DROPS Alpaca
DROPS Alpaca
100% Alpakka
frá 990.00 kr /50g
DROPS Kid-Silk
DROPS Kid-Silk
75% Mohair, 25% Silki
frá 1430.00 kr /25g
Þú færð garn sem þarf í að gera þetta mynstur frá 22220.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

Sailing Cardigan

Prjónuð peysa úr 1 þræði DROPS Alpaca og 2 þráðum DROPS Kid-Silk með klauf í hliðum og stroffi. Stærð S-XXXL

DROPS 168-18
DROPS Design: Mynstur nr z-742
Garnflokkur A + A + A eða D
----------------------------------------------------------

Stærð: S - M - L - XL - XXL - XXXL

Efni:
DROPS ALPACA frá Garnstudio
200-200-200-250-250-250 g nr 6205, ljós blár
200-200-200-250-250-250 g nr 101, hvítur
Og notið:
DROPS KID-SILK frá Garnstudio
75-75-75-100-100-100 g nr 08, gráblár
100-100-100-100-125-125 g nr 07, ljós gráblár
75-75-75-100-100-100 g nr 01, natur
ATH: Ef flíkin er prjónuð í einum lit þá þarf 200-200-225-250-250-275 g Kid-Silk (= 2 þræðir) og 300-300-350-350-400-400 g Alpaca.

DROPS HRINGPRJÓNAR (60 eða 80 cm) NR 7 – eða þá stærð sem þarf til að 13 l x 15 umf með sléttprjóni verði 10 x 10 cm.
DROPS HRINGPRJÓNAR (60 eða 80 cm) NR 6 – fyrir stroff og garðaprjón.
DROPS PERLUTALA, NR 522: 6 st í allar stærðir.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Alpaca
DROPS Alpaca
100% Alpakka
frá 990.00 kr /50g
DROPS Kid-Silk
DROPS Kid-Silk
75% Mohair, 25% Silki
frá 1430.00 kr /25g
Þú færð garn sem þarf í að gera þetta mynstur frá 22220.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað fram og til baka):
Lykkjurnar prjónast slétt í öllum umf.

TVEIR ÞRÆÐIR:
Notið þráðinn innan úr og utan með dokkunni.

RENDUR:
Allar rendur eru prjónaðar með 1 þræði Alpaca + 2 þráðum Kid-silk (= 3 þræðir) – LESIÐ TVEIR ÞRÆÐIR!
RÖND 1: 1 þráður Alpaca ljós blár + 2 þræðir Kid-Silk gráblár.
RÖND 2: 1 þráður Alpaca ljós blár + 1 þráður Kid-Silk gráblár + 1 þráður Kid-Silk ljós gráblár.
RÖND 3: 1 þráður Aplaca ljós blár + 2 þræðir Kid-Silk ljós gráblár.
RÖND 4: 1 þráður Alpaca ljós blár + 1 þráður Kid-Silk ljós gráblár + 1 þráður Kid-Silk natur.
RÖND 5: 1 þráður Alpaca hvítur + 1 þráður Kid-Silk gráblár + 1 þráður Kid-Silk ljós gráblár.
RÖND 6: 1 þráður Alpaca ljós blár + 1 þráður Kid-Silki ljós gráblár + 1 þráður Kid-Silk natur.
RÖND 7: 1 þráður Alpaca hvítur + 1 þráður Kid-Silk gráblár + 1 þráður Kid-Silk ljós gráblár.
RÖND 8: 1 þráður Alpaca hvítur + 2 þræðir Kid-Silk gráblár.
RÖND 9: 1 þráður Alpaca hvítur + 1 þráður Kid-Silk ljós gráblár + 1 þráður Kid-Silk natur.
RÖND 10: 1 þráður Alpaca hvítur + 2 þræðir Kid-Silk natur. ATH: Þessi rönd er prjónuð til loka.

ÚTAUKNING:
Öll útaukning er gerð frá réttu!
Aukið út um 1 l með því að slá 1 sinni uppá prjóninn. Í næstu umf er uppslátturinn prjónaður snúinn br (þ.e.a.s. í aftari lykkjubogann í stað fremri) til að sleppa við göt.

