DROPS Air
DROPS Air
65% Alpakka, 28% Polyamide, 7% Ull
frá 1364.00 kr /50g
Þú færð garn sem þarf í að gera þetta mynstur frá 4092.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

Spring Creek Vest

Prjónað vesti fyrir börn úr DROPS Air. Stykkið er prjónað í sléttprjóni með v-hálsmáli og köntum í stroffprjóni. Stærð 3 til 14 ára.

DROPS Children 40-25
DROPS Design: Mynstur ai-040-bn
Garnflokkur C eða A + A
-------------------------------------------------------

STÆRÐ
3/4 - 5/6 - 7/8 - 9/10 - 11/12 - 13/14 ára
Stærðin jafngildir ca hæð á barni í cm:
98/104 - 110/116 - 122/128 - 134/140 - 146/152 - 158/164

EFNI
DROPS AIR frá Garnstudio (tilheyrir garnflokki C)
150-150-200-200-250-250 g litur 10, þoka

DROPS PERLUTALA, Bogalaga (hvít) NR 522: 4-4-4-5-5-5 st.

PRJÓNAR:
DROPS HRINGPRJÓNAR NR 5: lengd 80 cm.
DROPS HRINGPRJÓNAR NR 4: lengd 40 cm og 80 cm.
DROPS SOKKAPRJÓNAR NR 4.
Hægt er að nota MAGIC LOOP aðferðina – þá þarf einungis hringprjón 80 cm í hverju prjónanúmeri.

PRJÓNFESTA:
17 lykkjur á breidd og 22 umferðir á hæð með sléttprjóni = 10 x 10 cm.
ATH: Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Air
DROPS Air
65% Alpakka, 28% Polyamide, 7% Ull
frá 1364.00 kr /50g
Þú færð garn sem þarf í að gera þetta mynstur frá 4092.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

ÚRTAKA-1 (jafnt yfir) :
Til þess að reikna út hvernig fækka eigi lykkjum jafnt í umferð, teljið fjölda lykkja í umferð (t.d. 140 lykkjur), mínus kantlykkjur (t.d. 2 lykkjur) og deilið þessum 138 lykkjum sem eftir eru með fjölda úrtöku sem á að gera (t.d. 14) = 9,9.
Í þessu dæmi þá er lykkjum fækkað jafnt yfir með því að prjóna ca 9. og 10. hverja lykkju slétt saman.

ÚRTAKA-2 (á við um v-hálsmál):
Fækkið lykkjum innan við 1 kantlykkju í garðaprjóni. Öll úrtaka er gerð frá réttu!
FÆKKIÐ LYKKJUM Á EFTIR 1 KANTLYKKJU Í GARÐAPRJÓNI ÞANNIG:
Lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð (= 1 lykkja færri).
FÆKKIÐ LYKKJUM Á UNDAN 1 KANTLYKKJU Í GARÐAPRJÓNI ÞANNIG:
Prjónið þar til 2 lykkjur eru eftir á undan kantlykkju, prjónið þessar 2 lykkjur slétt saman (= 1 lykkja færri).

AFFELLING:
Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá einu sinni uppá prjóninn á eftir ca 6. hverja lykkju jafnframt því sem fellt er af (uppslátturinn er felldur af eins og venjuleg lykkja).

-------------------------------------------------------

BYRJIÐ Á STYKKI HÉR:

-------------------------------------------------------

VESTI - STUTT ÚTSKÝRING Á STYKKI:
Fram- og bakstykki er prjónað fram og til baka á hringprjóna frá miðju að framan, neðan frá og upp. Lykkjur eru felldar af fyrir handveg. Síðan eru framstykkin og bakstykkið prjónað fram og til baka á hringprjóna hvert fyrir sig. Stykkið er síðan saumað saman á öxlum. Að lokum er prjónaður kantur í stroffprjóni í kringum báða handvegina og kantur í meðfram framstykkjum og í kringum kant í hálsi aftan í hnakka.

