTAKA-1 (á við um hliðar á fram- og bakstykki):
Öll úrtaka er gerð frá réttu!
Byrjið 4 lykkjum á undan prjónamerki, prjónið 2 lykkjur slétt saman, 4 lykkjur slétt (prjónamerki er staðsett mitt á milli 4 lykkjurnar), takið 1 lykkju óprjónaða eins og prjóna eigi hana slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð (= 2 lykkjur færri).

ÚRTAKA-2 (á við um háls að framan):
Öll úrtaka er gerð frá réttu!
HÆGRA FRAMSTYKKI (= eftir A.2): Takið 1 lykkju óprjónaða eins og prjóna eigi hana slétt, prjónið 1 lykkju slétt, steypið óprjónuðu lykkjuna yfir lykkjuna sem var prjónuð (= 1 lykkja færri).
VINSTRA FRAMSTYKKI (= 2 lykkjur á undan A.1): Prjónið 2 lykkjur slétt saman (= 1 lykkja færri).

ÚTAUKNING-1 (á við um hliðar á fram- og bakstykki og mitt undir ermi):
Allar útaukningar eru gerðar frá réttu! Byrjið 3 lykkjum á undan prjónamerki, sláið 1 sinni uppá prjóninn, prjónið 6 sléttar lykkjur (prjónamerki er staðsett mitt á milli þessa 6 lykkja), sláið 1 sinni uppá prjóninn (= 2 lykkjur fleiri). Í næstu umferð er uppslátturinn prjónaður snúinn svo að ekki myndist gat.

ÚTAUKNING-2 (á við um sjalkraga):
Aukið út um 1 lykkju með því að slá 1 sinni uppá prjóninn innan við 2 ystu lykkjur í hvorri hlið við miðju að framan. Í næstu umferð er uppslátturinn prjónaður snúinn slétt svo að ekki myndist gat.

HNAPPAGAT:
Fellið af fyrir hnappagötum yst í hægri kanti að framan þegar stykkið mælist 4, 10, 16 og 22 cm í öllum stærðum. 1 hnappagat = Byrjið frá röngu og prjónið þar til 1 lykkja er eftir í umferð við miðju að framan, sláið 2 sinnum uppá prjóninn og prjónið síðustu lykkjuna slétt. Snúið stykkinu, prjónið fyrstu lykkjuna slétt saman með fyrri uppslættinum, prjónið seinni uppsláttinn slétt saman við næstu lykkju, prjónið síðan áfram eins og áður.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Stykkið er prjónað fram og til baka á hringprjóna frá miðju að framan. Ermarnar eru prjónaðar í hring á sokkaprjóna/stutta hringprjóna.

FRAM- OG BAKSTYKKI:
Fitjið upp 215-235-255-279-311-339 lykkjur á hringprjóna 2,5 með Flora. Prjónið 6 umferðir GARÐAPRJÓN – sjá útskýringu að ofan. Skiptið yfir á hringprjóna 3 og prjónið næstu umferð frá réttu þannig: 10-10-12-12-14-14 kantlykkjur að framan í garðaprjóni, A.1 (= 21-21-21-28-28-28 lykkjur), A.2 (= 2-2-2-3-3-3 lykkjur), 26-31-34-32-38-45 lykkjur í sléttprjóni, setjið 1 prjónamerki (= hlið), 16-21-26-21-29-36 lykkjur í sléttprjóni, A.1 yfir næstu 63-63-63-84-84-84 lykkjur (= 3 mynstureiningar 21-21-21-28-28-28 lykkjur), A.2 (= 2-2-2-3-3-3 lykkjur), 16-21-26-21-29-36 lykkjur í sléttprjóni, setjið 1 prjónamerki (= hlið), 26-31-34-32-38-45 lykkjur í sléttprjóni, A.1 (= 21-21-21-28-28-28 lykkjur), A.2 (= 2-2-2-3-3-3 lykkjur) og endið með 10-10-12-12-14-14 kantlykkjur að framan í garðaprjóni. Haldið svona áfram með mynstur. ATHUGIÐ PRJÓNFESTUNA!
LESIÐ ALLAN KAFLANN ÁÐUR EN PRJÓNAÐ ER ÁFRAM!

