Campers Comfort |
|||||||||||||
|
|
||||||||||||
Prjónuð peysa úr DROPS Alpaca Bouclé og DROPS Brushed Alpaca Silk. Stykkið er prjónað með kraga, vösum og klauf í hliðum. Stærð S - XXXL.
DROPS 228-39 |
|||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. MYNSTUR: Sjá mynsturteikningu A.1 til A.3. Mynsturteikning sýnir allar umferðir í mynstri séð frá réttu. ÚRTAKA/ÚTAUKNING (jafnt yfir): Til þess að reikna út hvernig fækka/fjölga eigi jafnt í umferð, teljið fjölda lykkja í umferð sem fækka á/fjölga eigi út lykkjum (t.d. 61 lykkjur), deilið þessum lykkjufjölda með fjölda úrtöku/útaukninga sem á að gera (t.d. 7) = 8,7. Í þessu dæmi er slegið 1 sinni uppá prjóninn til skiptis á eftir ca 8. og 9. hverja lykkju. Í næstu umferð er uppslátturinn prjónaður snúinn, svo að ekki myndist gat. Ef fækka á lykkjum, prjónið í þessu dæmi til skiptis ca 7. og 8. hverja lykkju og 8. og 9. hverja lykkju slétt saman. ÚTAUKNING-1 (á við undir ermum): Aukið út um 1 lykkju innan við 1 kantlykkju í garðaprjóni í hvorri hlið með því að slá 1 sinni uppá prjóninn. Í næstu umferð (frá röngu) er uppslátturinn prjónaður snúinn brugðið, svo ekki myndist gat. ÚTAUKNING-2 (á við um kraga): Prjónið þar til 1 lykkja er eftir á undan prjónamerki, sláið 1 sinni uppá prjóninn, prjónið næstu 2 lykkjur, sláið 1 sinni uppá prjóninn (= 2 lykkjur fleiri). Endurtakið við næsta prjónamerki. Í næstu umferð (frá röngu) er uppslátturinn prjónaður snúinn brugðið, svo ekki myndist gat. HNAPPAGAT: Fellið af fyrir hnappagötum í hægri kanti að framan. 1 HNAPPAGAT = prjónið fjórðu og fimmtu lykkju frá kanti slétt saman og sláið 1 sinni uppá prjóninn. Í næstu umferð er uppslátturinn prjónaður slétt, svo það myndist gat. Fellið af fyrir hnappagötum þegar stykkið mælist: S: 16, 26, 36, 46 og 56 cm M: 18, 28, 38, 48 og 58 cm L: 20, 30, 40, 50 og 60 cm XL: 20, 30, 41, 51 og 62 cm XXL: 21, 32, 42, 52 og 63 cm XXXL: 22, 33, 44, 54 og 65 cm ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Stykkið er prjónað fram og til baka á hringprjóna í stykkjum og saumað saman í lokin. BAKSTYKKI: Fitjið upp 69-75-78-87-96-102 lykkjur á hringprjón 6 með 1 þræði í hvorri tegund (= 2 þræðir). Prjónið 1 umferð brugðið frá röngu. Prjónið síðan kant þannig (fyrsta umferð = rétta): Prjónið 1 kantlykkju GARÐAPRJÓN – sjá útskýringu að ofan, A.1 þar til 2 lykkjur eru eftir, prjónið fyrstu lykkjuna í A.1, þannig að mynstrið verði alveg eins í hvorri hlið, prjónið 1 kantlykkju í garðaprjóni. Haldið svona áfram fram og til baka þar til prjónaðar hafa verið 6 umferðir í mynstri. Prjónið næstu umferð frá réttu þannig: Prjónið 1 kantlykkju í garðaprjóni, A.1 yfir næstu 3 lykkjur, sléttar lykkjur yfir næstu 61-67-70-79-88-94 lykkjur jafnframt því sem fækkað er um 7-7-6-7-8-8 lykkjur jafnt yfir – sjá ÚRTAKA/ÚTAUKNING, prjónið fyrstu 3 lykkjur í A.3, prjónið 1 kantlykkju í garðaprjóni = 62-68-72-80-88-94 lykkjur. Prjónið 1 umferð til baka frá röngu með mynstri eins og áður yfir 4 lykkju í hvorri hlið og brugðnar lykkjur yfir þær lykkjur sem eftir eru. ATHUGIÐ PRJÓNFESTUNA! Haldið áfram fram og til baka með mynstur yfir 4 lykkjur í hvorri hlið og