DROPS BabyAlpaca Silk
DROPS BabyAlpaca Silk
70% Alpakka, 30% Silki
Hætt í framleiðslu
finna valmöguleika
DROPS Super Sale

Erendis Cardigan

Prjónuð peysa úr DROPS BabyAlpaca Silk með gatamynstri og garðaprjóni. Stærð S - XXXL.

DROPS 172-12
DROPS Design: Mynstur nr bs-107
Garnflokkur A
----------------------------------------------------------

Stærð: S - M - L - XL - XXL - XXXL

Efni:
DROPS BABYALPACA SILK frá Garnstudio
350-350-400-450-500-550 g nr 4314, gráfjólublár

DROPS SOKKAPRJÓNAR OG HRINGPRJÓNAR (40 + 60 eða 80 cm) NR 3,5 – eða þá stærð sem þarf til að 23 l x 30 umf með sléttprjóni verði 10 x 10 cm. 1 mynstureining með A.2 mælist ca 4 cm á breiddina.
DROPS SOKKAPRJÓNAR OG HRINGPRJÓNAR (60 eða 80 cm) NR 3 – fyrir kant með garðaprjóni.
DROPS PERLUTALA, Bogalaga (hvít) NR 521: 7 st í allar stærðir.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS BabyAlpaca Silk
DROPS BabyAlpaca Silk
70% Alpakka, 30% Silki
Hætt í framleiðslu
finna valmöguleika

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað fram og til baka):
Lykkjurnar prjónast slétt í öllum umf.

GARÐAPRJÓN (prjónað í hring):
*1 umf sl og 1 umf br*, endurtakið frá *-*.

MYNSTUR:
Sjá mynsturteikningu A.1 til A.4. Mynsturteikning sýnir allar umf í mynstri séð frá réttu.

ÚTAUKNING-1 (á við um hliðar á fram- og bakstykki):
Aukið út um 1 l innan við 3 kantlykkjur í garðaprjóni. Aukið út um 1 l með því að slá 1 sinni uppá prjóninn, í næstu umf er uppslátturinn prjónaður snúinn slétt svo ekki myndist gat (útauknar lykkjur eru prjónaðar í garðaprjóni).

ÚTAUKNING-2 (á við um miðju undir ermi):
Aukið út um 2 l mitt undir ermi þannig: Byrjið 2 l á undan prjónamerki, sláið 1 sinni uppá prjóninn, prjónið 4 l sl (prjónamerki er staðsett mitt á milli þessa 4 l), sláið 1 sinni uppá prjóninn (= 2 l fleiri). Í næstu umf er uppslátturinn prjónaður snúinn slétt svo ekki myndist gat.

ÚRTAKA:
Fækkið um 1 l innan við 2 kantlykkjur í garðaprjóni. Öll úrtaka er gerð frá réttu!
Fækkið l á undan 2 kantlykkjum þannig: Byrjið 2 l á undan 2 kantlykkjum og prjónið 2 l slétt saman.
Fækkið l á eftir 2 kantlykkjum þannig: Takið 1 l óprjónaða eins og prjóna eigi slétt, 1 l sl, steypið óprjónuðu l yfir.

HNAPPAGAT:
Fellið af fyrir hnappagötum í hægri kanti að framan. 1 HNAPPAGAT = prjónið aðra og þriðju l frá kanti slétt saman og sláið 1 sinni uppá prjóninn. Í næstu umf er uppslátturinn prjónaður slétt (= gat). Fellið af fyrir hnappagati þegar stykkið mælist:
Stærð S: 7, 14, 21, 28, 35, 42 og 49 cm.
Stærð M: 7, 15, 23, 30, 37, 44 og 51 cm.
Stærð L: 7, 15, 23, 31, 38, 45 og 52 cm.
Stærð XL: 6, 14, 22, 30, 38, 46 og 54 cm.
Stærð XXL: 6, 15, 23, 31, 39, 47 og 55 cm.
Stærð XXXL: 9, 17, 25, 33, 41, 49 og 57 cm.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Bakstykki og framstykkin eru prjónuð fram og til baka á hringprjóna í stykkjum.
Ermar eru prjónaðar í hring á sokkaprjóna/stutta hringprjóna.

