DROPS Brushed Alpaca Silk
DROPS Brushed Alpaca Silk
77% Alpakka, 23% Silki
frá 836.00 kr /25g
Þú færð garn sem þarf í að gera þetta mynstur frá 5852.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

Evening Fires Vest

Prjónað vesti úr 2 þráðum DROPS Brushed Alpaca Silk eða 1 þræði DROPS Wish. Stykkið er prjónað með köðlum og stroffprjóni. Stærð S - XXXL.

DROPS 228-38
DROPS Design: Mynstur as-155
Garnflokkur C + C eða E
-------------------------------------------------------

STÆRÐ:
S - M - L - XL - XXL - XXXL

EFNI:
DROPS BRUSHED ALPACA SILK frá Garnstudio (tilheyrir garnflokki C)
175-200-225-250-275-300 g litur 04, ljós beige

Eða notið:
DROPS WISH frá Garnstudio (tilheyrir garnflokki E)
350-400-450-500-550-600 g litur 08, grábeige

DROPS TALA, Marble nr 630: 5 stykki í allar stærðir.

PRJÓNAR:
DROPS HRINGPRJÓNN NR 8: lengd 80 cm.
DROPS HRINGPRJÓNAR NR 6: lengd 40 cm og 80 cm.
DROPS KAÐLAPRJÓNN – fyrir kaðla.
Hægt er að nota MAGIC LOOP aðferðina – þá þarf einungis hringprjón 80 cm í prjónanúmeri 6.

PRJÓNFESTA:
11 lykkjur á breidd og 15 umferðir á hæð með sléttprjóni og 2 þráðum = 10 x 10 cm.
ATH: Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Brushed Alpaca Silk
DROPS Brushed Alpaca Silk
77% Alpakka, 23% Silki
frá 836.00 kr /25g
Þú færð garn sem þarf í að gera þetta mynstur frá 5852.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

ÚRTAKA (jafnt yfir):
Til þess að reikna út hvernig fækka eigi lykkjum jafnt í umferð, teljið fjölda lykkja í umferð (t.d. 82 lykkjur) og deilið þeim lykkjum sem eftir eru með fjölda úrtöku sem á að gera (t.d. 13) = 6,3.
Í þessu dæmi er lykkjum fækkað með því að prjóna ca 5. og 6. hverja lykkju slétt saman.

MYNSTUR:
Sjá mynsturteikningu A.1. Mynsturteikning sýnir allar umferðir í mynstri séð frá réttu.

HNAPPAGAT:
Fellið af fyrir hnappagötum í hægri kanti að framan. 1 HNAPPAGAT = prjónið þriðju og fjórðu lykkju frá kanti slétt saman og sláið 1 sinni uppá prjóninn. Í næstu umferð er uppslátturinn prjónaður slétt, svo það myndist gat.
Fellið af fyrir hnappagötum þegar stykkið mælist:
S: 17, 25, 33, 41 og 49 cm
M: 17, 25, 33, 42 og 51 cm
L: 17, 26, 34, 44 og 53 cm
XL: 18, 27, 35, 45 og 55 cm
XXL: 18, 27, 34, 47 og 57 cm
XXXL: 19, 29, 39, 49 og 59 cm

AFFELLING:
Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá 1 sinni uppá prjóninn á eftir ca 4. hverja lykkju jafnframt því sem fellt er af (uppslátturinn er felldur af eins og venjuleg lykkja).

-------------------------------------------------------

BYRJIÐ Á STYKKI HÉR:

-------------------------------------------------------

VESTI - STUTT ÚTSKÝRING Á STYKKI:
Stykkið er prjónað fram og til baka á hringprjóna í stykkjum og frágangur er gerður eins og útskýrt er í uppskrift. Að lokum er prjónaður upp kantur í hálsmáli og kantur í kringum handveg.

