Þegar smellt er á PANTA hnappinn þá verður þér vísað á heimasíðu Handverkskúnst
-------------------------------------------------------
Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér
-------------------------------------------------------
Þegar smellt er á PANTA hnappinn þá verður þér vísað á heimasíðu Handverkskúnst
= sl | |
= br | |
= sláið uppá prjóninn á milli 2 l | |
= 2 l slétt saman | |
= takið 1 l óprjónaða eins og prjóna eigi hana sl, 2 l slétt saman, steypið óprjónuðu l yfir | |
= úrtöku umferð - sjá skýringu í uppskrift |
Hvert mynstur okkar hefur sérstök kennslumyndbönd til að hjálpa þér.
Þessi skref - fyrir - skref kennslumyndbönd gætu aðstoðað þig:
Af hverju er prjón-/heklfesta svo mikilvæg?
Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.
Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.
Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.
Sjá DROPS kennsla: Hvernig á að mæla prjónfestu
Sjá DROPS myndband: Hvernig á að kanna prjónfestu /gera prufu
Hvernig veit ég hversu margar dokkur ég þarf af garni?
Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.
Get ég notað annað garn en sem stendur í mynstri?
Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.
Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.
Sjá DROPS kennsla: Get ég notað annað garn en það sem gefið er upp í mynstri?
Hvað er garnflokkur?
Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.
Smelltu hér til að fá yfirlit yfir garn í hverjum garnflokki
Hvernig nota ég garnreiknivélina?
Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).
Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.
Af hverju gefið þið upp garn sem hætt er í framleiðslu í mynstrunum?
Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.
Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.
Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.
Hvaða stærð á ég að prjóna?
Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.
Þú finnur stærðartöfluna neðst á mynstrinu.
Af hverju fæ ég aðra prjónfestu með uppgefinni prjónastærð?
Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.
Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.
Sjá DROPS Kennsla: Hvernig á að mæla prjónfestu
Sjá DROPS myndband: Hvernig á að kanna prjónfestu / gera prufu
Af hverju er mynstrið unnið frá toppi og niður?
Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.
Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.
Hvernig á að prjóna samkvæmt mynsturteikningu?
Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.
Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.
Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.
Sjá DROPS Kennsla: Hvernig á að lesa prjón mynsturteikningu
Hvernig á að hekla samkvæmt mynsturteikningu?
Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..
Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.
Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.
Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.
Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.
Sjá DROPS Kennsla: Hvernig á að lesa hekl mynsturteikningu
Hvernig á að lesa nokkrar mynsturteikningar samtímis í sömu umferð/hring
Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.
Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.
Sjá DROPS Kennsla: Hvernig á að lesa prjón mynsturteikningu
Sjá DROPS Kennsla: Hvernig á að lesa hekl mynsturteikningu
Af hverju eru ermar styttri í stærri stærðum?
Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.
Hvar á flíkinni er lengdin mæld?
Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.
Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.
Sjá DROPS Kennsla: Hvernig á að lesa úr stærðarteikningu
Hvað er endurtekning?
Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.
Af hverju byrjar stykkið á fleiri loftlykkjum en sem unnið er með?
Af hverju er aukið út á undan stroff kanti þegar stykkið er unnið ofan frá og niður?
Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.
Af hverju er slegið uppá prjóninn ásamt því að fella af?
Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.
Sjá DROPS myndband: Hvernig á að fella af með uppslætti
Hvernig á að auka út/fella af í 3. og 4. hverri umferð?
Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.
Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð
Hvernig get ég gert peysu í hring í stað fram- og til baka?
Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.
Sjá DROPS kennslumyndband: Hvernig á að klippa upp fyrir handveg
Get ég prjónað peysu fram og til baka í stað þess að prjóna í hring?
Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.
Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?
Af hverju er mynstrið aðeins öðruvísi en sem ég sé á myndinni?
Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.
Vertu bara viss um að fylgja vel leiðbeiningunum og skýringum á mynsturteikningu fyrir þína stærð!
Hvernig breyti ég kvenmanns stærð á peysu yfir í karlmanns stærð?
Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.
Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.
Hvernig er hægt að koma í veg fyrir að trefjar losni frá loðnum flíkum?
Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.
Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:
1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.
2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.
3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.
