DROPS Muskat
DROPS Muskat
100% Bómull
frá 400.00 kr /50g
Þú færð garn sem þarf í að gera þetta mynstur frá 2000.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

Dazzling Diamonds Vest

Prjónaður toppur / vesti úr DROPS Muskat eða DROPS Cotton Merino. Stykkið er prjónað ofan frá og niður með gatamynstri, böndum á öxlum og kanti með tölum. Stærð S - XXXL.

DROPS 240-7
DROPS Design: Mynstur r-816
Garnflokkur B
-------------------------------------------------------

STÆRÐ:
S - M - L - XL - XL/XXL - XXL/XXX

EFNI:
DROPS MUSKAT frá Garnstudio (tilheyrir garnflokki B)
250-300-300-350-350-400 g litur 08, natur

Eða notið:
DROPS COTTON MERINO (tilheyrir garnflokki B)
250-250-300-300-350-350 g litur 01, natur

TÖLUR:
DROPS TALA NR 628: 4-4-5-5-5-5 stykki.

PRJÓNAR:
DROPS HRINGPRJÓNN 4: lengd 80 cm.
DROPS SOKKAPRJÓNAR NR 4.

PRJÓNFESTA:
21 lykkja á breidd og 28 umferðir á hæð með sléttprjóni = 10 x 10 cm.
ATH: Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Muskat
DROPS Muskat
100% Bómull
frá 400.00 kr /50g
Þú færð garn sem þarf í að gera þetta mynstur frá 2000.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

MYNSTUR:
Sjá mynsturteikningu A.1 til A.13. Veldu mynsturteikningu fyrir þína stærð (á við A.5).
Mynsturteikning sýnir allar umferðir í mynstri séð frá réttu.

HNAPPAGAT:
Fellið af fyrir hnappagötum í hægri kanti að framan (séð þegar flíkin er mátuð). Fellið af frá réttu þegar 3 lykkjur eru eftir á prjóni þannig: Sláið 1 sinni uppá prjóninn, prjónið 2 næstu lykkjur slétt saman og prjónið síðustu lykkju slétt. Í næstu umferð (ranga) er uppslátturinn prjónaður slétt, svo að það myndist gat.
Fellið af fyrir fyrsta hnappagatinu þegar stykkið mælist ca 2 cm frá þar sem stykkið var sett saman. Fellið síðan af fyrir 3-3-4-4-4-4 næstu hnappagötum með ca 7-7½-6-6-6½-7 cm millibili.

-------------------------------------------------------

BYRJIÐ Á STYKKI HÉR:

-------------------------------------------------------

TOPPUR - STUTT ÚTSKÝRING Á STYKKI:
Stykkið er prjónað fram og til baka, ofan frá og niður. Framstykkin og bakstykkið er prjónað hvert fyrir sig, síðan eru stykkin sett saman og fram- og bakstykkið er prjónað fram og til baka að loka máli.

HÆGRA FRAMSTYKKI:
Fitjið upp 7 lykkjur á stuttan hringprjón 4 með DROPS Muskat eða DROPS Cotton Merino. Prjónið fram og til baka í GARÐAPRJÓN – sjá útskýringu að ofan. Prjónið þar til stykkið mælist 2-3-4-1-1-2 cm aðeins strekkt (band á öxl).
Prjónið mynsturteikningu A.1.
Þegar mynsturteikning A.1 hefur verið prjónuð til loka, eru 25 lykkjur í umferð.
Prjónið mynsturteikningu A.2 yfir 12 lykkjur og A.3 yfir 13 lykkjur.
Þegar mynsturteikning hefur verið prjónuð til loka á hæðina eru 35 lykkjur í umferð.
Nú er prjónað áfram mismunandi eftir stærðum þannig:

STÆRÐ S, M og L:
Prjónið A.2 yfir 12 lykkjur, A.4 yfir 10 lykkjur og prjónið A.3 yfir 13 lykkjur.
Þegar mynsturteikning hefur verið prjónuð til loka á hæðina eru 45-45-45 lykkjur í umferð og stykkið mælist ca 18-19-20 cm. Útaukningu er lokið í stærð S, M og L.

STÆRÐ XL, XL/XXL og XXL/XXXL:
Prjónið A.2 yfir 12 lykkjur, A.4 yfir 10 lykkjur og prjónið A.3 yfir 13 lykkjur.
Þegar mynsturteikning hefur verið prjónuð til loka á hæðina eru 45-45-45 lykkjur í umferð.
Prjónið A.2 yfir 12 lykkjur, A.4 yfir 20 lykkjur og prjónið A.3 yfir 13 lykkjur.
Þegar mynsturteikning hefur verið prjónuð til loka á hæðina eru 55-55-55 lykkjur í umferð og stykkið mælist ca 22-23-23 cm. Útaukningu er lokið í stærð XL, XL/XXL og XXL/XXXL.