BAKSTYKKI:
Fitjið upp 103-111-121-133-147-163 l á hringprjóna nr 3 með BabyAlpaca Silk. Prjónið 4 umf GARÐAPRJÓN – sjá útskýringu að ofan. Skiptið yfir á hringprjóna nr 3,5 og prjónið næstu umf frá réttu þannig: Prjónið 3-7-12-18-19-21 l garðaprjón, prjónið mynstur eftir A.1 yfir næstu 96-96-96-96-108-120 l (= 8-8-8-8-9-10 mynstureiningar 12 l), prjónið fyrstu l í A.1 og endið með 3-7-12-18-19-21 l garðaprjón. Haldið svona áfram með mynstur. Þegar A.1 hefur verið prjónað einu sinni á hæðina eru 87-95-105-117-129-143 l á prjóni. Prjónið síðan mynstur eftir A.2 alveg eins með 3-7-12-18-19-21 l garðaprjón í hvorri hlið (A.2 er endurtekið). ATHUGIÐ PRJÓNFESTUNA! Þegar stykkið mælist 12 cm er aukið út um 1 l í hvorri hlið – LESIÐ ÚTAUKNING-1 (= 2 l fleiri). Aukið svona út með 5-5-5½-6-8-8 cm millibili alls 5-5-5-5-4-4 sinnum = 97-105-115-127-137-151 l. Þegar stykkið mælist 37-38-39-40-41-42 cm fellið af fyrstu 3-3-4-6-7-9 l í byrjun 2 næstu umf fyrir handveg. Fellið síðan af fyrir handveg þannig – LESIÐ ÚRTAKA:
Stærð S + M: Fellið af 1 l í hvorri hlið í 4. hverri umf (þ.e.a.s. í annarri hverri umf frá réttu) alls 2-6 sinnum.
Stærð L + XL + XXL + XXXL: Fellið af 1 l í hvorri hlið í annarri hverri umf (þ.e.a.s. í hverri umf frá réttu) alls 9-13-13-13 sinnum.
Þegar úrtaku fyrir handveg er lokið eru 87-87-89-89-97-107 l eftir á prjóni. Haldið áfram með A.2 eins og áður með 3-3-4-4-3-3 l garðaprjón á hvorri hlið. Þegar stykkið mælist 54-56-58-60-62-64 cm fellið af miðju 33-33-35-35-37-39 l fyrir hálsmáli og hvor öxl er prjónuð til loka fyrir sig. Fækkið síðan l fyrir hálsmáli í byrjun hverrar umf frá hálsmáli þannig: Fækkið um 1 l 2 sinnum = 25-25-25-25-28-32 l eftir á öxl – ATH: Þær l sem ekki ganga jafnt upp í mynstri við hálsmál þegar l er fækkað eru prjónaðar í sléttprjóni. Eftir úrtöku við hálsmáli er haldið áfram með mynstur eins og áður með 1 kantlykkju í garðaprjóni við háls og 3-3-4-4-3-3 l með garðaprjóni við handveg þar til 2 umf eru eftir þar til stykkið mælist ca 56-58-60-62-64-66 cm. Prjónið 1 umf slétt frá réttu og 1 umf slétt frá röngu áður en fellt er laust af með sl frá réttu. Endurtakið á hinni öxlinni.

HÆGRA FRAMSTYKKI:
Fitjið upp 57-61-66-72-78-87 l (meðtaldar 5 kantlykkjur við miðju að framan) á hringprjóna nr 3 með BabyAlpaca Silk. Prjónið 4 umf garðaprjón. Skiptið yfir á hringprjóna nr 3,5 og prjónið næstu umf frá réttu þannig: Prjónið 5 kantlykkjur að framan í garðaprjóni, prjónið 0-0-0-0-5-0 l garðaprjón, prjónið mynstur eftir A.1 yfir næstu 48-48-48-48-48-60 l (= 4-4-4-4-4-5 mynstureiningar 12 l), prjónið fyrstu l í A.1 og endið með 3-7-12-18-19-21 l garðaprjón. Haldið svona áfram með mynstur – munið eftir HNAPPAGAT í kanti að framan – sjá útskýringu að ofan. Þegar A.1 hefur verið prjónað einu sinni á hæðina eru 49-53-58-64-70-77 l eftir á prjóni. Prjónið síðan mynstur eftir mynsturteikningu A.2 alveg eins (A.2 er endurtekið eins og á bakstykki). Þegar stykkið mælist 12 cm byrjar útaukning í hlið og aukið er út eins og á bakstykki = 54-58-63-69-74-81 l. Þegar stykkið mælist 37-38-39-40-41-42 cm fellið af fyrstu 3-3-4-6-7-9 l í byrjun umf frá hlið fyrir handveg. Fellið af fyrir handveg í hlið eins og á bakstykki = 49-49-50-50-54-59 l. Haldið áfram með A.2 eins og áður með 5 kantlykkjur að framan í garðaprjóni og 3-3-4-4-3-3 l með garðaprjón í hlið. Þegar prjónuð hefur verið 1 umf á eftir síðasta hnappagati í kanti að framan eru settar síðustu 16-16-17-17-17-18 l við miðju að framan á þráð fyrir hálsmáli (til að sleppa við að klippa þráðinn frá sem prjónað er með, prjónið l áður en þær eru settar á þráðinn). Fellið síðan af fyrir hálsmáli í byrjun hverrar umf frá hálsi þannig: Fellið af 2 l 3 sinnum og 1 l 2-2-2-2-3-3 sinnum = 25-25-25-25-28-32 l eftir á öxl – ATH: Þær l sem ekki ganga jafnt upp í mynstri við háls þegar fellt er af eru prjónaðar í sléttprjóni. Á eftir úrtöku fyrir hálsmáli er haldið áfram með mynstur eins og áður með 1 kantlykkju í garðaprjóni við háls og 3-3-4-4-3-3 l með garðaprjóni við handveg þar til 2 umf eru eftir þar til stykkið mælist 56-58-60-62-64-66 cm – stillið af eftir bakstykki. Prjónið 1 umf slétt frá réttu og 1 umf slétt frá röngu áður en fellt er laust af með sl frá réttu.

