Mariuska by DROPS Design

GARÐAPRJÓN (prjónað í hring):
*1 umf sl og 1 umf br*, endurtakið frá *-*.

MYNSTUR:
Sjá teikningu A.1 til A.3 (veljið mynstur fyrir rétta stærð). Allt mynstrið er prjónað með sléttprjóni.

ÚRTAKA (á við um aðsnið):
Fellið af fyrir aðsniði framan og aftan við við 4 prjónamerkin.
Fellið af á eftir 1. og 3. prjónamerki þannig: Takið 1 l óprjónaða eins og prjóna eigi hana sl, 1 l sl, steypið óprjónuðu l yfir.
Fellið af þegar 2 l eru eftir á undan 2. og 4. prjónamerki þannig: Prjónið 2 l slétt saman.

ÚTAUKNING (á við um aðsnið):
Aukið út fyrir aðsniði framan og aftan við 4 prjónamerkin.
Aukið út þannig: Sláið uppá prjóninn á eftir 1. og 3. prjónamerki og á undan 2. og 4. prjónamerki. Í næstu umf er uppslátturinn prjónaður slétt svo að ekki myndist gat.
----------------------------------------------------------

PEYSA:

FRAM- OG BAKSTYKKI:
Stykkið er prjónað í hring á hringprjóna.
Fitjið upp 160-176-192-216-240-268 l á hringprjóna nr 3 með gallabuxnabláum. Prjónið 4 umf GARÐAPRJÓN – sjá skýringu að ofan. Skiptið yfir á hringprjóna nr 4 og prjónið 2 umf sléttprjón. Prjónið síðan mynstur hringinn eftir teikningu A.1. Þegar A.1 er lokið er haldið áfram með bláum og sléttprjóni.
ATHUGIÐ PRJÓNFESTUNA!
Þegar stykkið mælist 8 cm eru sett 4 prjónamerki í stykkið þannig: 1. prjónamerki er sett eftir fyrstu 21-24-27-32-37-43 l í umf, 2. prjónamerki er sett eftir næstu 38-40-42-44-46-48 l, 3. prjónamerki er sett eftir næstu 42-48-54-64-74-86 l, 4. prjónamerki er sett eftir næstu 38-40-42-44-46-48 l (= 21-24-27-32-37-43 l á eftir síðasta prjónamerki).
Í næstu umf er fellt af eftir 1. og 3. prjónamerki og á undan 2. og 4. prjónamerki – LESIÐ ÚRTAKA (= 4 l færri). Endurtakið úrtöku þegar stykkið mælist 16 cm = 152-168-184-208-232-260 l. Þegar stykkið mælist 22 cm er aukið út um 1. og 3. prjónamerki og á undan 2. og 4. prjónamerki – LESIÐ ÚTAUKNING (= 4 l fleiri). Endurtakið útaukningu með 3-3-3-3½-3½-3½ cm millibili alls 4 sinnum = 168-184-200-224-248-276 l. Prjónið síðan áfram þar til stykkið mælist 35-36-37-38-39-40 cm.
Næsta umf er prjónuð þannig: Fellið af 3-3-4-4-5-5 l fyrir handveg, prjónið 78-86-92-104-114-128 l (= framstykki), fellið af 6-6-8-8-10-10 l fyrir handveg, prjónið 78-86-92-104-114-128 l (= bakstykki) og fellið af síðustu 3-3-4-4-5-5 l fyrir handveg. Geymið stykkið og prjónið ermar.

ERMI:
Stykkið er prjónað í hring á sokkaprjóna.
Fitjið upp 48-48-48-52-52-56 l á sokkaprjóna nr 3 með gallabuxnabláum. Prjónið 4 umf garðaprjón. Skiptið yfir á sokkaprjóna nr 4 og prjónið 2 umf slétt. Prjónið síðan mynstur í hring á eftir mynstrið A.1. Þegar A.1 er lokið er haldið áfram með bláum og sléttprjóni. Þegar stykkið mælist 10-10-8-8-10-10 cm aukið út um 2 l mitt undir ermi. Endurtakið útaukningu með 3-2½-2½-2½-2-2 cm millibili alls 11-13-14-14-15-15 sinnum = 70-74-76-80-82-86. Þegar stykkið mælist 44-44-43-43-42-42 cm (ATH: Styttra mál í stærri stærðum vegna breiðari axla), fellið af miðju 6-6-8-8-10-10 l undir ermi = 64-68-68-72-72-76 l eftir á prjóni. Geymið stykkið og prjónið aðra ermi.