BAKSTYKKI:
Fitjið upp 82-90-94-98-102-106 lykkjur á hringprjón 6 með 2 þráðum DROPS Brushed Alpaca Silk eða 1 þræði DROPS Wish. Prjónið 1 umferð brugðið frá röngu. Prjónið síðan stroff frá réttu þannig: 2 kantlykkjur í GARÐAPRJÓN – sjá útskýringu að ofan, * 2 lykkjur slétt, 2 lykkjur brugðið *, prjónið frá *-* þar til 4 lykkjur eru eftir, prjónið 2 lykkjur slétt og 2 kantlykkjur í garðaprjóni.
Haldið áfram með stroff svona í 10 cm. Skiptið yfir á hringprjón 8, prjónið 1 umferð brugðið frá röngu þar sem fækkað er um 13-17-17-17-17-17 lykkjur jafnt yfir – sjá ÚRTAKA = 69-73-77-81-85-89 lykkjur. Prjónið síðan þannig – frá réttu: 1 kantlykkja í garðaprjóni, 5-7-9-11-13-15 lykkjur brugðið, A.1 (= 15 lykkjur), 6 lykkjur brugðið, A.1, 6 lykkjur brugðið, A.1, 5-7-9-11-13-15 lykkjur brugðið, 1 kantlykkja í garðaprjóni. Haldið áfram með þetta mynstur (lykkjur sem prjónaðar eru brugðið frá réttu, prjónast slétt frá röngu). ATHUGIÐ PRJÓNFESTUNA!
Þegar stykkið mælist 34-35-36-37-38-39 cm, fellið af 2 lykkjur fyrir handveg í byrjun á 2 næstu umferðum = 65-69-73-77-81-85 lykkjur.
Þegar stykkið mælist 53-55-57-59-61-63 cm, fækkið um 5 lykkjur jafnt yfir miðju mynstureiningu af A.1, í næstu umferð eru felldar af miðju 14-16-18-20-22-24 lykkjur fyrir hálsmáli og hvor öxl er prjónuð til loka fyrir sig. Fellið síðan af 1 lykkju í næstu umferð frá hálsi = 22-23-24-25-26-27 lykkjur. Lykkjur fyrir A.1 eru nú prjónaðar í sléttprjóni, fækkið jafnframt um 5 lykkjur jafnt yfir þessar lykkjur = 17-18-19-20-21-22 lykkjur. Fellið af þegar stykkið mælist 56-58-60-62-64-66 cm (= 22-23-24-25-26-27 cm frá þar sem lykkjur voru felldar af fyrir handveg). Prjónið hina öxlina á sama hátt.

VINSTRA FRAMSTYKKI:
Fitjið upp 45-45-49-49-53-53 lykkjur (meðtaldar 5 kantlykkjur að framan við miðju að framan) á hringprjón 6 með 2 þráðum DROPS Brushed Alpaca Silk. Prjónið 1 umferð brugðið frá röngu. Prjónið síðan stroff frá réttu þannig og frá hlið: 2 kantlykkjur í garðaprjóni, * 2 lykkjur slétt, 2 lykkjur brugðið *, prjónið frá *-* þar til 7 lykkjur eru eftir, prjónið 2 lykkjur slétt og 5 kantlykkjur að framan í garðaprjóni.
Haldið áfram með stroff svona í 10 cm.
Skiptið yfir á hringprjón 8, prjónið 1 umferð brugðið frá röngu þar sem fækkað er um 9-7-9-7-9-7 lykkjur jafnt yfir = 36-38-40-42-44-46 lykkjur. Prjónið síðan frá réttu þannig: 1 kantlykkja í garðaprjóni, 7-9-11-13-15-17 lykkjur brugðið, A.1, 8 lykkjur brugðið, 5 lykkjur garðaprjón. Haldið áfram með þetta mynstur.
Þegar stykkið mælist 34-35-36-37-38-39 cm, fellið af 2 lykkjur fyrir handveg í byrjun á 2 næstu umferð frá réttu = 34-36-38-40-42-44 lykkjur. Prjónið frá réttu þannig: 6-8-10-12-14-16 lykkjur brugðið, A.1, 8 lykkjur brugðið, 5 kantlykkjur að framan í garðaprjóni.
Þegar stykkið mælist 50-52-54-56-58-60 cm, setjið ystu 8-9-10-11-12-13 lykkjur við miðju að framan á þráð fyrir hálsmáli. Fellið síðan af lykkjur fyrir hálsmáli í byrjun á hverri umferð frá hálsi þannig: Fellið af 2 lykkjur 1 sinni og 1 lykkju 2 sinnum = 22-23-24-25-26-27 lykkjur eftir á öxl.
Lykkjur í A.1 eru nú prjónaðar í sléttprjóni, fækkið jafnframt um 5 lykkjur jafnt yfir þessar lykkjur = 17-18-19-20-21-22 lykkjur.
Fellið af þegar stykkið mælist 56-58-60-62-64-66 cm (= 22-23-24-25-26-27 cm frá þar sem lykkjur voru felldar af fyrir handveg).