KANTUR AÐ FRAMAN: Þegar stykkið mælist 3-3-3-3-4-4 cm eru prjónaðar STUTTAR UMFERÐIR yfir kant að framan í hvorri hlið – sjá útskýringu að ofan!
HNAPPAGAT: Þegar stykkið mælist 4 cm er prjónað HNAPPAGAT í hægri kanti að framan – sjá útskýringu að ofan.

ÚRTAKA Í HLIÐUM: Þegar stykkið mælist 5 cm í öllum stærðum er fækkað um 1 lykkju hvoru megin við bæði prjónamerkin – LESIÐ ÚRTAKA-1 (= 4 lykkjur færri). Fækkið lykkjum svona með 5 cm millibili alls 3 sinnum í hvorri hlið = 203-223-243-267-299-327 lykkjur.
ÚTAUKNING Á HLIÐUM: Þegar stykkið mælist 22 cm í öllum stærðum er aukið út um 1 lykkju hvoru megin við prjónamerkin – LESIÐ ÚTAUKNING -1 (= 4 lykkjur fleiri). Aukið svona út með 2-2-3-3-4-4 cm millibili alls 5-5-5-5-4-4 sinnum í hvorri hlið.
HÁLSMÁL: Þegar stykkið mælist 23 cm í öllum stærðum er fækkað um 1 lykkju fyrir v-hálsmáli innan við A.1 og A.2 á hvoru framstykki – LESIÐ ÚRTKA-2.
Fækkið lykkjum svona í 8.-8.-10.-10.-10.-10. hverri umferð alls 11-11-10-10-9-9 sinnum í hvorri hlið.
SJALKRAGI: Þegar stykkið mælist 30 cm í öllum stærðum er aukið út um 1 lykkja í hvorri hlið – LESIÐ ÚTAUKNING-2. Aukið svona út í 4. hverri umferð (þ.e.a.s. í annarri hverri umferð frá réttu) alls 12-13-13-14-14-15 sinnum og síðan í 6. hverri umferð alls 2 sinnum í öllum stærðum.
HANDVEGUR: Þegar stykkið mælist 35-36-37-38-39-40 cm fellið af 6 lykkjur fyrir handveg í hvorri hlið (3 lykkjur hvoru megin við bæði prjónamerkin). Síðan er fram- og bakstykki prjónað til loka fyrir sig.

BAKSTYKKI:
= 95-105-115-127-141-155 lykkjur. Haldið áfram með mynstur eins og áður og fellið af fyrir handveg í hveri umferð í hvorri hlið þannig: 3 lykkjur 0-0-1-1-2-3 sinnum, 2 lykkjur 1-2-2-3-4-4 sinnum og 1 lykkja 1-3-4-4-5-6 sinnum = 89-91-93-101-103-109 lykkjur – LESIÐ LEIÐBEININGAR. Þegar stykkið mælist 52-54-56-58-60-62 cm fellið af miðju 17-17-17-25-25-25 lykkjur fyrir hálsmáli og hvor öxl er prjónuð til loka fyrir sig. Haldið áfram með sléttprjón og mynstur og fellið af 2 lykkjur í næstu umferð frá hálsi = 34-35-36-36-37-40 lykkjur eftir á öxl (22-22-22-29-29-29 lykkjur mynstur og 12-13-14-7-8-11 lykkjur sléttprjón. Fellið af þegar stykkið mælist 54-56-58-60-62-64 cm. Prjónið hina öxlina alveg eins.