FRAM- OG BAKSTYKKI:
Fitjið upp 140-144-152-160-168-176 lykkjur (meðtalin 1 kantlykkja í hvorri hlið við miðju að framan) á hringprjón 4 með DROPS Air.
Prjónið 1 umferð brugðið (= ranga). Prjónið næstu umferð frá réttu þannig: 1 kantlykkja í GARÐAPRJÓN – sjá útskýringu að ofan, * 2 lykkjur slétt, 2 lykkjur brugðið *, prjónið frá *-* þar til 3 lykkjur eru eftir í umferð, prjónið 2 lykkjur slétt og endið með 1 kantlykkju í garðaprjóni. Haldið svona áfram með stroff í 3 cm.
Prjónið 1 umferð slétt frá réttu þar sem fækkað er um 14-14-14-14-18-18 lykkjur jafnt yfir – sjá ÚRTAKA-1 = 126-130-138-146-150-158 lykkjur.
Skiptið yfir á hringprjón 5 og prjónið sléttprjón fram og til baka með 1 kantlykkju í garðaprjóni í hvorri hlið við miðju að framan. ATHUGIÐ PRJÓNFESTUNA!
Þegar stykkið mælist 22-25-28-31-33-35 cm, fellið af fyrir handveg, þ.e.a.s. næsta umferð er prjónuð frá réttu þannig: Prjónið eins og áður yfir fyrstu 29-30-32-34-35-37 lykkjur (= hægra framstykki), fellið af 6 lykkjur fyrir handveg, prjónið 56-58-62-66-68-72 lykkjur sléttprjón (= bakstykki), fellið af 6 lykkjur fyrir handveg og prjónið eins og áður yfir þær 29-30-32-34-35-37 lykkjur sem eftir eru (= vinstra framstykki).
Setjið lykkjur frá hægra framstykki og bakstykki á þráð eða hjálparprjón og prjónið vinstra framstykki eins og útskýrt er að neðan.

VINSTRA FRAMSTYKKI:
Prjónið sléttprjón fram og til baka með 1 kantlykkju í garðaprjóni við miðju að framan og fellið af fyrir handveg í byrjun á hverri umferð frá réttu þannig: Fellið af 2 lykkjur 2-1-1-1-1-1 sinnum og 1 lykkju 3-3-3-4-4-4 sinnum.
JAFNFRAMT þegar stykkið mælist 26-29-32-35-37-39 cm, byrjar úrtaka fyrir v-hálsmáli við miðju að framan – sjá ÚRTAKA-2. Fækkið um 1 lykkju fyrir v-hálsmáli í annarri hverri umferð (þ.e.a.s. í hverri umferð frá réttu) alls 9-9-9-9-10-10 sinnum og síðan í 4. hverri umferð (þ.e.a.s. í annarri hverri umferð frá réttu) alls 1-1-2-2-2-2 sinnum.
Eftir allar úrtökur fyrir handveg og hálsmáli eru 12-15-16-17-17-19 lykkjur eftir á öxl. Prjónið áfram þar til stykkið mælist 40-44-48-52-55-58 cm. Fellið af.

HÆGRA FRAMSTYKKI:
Setjið 29-30-32-34-35-37 lykkjur af þræði / hjálparprjóni í annarri hlið á stykki á hringprjón 5.
Prjónið sléttprjón fram og til baka með 1 kantlykkju í garðaprjóni við miðju að framan og fellið af fyrir handveg í byrjun á hverri umferð frá réttu þannig: Fellið af 2 lykkjur 2-1-1-1-1-1 sinnum og 1 lykkju 3-3-3-4-4-4 sinnum.
JAFNFRAMT þegar stykkið mælist 26-29-32-35-37-39 cm, byrjar úrtaka fyrir v-hálsmáli við miðju að framan – sjá ÚRTAKA-2. Fækkið um 1 lykkju fyrir v-hálsmáli í annarri hverri umferð (þ.e.a.s. í hverri umferð frá réttu) alls alls 9-9-9-9-10-10 sinnum og síðan í 4. hverri umferð (þ.e.a.s. í annarri hverri umferð frá réttu) alls 1-1-2-2-2-2 sinnum.
Eftir allar úrtökur fyrir handveg og hálsmáli eru 12-15-16-17-17-19 lykkjur eftir á öxl. Prjónið áfram þar til stykkið mælist 40-44-48-52-55-58 cm. Fellið af.

