DROPS Lima
DROPS Lima
65% Ull, 35% Alpakka
frá 704.00 kr /50g
Þú færð garn sem þarf í að gera þetta mynstur frá 7744.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale
DROPS 140-1
DROPS Design: Mynstur nr li-023
Garnflokkur B
-----------------------------------------------------------

Stærð: S - M - L - XL - XXL - XXXL

Efni:
DROPS LIMA frá Garnstudio
550-600-650-700-800-850 gr litur nr 0206, ljós beige

DROPS PRJÓNAR NR 4,5 – eða þá stærð sem þarf til að 20 l og 26 umf með sléttprjóni verði 10 x 10 cm.
DROPS PRJÓNAR NR 4 – fyrir garðaprjón.
DROPS PERLUTALA MEÐ GATI, NR 522: 6-6-6-6-7-7 stk

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Lima
DROPS Lima
65% Ull, 35% Alpakka
frá 704.00 kr /50g
Þú færð garn sem þarf í að gera þetta mynstur frá 7744.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað fram og til baka):
Lykkjurnar prjónast slétt í öllum umf.

MYNSTUR:
Sjá mynsturteikningu A.1 til A.3. Mynsturteikningin sýnir allar umf í mynstri séð frá réttu.

HNAPPAGAT:
Fellt er af fyrir hnappagötum í hægri kanti að framan frá réttu.
1 hnappagat = prjónið 3. og 4 l frá miðju að framan slétt saman og sláið 1 sinni uppá prjóninn.
Fellið af fyrir hnappagötum þegar stykkið mælist:
STÆRÐ S: 8, 16, 24, 31, 38 og 45 cm.
STÆRÐ M: 8, 16, 24, 32, 40 og 47 cm.
STÆRÐ L: 8, 17, 25, 33, 41 og 49 cm.
STÆRÐ XL: 8, 17, 26, 35, 43 og 51 cm.
STÆRÐ XXL: 8, 16, 24, 32, 39, 46 og 53 cm.
STÆRÐ XXXL: 8, 16, 24, 32, 40, 48 og 55 cm.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Stykkið er prjónað fram og til baka.

BAKSTYKKI:
Fitjið upp 86-94-102-116-124-136 l á prjóna nr 4 með Lima. Prjónið 8 umf GARÐAPRJÓN – sjá útskýringu að ofan. Skiptið yfir á prjóna nr 4,5. Prjónið 1 umf slétt frá réttu JAFNFRAMT er aukið út um 20-20-20-28-28-28 l jafnt yfir = 106-114-122-144-152-164 l. Prjónið 1 umf slétt frá röngu. Prjónið nú rá réttu þannig: Prjónið 1 kantlykkju í garðaprjóni, 9-13-17-9-13-19 l í garðaprjóni, * A.1, A.2 *, endurtakið frá *-* alls 2-2-2-3-3-3 sinnum, endið með 10 fyrstu l í A.1, 9-13-17-9-13-19 l í garðaprjóni og 1 kantlykkju í garðaprjóni. Þegar stykkið mælist 6 cm er fækkað um 1 l í hvorri hlið, endurtakið úrtöku með 2 cm millibili 5 sinnum til viðbótar = 94-102-110-132-140-152 l. Þegar stykkið mælist 22 cm er aukið út um 1 l í hvorri hlið, endurtakið útaukningu með 2½-2½-2½-2½-3-3 cm millibili 5 sinnum til viðbótar - útauknar lykkjur eru prjónaðar í garðaprjóni = 106-114-122-144-152-164 l. Þegar stykkið mælist 36-37-38-39-40-41 cm fellið af fyrir handveg í hvorri hlið þannig: 3 l 1 sinni, 2 l 2-3-5-2-3-5 sinnum og 1 l 3-5-5-3-5-7 sinnum = 86-86-86-124-124-124 l. Haldið áfram með mynstur. Þegar stykkið mælist 53-55-57-59-61-63 cm er fækkað um 4 l yfir hvern af 1-1-1-3-3-3 miðju köðlunum = 82-82-82-112-112-112 l. Þegar stykkið mælist 54-56-58-60-62-64 cm fellið af miðju 26-26-26-34-34-34 l af fyrir hálsmáli = 28-28-28-39-39-39 l eftir á hvorri öxl. Þegar stykkið mælist 55-57-59-61-63-65 cm fellið af 4 l yfir hvern og einn af þeim 2 köðlum á öxl = 20-20-20-31-31-31 l. Fellið af þegar stykkið mælist 56-58-60-62-64-66 cm.