4. Þvoðu flíkina samkvæmt leiðbeiningum á leiðbeiningar miða á garninu.
Af hverju hnökrar flíkin mín?
Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.
Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.
Frosty Morning |
|||||||||||||||||||
|
|||||||||||||||||||
Prjónuð aðsniðin peysa með röndum úr DROPS Delight og DROPS Alpaca með gatamynstri, laskalínu og hringlaga berustykki. Stærð S - XXXL.
DROPS 165-44 |
|||||||||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað í hring): *1 umf sl og 1 umf br*, endurtakið frá *-*. MYNSTUR: Sjá mynsturteikningu A.1-A.5. RENDUR: * Prjónið 2 umf með Alpaca, prjónið 2 umf með Delight *, endurtakið frá *-* uppúr. AÐSNIÐ: Fækkið lykkjum við 4 prjónamerkin. Öll úrtaka er gerð frá réttu! Fækkið lykkjum þegar 2 l eru eftir á undan 1. og 3. prjónamerki þannig: Takið 1 l óprjónaða eins og prjóna eigi slétt, 1 l sl, steypið óprjónuðu l yfir. Fækkið lykkjum á eftir 2. og 4. prjónamerki þannig: 2 l slétt saman. ÚTAUKNING-1: Aukið út við 4 prjónamerkin (= aðsnið). Aukið út þannig: Sláið uppá prjóninn á undan 1. og 3. prjónamerki og á eftir 2. og 4. prjónamerki. Í næstu umf er uppslátturinn prjónaður snúinn brugðið svo ekki myndist gat. ÚTAUKNING-2: Aukið út mitt undir ermum þannig: Prjónið þar til 1 l er eftir á undan prjónamerki, sláið 1 sinni uppá prjóninn, 2 l sléttprjón, sláið 1 sinni uppá prjóninn. Í næstu umf er uppslátturinn prjónaður snúinn sl (þ.e.a.s. prjónið aftan í lykkjubogann í stað framan) svo að ekki myndist gat. LASKALÍNA: Fækkið lykkjum fyrir laskalínu hvoru megin við A.3 í hverri skiptingu á milli fram- og bakstykkis og erma. Fækkið lykkjum á eftir A.3 þannig: Takið 1 l óprjónaða eins og prjóna eigi slétt, 1 l sl, steypið óprjónuðu l yfir. Fækkið um 2 l á undan A.3 þannig: 2 l slétt saman. ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Stykkið er prjónað í hring á hringprjóna. Byrjun umf = miðja að aftan. FRAM- OG BAKSTYKKI: Fitjið upp 213-231-252-276-300-327 l á hringprjóna nr 2,5 með Alpaca. Prjónið stroff (1 l sl, 2 l br). Þegar stroffið mælist 3 cm eru prjónaðar 2 umf sléttprjón. Prjónið síðan A.1, JAFNFRAMT í 1. umf er fækkað um 13-11-12-12-12-11 l jafnt yfir = 200-220-240-264-288-316 l. Þegar A.1 hefur verið prjónað til loka á hæðina er skipt yfir á hringprjóna nr 3 og prjónað í sléttprjóni og RENDUR – sjá útskýringu að ofan. ATHUGIÐ PRJÓNFESTUNA! Þegar stykkið mælist 8-8-8-8-10-10 cm setjið 4 prjónamerki í stykkið þannig: 1. prjónamerki er sett eftir 26-27-29-30-30-31 l. 2. prjónamerki er sett eftir 48-56-62-72-84-96 l, 3. prjónamerki er sett eftir 52-54-58-60-60-62 l, 4. prjónamerki er sett eftir 48-56-62-72-84-96 l, (nú eru 26-27-29-30-30-31 l eftir í umf á eftir síðasta prjónamerki). Í næstu umf er lykkjum fækkað fyrir AÐSNIÐ – sjá útskýringu að ofan (= 4 l færri). Endurtakið úrtöku í 4. hverri umf, 6-6-6-6-5-5 sinnum til viðbótar = 172-192-212-236-264-292 l. Þegar stykkið mælist 22 cm í öllum stærðum er aukið út á undan 1. og 3. prjónamerki og á eftir 2. og 4. prjónamerki – LESIÐ ÚTAUKNING-1 (= 4 l fleiri). Endurtakið útaukningu í 4.