HNAPPAGAT:
Fellið af fyrir hnappagötum í hægri kanti að framan. 1 hnappagat = prjónið þriðju og fjórðu l frá kanti slétt saman og sláið uppá prjóninn.
Fellið af fyrir hnappagötum þegar stykkið mælist:
STÆRÐ S: 20, 27, 34, 41, 48 og 55 cm.
STÆRÐ M: 20, 28, 36, 43, 50 og 57 cm.
STÆRÐ L: 20, 28, 36, 44, 51 og 59 cm.
STÆRÐ XL: 20, 28, 36, 44, 52 og 60 cm.
STÆRÐ XXL: 21, 29, 37, 45, 53 og 61 cm.
STÆRÐ XXXL: 23, 31, 39, 47, 55 og 63 cm.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Stykkið er prjónað í hlutum og saumað saman í lokin. Allt stykkið er prjónað með RENDUR – sjá útskýringu að ofan. LESIÐ TVEIR ÞRÆÐIR!

BAKSTYKKI:
Fitjið upp 64-70-74-82-90-98 l á hringprjóna nr 6 með 1 þræði í litnum ljós blár Alpaca og 2 þráðum í litnum gráblár Kid-Silk (= 3 þræðir). Prjónið 4 umf GARÐAPRJÓN – sjá útskýringu að ofan. Skiptið yfir á hringprjóna nr 7. Í næstu umf (= rétta) haldið áfram með RÖND 1 – sjá útskýringu að ofan, og prjónið sléttprjón með 3 l garðaprjóni í hvorri hlið. ATHUGIÐ PRJÓNFESTUNA!
Þegar stykkið mælist 8-9-9-9-9-10 cm prjónið RÖND 2.
Þegar stykkið mælist 16-17-17-18-18-19 cm prjónið RÖND 3.
Þegar stykkið mælist 20 cm í öllum stærðum er fitjuð upp 1 ný l í lok 2 næstu umf (merkir klauf) = 66-72-76-84-92-100 l.
Haldið síðan áfram með 4 umf sléttprjóni innan við 4 l garðaprjón í hvorri hlið. Prjónið síðan sléttprjón með 1 kantlykkju í garðaprjóni í hvorri hlið.
Þegar stykkið mælist 23-24-25-26-27-28 cm prjónið 6 umf með RÖND 4, 2 umf með RÖND 5 og 2 umf með RÖND 6. Prjónið síðan RÖND 7.
Þegar stykkið mælist 37-38-39-40-41-42 cm prjónið RÖND 8.
Þegar stykkið mælist 44-45-46-47-48-49 cm prjónið RÖND 9.
Þegar stykkið mælist 51-52-53-54-55-56 cm prjónið RÖND 10 og í byrjun á næstu 2 l eru felldar af 3-3-2-2-2-2 l fyrir handveg, JAFNFRAMT er fækkað um 0-0-0-2-1-3 l jafnt yfir l í sléttprjóni (þetta er gert til þess að stroffið efst á peysunni passi) = 60-66-72-78-87-93 l. Prjónið síðan stroff þannig: 1 kantlykkja í garðaprjóni, * 1 l sl, 2 l br *, endurtakið frá *-* þar til 2 l eru eftir, 1 l sl, 1 kantlykkja í garðaprjóni. Haldið svona áfram með stroff til loka. Þegar stykkið mælist 63-65-67-69-71-73 cm fellið af miðju 24-24-24-24-27-27 l fyrir hálsmáli og hvor öxl er prjónuð til loka fyrir sig. Í næstu umf frá hálsmáli er felld af 1 l = 17-20-23-26-29-32 l eftir á öxl. Síðasta l við hálsmál er prjónuð með garðaprjóni (þ.e.a.s. það er 1 l sl innan við 1 kantlykkju í garðaprjóni í hálsi). Þegar stykkið mælist 65-67-69-71-73-75 cm, prjónið 2 umf garðaprjón yfir allar l. Fellið af. Passið uppá að affellingarkanturinn verði ekki of stífur.
Prjónið hina öxlina á sama hátt.