HÆGRA FRAMSTYKKI:
Fitjið upp 52-56-60-67-71-77 l á prjóna nr 4 með Lima. Prjónið 8 umf garðaprjón. Skiptið yfir á prjóna nr 4,5. Prjónið 1 umf frá réttu og aukið út 12-12-12-16-16-16 l jafnt yfir = 64-68-72-83-87-93 l. Prjónið 1 umf slétt frá röngu. Prjónið frá réttu þannig: Prjónið 6 l garðaprjón (= kantur að framan), A.1 yfir næstu 38-38-38-57-57-57 l, endið með þær 10 fyrstu l í A.1, 9-13-17-9-13-19 l garðaprjón og 1 kantlykkju í garðaprjóni. Þegar stykkið mælist 6 cm byrjar úrtaka í hliðum eins og á bakstykki = 58-62-66-77-81-87 l. JAFNFRAMT þegar stykkið mælist 8 cm byrjar úrtaka fyrir HNAPPAGAT – sjá útskýringu að ofan. Þegar stykkið mælist 22 cm byrjar útaukning í hliðum eins og á bakstykki – útauknu l eru prjónaðar í garðaprjóni = 64-68-72-83-87-93 l. Þegar stykkið mælist 36-37-38-39-40-41 cm fellið af fyrir handveg í hliðum eins og á bakstykki = 54-54-54-73-73-73 l. Haldið áfram með mynstur. Þegar stykkið mælist 46-48-50-52-54-56 cm fellið af 4 l yfir kaðal við miðju að framan, í næstu umf frá réttu eru settar 12-12-12-16-16-16 l við miðju að framan á þráð fyrir hálsmáli (prjónið þær fyrst), fellið nú af í hverri umf frá hálsmáli þannig: 2 l 4 sinnum og 1 l 2 sinnum. ATH! Í stærð XL-XXL-XXXL eru felldar af 4 l yfir seinni kaðal við miðju að framan áður en l eru felldar af = 28-28-28-39-39-39 l eftir á öxl. Þegar stykkið mælist 55-57-59-61-63-65 cm fellið af 4 l yfir hvern og einn þeim 2 köðlum á öxl = 20-20-20-31-31-31 l. Fellið af þegar stykkið mælist 56-58-60-62-64-66 cm.

VINSTRA FRAMSTYKKI:
Fitjið upp og prjónið á sama hátt og hægra framstykki, nema spegilmynd. Í stað fyrir A.1 er prjónað A.2. Ekki er fellt af fyrir hnappagötum.

ERMI:
Stykkið er prjónað fram og til baka á prjóna. Fitjið upp 47-49-51-53-55-57 l á prjóna nr 4 með Lima. Prjónið 12 umf garðaprjón. Skiptið yfir á prjóna nr 4,5 og prjónið – frá réttu þannig: Prjónið 1 kantlykkju í garðaprjóni, 5-6-7-8-9-10 l sléttprjón * A.3, 5 l slétt *, endurtakið frá *-* 4 sinnum og endið með A.3, 5-6-7-8-9-10 l sléttprjón og 1 kantlykkju í garðaprjóni. Þegar stykkið mælist 8 cm er aukið út um 1 l í hvorri hlið, endurtakið útaukningu með 3½-3-2½-2-2-1½ cm millibili 11-13-15-16-18-19 sinnum til viðbótar = 71-77-83-87-93-97 l. Útauknar lykkjur eru prjónaðar í garðaprjóni. Þegar stykkið mælist 49-49-49-46-46-44 cm (styttri mál í stærri stærðum vegna víðari handvegs og breiðari axla) fellið af fyrir handveg í byrjun hverrar umf í hvorri hlið þannig: 4 l 1 sinni, 2 l 3 sinnum, 1 l 1-2-3-3-4-7 sinnum, síðan er fellt af 2 l í hvorri hlið þar til stykkið mælist 57-58-59-56-57-58 cm, fellið af 3 l í hvorri hlið, fellið nú af þær l sem eftir eru, styttið mælist nú ca 58-59-60-57-58-59 cm.
Prjónið hina ermina á sama hátt.

