DROPS Sky
DROPS Sky
74% Alpakka, 18% Polyamide, 8% Ull
frá 1496.00 kr /50g
DROPS Kid-Silk
DROPS Kid-Silk
75% Mohair, 25% Silki
frá 1430.00 kr /25g
Þú færð garn sem þarf í að gera þetta mynstur frá 14630.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

Toffee Apple Jacket

Prjónuð peysa úr DROPS Sky og DROPS Kid-Silk. Stykkið er prjónað með axlarsæti, tvöföldum kanti í hálsmáli, klauf í hliðum og köntum í stroffprjóni. Stærð S-XXXL.

DROPS 228-25
DROPS Design: Mynstur sk-148
Garnflokkur B + A
-------------------------------------------------------

STÆRÐ:
S - M - L - XL - XXL - XXXL

EFNI:
DROPS SKY frá Garnstudio (tilheyrir garnflokki B)
250-300-300-350-350-400 g litur 11, heslihneta
Og notið:
DROPS KID-SILK frá Garnstudio (tilheyrir garnflokki A)
125-125-150-150-175-175 g litur 35, súkkulaði

DROPS TALA, Buffelhorns NR 537: 5-5-5-6-6-6 st.

PRJÓNAR:
DROPS HRINGPRJÓNN NR 5,5: lengd 80 cm.
DROPS HRINGPRJÓNN NR 4,5: lengd 80 cm.
Hægt er að nota MAGIC LOOP aðferðina – þá þarf einungis hringprjón 80 cm í hverju prjónanúmeri.

PRJÓNFESTA:
16 lykkjur á breidd og 20 umferðir á hæð með sléttprjóni og 1 þræði í hvorri tegund = 10 x 10 cm.
ATH: Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Sky
DROPS Sky
74% Alpakka, 18% Polyamide, 8% Ull
frá 1496.00 kr /50g
DROPS Kid-Silk
DROPS Kid-Silk
75% Mohair, 25% Silki
frá 1430.00 kr /25g
Þú færð garn sem þarf í að gera þetta mynstur frá 14630.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

ÚRTAKA-1 (jafnt yfir):
Til þess að reikna út hvernig fækka eigi lykkjum jafnt í umferð, teljið fjölda lykkja í umferð (t.d. 47 lykkjur), mínus kantlykkjur að framan (t.d. 5 lykkjur) og deilið þeim 42 lykkjum sem eftir eru með fjölda úrtöku sem á að gera (t.d. 9) = 4,7.
Í þessu dæmi er lykkjum fækkað með því að prjóna til skiptis ca 3. og 4. hverja lykkju og 4. og 5. hverja lykkju slétt saman – lykkjum er ekki fækkað yfir kantlykkjur.

ÚRTAKA-2 (á við um úrtöku á ermum og úrtöku á axlarsæti):
Öll úrtaka er gerð frá réttu!
Á UNDAN PRJÓNAMERKI:
Prjónið þar til 3 lykkjur eru eftir á undan prjónamerki, prjónið 3 lykkjur slétt saman (= 2 lykkjur færri).
Á EFTIR PRJÓNAMERKI:
Lyftið 1 lykkju af prjóni eins og prjóna eigi slétt, prjónið 2 lykkjur slétt saman, steypið lyftu lykkjunni yfir lykkjurnar sem prjónaðar voru saman (= 2 lykkjur færri).

ÚRTAKA-3 (á við úrtöku á ermum):
Öll úrtaka er gerð frá réttu!
Á UNDAN PRJÓNAMERKI:
Prjónið þar til 2 lykkjur eru eftir á undan prjónamerki, prjónið 2 lykkjur slétt saman (= 1 lykkja færri).
Á EFTIR PRJÓNAMERKI:
Lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð (= 1 lykkja færri).

ÚTAUKNING (á við í hvorri hlið á ermum):
Öll útaukning er gerð frá réttu.
Aukið út um 1 lykkju innan við 1 kantlykkju í garðaprjóni og 1 lykkju í sléttprjóni með því að slá 1 sinni uppá prjóninn. Í næstu umferð er uppslátturinn prjónaður snúinn brugðið, svo ekki myndist gat.
Prjónið síðan nýjar lykkjur í sléttprjóni.

LEIÐBEININGAR:
Ef prjónfestan passar ekki á hæðina, þá kemur það til með að hafa áhrif á loka mál á berustykki. Ef prjónað er of fast/laust þá kemur berustykkið til með að vera styttra/lengra en uppgefið mál í uppskrift. Ef prjónað er of fast þá er hægt að prjóna nokkrar auka umferðir í sléttprjóni áður en úrtakan byrjar.

