Sun Dream Cardi |
|||||||||||||||||||||||||
|
|
||||||||||||||||||||||||
Prjónuð peysa með stuttum ermum úr DROPS Safran. Stykkið er prjónað ofan frá og niður með hringlaga berustykki og áferðamynstri á berustykki. Stærð S - XXXL.
DROPS 240-23 |
|||||||||||||||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. MYNSTUR: Sjá mynsturteikningu A.1 og A.2. Mynsturteikning sýnir allar umferðir í mynstri séð frá réttu. ÚTAUKNING: Aukið út um 1 lykkju með því að slá 1 sinni uppá prjóninn. Í næstu umferð er uppslátturinn prjónaður snúinn, svo ekki myndist gat. ÚRTAKA (á við um í hliðum á fram- og bakstykki og mitt undir ermum): Öll úrtaka er gerð frá réttu! Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, 2 lykkjur slétt (prjónamerki situr á milli þessa 2 lykkja), lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð (2 lykkjur færri). LASKALÍNA: Öll útaukning er gerð frá réttu! Aukið út með því að slá 1 sinni uppá prjóninn hvoru megin við 4 lykkjur með prjónamerki í (laskalínulykkjur), í hverri skiptingu á milli framstykkis/bakstykkis og erma (8 lykkjur fleiri í umferð). Uppslátturinn er prjónaður frá röngu þannig: Á UNDAN LASKALÍNU: Prjónið uppsláttinn brugðið í aftari lykkjubogann. Það á ekki að myndast gat. Á EFTIR LASKALÍNU: Lyftið uppslættinum af vinstri prjóni og setjið til baka yfir á vinstri prjón, nema í gagnstæða átt (stingið inn vinstri prjóni aftan frá þegar uppslátturinn er settur til baka á prjóninn). Prjónið uppsláttinn brugðið í fremri lykkjubogann. Það á ekki að myndast gat. Prjónið síðan útauknar lykkjur í sléttprjóni. HNAPPAGAT: Fellið af fyrir hnappagötum í hægri kanti að framan (séð þegar flíkin er mátuð). Fellið af frá réttu þegar 4 lykkjur eru eftir á prjóni þannig: Sláið 1 sinni uppá prjóninn, prjónið 2 næstu lykkjur slétt saman og 2 lykkjur slétt. Í næstu umferð (ranga) er uppslátturinn prjónaður slétt svo það myndist gat. Fellið af fyrir fyrsta hnappagatinu í fyrstu umferð frá réttu á eftir stroffi í hálsmáli. Fellið síðan af fyrir 5-5-5-6-6-6 næstu hnappagötum með ca 8-8½-9-8-8-8½ cm millibili. ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Kantur í hálsmáli og berustykkið er prjónað fram og til baka á hringprjóna frá miðju að framan, ofan frá og niður. Berustykkið skiptist fyrir fram- og bakstykki og ermar. Fram- og bakstykki er prjónað fram og til baka á hringprjóna. Ermar eru prjónaðar í hring á sokkaprjóna / stuttan hringprjón. KANTUR Í HÁLSMÁLI: Fitjið upp 133-137-141-147-151-155 lykkjur á hringprjón 2,5 með DROPS Safran. Prjónið 1 umferð brugðið frá röngu. Næsta umferð er prjónuð frá réttu þannig: 6 kantlykkjur að framan í GARÐAPRJÓN – sjá útskýringu að ofan, * 1 lykkja slétt, 1 lykkja brugðið *, prjónið frá *-* þar til 7 lykkjur eru eftir í umferð, prjónið 1 lykkju slétt og 6 kantlykkjur að framan í garðaprjóni. Haldið svona áfram með stroff í 3 cm. Prjónið 1 umferð slétt frá réttu þar sem aukið er út um 30-32-32-34-36-38 lykkjur jafnt yfir (ekki er aukið út yfir kanta að framan) – sjá ÚTAUKNING og munið eftir HNAPPAGAT í hægri kanti að framan – sjá útskýringu að ofan = 163-169-173-181-187-193 lykkjur. Prjónið 1 umferð brugðið frá röngu (kantar að framan eru prjónaðar í garðaprjóni). Setjið 1 prjónamerki eftir kant að framan í byrjun á umferð mitt að framan, berustykkið er nú mælt frá þessu