HÆGRA FRAMSTYKKI:
Fitjið upp 36-39-41-45-49-53 l á hringprjóna 6 með 1 þræði í litnum ljós blár Alpaca og 2 þráðum í litnum gráblár Kid-Silk (= 3 þræðir). Prjónið 4 umf GARÐAPRJÓN – sjá útskýringu að ofan. Skiptið yfir á hringprjóna nr 7. Í næstu umf (= rétta) er haldið áfram með RÖND 1 – sjá útskýringu að ofan og prjónið þannig: Prjónið 4 kantlykkjur að framan í garðaprjóni, sléttprjón yfir næstu 29-32-34-38-42-46 l, 3 l garðaprjón.
Þegar stykkið mælist 8-9-9-9-9-10 cm prjónið RÖND 2.
Þegar stykkið mælist 16-17-17-18-18-19 cm prjónið RÖND 3.
Þegar stykkið mælist 20 cm í öllum stærðum er fitjuð upp 1 ný l í lok umf (merkir klauf) = 37-40-42-46-50-54 l. MUNIÐ EFTIR HNAPPAGAT! Haldið síðan áfram með 4 umf sléttprjón innan við 4 kantlykkjur í garðaprjóni og 4 l garðaprjón í hlið. Prjónið síðan áfram eins og áður nema nú er einungis 1 kantlykkja í garðaprjóni í hlið.
Þegar stykkið mælist 23-24-25-26-27-28 cm prjónið 6 umf með RÖND 4, 2 umf með RÖND 5 og 2 umf með RÖND 6. Síðan er prjónuð RÖND 7.
Þegar stykkið mælist 37-38-39-40-41-42 cm prjónið RÖND 8.
Þegar stykkið mælist 44-45-46-47-48-49 cm prjónið RÖND 9.
Þegar stykkið mælist 51-52-53-54-55-56 cm prjónið RÖND 10 til loka og í byrjun á næstu umf frá röngu eru felldar af 3-3-2-2-2-2 l fyrir handveg, JAFNFRAMT er fækkað um 1-1-1-2-0-1 l jafnt yfir l í sléttprjóni (þetta er gert til að stroffið efst á peysunni passi) = 33-36-39-42-48-51 l. Prjónið síðan stroff þannig: 1 kantlykkja í garðaprjóni, * 1 l sl, 2 l br *, endurtakið frá *-* þar til 2 l, 1 l sl, 1 kantlykkja í garðaprjóni. Haldið áfram með stroff til loka. Þegar stykkið mælist 57-59-60-62-63-65 cm setjið fyrstu 9-9-9-9-12-12 l á þráð fyrir hálsmáli. Fellið síðan af í hverri umf frá hálsmáli þannig: 3 l 1 sinni,2 l 1 sinni og 1 l 2 sinnum = 17-20-23-26-29-32 l eftir á öxl. Síðast l við hálsmál er prjónuð í garðaprjóni (þ.e.a.s. það er 1 l sl innan við 1 kantlykkju í garðaprjón í hálsmáli). Þegar stykkið mælist 65-67-69-71-73-75 cm, prjónið 2 umf garðaprjón yfir allar l. Fellið af. Passið að affellingarkanturinn verði ekki of stífur!

VINSTRA FRAMSTYKKI:
Prjónið á sama hátt og hægra framstykki, nema spegilmynd. Ekki er fellt af fyrir hnappagötum í vinstri kanti að framan.

ERMI:
Ermin er prjónuð fram og til baka á hringprjóna í röndum.
Fitjið upp 30-30-30-33-33-36 l á hringprjóna nr 6 með 1 þræði í litnum ljós blár Alpaca og 2 þráðum í litnum gráblár Kid-Silk (= 3 þræðir). Prjónið 1 umf br með 1 kantlykkju í garðaprjóni í hvorri hlið.
Næsta umf er prjónuð þannig (= frá réttu): 1 kantlykkja í garðaprjóni, 1 l sl * 2 l br, 1 l sl *, endurtakið frá *-* þar til 1 l er eftir á prjóni, 1 kantlykkja í garðaprjóni. Haldið svona áfram þar til stroffið mælist 6 cm. Skiptið yfir á hringprjóna nr 7. Prjónið síðan sléttprjón með 1 kantlykkju í garðaprjóni í hvorri hlið. Þegar stykkið mælist 7 cm í öllum stærðum er prjónuð RÖND 2 og aukið út um 1 l innan við 1 kantlykkju í garðaprjóni í hvorri hið – LESIÐ ÚTAUKNING! Endurtakið útaukningu með 13-7½-6-6-4½-4½ cm millibili 3-5-6-6-7-7 sinnum til viðbótar = 38-42-44-47-49-52 l. JAFNFRAMT eru prjónaðar rendur þannig:
Þegar stykkið mælist 13-13-13-13-13-12 cm prjónið RÖND 3.
Þegar stykkið mælist 19-19-19-19-18-17 cm prjónið 6 umf með RÖND 4, 2 umf með RÖND 5 og 2 umf með RÖND 6. Síðan er prjónuð RÖND 7.
Þegar stykkið mælist 32-32-32-31-30-29 cm er prjónuð RÖND 8.
Þegar stykkið mælist 38-38-37-36-35-34 cm er prjónuð RÖND 9.
Þegar stykkið mælist 44-43-42-41-39-39 cm er prjónuð RÖND 10.
Fellið af þegar ermin mælist 50-48-47-46-43-42 cm.
Prjónið hina ermina á sama hátt.