AFFELLING:
Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá 1 sinni uppá prjóninn á eftir ca 4. hverja lykkju jafnframt því sem fellt er af (uppslátturinn er felldur af eins og venjuleg lykkja).

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Framstykkin og bakstykkið eru prjónuð fram og til baka hvert fyrir sig, neðan frá og upp að handveg.
Ermar eru prjónaðar fram og til baka, neðan frá og upp að handvegi. Ermar eru settar inn á sama hringprjón og framstykkin og bakstykkið. Síðan er berustykkið prjónað fram og til baka frá miðju að framan. Lykkjum er fækkað í hvorri hlið á hvorri ermi á berustykki. Síðan er lykkjum fækkað fyrir axlarsæti. Síðan eru lykkjur prjónaðar upp meðfram báðum framstykkjum fyrir kanta að framan. Kantar að framan eru prjónaðir í stroffprjóni. Síðan er prjónaður tvöfaldur kantur í hálsmáli í stroffprjóni. Að lokum er stykkið saumað saman undir ermum og í hliðum eins og útskýrt er í uppskrift.

HÆGRA FRAMSTYKKI:
Fitjið upp 47-51-55-59-67-71 lykkjur á hringprjón 4,5 með 1 þræði í hvorri tegund (= 2 þræðir). Prjónið 1 umferð brugðið frá röngu. Næsta umferð er prjónuð frá réttu þannig – þ.e.a.s. frá miðju að framan: 1 kantlykkja í GARÐAPRJÓN – sjá útskýringu að ofan, * 2 lykkjur slétt, 2 lykkjur brugðið *, prjónið frá *-* þar til 6 lykkjur eru eftir í umferð, prjónið 2 lykkjur slétt og endið með 4 kantlykkjur í garðaprjóni.
Haldið svona áfram með stroff fram og til baka í 8 cm.
Prjónið 1 umferð slétt frá réttu þar sem fækkað er um 9-9-10-10-13-13 lykkjur jafnt yfir – sjá ÚRTAKA-1 = 38-42-45-49-54-58 lykkjur.
Skiptið yfir á hringprjón 5,5. Prjónið frá röngu þannig: 4 kantlykkjur í garðaprjóni (= að hlið), prjónið brugðnar lykkjur þar til 1 lykkja er eftir, endið með 1 kantlykkju í garðaprjóni við miðju að framan.
Prjónið síðan sléttprjón með 1 kantlykkju í garðaprjóni við miðju að framan og 4 kantlykkjur í garðaprjóni að hlið. ATHUGIÐ PRJÓNFESTUNA!
Prjónið þar til stykkið mælist 27 cm – stillið af að næsta umferð sé frá röngu. Nú eru eftir ca 29-31-33-35-37-39 cm upp að öxl.
Í næstu umferð eru felldar af fyrstu 3-3-4-4-5-5 lykkjur frá röngu fyrir handveg = 35-39-41-45-49-53 lykkjur eftir. Prjónið út umferðina eins og áður. Klippið þráðinn. Geymið stykkið. Prjónið vinstra framstykki eins og útskýrt er að neðan.

VINSTRA FRAMSTYKKI:
Fitjið upp 47-51-55-59-67-71 lykkjur á hringprjón 4,5 með 1 þræði í hvorri tegund (= 2 þræðir). Prjónið 1 umferð brugðið frá röngu. Næsta umferð er prjónuð frá réttu þannig – þ.e.a.s. frá hlið: 4 kantlykkjur í garðaprjóni, * 2 lykkjur slétt, 2 lykkjur brugðið *, prjónið frá *-* þar til 3 lykkjur eru eftir í umferð, prjónið 2 lykkjur slétt og endið með 1 kantlykkju í garðaprjóni.
Haldið svona áfram með stroff fram og til baka í 8 cm.
Prjónið 1 umferð slétt frá réttu þar sem fækkað er um 9-9-10-10-13-13 lykkjur jafnt yfir – munið eftir ÚRTAKA-1 = 38-42-45-49-54-58 lykkjur.
Skiptið yfir á hringprjón 5,5. Prjónið frá röngu þannig: 1 kantlykkja í garðaprjóni (= að miðju að framan), prjónið brugðnar lykkjur þar til 4 lykkjur eru eftir, endið með 4 kantlykkjur í garðaprjóni að hlið.
Prjónið síðan sléttprjón með 4 kantlykkjur í garðaprjóni að hlið og 1 kantlykkju í garðaprjóni við miðju að framan.
Prjónið þar til stykkið mælist 27 cm – stillið af að næsta umferð sé prjónuð frá röngu. Nú eru eftir ca 29-31-33-35-37-39 cm upp að öxl.
Prjónið frá röngu þar til eftir eru 3-3-4-4-5-5 lykkjur í umferð og fellið af þessar 3-3-4-4-5-5 lykkjur fyrir handveg = 35-39-41-45-49-53 lykkjur eftir. Klippið þráðinn. Geymið stykkið. Prjónið bakstykki eins og útskýrt er að neðan.