prjónamerki. BERUSTYKKI. Skiptið yfir á hringprjón 3,5. Prjónið sléttprjón með 6 kantlykkjum að framan í garðaprjóni í hvorri hlið við miðju að framan. ATHUGIÐ PRJÓNFESTUNA! Þegar stykkið mælist 2-3-4-4-5-6 cm frá prjónamerki, aukið út um 30-32-36-40-46-48 lykkjur jafnt yfir (ekki er aukið út yfir kant að framan) = 193-201-209-221-233-241 lykkjur. Þegar stykkið mælist 3-4-5-5-6-7 cm frá prjónamerki, prjónið mynstur þannig: 6 kantlykkjur að framan í garðaprjóni, prjónið A.1 þar til 7 lykkjur eru eftir í umferð, A.2, 6 kantlykkjur að framan í garðaprjóni. Haldið svona áfram með mynstur fram og til baka. Að auki eru lykkjur auknar út jafnt yfir í hverri umferð merktri með ör í A.1 þannig: Ör-1: Aukið út 28-32-36-36-40-40 lykkjur jafnt yfir = 221-233-245-257-273-281 lykkjur. Ör-2: Aukið út 28-32-32-36-36-40 lykkjur jafnt yfir = 249-265-277-293-309-321 lykkjur. Ör-3: Aukið út 28-30-36-44-46-52 lykkjur jafnt yfir = 277-295-313-337-355-373 lykkjur. Ör-4: Aukið út 24-30-30-36-36-42 lykkjur jafnt yfir = 301-325-343-373-391-415 lykkjur. Ör-5: Aukið út 24-32-30-32-30-34 lykkjur jafnt yfir = 325-357-373-405-421-449 lykkjur. Prjónið A.1/A.2 til loka. Stykkið mælist ca 15-16-17-17-18-19 cm frá prjónamerki við hálsmál. Nú á að auka út fyrir laskalínu. Setjið 4 prjónamerki í stykkið eins og útskýrt er að neðan. Þessi 4 prjónamerki eru notuð þegar auka á út fyrir laskalínu og prjónamerkin eru sett í stykkið án þess að prjóna lykkjurnar. Teljið 51-56-58-63-67-73 lykkjur (framstykki), setjið 1 prjónamerki í næstu lykkju, teljið 64-70-74-80-80-82 lykkjur (ermi), setjið 1 prjónamerki í næstu lykkju, teljið 91-101-105-115-123-135 lykkjur (bakstykki), setjið 1 prjónamerki í næstu lykkju, teljið 64-70-74-80-80-82 lykkjur (ermi), setjið 1 prjónamerki í næstu lykkju, það eru 51-56-58-63-67-73 lykkjur eftir á prjóni á eftir síðasta prjónamerki (framstykki). Prjónið sléttprjón fram og til baka með 6 kantlykkjum að framan í garðaprjóni í hvorri hlið við miðju að framan. JAFNFRAMT í fyrstu umferð frá réttu er aukið út fyrir LASKALÍNA – sjá útskýringu að ofan (8 lykkjur fleiri). Aukið út fyrir laskalínu í 4.-4.-2.-2.-2.-2. hverri umferð alls 3-3-5-6-8-8 sinnum = 349-381-413-453-485-513 lykkjur. Takið frá öll prjónamerki. Prjónið áfram án útaukningar þar til stykkið mælist 19-20-22-23-25-27 cm frá prjónamerki við hálsmál. Í næstu umferð skiptist berustykkið fyrir fram- og bakstykki og ermar þannig: Prjónið 55-60-64-70-76-82 lykkjur eins og áður (framstykki), setjið næstu 70-76-84-92-96-98 lykkjur á þráð fyrir ermi, fitjið upp 6-6-8-8-10-12 nýjar lykkjur á prjóninn (í hlið undir ermi), prjónið 99-109-117-129-141-153 lykkjur sléttprjón (bakstykki), setjið næstu 70-76-84-92-96-98 lykkjur á þráð fyrir ermi, fitjið upp 6-6-8-8-10-12 nýjar lykkjur á prjóninn (í hlið undir ermi) og prjónið síðustu 55-60-64-70-76-82 lykkjur eins og áður (framstykki). Fram- og bakstykki og ermar er síðan prjónað hvert fyrir sig. Héðan er nú stykkið mælt. FRAM- OG BAKSTYKKI: = 221-241-261-285-313-341 lykkjur. Setjið 1 prjónamerki 58-63-68-74-81-88 lykkjur inn frá hvorri hlið (í hliðar á fram- og bakstykki). Það eru 105-115-125-137-151-165 lykkjur á milli prjónamerkja á bakstykki. Látið prjónamerkin fylgja með í stykkinu, þau eru notuð aðeins síðar þegar fækka á lykkjum í hliðum. Haldið áfram í sléttprjón