BAKSTYKKI:
Prjónið þær 56-58-62-66-68-72 lykkjur af þræði / hjálparprjóni á hringprjón 5. Prjónið sléttprjón fram og til baka og fellið af fyrir handveg í byrjun á hverri umferð í hvorri hlið þannig: Fellið af 2 lykkjur 2-1-1-1-1-1 sinnum og 1 lykkju 3-3-3-4-4-4 sinnum = 42-48-52-54-56-60 lykkjur.
Prjónið sléttprjón. Þegar stykkið mælist 38-42-46-50-53-56 cm, fellið af miðju 16-16-18-18-20-20 lykkjurnar af fyrir hálsmáli og hvor öxl er prjónuð til loka fyrir sig. Prjónið áfram og fellið af 1 lykkju í næstu umferð frá hálsi = 12-15-16-17-17-19 lykkjur. Prjónið þar til stykkið mælist 40-44-48-52-55-58 cm. Fellið af. Prjónið hina öxlina alveg eins.

FRÁGANGUR:
Saumið axlasauma.

KANTUR Í HANDVEGI:
Byrjið frá réttu, í botninum á öðrum handveginum og prjónið upp lykkjur innan við 1 kantlykkju ca 64-68-72-76-80-84 lykkjur í kringum handveg á sokkaprjóna eða stuttan hringprjón 4 með DROPS Air – lykkjufjöldinn verður að vera deilanlegur með 4.
Prjónið stroff hringinn (= 2 lykkjur slétt, 2 lykkjur brugðið) í 2-2-2-3-3-3 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – sjá AFFELLING. Prjónið alveg eins í kringum hinn handveginn.

HÆGRI KANTUR AÐ FRAMAN OG KANTUR Í HÁLSMÁLI:
Byrjið frá réttu neðst á hægra framstykki og prjónið upp lykkjur innan við 1 kantlykkju ca 79-87-91-99-107-111 lykkjur meðfram öllu framstykkinu og kanti í hálsi að miðju aftan í hnakka á hringprjón 4 með DROPS Air – lykkjufjöldinn á að vera deilanlegur með 4 + 3. Það er mikilvægt að stroffið verði ekki of laust með of margar lykkjur, en heldur ekki of stíft með of fáar lykkjur.
Fyrsta umferð er prjónuð frá röngu þannig (þ.e.a.s. frá miðju að aftan): 1 kantlykkja í garðaprjóni, 1 lykkja brugðið, * 2 lykkjur slétt, 2 lykkjur brugðið *, prjónið frá *-* þar til 1 lykkja er eftir og endið með 1 kantlykkju í garðaprjóni. Haldið svona áfram með stroff fram og til baka. Þegar kanturinn mælist 1-1-1-1½-1½-1½ cm, fellið af fyrir 4-4-4-5-5-5 hnappagötum jafnt yfir. Fellt er af fyrir hverju hnappagati í brugðinni einingu (séð frá réttu) með því að slá 1 sinni uppá prjóninn og síðan að prjóna 2 lykkjur brugðið saman.
Efsta hnappagatið á að vera staðsett ca 1 cm fyrir neðan þar sem úrtaka fyrir v-hálsmáli byrjaði og neðsta hnappagatið á að vera staðsett ca 5 cm frá neðri kanti.
Haldið áfram með stroff þar til kanturinn mælist ca 3 cm. Fellið af með garðaprjóni yfir garðaprjón, sléttum lykkjum yfir sléttar lykkjur og brugðnum lykkjum yfir brugðnar lykkjur – munið eftir AFFELLING.