BAKSTYKKI:
Fitjið upp 94-106-114-122-134-146 lykkjur á hringprjón 4,5 með 1 þræði í hvorri tegund (= 2 þræðir). Prjónið 1 umferð brugðið frá röngu. Næsta umferð er prjónuð frá réttu þannig: 4 kantlykkjur í garðaprjóni, * 2 lykkjur slétt, 2 lykkjur brugðið *, prjónið frá *-* þar til 6 lykkjur eru eftir í umferð, prjónið 2 lykkjur slétt og endið með 4 kantlykkjur í garðaprjóni.
Haldið svona áfram með stroff fram og til baka í 8 cm.
Prjónið 1 umferð slétt frá réttu þar sem fækkað er um 18-22-24-24-26-30 lykkjur jafnt yfir – munið eftir ÚRTAKA-1 = 76-84-90-98-108-116 lykkjur.
Skiptið yfir á hringprjón 5,5. Prjónið 1 umferð brugðið frá röngu með 4 kantlykkjur í garðaprjóni í hvorri hlið. Prjónið síðan sléttprjón með 4 kantlykkjur í garðaprjóni í hvorri hlið.
Prjónið þar til stykkið mælist 27 cm – stillið af að næsta umferð sé prjónuð frá réttu. Nú eru eftir ca 29-31-33-35-37-39 cm upp að öxl. Fellið af 3-3-4-4-5-5 lykkjur fyrir handveg í byrjun á 2 næstu umferðum = 70-78-82-90-98-106 lykkjur eftir.
Klippið þráðinn. Geymið stykkið. Prjónið ermar eins og útskýrt er að neðan.

ERMI:
Fitjið upp 44-44-48-48-52-52 lykkjur á hringprjón 4,5 með 1 þræði í hvorri tegund (= 2 þræðir). Prjónið 1 umferð brugðið frá röngu. Næsta umferð er prjónuð frá réttu þannig: 1 kantlykkja í garðaprjóni, * 2 lykkjur slétt, 2 lykkjur brugðið *, prjónið frá *-* þar til 3 lykkjur eru eftir í umferð, prjónið 2 lykkjur slétt og endið með 1 kantlykkju í garðaprjóni.
Haldið svona áfram með stroff fram og til baka í 8 cm.
Prjónið 1 umferð slétt frá réttu þar sem fækkað er um 8-6-8-6-8-8 lykkjur jafnt yfir – munið eftir ÚRTAKA-1 = 36-38-40-42-44-44 lykkjur.
Skiptið yfir á hringprjón 5,5. Prjónið 1 umferð brugðið frá röngu með 1 kantlykkju í garðaprjóni í hvorri hlið. Prjónið síðan sléttprjón með 1 kantlykkju í garðaprjóni í hvorri hlið.

Þegar stykkið mælist 10-9-10-11-10-12 cm, aukið út um 1 lykkju í hvorri hlið – sjá ÚTAUKNING. Aukið svona út með 4-3½-2½-2-2-1½ cm millibili alls 9-10-12-14-15-16 sinnum = 54-58-64-70-74-76 lykkjur.
Prjónið áfram þar til stykkið mælist 44-42-41-41-40-38 cm – stillið af að næsta umferð sé frá réttu. Nú eru eftir ca 25-27-29-30-32-34 cm að loka máli – mátið e.t.v. ermina og prjónið að óskaðri lengd.
Fellið af 3-3-4-4-5-5 lykkjur fyrir handveg í byrjun á 2 næstu umferðum = 48-52-56-62-64-66 lykkjur. Klippið þráðinn. Geymið stykkið. Prjónið hina ermina á sama hátt.