VINSTRA FRAMSTYKKI:
Haldið áfram með mynstur eins og áður með úrtöku fyrir hálsmáli og útaukningu fyrir sjalkraga eins og áður. JAFNFRAMT er fellt af fyrir handveg í hlið alveg eins og á bakstykki. Eftir allar útaukningar og úrtöku/affellingu eru 58-60-62-67-69-73 lykkjur í umferð. Þegar stykkið mælist 54-56-58-60-62-64 cm fellið af ystu 34-35-36-36-37-40 lykkjur á öxl = 24-25-27-28-30-31 lykkjur eftir á prjóni fyrir sjalkraga. Prjónið umferðina út. Prjónið síðan stuttar umferðir yfir sjalkraga þannig (með byrjun frá röngu): * 2 umferðir garðaprjón fram og til baka yfir ystu 14-15-15-16-16-17 lykkjur við miðju að framan, 2 umferðir garðaprjón fram og til baka yfir allar lykkjur *, endurtakið frá *-* þar til stykkið mælist ca 6-6-6-8-8-8 cm innst þar sem stykkið er styst (mælt frá öxl). Fellið af.

HÆGRA FRAMSTYKKI:
Prjónið alveg eins og vinstra framstykki, nema með útaukningu og úrtöku/affellingu í gangstæðri hlið.

ERMI:
Fitjið upp 48-50-52-56-58-60 lykkjur á sokkaprjóna 2,5 með Flora. Prjónið GARÐAPRJÓN – sjá útskýringu að ofan! Þegar stykkið mælist 4 cm er sett 1 prjónamerki – HÉÐAN ER NÚ MÆLT! Haldið áfram í garðaprjóni í 4 cm (stykkið mælist 8 cm alls). Skiptið yfir á sokkaprjóna 3. Setjið 1 prjónamerki í byrjun á umferð (= mitt undir ermi). Prjónið sléttprjón. Þegar stykkið mælist 8-5-6-5-7-5 cm er aukið út um 2 lykkjur mitt undir ermi – LESIÐ ÚTAUKNING-1. Aukið svona út með 2½-2½-2-2-1½-1½ cm millibili alls 15-17-19-21-24-25 sinnum = 78-84-90-98-106-110 lykkjur. Þegar stykkið mælist 47-47-46-46-45-43 cm (styttra mál í stærri stærðum vegna lengri ermakúpu og breiðari axla) fellið af 6 lykkjur mitt undir ermi (3 lykkjur hvoru megin við prjónamerki). Prjónið síðan ermakúpuna til loka fram og til baka á hringprjóna. Prjónið sléttprjón og fellið af í byrjun umferðar í hvorri hlið þannig: 2 lykkjur 3-3-4-4-5-6 sinnum og 1 lykkja 5-6-6-6-7-8 sinnum, síðan eru felldar af 2 lykkjur í hvorri hlið þar til stykkið mælist 54-55-55-55-55-55 cm áður en felldar eru af 3 lykkjur 1 sinni í hvorri hlið. Fellið af þær lykkjur sem eftir eru. Ermin mælist ca 55-56-56-56-56-56 cm ofan frá og niður að prjónamerki (59-60-60-60-60-60 cm ofan frá og niður að uppfitjunarkanti).
Prjónið aðra ermi á sama hátt.

FRÁGANGUR:
Saumið axlasauma. Saumið ermar í. Brjótið uppá hálfa kantinn með garðaprjón neðst á ermum og festið með smáu spori mitt undir ermi. Saumið kragann saman fyrir miðju að aftan (saumurinn á að snúa inn þegar kraginn er brotinn niður). Saumið kragann við hálsmál aftan við hnakka. Saumið tölur í.

