DROPS Baby / 19 / 7

Sweet Buttercup Vest by DROPS Design

Heklað vesti fyrir börn með sólfjaðramynstri úr DROPS Baby Merino

DROPS design: Mynstur nr BM-012-by
Garnflokkur A
--------------------------------------------------------
Stærð: 1/3 - 6/9 - 12/18 mán (2 - 3/4) ára
Stærð í cm: 50/56- 62/68- 74/88 (86/92-98/104)
Efni:
DROPS BABY MERINO frá Garnstudio
100-100-100 (100-100) g nr 02, natur

DROPS HEKLUNÁL NR 3,5 – eða þá stærð sem þarf til að 20 stuðlar og 12 umferðir verði 10 x 10 cm.
DROPS PERLUTALA nr 521: 3 st.
--------------------------------------------------------

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!


100% Ull
frá 748.00 kr /50g
DROPS Baby Merino uni colour DROPS Baby Merino uni colour 748.00 kr /50g
Gallery Spuni
Panta
DROPS Baby Merino mix DROPS Baby Merino mix 748.00 kr /50g
Gallery Spuni
Panta
Prjónar & Heklunálar
Þú færð garn sem þarf í að gera þetta mynstur frá 1496kr. Sjá hér.

Leiðbeiningar um mynstur

VESTI:

HEKLLEIÐBEININGAR:
Í byrjun á hverri umferð er 1. stuðli skipt út fyrir 3 loftlykkjur og hver umferð endar með 1 stuðli í 3. loftlykkju frá byrjun á fyrri umferð.

ÚTAUKNING-1 (á við um handveg og hálsmál):
Ef auka á út um fleiri en 1 stuðul eru heklaðar jafn margar loftlykkjur og fjöldi stuðla sem á að auka + 2 loftlykkjur auka í lok á umferð, snúið stykkinu og heklið 1 stuðul í 4. loftlykkju frá heklunálinni (nú hafa verið heklaðir 2 stuðlar), heklið síðan 1 stuðul í hverja og eina af þeim loftlykkjum sem eftir eru. Haldið síðan áfram að hekla eins og áður.

ÚTAUKNING-2:
Aukið út um 1 stuðul með því að hekla 2 stuðla í sama stuðul.

HNAPPAGAT:
Fellið af fyrir hnappagötum á hægri kant að framan.
1 HNAPPAGAT = skiptið út þriðja stuðli frá miðju að framan með 1 loftlykkju. Í næstu umferð er heklaður 1 stuðull um þessa loftlykkju.
Fellið af fyrir hnappagötum þegar stykkið mælist (mælt frá öxl og niður, fyrsta hnappagatið á að vera 1 cm á eftir síðustu útaukningu fyrir hálsmáli):
STÆRÐ 1/3 MÁN: 8, 11 og 14 cm.
STÆRÐ 6/9 MÁN: 9, 12 og 15 cm.
STÆRÐ 12/18 MÁN: 9, 13 og 17 cm.
STÆRÐ 2 ÁRA: 10, 14 og 18 cm.
STÆRÐ 3/4 ÁRA: 11, 15 og 19 cm.
--------------------------------------------------------

VESTI:
Bakstykki og bæði framstykkin eru hekluð hvort fyrir sig ofan frá og niður að skiptingu við handveg. Stykkin eru síðan saumuð saman og fram- og bakstykki er síðan heklað til áfram fram og til baka frá miðju að framan í sólfjaðramynstri til loka.

HÆGRI ÖXL AÐ AFTAN:
Heklið 10-12-14 (16-18) LAUSAR loftlykkjur með heklunál 3,5 með Baby Merino.
UMFERÐ 1: Heklið 1 stuðul í 4. loftlykkju frá heklunálinni, heklið síðan 1 stuðul í hverja loftlykkju = 8-10-12 (14-16) stuðlar í umferð. Snúið stykkinu.
UMFERÐ 2: Lesið HEKLLEIÐBEININGAR! Heklið síðan 1 stuðul í hvern stuðul JAFNFRAMT er aukið út um 2 stuðla við hnakka – sjá ÚTAUKNING-1 = 10-12-14 (16-18) stuðlar. Snúið stykkinu.
Geymið stykkið og heklið vinstri öxl að aftan alveg eins. Snúið stykkinu.
UMFERÐ 3: Heklið 1 stuðul í hvern stuðul á vinstri öxl að aftan. Heklið síðan 10-12-14 (16-18) loftlykkjur (= miðja aftan í hnakka), heklið 1 stuðul í hvern stuðul á hægri öxl að aftan. Snúið stykki.
UMFERÐ 4: Heklið 1 stuðul í hvern stuðul og 1 stuðul í hverja loftlykkju aftan í hnakka = 30-36-42 (48-54) stuðlar í umferð.
Haldið áfram með stuðla á bakstykki. JAFNFRAMT þegar stykkið mælist 5-6-7 (8-9) cm er aukið út í lok hverrar umferðar fyrir handveg í hvorri hlið þannig – sjá ÚTAUKNING-1: 1 stuðull 1 sinni, 2 stuðlar 1 sinni og 4 stuðlar 1 sinni = 44-50-56 (62-68) stuðlar í umferð. Þegar bakstykki mælist 11-12-13 (14-15) cm (á að hafa verið heklaður 1 cm eftir síðustu útaukningu) geymið stykkið.