BERUSTYKKI:
Setjið stykkin inn á sama hringprjón 5,5 þannig – þetta er gert án þess að prjóna lykkjurnar: 35-39-41-45-49-53 lykkjur frá hægra framstykki, 48-52-56-62-64-66 lykkjur frá ermi, 70-78-82-90-98-106 lykkjur frá bakstykki, 48-52-56-62-64-66 lykkjur frá ermi og 35-39-41-45-49-53 lykkjur frá vinstra framstykki = 236-260-276-304-324-344 lykkjur í umferð.
Setjið 4 prjónamerki í stykkið eins og útskýrt er að neðan – þetta er gert án þess að prjóna lykkjurnar og hvert og eitt af þessum 4 prjónamerkjum eru sett á milli 2 lykkja. Prjónamerkin eru notuð síðar þegar fækka á lykkjum fyrir ermar og axlarsæti.
Fyrsta prjónamerki: Teljið 39-41-43-44-45-47 lykkjur, setjið 1. prjónamerki á undan næstu lykkju (þetta er núna hægra framstykki).
Annað prjónamerki: Teljið 40-48-52-64-72-78 lykkjur, setjið 2 prjónamerki á undan næstu lykkju (þetta er nú hægri ermi).
Þriðja prjónamerki: Teljið 78-82-86-88-90-94 lykkjur, setið 3. prjónamerki á undan næstu lykkju (þetta er núna bakstykki).
Fjórða prjónamerki: Teljið 40-48-52-64-72-78 lykkjur, setjið 4. prjónamerki á undan næstu lykkju (þetta er núna vinstri ermi).
Það eru 39-41-43-44-45-47 lykkjur á eftir 4. prjónamerki (= vinstra framstykki).
Látið þessi 4 prjónamerki fylgja með í stykkinu, það á að fækka lykkjum við hvert og eitt af þessum prjónamerkjum.

Sjá LEIÐBEININGAR og prjónið 1-0-0-1-0-0 cm sléttprjón fram og til baka með 1 kantlykkju í garðaprjóni í hvorri hlið við miðju að framan.
Fækkið síðan lykkjum á ermum eins og útskýrt er að neðan.

ÚRTAKA Á ERMUM:
Í næstu umferð frá réttu er fækkað um 8 lykkjum á ermum þannig (á ekki við um stærð S).
Fækkið um 2 lykkjur á EFTIR 1. og 3. prjónamerki og fækkið um 2 lykkjur á UNDAN 2. og 4. prjónamerki – sjá ÚRTAKA-2. Lykkjum er einungis fækkað á ermum og fjöldi lykkja á framstykki og bakstykki verður sá sami.
Haldið svona áfram og fækkið lykkjum alveg eins í annarri hverri umferð (þ.e.a.s. í hverri umferð frá réttu) alls 0-1-2-7-8-9 sinnum = 236-252-260-248-260-272 lykkjur.

Í næstu umferð frá réttu er fækkað um 4 lykkjur fyrir ermar þannig (á við um allar stærðir):
Fækkið um 1 lykkju á EFTIR 1. og 3. prjónamerki og fækkið um 1 lykkju á UNDAN 2. og 4. prjónamerki – sjá ÚRTAKA-3. Lykkjum er einungis fækkað á ermum og fjöldi lykkja á framstykki og bakstykki verður sá sami.
Haldið svona áfram og fækkið lykkjum alveg eins í annarri hverri umferð (þ.e.a.s. í hverri umferð frá réttu) alls 13-15-15-10-12-13 sinnum = 184-192-200-208-212-220 lykkjur.

Eftir síðustu úrtöku mælist stykkið ca 14-16-17-18-20-22 cm frá þar sem stykkin voru sett saman við handveg.
Fækkið síðan lykkjum fyrir axlarsæti eins og útskýrt er að neðan.

ÚRTAKA Á AXLARSÆTI:
Í næstu umferð frá réttu er fækkað um 8 lykkjur fyrir axlarsæti þannig:
Fækkið um 2 lykkjur á UNDAN 1. og 3. prjónamerki og fækkið um 2 lykkjur á EFTIR 2. og 4. prjónamerki – sjá ÚRTAKA-2. Lykkjum er einungis fækkað á framstykki og bakstykki og fjöldi lykkja á ermum verður sá sami.
Haldið svona áfram og fækkið lykkjum alveg eins í annarri hverri umferð (þ.e.a.s. í hverri umferð frá réttu) alls 11-11-12-12-12-12 sinnum = 96-104-104-112-116-124 lykkjur.