-4.-6.-6.-8.-8. hverri umf, 6-6-6-6-5-5 sinnum til viðbótar = 200-220-240-264-288-316 l. Prjónið síðan áfram þar til stykkið mælist 38-39-39-40-41-43 cm. Stillið nú af að næsta umf sé 2. umf með Delight! Prjónið nú þannig: Prjónið 45-50-55-60-66-73 l (= hálft bakstykki), fellið af 10-10-10-12-12-12 l fyrir handveg, prjónið 90-100-110-120-132-146 l sléttprjón (= framstykki), fellið af 10-10-10-12-12-12 l fyrir handveg og prjónið síðustu 45-50-55-60-66-73 l (= hálft bakstykki). Geymið stykkið og prjónið ermar. ERMI: Stykkið er prjónað í hring á sokkaprjóna. Fitjið upp 57-57-60-60-63-66 l á sokkaprjóna nr 2,5 með Alpaca og prjónið stroff þannig: * 1 l sl, 2 l br *, endurtakið frá *-* þar til stroffið mælist 3 cm. Prjónið nú áfram 2 umf sléttprjón, JAFNFRAMT í 1. umf er fækkað um 1-1-2-0-1-2 l jafnt yfir = 56-56-58-60-62-64 l. Prjónið nú mynstur eftir mynsturteikningu A.2. Þegar A.2 hefur verið prjónað 1 sinni á hæðina er skipt yfir á sokkaprjóna nr 3. Setjið 1 prjónamerki í byrjun umf (= mitt undir ermi). Haldið síðan áfram í sléttprjóni og rendur, JAFNFRAMT í næstu umf er aukið út um 1 l hvoru megin við prjónamerki undir ermi – LESIÐ ÚTAUKNING-2! Endurtakið útaukningu í 9.-7.-7.-6.-6.-5. hverri umf alls 12-14-14-16-16-17 sinnum = 80-84-86-92-94-98 l. Þegar stykkið mælist 41-39-39-38-38-38 cm (ATH: Styttra mál í stærri stærðum vegna breiðari axla) – stillið af að næsta umf sé síðasta umf með Delight. Í næstu umf eru felldar af miðju 10-10-10-12-12-12 l undir ermi (þ.e.a.s. fellið af 5-5-5-6-6-6 l hvoru megin við prjónamerki) = 70-74-76-80-82-86 l. Geymið stykkið og prjónið hina ermina á sama hátt. BERUSTYKKI: Setjið ermar á sama hringprjóna og fram- og bakstykki þannig: Haldið áfram með rendur og prjónið l frá fyrri ermi JAFNFRAMT er sett 1 prjónamerki í fyrstu l og 1 prjónamerki í síðustu l á ermi, prjónið l frá framstykki, prjónið l af hinni erminni JAFNFRAMT er sett 1 prjónamerki í fyrstu l og 1 prjónamerki í síðustu l á ermi og prjónið l frá bakstykki = 320-348-372-400-428-464 l og 4 prjónamerki í stykki. Prjónið nú A.3 í hverri skiptingu á milli fram- og bakstykkis og erma (ör í mynstri á að passa við l með prjónamerki í) og fækkið lykkjum fyrir LASKALÍNA – sjá útskýringu að ofan (= 8 l færri). Endurtakið úrtöku í 4. hverri umf 5-6-7-7-8-8 sinnum til viðbótar = 272-292-308-336-356-392 l. Eftir síðustu úrtöku er prjónuð 1 umf þar sem fækkað er um 20-26-28-32-36-40 l jafnt yfir = 252-266-280-304-320-352 l. Nú er prjónað og lykkjum fækkað eftir A.4 (veljið mynstur fyrir rétta stærð). Í næst síðustu umf í mynstri er fækkað um 4-6-8-28-30-44 l jafnt yfir = 176-184-192-200-210-220 l. Haldið nú áfram með Alpaca til loka. Prjónið nú A.5 yfir allar l (veljið mynstur fyrir rétta stærð). Þegar A.5 hefur verið prjónað til loka á hæðina er skipt yfir á hringprjóna nr 