HÆGRA FRAMSTYKKI:
Fitjið upp 45-45-49-49-53-53 lykkjur (meðtaldar 5 kantlykkjur að framan við miðju að framan) á hringprjón 6 með 2 þráðum DROPS Brushed Alpaca Silk. Prjónið 1 umferð brugðið frá röngu. Prjónið síðan stroff frá réttu þannig og frá miðju að framan: 5 kantlykkjur að framan í garðaprjóni, * 2 lykkjur slétt, 2 lykkjur brugðið *, prjónið frá *-* þar til 4 lykkjur eru eftir, prjónið 2 lykkjur slétt og 2 kantlykkjur í garðaprjóni.
Haldið áfram með stroff svona í 10 cm.
Skiptið yfir á hringprjón 8, prjónið 1 umferð brugðið frá röngu þar sem fækkað er um 9-7-9-7-9-7 lykkjur jafnt yfir = 36-38-40-42-44-46 lykkjur. Prjónið síðan frá réttu þannig: 5 kantlykkjur að framan í garðaprjóni, 8 lykkjur brugðið, A.1, 7-9-11-13-15-17 lykkjur brugðið, 1 kantlykkja í garðaprjóni. Haldið áfram með þetta mynstur.
Þegar stykkið mælist 17-17-17-18-18-19 cm byrjar affelling fyrir HNAPPAGAT – sjá útskýringu að ofan! Þegar stykkið mælist 34-35-36-37-38-39 cm, fellið af 2 lykkjur fyrir handveg í byrjun á næstu umferð frá röngu = 34-35-36-37-38-39 cm, fellið af 2 lykkjur fyrir handveg í byrjun á næstu umferð frá röngu = 34-36-38-40-42-44 lykkjur.
Prjónið frá réttu þannig: 5 kantlykkjur að framan í garðaprjóni, 8 lykkjur brugðið, A.1, 6-8-10-12-14-16 lykkjur brugðið. Þegar stykkið mælist 50-52-54-56-58-60 cm, setjið ystu 8-9-10-11-12-13 lykkjur við miðju að framan á þráð fyrir hálsmáli. Fellið síðan af lykkjur fyrir hálsmáli í byrjun á hverri umferð frá hálsi þannig: Fellið af 2 lykkjur 1 sinni og 1 lykkju 2 sinnum = 22-23-24-25-26-27 lykkjur eftir á öxl.
Lykkjur í A.1 eru nú prjónaðar í sléttprjóni, fækkið jafnframt um 5 lykkjur jafnt yfir þessar lykkjur = 17-18-19-20-21-22 lykkjur.
Fellið af þegar stykkið mælist 56-58-60-62-64-66 cm (= 22-23-24-25-26-27 cm frá þar sem lykkjur voru felldar af fyrir handveg).

FRÁGANGUR:
Saumið axlasauma. Saumið hliðarsauma í ystu lykkjubogana, þanig að saumurinn verði flatur, en skiljið eftir neðstu 10 cm = klauf.
Saumið tölur í vinstra framstykki.