ALLAR STÆRÐIR:
= 45-45-45-55-55-55 lykkjur. Klippið þráðinn og setjið lykkjur á þráð eða auka prjón. Nú er bakstykkið prjónað.

BAKSTYKKI:
Fitjið upp 7 lykkjur á 1 sokkaprjóna nr 4 með DROPS Muskat eða DROPS Cotton Merino. Prjónið garðaprjón fram og til baka þar til stykkið mælist 4-5-6-8-3-4 cm aðeins strekkt (band á öxl). Fyrra bandið á öxl er tilbúið. Klippið þráðinn og geymið stykkið.
Prjónið annað band á öxl alveg eins með hringprjón 4. Í lok síðustu umferðar, fitjið upp 51-51-51-61-61-61 nýjar lykkjur á prjóninn, síðan er prjónað yfir 7 lykkjur frá fyrra bandi á öxl (passið uppá að garðaprjón passi á báðum böndunum á öxlum). Það eru 65-65-65-75-75-75 lykkjur í umferð.
Prjónið garðaprjón fram og til baka þar til prjónaðar hafa verið 6 umferðir garðaprjón yfir allar lykkjur.
Nú er mynstur prjónað mismunandi eftir stærðum þannig:

STÆRÐ S:
Prjónið 2 lykkjur eins og fyrsta lykkjan í A.4, prjónið A.4 þar til 3 lykkjur eru eftir á hæðina og prjónið síðustu 3 lykkjur eins og fyrsta lykkja í A.4. Prjónið mynsturteikningu 1 sinni á hæðina.
Prjónið A.6 yfir 7 lykkjur, A.4 þar til 8 lykkjur eru eftir og prjónið A.7 yfir 8 lykkjur.
Prjónið mynsturteikningu 1 sinni á hæðina.
Prjónið A.2 yfir 12 lykkjur, A.4 þar til 13 lykkjur eru eftir og prjónið A.5 yfir 13 lykkjur.
Þegar mynsturteikning hefur verið prjónuð til loka á hæðina, eru 80 lykkjur í umferð og stykkið mælist 18 cm.

STÆRÐ M, L og XL:
Prjónið A.6 yfir 7 lykkjur, A.4 þar til 8 lykkjur eru eftir og prjónið A.7 yfir 8 lykkjur.
Prjónið mynsturteikningu 1 sinni á hæðina.
Prjónið A.2 yfir 12 lykkjur, A.4 þar til 13 lykkjur eru eftir og prjónið A.3 yfir 13 lykkjur.
Prjónið mynsturteikningu 1 sinni á hæðina. Það eru 75-75-85 lykkjur í umferð.
Prjónið A.2 yfir 12 lykkjur, A.4 þar til 13 lykkjur eru eftir og prjónið A.5 yfir 13 lykkjur.
Þegar mynsturteikning hefur verið prjónuð til loka á hæðina, eru 90-100-110 lykkjur í umferð og stykkið mælist ca 19-20-22 cm.

STÆRÐ XL/XXL og XXL/XXXL:
Prjónið A.6 yfir 7 lykkjur, A.4 þar til 8 lykkjur eru eftir og prjónið A.7 yfir 8 lykkjur.
Prjónið mynsturteikningu 1 sinni á hæðina.
Prjónið A.2 yfir 12 lykkjur, A.4 þar til 13 lykkjur eru eftir og prjónið A.3 yfir 13 lykkjur.
Prjónið mynsturteikningu 2 sinnum á hæðina. Það eru 95-95 lykkjur í umferð.
Prjónið A.2 yfir 12 lykkjur, A.4 þar til 13 lykkjur eru eftir og prjónið A.5 yfir 13 lykkjur.
Þegar mynsturteikning hefur verið prjónuð til loka á hæðina, eru 120-130 lykkjur í umferð og stykkið mælist ca 22-23 cm.

ALLAR STÆRÐIR:
= 80-90-100-110-120-130 lykkjur. Klippið þráðinn og setjið lykkjur á þráð eða á auka prjón. Nú er vinstra framstykkið prjónað.

