Daisy Lane Cardigan |
||||||||||
|
|
|||||||||
Prjónuð peysa úr DROPS Sky. Stykkið er prjónað ofan frá og niður með hringlaga berustykki, sléttprjóni, vösum, stuttum ermum og klauf í hliðum. Stærð XS - XXL.
DROPS 231-54 |
||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. MYNSTUR: Sjá mynsturteikningu A.1 og A.2. Mynsturteikning sýnir allar umferðir í mynstri séð frá réttu. ÚTAUKNING-1: Öll útaukning er gerð frá réttu! Aukið út með því að slá 1 sinni uppá prjóninn á eftir annarri hverri brugðinni einingu. Í næstu umferð er uppslátturinn prjónaður snúinn, svo ekki myndist gat. ÚTAUKNING-2 (á við um í hliðum á fram- og bakstykki): Öll útaukning er gerð frá réttu! Prjónið þar til 2 lykkjur eru eftir á undan prjónamerki, sláið 1 sinni uppá prjóninn, prjónið 4 lykkjur slétt (prjónamerkið situr mitt á milli þessa 4 lykkja), sláið 1 sinni uppá prjóninn (= 2 lykkjur fleiri). Í næstu umferð er uppslátturinn prjónaður snúinn brugðið, svo ekki myndist gat. Prjónið síðan nýjar lykkjur í sléttprjóni. ÚRTAKA/ÚTAUKNING (jafnt yfir): Til þess að reikna út hvernig fækka/fjölga eigi jafnt í umferð, teljið fjölda lykkja í umferð sem fækka á/fjölga eigi út lykkjum (t.d. 173 lykkjur) mínus kanta að framan (t.d. 10 lykkjur) og deilið þessum lykkjufjölda sem eftir er með fjölda úrtöku/útaukninga sem á að gera (t.d. 5) = 32,6. Í þessu dæmi er lykkjum fækkað jafnt yfir með því að prjóna til skiptis 31. og 32. og 32. og 33. hverja lykkju slétt saman, lykkjum er ekki fækkað yfir lykkjur í garðaprjóni. Ef auka á út, þá er það gert í þessu dæmi með því að slá 1 sinni uppá prjóninn til skiptis á eftir ca 32. og 33. hverja lykkju, lykkjum er ekki fækkað yfir lykkjur í garðaprjóni. Í næstu umferð er uppslátturinn prjónaður snúinn brugðið, svo ekki myndist gat. ÚRTAKA (á við um mitt undir ermum): Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa lykkja), lyftið 1 lykkju af prjóni eins og prjóna eigi slétt, 1 lykkja slétt, steypið lyftu lykkjunni yfir lykkjuna sem var prjónuð (= 2 lykkjur færri). HNAPPAGAT: Fellið af fyrir hnappagötum í hægri kanti að framan (þegar flíkin er mátuð). Fellið af frá réttu þegar 3 lykkjur eru eftir á prjóni þannig: Sláið 1 sinni uppá prjóninn, prjónið 2 næstu lykkjur slétt saman og prjónið síðustu lykkju slétt. Í næstu umferð (ranga) er uppslátturinn prjónaður slétt svo það myndist gat. Fellið af fyrir fyrsta hnappagatinu þegar stroff í hálsmáli mælist ca 7½-8 cm. Fellið síðan af fyrir 5-5-5-6-6-6 næstu hnappagötum með ca 7½-7½-8-7½-7½-8 cm millibili. AFFELLING: Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá 1 sinni uppá prjóninn á eftir ca 6. hverja lykkju jafnframt því sem fellt er af (uppslátturinn er felldur af eins og venjuleg lykkja). ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Kantur í hálsmáli og berustykkið er prjónað fram og til baka á hringprjóna frá miðju að framan, ofan frá og niður. Berustykkið skiptist fyrir fram- og bakstykki og ermar. Fram- og bakstykkið er prjónað fram og til baka á hringprjóna að klauf. Síðan er framstykkin og bakstykkið prjónað fram og til baka hvert fyrir sig. Bakstykkið er 3 cm lengra en framstykkin. Ermar eru prjónaðar í hring á sokkaprjóna / stuttan hringprjón, ofan frá og niður. Fyrst eru prjónuð 2 stykki fyrir hvorn vasa, afgangur af vösum er prjónaður eftir að peysan hefur verið prjónuð til loka og sett saman í lokin. VASI (fyrri hluti): Fitjið upp 28 lykkjur (meðtalin 1 kantlykkja í hvorri hlið) á sokkaprjóna / hringprjóna 4 með DROPS Sky. Prjónið sléttprjón með 1 kantlykkju í GARÐAPRJÓN – sjá útskýringu að ofan, í hvorir hlið. ATHUGIÐ PRJÓNFESTUNA! Þegar stykkið mælist 11 cm, fellið kantlykkjur af = 26 lykkjur. Setjið lykkjur á þráð. Prjónið annan vasa á sama hátt. Geymið vasana og prjónið kant í hálsmáli og berustykki. Hinn helmingurinn af þessum 2 vösum er prjónaður eftir að peysan hefur verið prjónuð til loka og sett saman í lokin. KANTUR Í HÁLSMÁLI OG BERUSTYKKI: Fitjið upp 119-123-131-135-143-147 lykkjur (meðtaldar 5 kantlykkjur að framan í hvorri hlið) á hringprjóna 3 með DROPS Sky. Prjónið 1 umferð brugðið frá röngu. Prjónið síðan stroff þannig: Prjónið 5 kantlykkjur að framan í garðaprjóni, stroff (= 1 lykkja snúin slétt, 1 lykkja brugðið) þar til 6 lykkjur eru eftir í umferð, prjónið 1 lykkju slétt, 5 kantlykkjur að framan í garðaprjóni. Þegar stroffið mælist 3 cm, aukið út aðra hverja 1 lykkju brugðið til 2 lykkjur brugðið – sjá ÚTAUKNING-1 = 146-151-161-166-176-181 lykkjur. Þegar stykkið mælist 5 cm, aukið út þær 1 lykkja brugðið sem eftir eru til 2 lykkjur brugðið 173-179-191-197-209-215 lykkjur. Munið eftir HNAPPAGAT í hægri kanti að framan – sjá útskýringu að ofan. Þegar stroffið mælist 8 cm, prjónið eftir stærðum þannig: STÆRÐ XS: Prjónið 1 umferð slétt frá réttu þar sem fækkað er um 5 lykkjur jafnt yfir – sjá ÚRTAKA/ÚTAUKNING = 168 lykkjur. STÆRÐ S, M, L, XL og XXL: Prjónið 1 umferð slétt frá réttu þar sem aukið er út um 1-9-11-17-29 lykkjur jafnt yfir – sjá ÚRTAKA/ÚTAUKNING = 180-200-208-226-244 lykkjur. ALLAR STÆRÐIR: Setjið eitt prjónamerki innan við kant að framan í annarri hlið á stykki. HÉÐAN ER NÚ STYKKIÐ MÆLT. Skiptið yfir á hringprjón 4. Prjónið sléttprjón með 5 kantlykkjum að framan í garðaprjóni í hvorri hlið. Þegar stykkið mælist 4 cm frá prjónamerki, prjónið mynstur þannig: Prjónið 5 kantlykkjur að framan í garðaprjóni, 2-0-3-2-3-2 lykkjur slétt, prjónið A.1 þar til 6-5-7-6-8-7 lykkjur eru eftir (= 31-34-37-39-42-46 mynstureiningar með 5 lykkjum), prjónið 1-0-2-1-3-2 lykkjur slétt, 5 kantlykkjur að framan í garðaprjóni. Þegar A.1 hefur verið prjónað til loka á hæðina, eru 230-248-274-286-310-336 lykkjur í umferð. Haldið áfram fram og til baka í sléttprjóni og 5 kantlykkjur að framan í garðaprjóni í hvorri hlið. Þegar stykkið mælist 9-9-10-11-12-13 cm frá prjónamerki, prjónið