HÆGRA FRAMSTYKKI:
Heklið 10-12-14 (16-18) LAUSAR loftlykkjur með heklunál 3,5 með Baby Merino.
UMFERÐ 1: Heklið 1 stuðul í 4. loftlykkju frá heklunálinni, heklið síðan 1 stuðul í hverja loftlykkju = 8-10-12 (14-16) stuðlar. Snúið stykkinu.
Heklið síðan 1 stuðul í hvern stuðul. Þegar stykkið mælist 2-3-2 (3-3) cm aukið út um 1 stuðul við miðju að framan fyrir hálsmál – sjá ÚTAUKNING-2. Endurtakið útaukningu í hverri umferð alls 5-5-6 (6-7) sinnum, síðan er aukið út um 6-7-7 (8-8) stuðla 1 sinni. JAFNFRAMT þegar stykkið mælist 5-6-7 (8-9) cm er aukið út fyrir handveg í hlið eins og á bakstykki – munið eftir HNAPPAGAT á kanti að framan – sjá útskýringu að ofan. Eftir allar útaukningar eru 26-29-32 (35-38) stuðlar í umferð. Þegar stykkið mælist 11-12-13 (14-15) cm – passið uppá að framstykkið sé jafn langt og bakstykki. Geymið stykkið.

VINSTRA FRAMSTYKKI:
Heklið eins og hægra framstykki, nema gagnstætt. ATH! Ekki hekla hnappagöt á vinstra framstykki.

FRÁGANGUR:
Saumið axlasauma kant í kant með smáu spori. Saumið hliðarsauma kant í kant – nú eru 96-108-120 (132-144) stuðlar í umferð.

SÓLFJAÐRAMYNSTUR:
Haldið síðan áfram að hekla fram og til baka frá miðju að framan þannig:
UMFERÐ 1: Heklið 1 stuðul í hvern stuðul jafnframt er aukið út um 8 stuðla jafnt yfir (ekki er aukið út yfir ystu 4 stuðlana í hvorri hlið við miðju að framan = kantar að framan) = 104-116-128 (140-152) stuðlar í umferð.
UMFERÐ 2: 3 loftlykkjur, 1 stuðull í hvern og einn af 3 næstu stuðlum (= kantur að framan), * 2 loftlykkjur, hoppið yfir ca 2 lykkjur, 1 fastalykkja í næstu lykkju *, endurtakið frá *-* þannig að það verða 30-34-38 (42-46) loftlykkjubogar og eftir eru 6 eða 7 stuðlar, heklið 2 loftlykkjur og endið með 1 stuðuli í hvern og einn af 4 síðustu stuðlum (= kantur að framan). Snúið stykkinu. Nú eru 31-35-39 (43-47) loftlykkjubogar með 4 stuðlum í hvorri hlið fyrir kant að framan.
UMFERÐ 3: 3 loftlykkjur, 1 stuðull í hvern og einn af 3 næstu stuðlum, hoppið yfir fyrsta loftlykkjubogann, * 4 stuðlar + 2 loftlykkjur + 4 stuðlar um næsta loftlykkjuboga, 1 stuðull í næsta loftlykkjuboga *, endurtakið frá *-* þar til 2 loftlykkjubogar eru eftir, heklið 4 stuðla + 2 loftlykkjur + 4 stuðlar í næsta loftlykkjubogar, hoppið yfir síðasta loftlykkjuboga og endið með 1 stuðli í hvern og einn af 4 stuðlum í kanti að framan = 15-17-19 (21-23) sólfjaðrir með 4 stuðlum í hvorri hlið við miðju að framan fyrir kant að framan. Snúið stykkinu.
UMFERÐ 4: 3 loftlykkjur, 1 stuðull í hvern og einn af 3 næstu stuðlum, * 4 stuðlar + 2 loftlykkjur + 4 stuðlar mitt í næsta stuðlahóp (þ.e.a.s. um loftlykkjuboga í stuðlahóp), 1 stuðull í stuðul frá fyrri umferð *, endurtakið frá *-* þar til 1 stuðlahópur er eftir, 4 stuðlar + 2 loftlykkjur + 4 stuðlar mitt í þessum stuðlahóp og endið með 1 stuðul í hvern og einn af 4 stuðlum í kanti að framan. Snúið stykkinu.
Endurtakið umferð 4 þar til stykkið mælist ca 18-20-23 (23-25) cm frá öxl og niðu.
NÆSTA UMFERÐ ER HEKLUÐ ÞANNIG:
4 loftlykkjur, 1 tvíbrugðinn stuðull í hvern og einn af 3 næstu stuðlum, * 4 tvíbrugðnir stuðlar + 2 loftlykkjur + 4 tvíbrugðnir stuðlar mitt í næsta stuðlahóp, 1 tvíbrugðinn stuðull í stuðul frá fyrri umferð *, endurtakið frá *-* þar til 1 stuðlahópur er eftir, 4 tvíbrugðnir stuðlar + 2 loftlykkjur + 4 tvíbrugðnir stuðlar mitt í þennan stuðlahóp og endið með 1 tvíbrugðnum stuðli í hvern og einn af þeim 4 stuðlum á kanti að framan, snúið við.
Endurtakið þessa umferð þar til stykkið mælist ca 23-25-28 (30-32) cm frá öxl og niður. Klippið frá og festið enda.