KANTUR Í HÁLSMÁLI:
Byrjið frá miðju að framan frá réttu og prjónið upp ca 48-68 lykkjur, meðtaldar lykkjur af þræði (lykkjufjöldinn verður að vera deilanlegur með 4) í kringum hálsmál á hringprjón 6 með 2 þráðum Brushed Alpaca Silk eða 1 þræði DROPS Wish. Prjónið stroff þannig – fyrsta umferð er prjónuð frá röngu: 5 kantlykkjur að framan í garðaprjóni, 2 lykkjur brugðið, stroff (= 2 lykkjur slétt, 2 lykkjur brugðið) þar til 7 lykkjur eru eftir, prjónið 2 lykkjur brugðið og 5 kantlykkjur að framan í garðaprjóni. Prjónið stroff í 12 cm.
Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – sjá AFFELLING.
Brjótið niður stroffið efst í hálsmáli að innanverðu að stykki. Saumið stroffið niður þannig að það myndist tvöfaldur kantur í hálsmáli. Til að koma í veg fyrir að kanturinn dragist saman og beygist út, er mikilvægt að saumurinn sé teygjanlegur.

KANTUR Í KRINGUM HANDVEG:
Prjónið upp ca 52 til 72 lykkjur (deilanlegt með 4) í kringum handveg með 2 þráðum DROPS Brushed Alpaca Silk eða 1 þræði DROPS Wish á stuttan hringprjón 6. Prjónið stroff (= 2 lykkjur slétt, 2 lykkjur brugðið) hringinn í 4 cm. Fellið síðan af með sléttum lykkjum yfir sléttar lykkjur og brugðnum lykkjum yfir brugðnar lykkjur – munið eftir AFFELLING.
Endurtakið í kringum hinn handveginn.

Þetta mynstur hefur verið leiðrétt.

Yfirfarið á vefsvæði: 13.05.2022
HÆGRA FRAMSTYKKI:...Þegar stykkið mælist 50-52-54-56-58-60 cm, setjið ystu 8-9-10-11-12-13 lykkjur við miðju að framan á þráð fyrir hálsmáli....

Mynstur

symbols = slétt lykkja frá réttu, brugðin lykkja frá röngu
symbols = setjið 5 lykkjur á kaðlaprjón framan við stykkið, prjónið 5 lykkjur slétt, prjónið 5 lykkjur slétt af kaðlaprjóni
symbols = setjið 5 lykkjur á kaðlaprjón aftan við stykkið, prjónið 5 lykkjur slétt, prjónið 5 lykkjur slétt af kaðlaprjóni
diagram
diagram

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS 228-38

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (17)

country flag Astrid Brandau wrote:

Hallo, danke für die schnelle Rückmeldung. Meine Frage bezog sich eher auf das Zopfmuster. Ist das ab der 11. Reihe im Schulterbereich weiter zu stricken oder stricke ich die nächsten 3 cm A 1 nur noch glatt rechts ?

15.01.2024 - 11:29

DROPS Design answered:

Liebe Frau Brandau, die 5 Maschen nach 53 cm in S sind für den Halsausschnitt, die anderen Maschen/Zöpfe stricken Sie wie zuvor bis die Arbeit 56 cm misst. Viel Spaß beim stricken!

15.01.2024 - 16:15

country flag Astrid Brandau wrote:

Ich bin am Rückenteil und habe bei 53 cm die 5 Maschen im mittleren Rapport abgenommen. Nun wäre in der nächsten 11. Reihe wieder das Zopfmuster einzuarbeiten. Oder entfällt das jetzt, wenn ich die Schultern separat weiterstricke? Vermutlich ja. Sieht aber dann komisch aus.

14.01.2024 - 20:45

DROPS Design answered:

Liebe Frau Brandau, wenn die 5 Maschen abegnommen werden, werden die mittleren Maschen für den Halsausschnitt abgekettet, und jede Schulter separat gestrickt. Viel Spaß beim stricken!

15.01.2024 - 09:46

country flag Marie Auffret wrote:

Bonjour, Pour la taille S, quand je tricote le dos, j'arrive à 53 cm pour diminuer juste avant la deuxième torsade de A1. Que me conseillez-vous ? Finir la torsade et diminuer après ou diminuer juste avant ? Merci d'avance pour vos explications qui me sont précieuses.