mynstur þannig: Prjónið 5 kantlykkjur að framan í garðaprjóni, prjónið 2-0-3-2-3-2 lykkjur slétt, prjónið A.2 þar til 6-5-7-6-8-7 lykkjur eru eftir (= 31-34-37-39-42-46 mynstureiningar með 7 lykkjum), prjónið 1-0-2-1-3-2 lykkjur slétt, 5 kantlykkjur að framan í garðaprjóni. Þegar A.2 hefur verið prjónað til loka á hæðina, eru 292-316-348-364-394-428 lykkjur í umferð. Prjónið sléttprjón og kantlykkjur að framan í garðaprjóni þar til stykkið mælist 13-13-15-16-18-20 cm frá prjónamerki. Nú skiptist stykkið fyrir fram- og bakstykki og ermar þannig: Prjónið fyrstu 45-48-52-55-61-67 lykkjur (= framstykki), setjið næstu 60-66-74-76-80-84 lykkjur á þráð fyrir ermi, fitjið upp 8-10-10-12-12-12 nýjar lykkjur á prjóninn (= í hlið undir ermi), prjónið næstu 82-88-96-102-112-126 lykkjur (= bakstykki), setjið næstu 60-66-74-76-80-84 lykkjur á þráð fyrir ermi, fitjið upp 8-10-10-12-12-12 nýjar lykkjur á prjóninn (= í hlið undir ermi), prjónið síðustu 45-48-52-55-61-67 lykkjur (= framstykki). Fram- og bakstykki og ermar er síðan prjónað hvert fyrir sig. HÉÐAN ER NÚ STYKKIÐ MÆLT! FRAM- OG BAKSTYKKI: = 188-204-220-236-258-284 lykkjur. Prjónið sléttprjón með 5 kantlykkjum að framan í garðaprjóni í hvorri hlið við miðju að framan. Setjið 2 prjónamerki í stykkið mitt í nýjar lykkjur sem fitjaðar voru upp í hvorri hlið undir ermum (= 4-5-5-6-6-6 nýjar lykkjur hvoru megin við bæði prjónamerkin). Látið prjónamerkin fylgja með í stykkinu. Þau eru notuð síðar þegar auka á út. Þegar stykkið mælist 4 cm frá skiptingu, aukið út um 1 lykkju hvoru megin við bæði prjónamerkin – sjá ÚTAUKNING-2. Endurtakið útaukningu þegar stykkið mælist 16 cm = 196-212-228-244-266-292 lykkjur. Prjónið áfram þar til stykkið mælist 17-19-19-20-20-20 cm frá skiptingu. Nú er gert op fyrir vasa og næsta umferð er prjónuð frá réttu þannig: Prjónið fyrstu 17-18-19-20-21-22 lykkjur, setjið næstu 26 lykkjur á þráð (hinn helmingurinn af vasanum á að prjónast hér síðar), prjónið 26 lykkjur af þræði frá öðrum vasanum (passið uppá að prjóna frá réttu á vasanum), prjónið þar til 43-44-45-46-47-48 lykkjur eru eftir á prjóni, setjið næstu 26 lykkjur á þráð (hinn helmingurinn af vasanum á að prjónast hér síðar), prjónið 26 lykkjur af þræði frá hinum vasanum (passið uppá að prjóna frá réttu á vasanum) og prjónið síðustu 17-18-19-20-21-22 lykkjur á prjóni. Prjónið áfram þar til stykkið mælist 21-23-23-24-24-24 cm. Prjónið nú 4 lykkjur garðaprjón við bæði prjónamerkin – þ.e.a.s. 2 lykkjur garðaprjón hvoru megin við bæði prjónamerkin. Þegar prjónaðar hafa verið 4 umferðir garðaprjón yfir 4 lykkjur í hvorri hlið, skiptist stykkið fyrir bakstykki og framstykki þannig að það verða 94-102-110-118-128-142 lykkjur fyrir bakstykki og 51-55-59-63-69-75 lykkjur fyrir hvort framstykki. Prjónið nú hvert stykki fyrir sig. BAKSTYKKI: Haldið áfram fram og til baka í sléttprjóni og 2 lykkjur í garðaprjóni í hvorri hlið þar