VINSTRA FRAMSTYKKI:
Fitjið upp og prjónið á sama hátt og hægra framstykki, nema spegilmynd. ATH: Fellið ekki af fyrir hnappagötum í vinstri kanti að framan.

ERMI:
Stykkið er prjónað í hring á sokkaprjóna, skiptið yfir á stutta hringprjóna eftir þörf.
Fitjið upp 43-45-47-51-53-55 l á sokkaprjóna nr 3 með BabyAlpaca Silk. Prjónið 4 umf GARÐAPRJÓN – sjá útskýringu að ofan. Skiptið yfir á sokkaprjóna nr 3,5 og prjónið næstu umf þannig: 15-16-17-19-20-21 l sléttprjón, A.3 (= 13 l), 15-16-17-19-20-21 l sléttprjón. Haldið svona áfram með mynstur. Þegar A.3 hefur verið prjónað 1 sinni á hæðina er prjónað A.4 yfir miðju 3 l til loka (aðrar l halda áfram í sléttprjóni). JAFNFRAMT þegar stykkið mælist 10-10-10-9-9-9 cm setjið 1 prjónamerki í byrjun umf (= mitt undir ermi). Í næstu umf er aukið út um 2 l mitt undir ermi alls 16-19-21-22-24-25 sinnum – LESIÐ ÚTAUKNING-2 þannig: Í stærð S: Í 7. hverri umf, í stærð M: Í 6. hverri umf, í stærð L + XL: Í 5. hverri umf, í stærð XXL: Til skiptis í 4. og 5. hverri umf og í stærð XXXL: Í 4. hverri umf = 75-83-89-95-101-105 l. Þegar stykkið mælist 48-48-47-46-46-45 cm eru felldar af 6 miðju l undir ermi og ermakúpan er prjónuð til loka fram og til baka á hringprjóna. Haldið áfram í sléttprjóni og A.4 yfir miðju 3 l og fellið af fyrir ermakúpu í hvorri hlið þannig: Fellið af 3 l 0-1-1-1-1-1 sinnum, 2 l 3-3-3-4-4-5 sinnum og 1 l 3-3-3-5-6-6 sinnum í hvorri hlið, fellið síðan af 2 l í hvorri hlið þar til stykkið mælist 54-55-55-56-56-56 cm, fellið síðan af 3 l 1 sinnum í hvorri hlið. Fellið af 3 l 1 sinni í hvorri hlið. Fellið af þær l sem eftir eru, ermin mælist ca 55-56-56-57-57-57 cm.
Prjónið hina ermina á sama hátt.

FRÁGANGUR:
Saumið axlasauma innan við affellingarkantinn með lykkjuspori þannig að það verða 4 umf garðaprjón ofan á öxl.
Saumið hliðarsauma kant í kant í ystu lykkjubogana frá handveg og niður, en endið þegar eftir eru ca 10-12 cm í hvorri hlið (= klauf). Leggið ermar í handveg neðan við kant í garðaprjóni í hvorri hlið og saumið fallega niður með smáu spori (kantur í garðaprjóni í handveg á að liggja utan á ermi).

HÁLSMÁL:
Prjónið upp frá réttu ca 108 til 130 l (meðtaldar l frá þræði að framan) á hringprjóna nr 3. Prjónið 1 umf sl frá röngu, 1 umf sl frá réttu og 1 umf sl frá röngu. Fellið laust af með sl frá réttu. Saumið tölur í vinstra framstykki.