HEKLAÐUR KANTUR:
Heklið kant í lokin meðfram vinstra opi með heklunál 3,5 með Baby Merino þannig: Byrjið neðst á hægra framstykki og heklið upp meðfram kanti að framan og hálsmáli að framan: * 3 loftlykkjur, hoppið yfir ca 1 cm, 1 fastalykkja í næstu lykkju *, endurtakið frá *-* upp að axlasaumi, * hoppið yfir ca 2 cm, 3 stuðlar + 2 loftlykkjur + 3 stuðlar í næstu lykkju, hoppið yfir ca 2 cm, 1 fastalykkja í næstu lykkju *, endurtakið frá *-* meðfram hnakka og fram að næsta axlasaum, * 3 loftlykkjur, hoppið yfir ca 1 cm, 1 fastalykkja í næstu lykkju *, endurtakið frá *-* meðfram hálsmáli að framan og meðfram kanti að framan.

HANDVEGUR:
Heklið 1 fastalykkju í fyrstu lykkju, * hoppið yfir ca 2 cm, 3 stuðlar + 2 loftlykkjur + 3 stuðlar í næstu lykkju, hoppið yfir ca 2 cm, 1 fastalykkja í næstu lykkju *, endurtakið frá *-* í kringum allan handveginn og endið með 1 keðjulykkju í fyrstu lykkju í byrjun á umferð.

FRÁGANGUR:
Saumið tölur í.

Mynstur


Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS Baby 19-7) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

Við höfum einnig skref-fyrir-skref leiðbeiningar fyrir mismunandi aðferðir sem þú finnur hér.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (24)

Josefine Holm Nielsen 13.06.2019 - 21:01:

På række 2 i de to separate bagstykker: skal udtagningen foregå mellem række 1 og 2, eller mellem række 2 og 3? Hvis man gør det sidste (som er sådan jeg læser det), og derefter fortsætter til række 3 hvor de to stykker hækles sammen, får jeg udtagningen i venstre side til at vende mod ærmekanten i stedet for mod nakken. Har i en video der viser hvordan man hækler et fralagt arb sammen med nuværende arb?

DROPS Design 09.07.2019 kl. 12:13:

Hej Josefine, Her ser du hvordan man hækler 2 stykker sammen. Klip tråden hvis du har svært ved at få det til at vende den rigtige vej.

How to crochet the top in DROPS 162-15 from Garnstudio Drops design on Vimeo.

Linda 09.02.2018 - 16:13:

Ik vraag mij af wat er de bedoeling van is bij toer 2 meerdere aan 1 kant keer en dan laat het werk rusten en ga met de rechter schouder verder wat word hiermee bedoeld? Moet ik dan afhechten of ik snap hem niet?

DROPS Design 26.02.2018 kl. 12:52:

Hallo Linda, Waar ben je precies in het patroon? De schouders worden eerst een stukje apart van elkaar gehaakt. Daarna haak je ze samen. Dit is om de ronding in de hals te creëren. Dus bijv. bij het achterpand haak je de eerste 2 toeren van de ene schouder. Dan laat je dit met rust en begin je ahw met een nieuw haakwerkje voor de andere schouder. Op de derde toer worden beide schouders met elkaar verbonden door eerst op de ene schouder te haken, dan een aantal lossen en dan op de andere schouder verder haken.