til klaufin mælist 6 cm. Prjónið 1 umferð slétt frá réttu þar sem aukið er út um 15-17-19-19-21-23 lykkjur jafnt yfir (en ekki yfir lykkjur í garðaprjóni) = 109-119-129-137-149-165 lykkjur. Skiptið yfir á hringprjón 3. Prjónið 1 umferð brugðið (lykkjur í garðaprjóni eru prjónaðar eins og áður). Prjónið nú stroff fram og til baka þannig: UMFERÐ 1 (= rétta): Prjónið 2 lykkjur í garðaprjóni, * 1 lykkja snúin slétt, 1 lykkja brugðið *, prjónið frá *-* þar til 3 lykkjur eru eftir, 1 lykkja snúin slétt, 2 lykkjur í garðaprjóni. UMFERÐ 2 (= ranga): Prjónið 2 lykkjur í garðaprjóni, * 1 lykkja snúin brugðið, 1 lykkja slétt *, prjónið frá *-* þar til 3 lykkjur eru eftir, 1 lykkja snúin brugðið, 2 lykkjur í garðaprjóni. Haldið svona áfram fram og til baka þar til stroffið mælist 8 cm. Fellið nú af með sléttri lykkju yfir snúna slétta lykkju, brugðnum lykkjum yfir brugðnar lykkjur og garðaprjón yfir garðaprjón – sjá AFFELLING. Peysan mælist ca 60-62-64-66-68-70 cm frá öxl og niður. HÆGRA FRAMSTYKKI: Haldið áfram fram og til baka með 5 kantlykkjum í garðaprjóni, 2 lykkjur garðaprjón að hlið og sléttprjóni yfir þær lykkjur sem eftir eru. Þegar klaufin mælist mælist 6 cm. Prjónið 1 umferð slétt frá réttu þar sem aukið er út um 7-7-9-9-9-11 lykkjur jafnt yfir (en ekki yfir lykkjur í garðaprjóni) = 58-62-68-72-78-86 lykkjur. Skiptið yfir á hringprjón 3. Prjónið 1 umferð brugðið (lykkjur í garðaprjóni eru prjónaðar eins og áður). Prjónið nú stroff fram og til baka þannig: UMFERÐ 1 (= rétta): Prjónið 5 kantlykkjur að framan í garðaprjóni, * 1 lykkja snúin slétt, 1 lykkja brugðið *, prjónið frá *-* þar til 3 lykkjur eru eftir, 1 lykkja snúin slétt, 2 lykkjur í garðaprjóni. UMFERÐ 2 (= ranga): Prjónið 2 lykkjur í garðaprjóni, * 1 lykkja snúin brugðið, 1 lykkja slétt *, prjónið frá *-* þar til 6 lykkjur eru eftir, 1 lykkja snúin brugðið, 5 kantlykkjur að framan í garðaprjóni. Haldið svona áfram fram og til baka þar til stroffið mælist 5 cm. Fellið nú af með sléttri lykkju yfir snúna slétta lykkju, brugðnum lykkjum yfir brugðnar lykkjur og garðaprjón yfir garðaprjón – sjá AFFELLING. Peysan mælist ca 57-59-61-63-65-67 cm frá öxl og niður. VINSTRA FRAMSTYKKI: Prjónið á sama hátt og hægra framstykki. ERMI: Setjið 60-66-74-76-80-84 lykkjur af þræði í annarri hlið á stykki á stuttan hringprjón / sokkaprjóna 4 – prjónið að auki upp 1 lykkju í hverja af 8-10-10-12-12-12 nýjum lykkjum undir ermi = 68-76-84-88-92-96 lykkjur. Setjið eitt prjónamerki mitt í nýjar lykkjur (= 4-5-5-6-6-6 nýjar lykkjur hvoru megin við prjónamerki). Látið prjónamerkið fylgja með í stykkinu. Það á að nota það síðar þegar fækka á lykkjum undir ermi. Prjónið sléttprjón hringinn. Þegar stykkið mælist 2 cm frá skiptingu, fækkið lykkjum undir ermi – sjá ÚRTAKA. Fækkið lykkjum svona með ca 2½-1½-1-1-1-1 cm millibili alls 5-8-8-8-8-7 sinnum = 58-60-68-72-76-82 lykkjur. Prjónið áfram þar til ermin mælist 