VINSTRI KANTUR AÐ FRAMAN OG KANTUR Í HÁLSMÁLI:
Byrjið frá réttu mitt aftan í hnakka og prjónið upp lykkjur innan við 1 kantlykkju ca 79-87-91-99-107-111 lykkjur meðfram kanti í hálsi aftan í hnakka og niður meðfram öllu framstykkinu á hringprjón 4 með DROPS Air – lykkjufjöldinn á að vera deilanlegur með 4 + 3 – stilltu af að þú hafir jafn margar lykkjur á hægri og vinstri kanti að framan / kanti í hálsmáli.
Fyrsta umferð er prjónuð frá röngu þannig (þ.e.a.s. frá neðri kanti): 1 kantlykkja í garðaprjóni, * 2 lykkjur brugðið, 2 lykkjur slétt *, prjónið frá *-* þar til 2 lykkjur eru eftir, prjónið 1 lykkju brugðið og endið með 1 kantlykkju í garðaprjóni. Haldið svona áfram með stroff fram og til baka þar til kanturinn mælist ca 3 cm.
Fellið af með garðaprjóni yfir garðaprjón, sléttum lykkjum yfir sléttar lykkjur og brugðnum lykkjum yfir brugðnar lykkjur – munið eftir AFFELLING.

FRÁGANGUR:
Saumið tölur í vinstri kant að framan. Saumið kantinn í hálsi saman mitt aftan í hnakka.

Mynstur

diagram measurements

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS Children 40-25

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (3)

country flag Eugenia wrote:

Hola !!! Seguí las instrucciones muy cuidadosamente y el resultado fue un enorme pero enorme chaleco para mi nieto que solo tiene 3 años !!! Creo que a mí también me hubiera quedado grande. Hay alguna forma de obtener las instrucciones correctas ??? TIA

21.09.2023 - 21:32

DROPS Design answered:

Hola Eugenia, las instrucciones son correctas. En el esquema de medidas, bajo las instrucciones del patrón, puedes ver las medidas de las diferentes partes de la labor en cm. Si las medidas no coinciden con tu prenda, comprueba que hayas mantenido la tensión del tejido indicada a lo largo de la labor. Si tienes dudas en una sección concreta, puedes indicárnoslo aquí y trataremos de solucionar tus dudas.

24.09.2023 - 20:36

country flag Francesca wrote:

Sinistro essendo speculare come devo fare ? Invece di intrecciare faccio una diminuzione a fine giro invece che all inizio? Non so se mi sono spiegata . Grazie mille

10.10.2022 - 16:31

DROPS Design answered:

Buonasera Francesca, a quale parte del modello sta facendo riferimento? Buon lavoro!

10.10.2022 - 19:10

country flag Anja Adams wrote:

Ik begrijp niet hoe ik dit moet afkanten: “ kant af voor het armsgat op het begin van elke naald vanaf de zijkant als volgt: 2-1-1-1-1-1 keer 2 steken en 3-3-3-4-4-4 keer 1 steek.” En deze: “ Minder 1 steek op iedere 2e naald (elke naald aan de goede kant) 9-9-9-9-10-10 keer, dan iedere 4e naald (iedere andere naald aan de goede kant) 1-1-2-2-2-2 keer.”

19.01.2022 - 22:41

DROPS Design answered:

Dag Anja,

De reeks getallen correspondeert met de maten, dus als je bijvoorbeeld maat s breit neem je het eerste getal. Je kant dan eerst 2 keer 2 steken af aan elke kant van het armsgat. Dit is dus allemaal bij het armsgat. Daarnaast minder je tegelijkertijd steken voor de v-hals en dit doe je dus midden voor bij de hals. Bovenaan staat beschreven hoe je de minderingen precies maakt en in de beschrijving staat aangegeven hoeveel minderingen je moet maken voor elke maat.

21.01.2022 - 08:50