FRÁGANGUR:
Saumið axlarsauma. Saumið ermar í og saumið sauma undir ermum og hliðarsauma í eitt innan við 1 kantlykkju.

HÁLSMÁL:
Prjónið upp ca 100-120 l kringum hálsmálið (meðtaldar eru l af þræði) á prjóna nr 4. Prjónið 6 umf garðaprjón, fellið af. Saumið tölur í.

Mynstur

symbols = slétt lykkja frá réttu, brugðin lykkja frá röngu
symbols = brugðin lykkja frá réttu, slétt lykkja frá röngu
symbols = sláið 1 sinni uppá prjóninn á milli 2 lykkja
symbols = setjið 3 lykkjur á hjálparprjón framan við stykkið, 3 lykkjur slétt, 3 lykkjur slétt af hjálparprjóni
symbols = setjið 3 lykkjur á hjálparprjón aftan við stykkið, 3 lykkjur slétt, 3 lykkjur slétt af hjálparprjóni
symbols = lyftið 1 lykkju af prjóni, prjónið 2 lykkjur slétt saman, steypið lyftu lykkjunni yfir prjónuðu lykkjurnar
diagram
diagram

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Champagne

Vicky Williams, United Kingdom

PULLOVER MIT ZOPFMUSTER

Green Bird, Austria

Skrifaðu athugasemd um DROPS 140-1

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (232)

country flag Lilach wrote:

Hi, Thanks for the pattern. I'm knitting size S. When binding off for the armhole in the right front piece the total number of stitches to bind off is 10 (3 sts 1 time, 2 sts 2 times and 1 st 3 times). Since the band consists of just 6 stitches in garter stitch, it means that I have to bind off 4 stitches from one of the cables (2 stitches near the cable, and 2 stitches on the cable itself). How can I do it and still continue knitting the cable in the following rows?

04.03.2023 - 11:19

DROPS Design answered:

Dear Lilach, when binding off for the armhole in the front piece you only bind off on one side of the piece. You don't bind off on the side with the band, you bind off where the armhole would be located, on the other side of the piece (where there is an edge stitch and 9 stitches in garter stitch). Happy knitting!

05.03.2023 - 20:55

country flag Roser Sendino wrote:

Gracias. Acabo de entender las explicaciones del patrón de la chaqueta Champangne

03.03.2023 - 16:05

country flag Roser Sendino wrote:

En la chaqueta Drops Champagne no caben 5 repeticiones de los diagramas , cada uno de 19 puntos, en los 86 puntos que marca el patrón. Hay alguna modificación?\r\nGracias.

03.03.2023 - 15:56

country flag Anette wrote:

Hej\r\nJeg er nået til halsen midtfor på forstykke hvor der skal tages 4 masker ind over snoningen. Som jeg forstår det, skal snoningens 6 masker dermed reduceres til 2 - er det korrekt? Når jeg ser på fotoet, ser det bare ikke sådan ud, så jeg er noget forvirret. Hvad skal jeg gøre? Tak for hjælpen.

15.05.2022 - 21:58

DROPS Design answered:

Hei Anette. Her har det nok blitt vurdert i ettertid (etter at bildet ble tatt) at det blir penest med å felle masker over fletten, slik at fletten "lukker" seg når det skal felles av. Om du ønsker å ha fletten slik du ser på bildet kan du felle før og etter fletten. mvh DROPS Design.