BERUSTYKKI:
Setjið inn ermar á sama hringprjón og fram- og bakstykki þar sem fellt var af fyrir handveg (þetta er gert án þess að prjóna l) = 284-308-320-352-372-408 l á prjóna. Prjónið 1 umf sl með bláum þar sem felldar eru af 4-8-0-12-12-8 l jafnt yfir = 280-300-320-340-360-400 l á prjóni.
Prjónið síðan mynstur í hring eftir teikningu A.2 (veljið mynstur fyrir rétta stærð og byrjið og endið á umf merktri með ör fyrir rétta stærð = 14-15-16-17-18-20 mynstureiningar í umf). Fellið af eins og sýnt er í mynstri.
Þegar A.2 hefur verið prjónað til loka eru 140-150-160-170-180-180 l í umf og stykkið mælist 54-56-58-60-62-64 cm upp að öxl.

UPPHÆKKUN AFTAN VIÐ HNAKKA:
Til þess að flíkin passi betur er prjónuð upphækkun aftan við hnakka þannig: Setjið 1 prjónamerki fyrir miðju að aftan. Byrjið frá réttu með gallabuxnabláum og prjónið 16-17-18-19-20-21 l sl framhjá prjónamerki, snúið við, herðið á bandi og prjónið 32-34-36-38-40-42 l br. Snúið við, herðið á bandi og prjónið 48-51-54-57-60-63 l sl, snúið við, herðið á bandi og prjónið 64-68-72-76-80-84 l br. Snúið við, herðið á bandi og prjónið 80-85-90-95-100-105 l sl, snúið við, herðið á bandi og prjónið 96-102-108-114-120-126 l br. Snúið við, herðið á bandi og prjónið sl að miðju að aftan.
Prjónið nú 1 umf sl þar sem felldar eru af 38-44-50-54-60-60 l jafnt yfir (þ.e.a.s. í stærð S + M prjónið til skiptis í 2. og 3. hverja l og 3. og 4. hverja l slétt saman og í stærð L + XL + XXL + XXXL er prjónað ca í 2. og 3. hverja l slétt saman umf hringinn)= 102-106-110-116-120-120 l.

HÁLSMÁL:
Skiptið yfir í stutta hringprjóna nr 3 og prjónið 1 umf br, 1 umf sl og 1 umf br, síðan er fellt laust af með sl.

FRÁGANGUR:
Saumið saman op undir ermum.
----------------------------------------------------------

HÚFA:
Stykkið er prjónað í hring á hringprjóna, skiptið yfir á sokkaprjóna þegar þörf er á.
Fitjið upp 116-124 l á hringprjóna nr 3 með gallabuxnabláum. Prjónið stroff (= 2 l sl, 2 l br) í 4 cm. Skiptið yfir á hringprjóna nr 3,5 og prjónið 1 umf slétt þar sem felldar eru af 8-7 l jafnt yfir = 108-120 l. Prjónið síðan mynstur hringinn eftir teikningu A.3 (= 9-10 mynstureiningar í umf).
ATHUGIÐ PRJÓNFESTUNA!
Eftir A.3 er haldið áfram með gallabuxnabláum. Þegar stykkið mælist 18-20 cm setjið 9-10 prjónamerki í stykkið með 12 l á milli prjónamerkja. Í næstu umf er felld af 1 l á eftir hverju prjónamerki með því að prjóna 2 l slétt saman. Endurtakið úrtöku í annarri hverri umf alls 4 sinnum og síðan í hverri umf alls 7 sinnum = 9-10 l eftir á prjóni. Klippið frá, dragið bandið í gegnum þær l sem eftir eru, herðið að og festið vel. Húfan mælist ca 23-25 cm á hæðina.

DÚSKUR:
Gerið einn dúsk með gallabuxnabláum ca 8 cm að þvermáli og festið við toppinn á húfunni.