Mynstur

symbols = slétt lykkja frá réttu, brugðin lykkja frá röngu
symbols = brugðin lykkja frá réttu, slétt lykkja frá röngu
symbols = sláið 1 sinni uppá prjóninn á milli 2 lykkja
symbols = 2 lykkjur slétt saman
symbols = lyftið 1 lykkju af prjóni eins og prjóna eigi slétt, 1 lykkja slétt, steypið lyftu lykkjunni yfir
symbols = lyftið 1 lykkju af prjóni eins og prjóna eigi slétt, 2 lykkjur slétt saman, steypið lyftu lykkjunni yfir
diagram
diagram

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS 172-12

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (10)

country flag Maarit Hirvi wrote:

Hian ohjeessa sanotaan: Päätä lopuksi kummastakin reunasta 2 s, kunnes työn pituus on 56 cm(xl). Päätä lopuksi kummastakin reunasta 1x3 s. Eli kavennanko kerran tuon 2 s kummastakin reunasta vai niin kauan kuin pituus 56 cm? Monta silmukkaa silloin pitäisi olla? Entä lopussa?

06.04.2018 - 20:25

DROPS Design answered:

Työstä päätetään kummastakin reunasta 2 silmukka siihen asti, että työn pituus on 56 cm. Silmukoiden määrä tässä kohtaa riippuu neuletiheydestä, eli se voi vaihdella.

18.04.2018 - 17:37

country flag Ingvild wrote:

Hei. Ang lengde på bakstykket når man skal felle til armhull, skal man måle på rillekanten eller mønsteret? Jeg strikker str xl som sier det skal være 40 cm, men rillekanten måler 38 cm og mønsteret måler 41....

14.03.2018 - 21:12

DROPS Design answered:

Hej Ingvild, du ser at kanten buer ca 2 cm, du skal måle 40 cm på det længste stykke. God fornøjelse!

17.05.2018 - 15:18

country flag Mariolina wrote:

Buongiorno! Prima di iniziare il lavoro vorrei chiedervi un suggerimento: se volessi lavorare il golf in tondo, dopo gli spacchi laterali e fino agli scalfi, potrei farlo seguendo comunque la stessa spiegazione, oppure dovrei modificare qualcosa? Oppure è meglio che segua il lavoro così come è descritto, a pezzi separati e poi cuciti alla fine? Grazie mille per la vostra risposta !

15.02.2017 - 13:16

DROPS Design answered:

Buongiorno Mariolina. In base alla sua esperienza, potrebbe lavorare il modello in un unico pezzo, senza apportare modifiche alle istruzioni. Inserire dei segnapunti ai lati potrebbe aiutarla. Per un aiuto più personalizzato si può rivolgere al suo rivenditore Drops di fiducia. Buon lavoro!

15.02.2017 - 13:22

country flag Lena wrote:

Ich möchte gern diese Jacke stricken. Aufgrund meiner empfindlichen Haut muss ich auf die Wollqualität achten und möchte gern aus reiner Baumwolle stricken. Aus der gleichen Garngruppe spricht mich von den Farben dropslovesyou 6 am meisten an. Jetzt Bin ich unsicher bzgl der Garnmenge und möchte das gerne klären, bevor ich falsch bestelle. In Größe L bräuchte ich 400gramm babyalpaca silk, das wären 1336 m und 1336 m dropslovesyou 6 wären 11,1 bzw entsprechend 12 Knäuel, richtig? Danke!

21.11.2016 - 20:41

DROPS Design answered:

Liebe Lena, es scheint richtig zu sein, wie hier beschrieben. Viel Spaß beim stricken!

22.11.2016 - 09:03

country flag Alessandra wrote:

Buona sera, Avrei una domanda, verrà pubblicata anche la versione senza bottoni di questo bellissimo maglioncino? E se si, quando? Grazie in anticipo

27.06.2016 - 22:27

DROPS Design answered:

Buonasera Alessandra. Sì, verrà pubblicata anche la versione senza bottoni. La data esatta non la sappiamo, ma sarà nelle prossime settimane. Buon lavoro!

27.06.2016 - 23:02

country flag Soprano wrote:

Sehr schön, freue mich aufs nachstricken

23.06.2016 - 15:54

country flag Rosanna wrote:

Wunderhübsches Design und sehr feminin.

20.06.2016 - 22:52

country flag Shannon Furnish wrote:

Great design. Love the sleeve detail. Beautiful model.

20.06.2016 - 07:08

country flag Gemma Gola wrote:

Molto fine è originale il disegno

13.06.2016 - 16:43

country flag Karin wrote:

Ein Hingucker!

07.06.2016 - 09:11