og 6 kantlykkjum að framan í garðaprjóni í hvorri hlið á stykki. Þegar stykkið mælist 6 cm frá skiptingu, fækkið um 1 lykkju hvoru megin við bæði prjónamerki – sjá ÚRTAKA (4 lykkjur færri). Fækkið lykkjum svona með 6 cm millibili alls 3 sinnum í hvorri hlið í öllum stærðum = 209-229-249-273-301-329 lykkjur. Þegar stykkið mælist 22-23-23-24-24-24 cm frá skiptingu, prjónið 1 umferð slétt frá réttu þar sem aukið er út um 44-48-52-56-64-72 lykkjur jafnt yfir = 253-277-301-329-365-401 lykkjur. Skiptið yfir á hringprjón 2,5. Prjónið stroff frá röngu þannig: 6 kantlykkjur að framan í garðaprjóni, * 1 lykkja brugðið, 1 lykkja slétt *, prjónið frá *-* þar til 7 lykkjur eru eftir á prjóni, prjónið 1 lykkju brugðið og 6 kantlykkjur að framan í garðaprjóni. Haldið svona áfram með stroff í 3 cm. Fellið aðeins laust af. Peysan mælist ca 48-50-52-54-56-58 cm frá öxl. ERMI: Setjið 70-76-84-92-96-98 lykkjur af þræði í annarri hlið á stykki á sokkaprjóna eða stuttan hringprjón 3,5. Prjónið að auki upp 1 lykkju í hverja af 6-6-8-8-10-12 lykkjum sem fitjaðar voru upp undir ermi = 76-82-92-100-106-110 lykkjur. Setjið 1 prjónamerki mitt í 6-6-8-8-10-12 lykkjur undir ermi – prjónamerkið er notað þegar fækka á lykkjum. Byrjið umferð við prjónamerki og prjónið sléttprjón hringinn. Þegar ermin mælist 2-2-2-2-1-1 cm frá skiptingu, fækkið um 2 lykkjur mitt undir ermi – munið eftir ÚRTAKA. Fækkið lykkjum svona í 8.-4.-2.-2.-2.-2. hverri umferð alls 4-6-9-10-11-11 sinnum = 68-70-74-80-84-88 lykkjur. Prjónið áfram þar til ermin mælist 11-11-9-9-8-8 cm frá skiptingu. Það eru eftir ca 3 cm að loka máli. Mátið e.t.v. peysuna og prjónið að óskaðri lengd fyrir stroff. Prjónið 1 umferð slétt þar sem aukið er út um 10-12-12-12-14-14 lykkjur jafnt yfir = 78-82-86-92-98-102 lykkjur. Skiptið yfir á sokkaprjóna 2,5. Prjónið stroff (1 lykkja slétt, 1 lykkja brugðið) í 3 cm. Fellið aðeins laust af. Ermin mælist ca 14-14-12-12-11-11 cm frá skiptingu. Prjónið hina ermina á sama hátt. FRÁGANGUR: Saumið tölur í vinstri kant að framan. |
|||||||||||||||||||||||||
Skýringar á teikningu |
|||||||||||||||||||||||||
|
|||||||||||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (4)
Anne Kocarová wrote:
Jos nypyt tehdään kirjallisen ohjeen mukaan (mikä erittäin sekava), tulee nypystä valtavan iso. Jos tehdään ohjevideon mukaan, ei työhön lisäänny kuin yksi silmukka - langankiertoja tulisi kaksi. Kirjallisessa ohjeessa ei puhuta langankierrosta mitään - neuvotaan vain neulomaan samaa silmukkaa vuorotellen etukautta ja takakautta. En ymmärrä. Onko video siis väärä?
15.04.2024 - 17:00DROPS Design answered:
Nypyt tehdään kirjallisen ohjeen mukaan. Aluksi neulot saman silmukan vuorotellen etukautta ja takakautta oikein yhteensä 4 kertaa. Kiristä lanka jokaisen silmukan jälkeen, niin nypystä tulee tiheämpi. Tämän jälkeen vedät 2. silmukan ensimmäisen silmukan yli, sitten vedät 3. silmukan ensimmäisen silmukan yli jne.
15.04.2024 - 17:57Linda Eg wrote:
Hvilken størrelse er knapperne?
01.05.2023 - 21:24DROPS Design answered:
Hei Linda. I denne jakke er det brukt knapper nr. 521 / 15mm og under GARN & PINNER og Knapper finner du mer informasjon om denne knappen. mvh DROPS Design
02.05.2023 - 14:12Trine wrote:
Summer fling
18.01.2023 - 13:24Gabriele wrote:
Als Jacke noch schöner.
17.01.2023 - 20:20