21.11.2023 - 10:14

DROPS Design answered:

Bonjour Mme Auffret, vous pouvez faire les deux au choix, vous pouvez aussi diminuer en faisant la torsade et ainsi rabattre les mailles centrales de l'encolure au rang suivant. Bon tricot!

21.11.2023 - 15:58

country flag AUFFRET Marie wrote:

Bonjour, Je ne comprends pas pourquoi vous conseillez la laine DROPS BRUSHED ALPACA SILK qui se tricote avec des aiguilles numéro 5 de préférence alors que les aiguilles conseillées sont les aiguilles 8 ? Merci d'avance pour vos explications.

05.11.2023 - 11:07

DROPS Design answered:

Bonjour Mme Auffret, c'est ainsi que ce modèle a été tricoté, mais avec 2 fils Brushed Alpaca Silk, pas 1 seul. Pensez à bien vérifier votre tension au préalable et ajustez la taille des aiguilles si besoin, vous devez avoir 11 mailles x 15 rangs jersey = 10 x 10 cm. Bon tricot!

06.11.2023 - 08:29

country flag Trudi Heffley wrote:

I'm going to be making this from my own hand spun Leicester Longwool. Mine is a DK weight, but I'm not sure how many yards this pattern would take.

28.08.2023 - 22:33

DROPS Design answered:

Dear Mrs Helffley, this pattern is worked with either 2 strands yarn group C (aran/worsted) or 1 strand yarn group E (super bulky), so that a dk yarn might not be suitable - it might be wiser to check similar pattern matching your tension. Happy knitting!

29.08.2023 - 09:13

country flag Denise Fontaine wrote:

Que veut dire dans : Assemblage : mais arrêter quand il reste environ 10cm = fentes ? Merci beaucoup.

26.11.2022 - 11:53

DROPS Design answered:

Bonjour Mme Fontaine, vous commencez la couture des côtés à partir de sous les emmanchures et la terminez quand il reste environ 10 cm pour former les fentes des côtés, autrement dit, les 10 cm du bas du gilet ne sont pas cousus. Bon tricot!

28.11.2022 - 09:08

country flag Denise Fontaine wrote:

Drops modèle as - 155 (228-38) voir mes questions sur le message précédent. Merci beaucoup!

09.10.2022 - 19:06

DROPS Design answered:

Bonjour Mme Fontaine, aucun commentaire ni aucune autre question n'apparaît sur cette page, mais vous pouvez volontiers reposer vos questions ici.

10.10.2022 - 09:26

country flag Laura wrote:

Hola! Me encanta este modelo, hay una versión con mangas, tipo chaqueta?

24.06.2022 - 00:17

DROPS Design answered:

Hola Laura, este modelo es complementario al 228-38 y tiene mangas; 226-39: https://www.garnstudio.com/pattern.php?id=10494&cid=19

26.06.2022 - 13:26

country flag Jen wrote:

Hallo. Ich stricke zur Zeit diese Weste in Größe L und bin inzwischen am rechten Vorderteil angekommen. Gerade stolpere ich darüber, dass ich die Maschen am Halsausschnitt diesmal bei 50cm stilllegen soll, während ich sie am linken Vorderteil bei 54cm stilllegen sollte. Ist das korrekt? Vielen Dank und viele Grüße

08.03.2022 - 00:03

DROPS Design answered:

Liebe Jen, es war ja falsch, eine Korrektur erfolgt, danke für den Hinweis. Viel Spaß beim stricken!

13.05.2022 - 10:28

country flag Laura Defelippe wrote:

Hola! Me encanta vuestra lana y los patrones que ponéis, tengo una pregunta respecto a éste en concreto, no tengo agujas circulares, sólo dos agujas, puedo hacerlo siguiendo estas mismas instrucciones o debo hacer algún cambio? Muchas gracias

23.12.2021 - 11:16

DROPS Design answered:

Hola Laura, puedes trabajar la labor con agujas rectas, trabajando cada parte por separado y añadiendo puntos de orillo extra para las costuras. Sin embargo, las cenefas de las sisas y el escote se trabajan en redondo, por lo que hay que hacerlas por separado y después coserlas a la labor.

24.12.2021 - 19:29