HÆGRA FRAMSTYKKI:
Fitjið upp 7 lykkjur á stuttan hringprjón 4 með DROPS Muskat eða DROPS Cotton Merino. Prjónið fram og til baka í garðaprjóni. Prjónið þar til stykkið mælist 2-3-4-1-1-2 cm aðeins strekkt (band á öxl).
Prjónið mynsturteikningu A.1.
Þegar mynsturteikning A.1 hefur verið prjónuð til loka, eru 25 lykkjur í umferð.
Prjónið mynsturteikningu A.2 yfir 12 lykkjur og A.3 yfir 13 lykkjur.
Þegar mynsturteikning hefur verið prjónuð til loka á hæðina eru 35 lykkjur í umferð.
Nú er prjónað áfram mismunandi eftir stærðum þannig:

STÆRÐ S, M og L:
Prjónið A.2 yfir 12 lykkjur, A.4 yfir 10 lykkjur og prjónið A.5 yfir 13 lykkjur.
Þegar mynsturteikning hefur verið prjónuð til loka á hæðina eru 50-50-60 lykkjur í umferð og stykkið mælist ca 18-19-20 cm. Útaukningu er lokið í stærð S, M og L.

STÆRÐ XL, XL/XXL og XXL/XXXL:
Prjónið A.2 yfir 12 lykkjur, A.4 yfir 10 lykkjur og prjónið A.3 yfir 13 lykkjur.
Þegar mynsturteikning hefur verið prjónuð til loka á hæðina eru 45-45-45 lykkjur í umferð.
Prjónið A.2 yfir 12 lykkjur, A.4 yfir 20 lykkjur og prjónið A.5 yfir 13 lykkjur.
Þegar mynsturteikning hefur verið prjónuð til loka á hæðina eru 70-70-80 lykkjur í umferð og stykkið mælist ca 22-23-23 cm. Útaukningu er lokið í stærð XL, XL/XXL og XXL/XXXL.

ALLAR STÆRÐIR:
= 50-50-60-70-70-80 lykkjur. Setjið lykkjurnar af þráðum á sama hringprjón og vinstra framstykki. Setjið þær þannig að hægt sé að prjóna frá réttu í þessari röð: vinstra framstykki, bakstykki og hægra framstykki.

FRAM- OG BAKSTYKKI:
= 175-185-205-235-245-265 lykkjur.
Prjónið A.8 yfir 12 lykkjur, prjónið A.4 þar til 13 lykkjur eru eftir í umferð, prjónið A.9 yfir 13 lykkjur. Fellt er af fyrir HNAPPAGAT – sjá útskýringu að ofan.
Prjónið mynsturteikningu svona 1 sinni á hæðina. Það eru 181-191-211-241-251-271 lykkjur í umferð. Nú er prjónað þannig:
* Prjónið A.10 yfir 10 lykkjur, A.4 þar til 11 lykkjur eru eftir og prjónið A.11 yfir 11 lykkjur. Prjónið mynsturteikningu 1 sinni á hæðina.
Prjónið A.12 yfir 15 lykkjur, A.4 þar til 16 lykkjur eru eftir og prjónið A.13 yfir 16 lykkjur. Prjónið mynsturteikningu 1 sinni á hæðina. * Prjónið frá *-* þar til stykkið mælist 26-27-28-28-30-31 cm frá þar sem stykkið var sett saman eða endið eftir heila mynstureiningu á hæðina.
Fellið af með sléttum lykkjum frá réttu.

FRÁGANGUR:
Saumið saman böndin á öxlum. Saumið tölur í vinstra framstykki.

Þetta mynstur hefur verið leiðrétt.

Yfirfarið á vefsvæði: 10.05.2023
Leiðrétting í útskýringu í mynsturtexta

Mynstur

symbols = slétt lykkja frá réttu, brugðin lykkja frá röngu
symbols = slétt lykkja frá röngu
symbols = á milli 2 lykkja er slegið 1 sinni uppá prjóninn, í næstu umferð er uppslátturinn prjónaður slétt - það á að myndast gat
symbols = á milli 2 lykkja er slegið 1 sinni uppá prjóninn, í næstu umferð er uppslátturinn prjónaður snúinn slétt - það á ekki að myndast gat
symbols = 2 lykkjur slétt saman
symbols = lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð
symbols = lyftið 1 lykkju af prjóni eins og prjóna eigi slétt, prjónið 2 lykkjur slétt saman, steypið lyftu lykkjunni yfir lykkjurnar sem prjónaðar voru saman
symbols = fitjið upp 1 nýja lykkju í lok umferðar
diagram
diagram
diagram
diagram
diagram