Mynstur

symbols = slétt lykkja frá réttu, brugðin lykkja frá röngu
symbols = brugðin lykkja frá réttu, slétt lykkja frá röngu
symbols = á milli 2 lykkja er slegið 1 sinni uppá prjóninn, í næstu umferð er uppslátturinn prjónaður slétt (1 lykkja fleiri)
symbols = á milli 2 lykkja er slegið 2 sinnum uppá prjóninn, í næstu umferð er fyrri uppslátturinn prjónaður slétt og sá seinni prjónaður snúinn slétt (= 2 lykkjur fleiri)
symbols = 2 lykkjur slétt saman (= 1 lykkja færri)
symbols = lyftið 1 lykkju af prjóni eins og prjóna eigi slétt, prjónið 1 l slétt, steypið lyftu lykkjunni yfir lykkjuna sem var prjónuð (= 1 lykkja færri)

symbols = á milli 2 lykkja er slegið 2 sinnum uppá prjóninn
symbols = * Lyftið 1 lykkju af prjóni eins og prjóna eigi slétt, sleppið 2 uppsláttum af prjóni *, endurtakið frá *-* alls 7 sinnum, sláið 1 sinni uppá prjóninn, stingið vinstra prjóni frá vinstri að hægri í gegnum 7 lausar lykkjur á hægra prjóni, dragið uppsláttinn í gegnum þessar 7 lykkjur með hægri prjón, sleppið lykkjum af vinstra prjóni * lyftið 1 lykkju af prjóni eins og prjóna eigi slétt, sleppið 2 uppsláttunum af prjóni *, endurtakið frá *-* alls 7 sinnum, prjónið 1 lykkju slétt, stingið vinstra prjóni frá vinstri að hægri í gegnum þessar 8 lykkjur, setjið til baka lykkjurnar á vinstra prjón, prjónið 8 lykkjur slétt saman (frá vinstri að hægri), að lokum er önnur lykkjan lyft á hægri prjóni yfir fyrstu lykkjuna (= 1 lykkja eftir)
diagram
diagram

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS 175-25

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (27)

country flag Berbett wrote:

Bonjour, Les boutonnières sur photos ressemblent à des arceaux ajoutés sur le bord que je trouve jolis mais comment faire ? puisque les explications de ce modèle sont donnés avec une ouverture classique que je souhaite éviter. Merci d'avance.

06.11.2022 - 17:13

DROPS Design answered:

Bonjour Berbett, nous avons effectivement modifié les boutonnières suite à de nombreux retours de clientes qui préfèrent avoir de vraies boutonnières, mais vous pouvez tout à fait les faire ainsi en crochetant quelques mailles en l'air (correspondant à la taille des boutons), sautez 1 ou 2 côtes mousse de la bordure et attachez avec 1 mc. Bon tricot!

18.11.2022 - 11:53

country flag Marcia wrote:

Hi. For the shawl collar, the pattern says "Increase like this every 4th row (i.e. every other row from right side)". I don't understand this because every other row means every 2nd row, not every 4th row. I understand how to make the yarn over on each side on the RS and then work the yarn overs twisted on the WS. That makes 2 rows. Do I work another 2 rows before I increase again?

11.01.2021 - 05:58

DROPS Design answered:

Dear Marcia, you have to increase on on every other 4th row (= increase on next RS row, work 3 rows = 1 row from WS, 1 row from RS, 1 row from WS) - this means the same as on every other row from RS (= increase on next row from RS, do not increase on next row from RS and repeat). Hope that helps. Happy knitting!

11.01.2021 - 10:43

country flag Vera wrote:

Ik heb een probleem met minderen voor de hals. Volgens het patroon moet je minderen na de 2 steken voor het ivy patroon maar dan ga je minderen in het patroon zelf???

13.01.2019 - 11:10

DROPS Design answered:

Dag Vera,

Op het rechter voorpand (dus het rechter voorpand als je het draagt) minder je ná A.2 en dit is dus in het tricotsteek gedeelte. Op het linker voorpand minder je ook in het tricotsteekgedeelte. (zie TIP VOOR HET MINDEREN-2 voor hoe je de minderingen maakt op het linker/rechter voorpand).

23.01.2019 - 11:33

country flag Ma wrote:

Hoi, Ik heb t vestje gemaakt maar in tegenstelling tot eerder vesten valt t vrij klein. Loopt t nog uit door t patroon of kan ik t beter in n maat groter gaan maken?