13-14-12-11-10-8 cm (það er styttra mál í stærri stærðum vegna víðari hálsmáls og lengra berustykkis). Mátið e.t.v. peysuna og prjónið að óskaðri lengd. Nú eru eftir ca 4 cm að loka máli. Prjónið 1 umferð slétt þar sem aukið er út um 4-4-4-6-6-6 lykkjur jafnt yfir = 62-64-72-78-82-88 lykkjur. Skiptið yfir á sokkaprjóna 3. Prjónið stroff (= 1 lykkja snúin slétt, 1 lykkja brugðið) hringinn í 4 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – munið eftir AFFELLING. Ermin mælist alls 17-18-16-15-14-12 cm frá skiptingu. Prjónið hina ermina á sama hátt. VASI (seinni hluti): Prjónið fram og til baka á hringprjóna. Setjið 26 lykkjur af þræði á hægra framstykki á hringprjón 4. Í fyrstu umferð er fitjuð upp 1 kantlykkja í hvorri hlið = 28 lykkjur. Prjónið sléttprjón með 1 kantlykkju í garðaprjóni í hvorri hlið þar til vasinn mælist 11 cm, fellið laust af. Prjónið vasann á vinstra framstykki á sama hátt. Saumið vasana innan við 1 kantlykkju í kringum allan vasann. Festið síðan vasana að innanverðu á peysunni með smáu, fíngerðu spori í hvort af 2 neðstu hornunum (þetta á ekki að sjást frá réttu á peysunni). FRÁGANGUR: Saumið tölur í vinstri kant að framan. |
||||||||||
Skýringar á teikningu |
||||||||||
|
||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (4)
Eva Ljung wrote:
Mönster Daisy Lane Cardigan fickor på fram-bakstycke ska man sticka 20 m sen sätta 26 m på en tråd och sen sticka dem? Hur går det till? När man precis tagit av de från stickan? Med vänlig hälsning, Eva Ljung
10.04.2024 - 23:09DROPS Design answered:
Hei Eva. Det er ikke de 26 maskene du nettopp satte på en tråd, men de 26 maskene fra tråden på den ene lommen du strikket helt i begynnelsen. Se gjerne hjelpevideoen: Hur man stickar en lös ficka på insidan av ett plagg. Ikke samme plagget, men du ser da teknikken som er brukt. Klikk på VIDEOR til høyre (eller under) for bildet. mvh DROPS Design
15.04.2024 - 09:41Angela wrote:
Vorrei realizzare questo modello taglia M, con le maniche lunghe e il filato Cotton Merino. Mi serviranno quanti grammi,per le maniche lunghe, oltre ai 600gr della conversione? Grazie
27.08.2023 - 18:28DROPS Design answered:
Buonasera Angela, per un'assistenza così personalizzata può rivolgersi al suo rivenditore DROPS di fiducia. Buon lavoro!
28.08.2023 - 23:08Lieselotte Mahal wrote:
Ich verstehe das Einstricken der Tasche nicht....gibt es ein Video
05.09.2022 - 18:26DROPS Design answered:
Liebe Frau Mahal, ja sicher, hier finden Sie ein Video, das erklärt, wie die Tasche gestrickt wird. Viel Spaß beim stricken!
06.09.2022 - 09:10Siv Rosberg wrote:
Hej! I mönstret står att jag ska sticka 24cm från ärmhålet innan jag delar för sprund. På skissen visas 29 cm ner till sprundet. Vilket ska jag följa? Vänligen Siv
23.07.2022 - 21:29DROPS Design answered:
Hej Siv, Måleskitsen viser 29 cm ned til ribben, sprundet starter før ribben :)
04.08.2022 - 07:54