Eftir síðustu úrtöku mælist stykkið ca 25-27-29-30-32-34 cm frá þar sem stykkin voru sett saman við handveg.
Prjónið 1 umferð slétt frá réttu þar sem fækkað er um 22-26-26-30-30-34 lykkjur jafnt yfir – munið eftir ÚRTAKA-1 = 74-78-78-82-86-90 lykkjur. Látið þessar lykkjur hvíla á prjóninum eða setjið lykkjurnar á þráð. Síðan er prjónaður kantur að framan eins og útskýrt er að neðan.

HÆGRI KANTUR AÐ FRAMAN:
Byrjið frá réttu neðst á hægra framstykki og prjónið upp lykkjur innan við 1 kantlykkju í garðaprjóni ca 92-96-100-100-104-108 lykkjur meðfram framstykki á hringprjóna 4,5 með 1 þræði í hvorri tegund (= 2 þræðir). Passið uppá að kanturinn dragist ekki saman, prjónið upp fleiri lykkjur eftir þörf. Lykkjufjöldinn verður að vera deilanlegur með 4.
Fyrsta umferð er prjónuð frá röngu þannig: 1 kantlykkja í garðaprjóni, * 2 lykkjur brugðið, 2 lykkjur slétt *, prjónið frá *-* þar til 3 lykkjur eru eftir í umferð, prjónið 2 lykkjur brugðið og endið með 1 kantlykkju í garðaprjóni. Haldið svona áfram með stroff. Þegar kanturinn að framan mælist ca 1½ cm, fellið af fyrir 5-5-5-6-6-6 hnappagötum jafnt yfir. 1 HNAPPAGAT = prjónið 2 lykkjur saman og sláið 1 sinni uppá prjóninn (það er fallegast að prjóna 2 lykkjur brugðið saman í brugðinni einingu séð frá réttu). Í næstu umferð er uppslátturinn prjónaður slétt, svo það myndist gat.
Efsta hnappagatið er staðsett ca 1 til 1½ cm frá kanti efst og neðsta hnappagatið er staðsett ca 8 cm frá neðri kanti.
Prjónið þar til kanturinn að framan mælist 3 til 3½ cm. Fellið af með garðaprjóni yfir garðaprjón, sléttum lykkjum yfir sléttar lykkjur og brugðnum lykkjum yfir brugðnar lykkjur – sjá AFFELLING.

VINSTRI KANTUR AÐ FRAMAN:
Byrjið frá réttu efst á vinstra framstykki og prjónið upp jafn margar lykkjur og á hægri kanti að framan innan við 1 kantlykkju í garðaprjóni á hringprjón 4,5 með 1 þræði í hvorri tegund (= 2 þræðir). Lykkjufjöldinn verður að vera deilanlegur með 4.
Fyrsta umferð er prjónuð frá röngu þannig: 1 kantlykkja í garðaprjóni, * 2 lykkjur brugðið, 2 lykkjur slétt *, prjónið frá *-* þar til 3 lykkjur eru eftir í umferð, prjónið 2 lykkjur brugðið og endið með 1 kantlykkju í garðaprjóni.
Prjónið þar til kanturinn að framan mælist það sama og hægri kantur að framan. Fellið af með garðaprjóni yfir garðaprjón, sléttum lykkjum yfir sléttar lykkjur og brugðnum lykkjum yfir brugðnar lykkjur – sjá AFFELLING.

TVÖFALDUR KANTUR Í HÁLSMÁLI:
Byrjið frá réttu efst í hægri kanti að framan og prjónið upp 7 lykkjur innan við 1 kantlykkju í garðaprjóni meðfram kanti að framan á hringprjón 4,5 með 1 þræði í hvorri tegund (= 2 þræðir), prjónið sléttar lykkjur yfir 74-78-78-82-86-90 lykkjur frá prjóni/þræði og prjónið upp 7 lykkjur innan við 1 kantlykkju í garðaprjóni meðfram kanti efst í vinstri kanti að framan = 88-92-92-96-100-104 lykkjur.
Fyrsta umferð er prjónuð frá röngu þannig: 1 kantlykkja í garðaprjóni * 2 lykkjur brugðið, 2 lykkjur slétt *, prjónið frá *-* þar til 3 lykkjur eru eftir, prjónið 2 lykkjur brugðið og endið með 1 kantlykkju í garðaprjóni. Haldið svona áfram með stroff fram og til baka.
Þegar kanturinn í hálsi mælist 10-10-10-12-12-12 cm, aukið út allar 2 lykkjur brugðið (séð frá réttu) til 3 lykkjur brugðið = 109-114-114-119-124-129 lykkjur.
Prjónið þar til kanturinn í hálsmáli mælist 13-13-13-15-15-15 cm (eða að óskaðri lengd). Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – sjá AFFELLING!
Brjótið niður stroffið að innanverðu að stykki. Saumið stroffið niður þannig að það myndist tvöfaldur kantur í hálsmáli. Til að koma í veg fyrir að kanturinn dragi stykkið saman og beygist út, er mikilvægt að saumurinn sé teygjanlegur. Saumið saman op við miðju að framan á kanti að framan með smáu spori.