2,5. Prjónið nú A.1 yfir A.5, JAFNFRAMT í 1. umf í mynstri er fækkað um 32-32-32-30-40-40 l jafnt yfir = 144-152-160-170-170-180 l. Þegar A.1 hefur verið prjónað til loka á hæðina er prjónuð upphækkun í hnakka í garðaprjóni þannig: Setjið 1 prjónamerki fyrir miðju að framan. Byrjið fyrir miðju að aftan og prjónið sl þar til eftir eru 14-14-16-16-18-20 l á undan prjónamerki. Snúið við, prjónið sl til baka þar til eftir eru 14-14-16-16-18-20 l á undan prjónamerki í hinni hliðinni. Snúið við, prjónið sl þar til eftir eru 30-30-34-34-38-42 l á undan prjónamerki. Snúið við, prjónið sl til baka þar til eftir eru 30-30-34-34-38-42 l á undan prjónamerki í hinni hliðinni. Snúið við og prjónið sl til baka að byrjun umf. Haldið áfram með 2 umf sléttprjón yfir allar l, JAFNFRAMT er lykkjufjöldinn jafnaður út til 144-153-159-168-168-177 l. Prjónið nú stroff (1 l sl, 2 l br) í 2 cm. Fellið af með sl yfir sl og br yfir br. Peysan mælist ca 56-59-60-62-64-66 cm frá öxl og niður. FRÁGANGUR: Saumið saman op undir ermum. |
|||||||||||||||||||
Skýringar á teikningu |
|||||||||||||||||||
|
|||||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Með yfir 40 ára prjóna- og hekl hönnun, býður DROPS Design uppá eitt umfangsmesta vöruúrval af mynstrum án endurgjalds á netinu – þýdd á 17 tungumálum. Í dag þá erum við komin í 304 vörulista og 11422 mynstur - 6917 mynstur sem eru þýdd á íslensku.
Við vinnum hörðum höndum við að færa þér það besta sem prjón og hekl hefur uppá að bjóða, innblástur, ráðgjöf og auðvitað frábært gæða garn á ótrúlegu verði! Langar þig að nota mynstrin okkar fyrir annað en til einkanota? Þú getur lesið hér ákvæði hvað leyfilegt er að gera í textanum Copyright em> sem er neðst á öllum mynstrunum okkar.
Athugasemdir / Spurningar (30)
Tam wrote:
Hi it seems like Drops Delight is not available to buy anymore. Can you suggest a similar yarn?
28.08.2023 - 14:06Liz Simpson wrote:
Thanks for your quick answer but on my page, and the original, there are definitely only A1-3. (I’m using an iPad) I’d send a screenshot but there’s no way of attaching. Just above the measurements there is the word ‘diagram’ in a box, should they be there? I really want to finish my sweater - could you send me a screenshot or something?,
17.01.2023 - 20:07DROPS Design answered:
Dear mrs Simpson, there might have been a temporary bug because the diagrams are visible even on Ipad - try to refresh the page, clean the cookies, etc.. this should help. Happy knitting!
18.01.2023 - 09:29Liz S wrote:
There are only diagrams 1-3 and the pattern mentions 4 & 5.
16.01.2023 - 21:33DROPS Design answered:
Hi Liz, Patterns 4 and 5 are below patterns 1 - 3. Happy knitting!
17.01.2023 - 07:16Jane Brølling wrote:
Jeg er nået til raglanindtagning og forstår simpelthen ikke diagram A3. Det ser ud som om man skal slå om mellem to masker i hver side af diagrammet, men det kan vel ikke passe ? I så fald vil man jo få flere masker på pinden ?