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Dazzling Diamonds Vest

Svetla, Bulgaria

Dazzling Diamonds Vest

Christ, France

Dazzling Diamonds Vest

Izabelamizia, Poland

Dazzling Diamonds Vest

Robię, Poland

Dazzling Diamonds Vest

Sonja, Slovakia

Dazzling Diamonds Vest

Dympertje, Netherlands

Skrifaðu athugasemd um DROPS 240-7

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (33)

country flag Nieves wrote:

En la figura A1 no entiendo bien el comienzo del diagrama. La primera secuencia sería 1 derecho, 2 juntos del derecho, 1 hebra, 1 derecho, 1 hebra, Deslizar 1punto-1derecho-pasar punto, 1derecho. La segunda fila sería 2 derechos, 1hebra, 3derechos, 1hebra, 2derechos. Puede confirmarme que es así? Gracias

24.03.2024 - 15:53

DROPS Design answered:

Hola Nieves, la fila 1 por el lado derecho es correcta, como has indicado tú. La siguiente fila es por el lado revés y es una fila de derecho por el lado revés. En la siguiente fila por el lado derecho se trabaja como has indicado. En las filas 2, 4, 6, 8 y 10 trabajarás filas de derecho por el lado revés, mientras que en las filas por el lado derecho trabajarás el patrón de calados y los aumentos.

25.03.2024 - 00:46

country flag Ina Den Hooglander wrote:

Ik ben op zoek naar de 21 instructievideo’s van dit patroon. Zijn die er nog? Ik kan ze niet vinden, bij de zoekfunctie krijg ik de melding dat er niks wordt gevonden….. Ik hoop dat ze er nog zijn want de beschrijving is best ingewikkeld en de draad heb ik al besteld.

03.03.2024 - 12:01

DROPS Design answered:

Dag Ina,

De site is een beetje veranderd waardoor je nu bovenaan het patroon (rechts van de foto en vlak onder de titel) moet klikken om bij de video's te komen.

06.03.2024 - 22:28

country flag Trudi wrote:

Hello, what uk dress sizes correspond to the sizes here. I’d like to make this to fit a 30/32 so need to work out how to upsize it.

15.01.2024 - 19:46

DROPS Design answered:

Hi Trudi, You will find a size chart at the bottom of the pattern, with all the measurements for the different sizes. Happy crafting!

16.01.2024 - 07:13

country flag Rosângela wrote:

Tem vídeo aula ensinando essa blusa? Gostaria do vídeo aula. Bjs

31.12.2023 - 14:09

DROPS Design answered:

Bom dia, No fundo da página com a receite, encontra vários vídeos que explicam os vários pontos e técnicas usados nesta receita. Bons tricôs!

04.01.2024 - 09:43

country flag Berasp wrote:

Hva med høyre forstykke? Strikkes det make til venstre eller må det speilvendes?

07.11.2023 - 11:30

DROPS Design answered:

Hej Berasp, jo du starter med Højre forstykke ifølge opskriften :)

10.11.2023 - 15:06

country flag Ally wrote:

Hello, I have made this lovely top in Bordeaux colour but it has stretch so much that I can’t wear it. Do you have any tips how to shrink it back to the size? Thank you.

05.08.2023 - 09:17

country flag Jane wrote:

The diagram for A10 and A11 is missing. Please can it be added! I’ve got all the way to the body and now I’m stuck!

23.07.2023 - 19:47

DROPS Design answered:

Dear Jane, A.10 and A.11 are found between A.9 and A.8 and A.13 and A.12. If the whole charts are not loading well, please try again at a later time or with a different browser. Happy knitting!

23.07.2023 - 20:23

country flag Tiina wrote:

Ruutupiirrokset eivat avaudu suomenkielellä. Koska ne mahtavat olla saatavilla? Vieraskielisestä ohjeesta kuvioselosteiden kääntäminen on kovin haasteellista.

11.07.2023 - 13:08

DROPS Design answered:

Nyt piirrokset avautuvat taas.

18.07.2023 - 17:28

country flag An Yeun Sun wrote:

Why is the knitting/crochet tension so important?

05.06.2023 - 05:48

DROPS Design answered:

Hi An Yeun, The knitting/crochet tension is important because you then get the measurements given in the diagram and the size you want with your number of stitches and rows. Happy crafting!

05.06.2023 - 07:42

country flag An Yeun Sun wrote:

Knitted top/vest in DROPS Muskat or DROPS Cotton Merino. Piece is knitted top down with lace pattern, straps and button band. Size: S - XXXL

05.06.2023 - 05:44