FRÁGANGUR:
Saumið sauma undir ermum – saumið í ystu lykkjubogana þannig að saumurinn verði flatur (það myndast kantur með 2 lykkjum í garðaprjóni mitt undir hvorri ermi sem er sýnilegur).
Saumið hliðarsauma – byrjið efst við handveg og saumið í ystu lykkjubogana þannig að saumurinn verði flatur, þar til ca 15 cm er eftir neðst í hvorri hlið fyrir klauf (það myndast kantur með 8 lykkjum í garðaprjóni í hvorri hlið á fram- og bakstykki sem er sýnilegur).
Saumið saman op undir ermum.
Saumið tölur í vinstri kant að framan.

Mynstur

diagram measurements

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS 228-25

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (6)

country flag Tuija Mikkonen wrote:

Mitä tämä tarkoittaa? Missä vaiheessa hihanaukkoa varten kavennetaan? Neulo kunnes työn pituus on 27 cm ja olet viimeksi neulonut nurjan puolen kerroksen. Työhön neulotaan vielä n. 29-31-33-35-37-39 cm.

19.03.2024 - 20:18

DROPS Design answered:

Hei, kädentien silmukat päätetään, kun työn pituus on 27 cm. Myöhemmin neulotaan vielä 29-31-33-35-37-39 cm (kaarrokkeessa).

21.03.2024 - 17:27

country flag Margrit Stotz wrote:

Aus wie vielen Maschen besteht der Sattel? Wennich abnehme wie beschrieben habe ich am Ärmel keine Maschen mehr.

20.01.2023 - 16:45

DROPS Design answered:

Liebe Frau Stotz, beachten Sie, daß die Abnahmen vor 1. + 3. und nach 2. und 4. Markierung gestrickt werden, jeweils 2 Maschen damit die maschen von den Ärmeln/Sattelschulter nicht abgenommen wird und nur die Maschenanzahl bei den Vorderteile und Rückenteil wird abnehmen. Viel Spaß beim stricken!

06.02.2023 - 15:44

country flag Ellis wrote:

Ik heb zeker 16 keer de test moeten doen dat ik geen robot ben. ik zie niet meer zebra’s of auto’s dan ik aangeef. mogelijk zijn mijn ogen niet meer zo goed als ooit maar het is erg vervelend om meer dan 15 x aan te moeten tonen dat je geen robot bent. kunt u meer duidelijke beelden erin plaatsen?

31.01.2022 - 15:43

country flag Ellis wrote:

Waarom is de mouw -vanaf de kop van de schouder gemeten- hier 5 cm langer dan bij patroon 226-11 dat ongeveer eenzelfde patroon is? ronde hals, zadelschouder, dit is van onder af en het andere top-down gebreid maar dat mag aan maatvoering niets af doen, allebei vest. maar de lengte van een arm blijft toch gelijk ? ik heb bewust gekeken naar ‘niet-raglan’ zodat daarin geen verschil kan zitten. de basis patronen zien er op het scherm ongeveer hetzelfde uit. 5 cm is best veel hier.

31.01.2022 - 15:41

country flag Kim Mazur wrote:

I am knitting the pumpkin pattern The Patch.. I am unsure what the directions mean when they say REMEMBER THE KNITTING GAUGE BIND OFF. Would someone elaborate for me? Is this just a typical bind off? Thank you in advance

28.09.2021 - 23:40

DROPS Design answered:

Dear Mrs Mazur, you are working this pattern, correct? You have to work the diagram a total of 6 times in height, while you have to check and keep your tension. After A.1 has been worked a total of 6 times in height, just bind off. Happy knitting!

29.09.2021 - 07:40

country flag Grażyna wrote:

Błękitny z żakardem uroczy.

09.08.2021 - 11:27