18.09.2022 - 16:24DROPS Design answered:
Hei Jane. Diagram A.3 går over 3 masker og når du strikker første omgang, lager du et kast, tar 1 maske løst av pinnen som om den skal strikkes rett, 2 rett sammen og løft den løste masken over (=felt 2 masker), 1 kast. Du har nå økt med 2 kast samtidig som du har felt 2 masker = Altså A.3 går fremdeles over 3 masker. mvh DROPS Design
19.09.2022 - 14:00Ada Goedbloed wrote:
Wat mij niet duidelijk is is bij de afwerking van de hals. Er staat in het patroon dat ik een mark eerder midden voor moet doen, dan moet ik middenachter beginnen en breien tot 14 st voor de markeerder, is dit voor of achter? Want dan draai ik het werk om en brei tot 14 st voor de markeerder aan de andere kant? Voor of achter?\r\nHet is me gewoon niet duidelijk welke markeerder. Graag hoor ik uw uitleg. Alvast veel dank
24.02.2022 - 18:27DROPS Design answered:
Dag Ada,
Je begint midden achter en breit tot 14 steken voor de markeerder midden voor, dan keer je het werk om terug te breien via midden achter tot weer 14 steken voor midden voor, dus aan de andere kant. Zo ga je verder met steeds minder steken voor de markeerdraad midden voor. Hierdoor ontstaat er een verhoging op het achterpand.
26.02.2022 - 14:42Annette Hoffmeister wrote:
Hej. Jeg er lidt ærgerlig over, at der er hak midt bagpå, hvor man har skiftet farve. Senere har jeg fundet ud af, at der findes teknikker til at undgå hak. Men nu er jeg næsten færdig med trøjen. Er der en måde at få hakkene til at se pæne ud, når man har strikket trøjen? Det ville være dejligt, hvis der ved opskriften også var fotos af trøjen bagfra.
05.05.2020 - 17:31DROPS Design answered:
Hej Annette, det noterer vi til kommende kollektioner. God dag :)
06.05.2020 - 08:33Nathalie wrote:
Bonjour, ce pull se tricote de bas en haut mais peut on adapter les explications pour le tricoter en top down ? Merci pour votre réponse. Cordialement Nathalie
16.09.2019 - 15:18DROPS Design answered:
Bonjour Nathalie, si vous le souhaitez, vous pouvez tout à fait adapter les explications pour le tricoter en top down. Votre magasin DROPS saura vous aider si besoin, même par mail ou téléphone. Bon tricot!
16.09.2019 - 15:34Gabi wrote:
Vielen Dank für die Antwort! Dann habe ich das schon falsch gemacht, A3 habe ich nur die sechs Reihen gestrickt, und nicht wiederholt, das ist aus der Anleitung nicht ersichtlich. Ich bin davon ausggegangen wie bei A1 und A2, dass sich der Rapport nicht wiederholt.... Wie ist A4 zu stricken, die 16 Maschen werden in der Runde wiederholt, und der ganze Rapport nur einmal gestrickt? Mfg Gabi
07.01.2019 - 13:17DROPS Design answered:
Liebe Gabi, Sie stricken A.3 (4 Mal insgesamt, an jeder Raglan Linie) bis Sie 336-356-392 ( Größe XL-XXL-XXXL) M. haben und nach der AbnahmeRunde 304-320-352 M.haben. Dann stricken Sie A.4 (= 16 M) x 19-20-22 in der Runde - dann haben Sie 12 M x 19-20-22 = 228-240-264 M - 28-30-44 Abnahmen regelmäßig verteilt = 200-210-220 M. Viel Spaß beim stricken!
07.01.2019 - 14:42Gabi wrote:
Liebes Team....ich stricke gerade ihr Model und habe Freude daran. Jedoch verstehe ich A3 nicht. Werden die 16 Maschen immer in der Runde wiederholt? Herzlichen Dank für eine Antwort :)
05.01.2019 - 22:25DROPS Design answered:
Liebe Gabi, A.3 ist nur über 3 Maschen gestrickt (die Markierungen sind jeweils in der Mittlere Masche in A.3, die mit dem Pfeil) - die 6 Reihen im Diagram wiederholen Sie bis die Raglanabnahme fertig sind. Viel Spaß beim stricken!
07.01.2019 - 11:08Ingvill wrote:
Takk for nydelig oppskrift! I mønsterdiagrammene vises en tom rute forklart som både rett og vrang, mens det ikke er noen ruter med x i. Vises det feil på min nettleser så x skal bety vrang?
28.03.2018 - 15:09DROPS Design answered:
Hej Ingvill, ja det stemmer, ruderne med x betyder vrang og jeg kan se dem på min nettleser.... prøv at se hvordan det ser ud på mobilen... Held og lykke!
13.04.2018 - 10:48