FRÁGANGUR:
Frágangurinn er með hvítur Alpaca. Saumið axlasaumana með lykkjuspori. Saumið ermar í við fram- og bakstykki innan við 1 kantlykkju í garðaprjóni. Saumið sauma undir erma og hliðarsauma í eitt innan við 1 kantlykkju í garðaprjóni niður að klauf. Saumið tölur í vinstri kant að framan.

HÁLSMÁL:
Hálsmálið er prjónað með 1 þræði í litnum hvítur Alpaca + 2 þráðum í litnum natur Kid-Silk (= 3 þræðir).
Takið upp l frá réttu ca 70-80 l í kringum op í hálsmáli meðtaldar l af þræði á hringprjóna nr 6. Prjónið kant sem rúllast upp með því að prjóna 3 umf sléttprjón. Fellið af með sl frá réttu. Passið uppá að affellingarkanturinn verði ekki of stífur.

Mynstur

diagram measurements

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS 168-18

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (7)

country flag Patricia wrote:

Bonjour, je pense qu'il y a un problème d'explication pour les manches les dimensions sont à l'envers de la plus grande taille à la plus petite en principe c'est l'inverse et d'autres parts si la manche doit faire 50 cm pour une taille XXXl il n'est pas possible de faire 7 augmentations tous les 13 cm cela ferait 91 cm cordialement

17.01.2019 - 18:50

DROPS Design answered:

Bonjour Patricia, les manches sont plus courtes dans les grandes tailles car les épaules et l'encolure sont plus larges. Ainsi, vous augmentez à 7 cm tous les 4,5 cm = les augmentations sont terminées à 34 cm de hauteur totale. Vous pouvez volontiers modifier la longueur des manches si vous le souhaitez en vous basant sur les mesures du schéma et à votre convenance. Bon tricot!

18.01.2019 - 08:22

country flag Wauthier Fabienne wrote:

Je voudrai faire ce modèle 168-18 dans les coloris gris, quelle laines dois-je prendre pour avoir un beau dégradé ?

24.11.2018 - 14:52

DROPS Design answered:

Bonjour Mme Wauthier, pour toute aide dans le choix des couleurs, contactez votre magasin DROPS (même par mail ou téléphone), il saura vous aider en fonction de ce que vous recherchez comme effet. Bon tricot!

26.11.2018 - 08:22

country flag Eva Nielsen wrote:

Kan jeg strikke den i 1 tråd air og 1 tråd kid Silk

16.09.2018 - 21:23

country flag Anna-Karin Allansson wrote:

Ska det bara ökas 3 ggr på ärmen i storlek small?

04.09.2016 - 21:51

country flag Sandra wrote:

Hallo, bij het insteken lukt het niet de 1 kant wel maar dan zit ik in de knoop de rechtse kant en de kraag kunt u mij helpen

03.04.2016 - 09:41

DROPS Design answered:

Hoi Sandra. Bedoel je steken opnemen voor de halsrand? Je kan ook deze video bekijken:

06.04.2016 - 13:55

country flag Dorothee Häußge wrote:

Sehr schön! Ich würde es early morningnennen

31.01.2016 - 07:51

country flag Towa Jordano wrote:

Väldigt snygg färgkombination. En kofta för året runt. Klassisk stil.

13.12.2015 - 05:15