12.08.2018 - 18:30

DROPS Design answered:

Dag Ma, Het vest zou met dit garen, gewoon in model moeten blijven dus het loopt niet uit door het patroon. Je kunt de stekenverhouding aanhouden en kijken naar de maattabel voor de juiste maat/afmetingen. Vergelijk de afmetingen in de maattekening eventueel met een bestaand kledingstuk dat je goed past. Succes!

14.08.2018 - 10:28

country flag Marieke Schoutsen wrote:

Goedemiddag, Het lukt mij niet het knoopsgat te maken. Ik kan helaas geen filmpje vinden. Ik brei tot de voorlaatste steek maak de 2 omslagen brei de laatste steek. Na het keren brei ik de omslagen samen met de andere steken en vervolg mijn naald, maar er onstaat geen knoopsgat? Wat doe ik verkeerd?

21.03.2018 - 15:46

DROPS Design answered:

Hallo Marieke, Zoals je het beschrijft doe je het goed en zou er wel een knoopsgat moeten ontstaan, dus de eerste steek recht samen breien met de eerste omslag en dan de volgende omslag recht samen breien met de volgende steek. Helaas kan ik vanaf hier niet meekijken, maar je kunt evt. ook altijd hulp vragen bij de winkel waar je het garen hebt gekocht

21.03.2018 - 21:00

Fiona wrote:

I am a bit confused about the length of the sleeves. I am making size xl. If I measure from the 4cm marker, garter 4cm, stocking stitch 5cm,then increase 2 stitches every 2cm 21 times that makes 51cm ... but the instructions say to work until piece measures 46cm before decreasing for the sleeve cap. Are the measurements correct?

11.03.2018 - 17:41

DROPS Design answered:

Dear Fiona, starting the inc mid under sleeve when piece measures 5 cm (= 4 cm garter st + 1 cm stocking st) you will dec at the fisrt time at 5 cm, then at 7 cm, ... and the last inc will be worked when piece measures 45 cm. Happy knitting!

12.03.2018 - 10:14

DROPS Design wrote:

There is now a new video showing how to work A.1 and A.2. Happy knitting!

08.05.2017 - 16:03

Lynette Stakenburg wrote:

Good morning/afternoon I would like to know if there is a written pattern for the sweet ivy leaves cardigan. Thank you Lynette Stakenburg

03.05.2017 - 05:37

DROPS Design answered:

Dear Lynette, for the lace pattern in the Sweet Ivy Leaves cardigan you have to follow the charts. Beside the charts there are explanations for the symbols, and everything else is witten out. I hope this helps. Happy knitting!

06.05.2017 - 10:57

country flag Anja wrote:

Nach 23cm kommen die Anbnahmen für den Halsauschnitt. Werden diese nicht in den Blendenmaschen vorgenommen, vor dem Mustersatz? In der Anleitung werden die Abnahmen nach dem Mustersatz abgenommen, das wäre ja fast unterm Arm. Bitte um Überprüfung.

15.04.2017 - 17:50

DROPS Design answered:

Liebe Anja, die Abnahmen für den Halsausschnitt sind im Glatt-rechts Teil gestrickt, siehe ABNAHMETIPP-2 (gilt für den Halsausschnitt vorne). Viel Spaß beim stricken!

18.04.2017 - 10:43

country flag Anja wrote:

Ich habe nun in den glatt rechts gestrickten Reihe eine Höhe von 14cm. Bei der Blende habe ich laut Anleitung bis jetzt 3x verkürzte Reihen eingearbeitet, aber sie hat nur eine Höhe von 11,8cm. Soll ich mehr verkürzte Reihen stricken oder gibt sich das, wenn die Jacke fertig ist?

31.03.2017 - 13:17

DROPS Design answered:

Liebe Anja, gerne können Sie die Höhe der verkürkzten Reihen anpassen, damit die Blende nicht zusammenzieht. Viel Spaß beim stricken!

31.03.2017 - 13:38