prjónið sléttprjón yfir þær lykkjur sem eftir eru þar til stykkið mælist 21 cm, jafnframt í síðustu 2 umferðum er fitjuð upp 1 lykkja í lok hverrar umferðar (= kantlykkjur) = 64-70-74-82-90-96 lykkjur. Prjónið nú sléttprjón með 1 kantlykkju í garðaprjóni í hvorri hlið. Þegar stykkið mælist 47-48-49-50-51-52 cm, fellið af 4-5-6-6-6-7 lykkjur fyrir handveg í byrjun á næstu 2 umferðum = 56-60-62-70-78-82 lykkjur. Í stærð S, M og L, prjónið áfram frá ALLAR STÆRÐIR að neðan og í stærð XL, XXL og XXXL er prjónað þannig: Prjónið mynstur eins og áður, jafnframt eru lykkjur felldar af fyrir handveg í byrjun á hverri umferð í hvorri hlið þannig: Fellið af 2 lykkjur 1-2-2 sinnum = 66-70-74 lykkjur. ALLAR STÆRÐIR: Prjónið sléttprjón og 1 kantlykkju í garðaprjóni í hvorri hlið. Þegar stykkið mælist 63-65-67-69-71-73 cm, fellið af miðju 12-12-14-14-14-16 lykkjur fyrir hálsmáli og hvor öxl er prjónuð til loka fyrir sig. Fellið síðan af 1 lykkju í næstu umferð frá hálsmáli = 21-23-23-25-27-28 lykkjur eftir fyrir öxl. Þegar stykkið mælist 65-67-69-71-73-75 cm, fellið af. Prjónið hina öxlina á sama hátt. HÆGRA FRAMSTYKKI: Fitjið upp 42-45-48-51-57-60 lykkjur á hringprjón 6 með 1 þræði í hvorri tegund (= 2 þræðir). Prjónið 1 umferð brugðið frá röngu. Prjónið síðan kant þannig (fyrsta umferð = rétta): Prjónið A.2 yfir fyrstu 7 lykkjurnar (= kantur að framan), A.1 þar til 2 lykkjur eru eftir, prjónið fyrstu lykkju í A.1, þannig að mynstrið verði alveg eins í hvorri hlið, prjónið 1 kantlykkju í garðaprjóni. Haldið svona áfram fram og til baka þar til prjónaðar hafa verið 6 umferðir í mynstri. Nú er næsta umferð prjónuð frá réttu þannig: Prjónið A.2 yfir fyrstu 7 lykkjur (= kantur að framan), sléttar lykkjur yfir næstu 31-34-37-40-46-49 lykkjur jafnframt er fækkað um 4-4-5-4-6-6 lykkjur jafnt yfir, prjónið síðustu 4 lykkjur eins og áður = 38-41-43-47-51-54 lykkjur. Prjónið 1 umferð til baka frá röngu með mynstri eins og áður yfir ystu 4 lykkjur að hlið og 7 lykkjur fyrir kant að framan. Haldið áfram fram og til baka með A.2 yfir fyrstu 7 lykkjur og mynstri eins og áður yfir síðustu 4 lykkjurnar og prjónið sléttprjón yfir þær lykkjur sem eftir eru í umferð. Munið eftir HNAPPAGAT – sjá útskýringu að ofan. Þegar stykkið mælist 21 cm, fitjið upp 1 lykkju í lok næstu umferðar frá réttu (= kantlykkja) = 39-42-44-48-52-55 lykkjur. Prjónið nú sléttprjón með 1 kantlykkju í garðaprjóni að hlið og A.2 eins og áður yfir 7 lykkjur fyrir kant að framan. Þegar stykkið mælist 47-48-49-50-51-52 cm, fellið af 4-5-6-6-6-7 lykkjur í byrjun á næstu umferð frá röngu = 35-37-38-42-46-48 lykkjur. Í stærð S, M og L, prjónið áfram frá ALLAR STÆRÐIR að neðan og í stærð XL, XXL og XXXL er prjónað þannig: Prjónið mynstur eins og áður, jafnframt eru lykkjur felldar af fyrir handveg í byrjun á hverri umferð frá röngu þannig: Fellið af 2 lykkjur 1-2-2 sinnum = 40-42-44 lykkjur. ALLAR STÆRÐIR: Prjónið áfram þar til stykkið mælist 58-60-62-64-65-67 cm. Prjónið næstu umferð frá réttu þannig: Fellið af fyrstu 7 lykkjurnar fyrir hálsmáli, haldið síðan áfram fram og til baka jafnframt því sem lykkjur eru felldar af fyrir