Eva Wilmann 29.11.2017 - 03:20:

Hvordan i alle dager skal man få armhulene symmetrisk hvis man øker annenhver rad? Kan dere gi en mer detaljert forklaring?

DROPS Design 07.12.2017 kl. 13:56:

Hej Du øker på slutten av hver rad, det vil sige at du øker lige mange masker i hver side. God fornøjelse!

Frida 11.10.2017 - 22:26:

Hej, Jag förstår inte riktigt ökningarna för ärmhålen. Det finns en tidigare fråga på engelska om samma sak, men jag blev inte klokare av det svaret. Om jag gör ökningar i slutet av varvet så blir arbetet inte symmetriskt, ska det vara så? Och i såfall, när jag då gör framstyckena så måste jag hoppa över ökning för ärmhål vartannat varv, annars går det inte att sy ihop, men det står inget om det i mönstret?

DROPS Design 18.10.2017 kl. 17:42:

Hej, du gör alltid ökningarna i slutet på varvet. Det ökas alltså i varje sida på vartannat varv, likadant blir det också på framstyckena.

Audrey 05.04.2016 - 18:56:

Bonjour, Je suis en train de le faire en taille 12 mois, dans la partie "point d'éventail" à la fin du 1er rang, il faut avoir 128b, et au 2ème rang, si on suit précisément, 3ml - 3b - 2ml - sauter 2b - 1ms - 2ml... au bout de 38 arceaux il y a bien plus de 6/7b restantes... pouvez vous m'aider?

DROPS Design 06.04.2016 kl. 08:45:

Bonjour Audrey, ajustez bien le nbe de brides sautées pour que le nombre d'arceaux soit correct à la fin du rang. Bon crochet!

Petra 24.06.2015 - 21:42:

I varv 2 ska man öka med 2 stolpar så att det blir 14 maskor (för 12/18 mån). Men om man fortsätter virka stolpar som det står i Ökningstips 1 och sen vänder arbetet så har man ju egentligen gjort varv 3. I varv 3 står det att man ska virka 1 st i varje st och sen 14 lm. Men vad betyder det att man ska virka "över" höger axel bak? Ska man fästa den sista lm med en st i höger axel? Hur ser det ut? Kan ni ge en bild?

DROPS Design 10.08.2015 kl. 11:37:

Hej Petra, När du har virkad varv 3 på vänster axel, fortsätter du med lm (bak i nacken), sedan fortsätter du att virka varv 3 på höger axel. Nu har du virkat ihop hela rygst och fortsätter fram och tillbaka. Lycka till!

Kerstin Schmid 24.06.2014 - 11:26:

Hallo, ich komme mit der Aufnahme für das Armloch des Rückenteils nicht klar (Größe 12 Monate). In der Anleitung steht, dass am Schluss jeder Reihe Stäbchen aufgenommen werden sollen. Wenn ich das so mache sind die Aufnahmen ja nie in der selben Höhe der beiden Schulterteile (diese wurden ja in der dritten Reihe verbunden). Oder habe ich einen Denkfehler. Auch komme ich wenn ich die Aufnahmen immer nur 1 Mal mache nicht auf die geforderte Maschenanzahl.

Mia Christensen 04.05.2014 - 22:24:

HØJRE SKULDER BAGPÅ. 4.RÆKKE: skal lige høre om man skal tage ud på begge sider i samme række. Altså når man starter og slutter. Da jeg ikke gjorde det og kun gjorde det i slutningen af rækken så var der en række st mere på den ene side end på den anden side. Håber i kan hjælpe mig.

Mia Christensen 04.05.2014 - 22:15:

Det er et spørgsmål til det Tina Stormfeldt har skrevet. Der i række 4 når man skal tage ud skal man så tage ud på være ende af rækken. Altså når man starter og slutter? Hvis man ikke skal det så bliver det skævt det gjorde det første gang jeg prøvet. Jeg forstår det ikke helt. Håber i kan hjælper og forstår det jeg skriver

DROPS Design 07.05.2014 kl. 10:27:

Du tager ud i slutningen af hver räkke, så det bliver i hver side (men IKKE udtagninger i hver side på samme räkke)Ja det bliver en räkke forskudt men det kan du ikke se ved det färdige resultat!

Basia 01.05.2014 - 13:45:

Proszę o przetłumaczenie na polski całej seri tych ubranek: bucików, czapeczki, kocyka, kamizelki i sweterka. są bardzo ładne.

Skrifaðu athugasemd um DROPS Baby 19-7

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.