16.05.2022 - 11:38

country flag Anette wrote:

Jeg vil høre om der er noget i vejen for at strikke forstykker og rygstykke sammen op til ærmegab i stedet for 3 separate dele? Venlig hilsen Anette

15.02.2022 - 12:06

DROPS Design answered:

Hej Anette, det kan du absolut gøre :)

15.02.2022 - 14:10

country flag MEVEL ANNIE wrote:

Bonjour, Dans ce modèle, je ne comprends pas pour le devant droit :A 46cm de hauteur totale diminuer 4 mailles au dessus de la torsade côté milieu devant ? est-ce la torsade du milieu du devant ou la 1ère torsade à côté des mailles bordures? Merci pour votre réponse. Cordialement.

11.10.2021 - 16:37

DROPS Design answered:

Bonjour Mme Mevel, on diminue dans la 1ère torsade côté bordure devant/encolure autrement dit la première torsade après les mailles de bordure devant (devant droit)/la dernière torsade avant les mailles de bordure devant (devant gauche). Bon tricot!

12.10.2021 - 08:27

country flag CHARVERON Carole wrote:

Bonjour, Je n'ai pas trouvé l'endroit où il est indiqué combien de pelotes il faut selon la taille choisie (sur aucun de vos modèles). Pourriez vous m'indiquer où trouver cette indications ? Cordialement. Carole

22.08.2021 - 14:09

DROPS Design answered:

Bonjour Carole, au debut vous avez toujours la secion 'Fournitures' où vous trouverez le poids de fil requis, p.ex. dans ce modele precis, pour la premiere taille S, vous avez besoin de 550 g (11 pelotes de DROPS Lima). Bon tricot!

22.08.2021 - 20:25

country flag Manon wrote:

Bonjour, je fais la grandeur M. Devant gauche : rabattre tous les rangs à partir de l'encolure : 4 fois 2 m et 2 fois 1 m. Le rabattage se fait donc sur les rangs envers donc à tous les deux rangs? Merci de vos éclaircissements.

10.12.2020 - 02:20

DROPS Design answered:

Bonjour Manon, tout à fait, les mailles de l'encolure du devant gauche seront rabattues en début de rang, tous les rangs sur l'envers (= tous les 2 rangs à partir de l'encolure). Bon tricot!

10.12.2020 - 09:13

country flag Manon wrote:

Bonjour, je suis à faire le dos en grandeur M. À 53-55-57-59-61-63 cm de hauteur totale, diminuer 4 m au-dessus de la torsades centrales . J'ai 6 mailles dans la torsades comment dois-je faire pour réduire 4 mailles. Est-ce que la diminution ce fait sur le même rang. Merci de votre aide.

25.11.2020 - 19:15

DROPS Design answered:

Bonjour Manon, tricotez ensemble la 2ème m env et la 1ère ens à l'end, 2 fois 2 m ens à l'end et tricotez ensemble la dernière m end et la 1ère m env = vous aurez diminué 4 m au-dessus de la torsade - répétez sur l'autre torsade - on diminue ainsi pour conserver la bonne largeur (il faut plus de mailles en torsades qu'en jersey pour la même largeur). Bonne continuation!

26.11.2020 - 09:54

country flag Fouere Christiane wrote:

Je fais ce modèle en taille L .j'ai rabattu les mailles pour les emmanchures et suis arrivé au stade : a 57 cm de hauteur totale, diminuer 4 m au dessus de chacune des 1 torsades centrales = 82 m. Je ne comprends pas, pouvez vous m'aider. Je suis fan de vos modèles et ne suis jamais déçue.

28.10.2019 - 20:03

DROPS Design answered:

Bonjour Mme Fouere et merci. On a besoin de davantage de mailles pour les torsades, pour ne pas déformer le bord en rabattant les mailles, on va diminuer 4 mailles dans la torsade centrale (en taille L) en tricotant 4 fois 2 m ens à l'end au-dessus de ces mailles, on diminue ainsi 4 mailles et il en reste 82. Bon tricot!

04.11.2019 - 13:13