hálsmáli í hverri umferð frá hálsi: Fellið af 2 lykkjur 3-3-4-4-4-4 sinnum og 1 lykkju 1-1-0-0-0-1 sinnum = 21-23-23-25-27-28 lykkjur eftir fyrir öxl. Fellið af þegar stykkið mælist 65-67-69-71-73-75 cm. VINSTRA FRAMSTYKKI: Fitjið upp 42-45-48-51-57-60 lykkjur á hringprjón 6 með 1 þræði í hvorri tegund (= 2 þræðir). Prjónið 1 umferð brugðið frá röngu. Prjónið síðan kant þannig (fyrsta umferð = rétta): Prjónið 1 kantlykkju í garðaprjóni, A.1 þar til 8 lykkjur eru eftir, prjónið fyrstu lykkju í A.1, þannig að mynstrið verði alveg eins í hvorri hlið, prjónið A.3 yfir síðustu 7 lykkjurnar (= kantur að framan). Haldið svona áfram fram og til baka þar til prjónaðar hafa verið 6 umferðir í mynstri. Nú er næsta umferð prjónuð frá réttu þannig: Prjónið mynstur eins og áður yfir fyrstu 4 lykkjurnar, sléttar lykkjur yfir næstu 31-34-37-40-46-49 lykkjur jafnframt er fækkað um 4-4-5-4-6-6 lykkjur jafnt yfir, prjónið A.3 yfir síðustu 7 lykkjurnar = 38-41-43-47-51-54 lykkjur. Prjónið 1 umferð brugðið með mynstri eins og áður yfir fyrstu 4 lykkjur og síðustu 7 lykkjur og prjónið sléttprjón yfir þær lykkjur sem eftir eru í umferð. Þegar stykkið mælist 21 cm, fitjið upp 1 lykkju í lok næstu umferðar frá röngu (= kantlykkja) = 39-42-44-48-52-55 lykkjur. Prjónið nú sléttprjón með 1 kantlykkju í garðaprjóni að hlið og A.3 eins og áður yfir 7 lykkjur fyrir kant að framan. Þegar stykkið mælist 47-48-49-50-51-52 cm, fellið af 4-5-6-6-6-7 lykkjur í byrjun á næstu umferð frá réttu = 35-37-38-42-46-48 lykkjur. Í stærð S, M og L, prjónið áfram frá ALLAR STÆRÐIR að neðan og í stærð XL, XXL og XXXL er prjónað þannig: Prjónið mynstur eins og áður, jafnframt eru lykkjur felldar af fyrir handveg í byrjun á hverri umferð frá réttu þannig: Fellið af 2 lykkjur 1-2-2 sinnum = 40-42-44 lykkjur. ALLAR STÆRÐIR: Prjónið áfram þar til stykkið mælist 58-60-62-64-65-67 cm. Prjónið næstu umferð frá röngu þannig: Fellið af fyrstu 7 lykkjurnar fyrir hálsmáli, haldið síðan áfram fram og til baka jafnframt því sem lykkjur eru felldar af fyrir hálsmáli í hverri umferð frá hálsmáli: Fellið af 2 lykkjur 3-3-4-4-4-4 sinnum og 1 lykkju 1-1-0-0-0-1 sinnum = 21-23-23-25-27-28 lykkjur eftir fyrir öxl. Fellið af þegar stykkið mælist 65-67-69-71-73-75 cm. ERMI: Fitjið upp 41-44-44-44-47-47 lykkjur á hringprjón 6 með 1 þræði í hvorri tegund (= 2 þræðir). Prjónið 1 umferð brugðið frá röngu. Prjónið síðan mynstur þannig (fyrsta umferð = rétta): Prjónið 1 kantlykkju í garðaprjóni, A.1 þar til 1 lykkja er eftir, prjónið 1 kantlykkju í garðaprjóni. Haldið svona áfram fram og til baka þar til ermin mælist 14 cm. Prjónið sléttprjón fram og til baka með 1 kantlykkju í garðaprjóni í hvorri hlið. Þegar ermin mælist 16-15-15-15-15-15 cm, aukið út um 1 lykkju í hvorri hlið – sjá ÚTAUKNING-1. Aukið svona út með 1 lykkju í hvorri hlið – sjá ÚTAUKNING-1. Aukið svona út með ca 9-9-6½-6½-6-4½ cm millibili alls 4-4-5-5-5-6 sinnum = 49-52-54-54-57-59 lykkjur. Prjónið áfram þar til ermin mælist 47-46-45-43-41-40 cm. Setjið nú prjónamerki í hvora hlið á ermi. Prjónamerkin eru notuð síðar við frágang á ermi við fram- og bakstykki. Prjónið mismunandi eftir stærðum þannig: STÆRÐ S, M og L: Prjónið þar til ermin mælist alls 50-50-50 cm. Fellið af. STÆRÐ XL, XXL og XXXL: Prjónið þar til ermin mælist 48-47-46 cm. Fellið nú af 2 lykkjur í byrjun á hverri umferð alls 1-2-2 sinnum í hvorri hlið á ermi = 50-49-51 lykkjur. Fellið af þær lykkjur sem eftir eru. Ermin mælist ca 49-49-48 cm. ALLAR STÆRÐIR: Prjónið hina ermina á sama hátt. FRÁGANGUR: Saumið axlasauma með lykkjuspori innan við affellingarkantinn. Saumið ermakúpu við handveg innan við 1 kantlykkju í garðaprjóni. Saumið síðan efsta hlutann á ermi við botninn á handveg – sjá teikningu. Saumið sauminn undir ermum og síðan niður yfir hliðarsauminn niður að klauf innan við 1 kantlykkju í garðaprjóni (= 21 cm klauf í hvorri hlið). VASI: Fitjið upp 21 lykkjur á hringprjón 6 með 1 þræði í hvorri tegund (= 2 þræðir). Prjónið 1 umferð brugðið frá röngu. Prjónið síðan stroff frá réttu þannig: Prjónið 1 kantlykkju í garðaprjóni, A.1 þar til 2 lykkjur eru eftir, prjónið fyrstu lykkjuna í A.1, þannig að mynstrið verði alveg eins í hvorri hlið, prjónið 1 kantlykkju í garðaprjóni. Haldið svona áfram fram og til baka þar til vasinn mælist 14 cm. Fellið af. Prjónið annan vasa á sama hátt. Leggið vasana á hvort framstykki. Vasinn á að vera staðsettur með efri kantinn á vasa í línu þar sem lykkjur voru felldar af fyrir handveg og ca 8 til 12 cm frá ystu lykkju í kanti að framan – nælið niður vasana á stykkið og mátið e.t.v. peysuna áður en vasarnir eru festir. Saumið með smáu spori meðfram hliðum og neðri kanti á vösum. KANTUR Í HÁLSMÁLI: Prjónið upp frá réttu í kringum kant í hálsmáli: Hoppið yfir 7 lykkjur í kanti að framan sem felldar voru af, prjónið upp 36-36-38-38-40-45 lykkjur í kringum kanti í hálsmáli á hringprjón 6 og 1 þræði DROPS Alpaca Bouclé og 1 þræði DROPS Brushed Alpaca Silk (= 2 þræðir) fram að 7 lykkjum sem felldar voru af í kanti að framan. Prjónið 1 umferð slétt frá röngu þar sem aukið er út um 12-12-13-13-13-15 lykkjur jafnt yfir – munið eftir ÚTAUKNING/ÚRTAKA = 48-48-51-51-53-60 lykkjur. Prjónið 1 umferð slétt frá réttu, 1 umferð brugðið frá röngu, 1 umferð brugðið frá réttu (= uppábrot), 1 umferð brugðið frá röngu, 1 umferð slétt frá réttu. Fellið af. Brjótið niður kantinn í hálsmáli tvöfaldan að röngu og saumið fallega niður. KRAGI: Byrjið frá réttu með hringprjón 6 og 1 þræði í hvorri tegund (= 2 þræðir) og prjónið upp 1 lykkju í hverja brugðna lykkju þar sem brotið var uppá kant í hálsmáli = 48-48-51-51-53-60 lykkjur. Skiptið yfir á hringprjón 8. Prjónið síðan með 2 þráðum DROPS Alpaca Bouclé og 2 þráðum DROPS Brushed Alpaca Silk (= 4 þræðir). Prjónið 1 umferð slétt og fækkið jafnframt um 8-8-9-9-9-10 lykkjur jafnt yfir = 40-40-42-42-44-50 lykkjur – þetta verður réttan á kraganum og það er þessi hlið sem kemur til með að snúa út þegar kraginn tilbúinn og brotinn saman niður. Setjið 1 prjónamerki 10-10-11-11-11-13 lykkjur inn frá hvorri hlið (= 20-20-20-20-22-24 á milli 2 prjónamerkja). Látið prjónamerkin fylgja með í stykkinu. Prjónið síðan þannig: UMFERÐ 1 (= ranga): Prjónið 1 kantlykkju í garðaprjóni, brugðnar lykkjur þar til 1 lykkja er eftir, 1 kantlykkja í garðaprjóni. UMFERÐ 2 (= rétta): Prjónið 1 kantlykkju í garðaprjóni, 1 lykkja slétt, sláið 1 sinni uppá prjóninn, sléttar lykkjur þar til 2 lykkjur eru eftir, sláið 1 sinni uppá prjóninn, 1 lykkja slétt, 1 kantlykkja í garðaprjóni (í næstu umferð er uppslátturinn prjónaður snúinn brugðið svo ekki myndist gat). Haldið svona áfram fram og til baka þar til aukið hefur verið út 4 sinnum í hvorri hlið. Prjónið nú áfram alveg eins með útaukningu í hvorri hlið 3 sinnum til viðbótar (= alls 7 sinnum í hvorri hlið), JAFNFRAMT er aukið út um 1 lykkju hvoru megin við 2 prjónamerkin – sjá ÚTAUKNING-2. Aukið svona út í annarri hverri umferð alls 2 sinnum. Þegar allar útaukningar hafa verið gerðar eru 62-62-64-64-66-72 lykkjur í umferð. Prjónið áfram þar til kraginn mælist alls 12 cm. Fellið af. Passið uppá að affellingarkanturinn dragist ekki saman. Nú er heklaður kantur í lokin til að stífa kragann. Heklið meðfram affellingarkantinum á kraganum og frá réttu þannig – heklið með 1 þræði í hvorri tegund og heklunál 8: Festið þráðinn í ystu lykkjuna á affellingarkantinum. Heklið 1 fastalykkju í hverja lykkju meðfram affellingarkantinum. Klippið þráðinn og festið. Formun: Bleytið kragann og pressið vatnið varlega úr. Formið kragann þannig að affellingarkanturinn og fastalykkju umferðin liggi fallega og rúllist ekki inn. Látið þorna. Þetta er endurtekið í hvert skipti við þvott. |
|||||||||||||
Skýringar á teikningu |
|||||||||||||
|
|||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (6)
Bärbel Bogel wrote:
Wann wird bei den einzelnen Strickteilen (Vorder-, Rückenteil, Ärmel) die Nadel von 6 auf 8 gewechselt? Der Wechsel wird nur beim Kragen erwähnt.
08.10.2022 - 09:59DROPS Design answered:
Liebe Frau Bogel, Nadel 8 wird für den Kragen benutzt - die ganze Jacke wird sonst mit Nadel 6 gestrickt. Viel Spaß beim stricken!
10.10.2022 - 08:30Bärbel Bogel wrote:
Mit dem Stricken selbst habe ich keine Probleme, da ich schon viele Jahre dabei bin. Die Übersetzung der einzelne Schritte ist jedoch sehr irritierend. Sehr hilfreich wäre es, wenn die einzelnen Strickreihen in den Muster nummeriert wären und sich diese Nummerierung im Text wiederfinden würde.
07.10.2022 - 15:47Sadazur wrote:
Je ne comprends pas le point fantaisie avec le diagramme : Rang 1 : toutes les mailles à l'endroit Rang 2 : 1 maille endroit 2 mailles envers Rang 3 : toutes les mailles à l'endroit Rang 4 : rang 1 Est ce exact ? Merci pour votre aide
12.01.2022 - 19:54DROPS Design answered:
Bonjour Sadazur, les lignes blanches sont des mailles tricotées en jersey (à l'endroit sur l'endroit, à l'envers sur l'envers), celles avec case blanche/une croix se tricotent au point mousse (à l'endroit sur l'endroit et sur l'envers); autrement dit, A.1 par ex se tricote ainsi sur l'endroit: 3 m end, sur l'envers (on lit de gauche à droite): 2 m end, 1 m env . Bon tricot!
13.01.2022 - 08:38Saba Hatem wrote:
Very beautiful, wowwww
24.08.2021 - 16:05Birgitta Persson wrote:
En populär modell som jag gillar bra höst och vårjacka
05.08.2021 - 16:55Jannicke Mathisen wrote:
Navn: Trondheimsjakke
04.08.2021 - 21:33