Chocolate Moment |
|||||||
|
|
||||||
Prjónað vesti úr DROPS Puna. Stykkið er prjónað með köntum í stroffprjóni. Stærð S - XXXL.
DROPS 227-10 |
|||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. MYNSTUR: Sjá mynsturteikningu A.1. Mynsturteikning sýnir allar umferðir í mynstri séð frá réttu. ÚRTAKA-1 (jafnt yfir): Til þess að reikna út hvernig fækka eigi lykkjum jafnt í umferð, teljið fjölda lykkja í umferð (t.d. 103 lykkjur), mínus kantlykkjur að framan (t.d. 2 lykkjur) og deilið þeim lykkjum sem eftir eru með fjölda úrtöku sem á að gera (t.d. 17) = 5,9. Í þessu dæmi er lykkjum fækkað með því að prjóna ca 5. og 6. hverja lykkju slétt saman og ekki er fækkað yfir kantlykkjur. ÚRTAKA-2 (á við um úrtöku fyrir handveg): Öll úrtaka er gerð frá réttu! Fækkið lykkjum í byrjun á umferð þannig: Prjónið fyrstu 11 lykkjur eins og áður, lyftið 1 lykkju af prjóni eins og prjóna eigi slétt, 1 lykkja slétt, steypið lyftu lykkjunni yfir lykkjuna sem var prjónuð (= 1 lykkja færri). Fækkið lykkjum í lok umferðar þannig: Prjónið þar til 13 lykkjur eru eftir í umferð, prjónið 2 lykkjur slétt saman, prjónið út umferðina eins og áður (= 1 lykkja færri). ÚRTAKA-3 (á við um úrtöku fyrir hálsmáli): Öll úrtaka er gerð frá réttu! Fækkið lykkjum á eftir hálsmáli þannig: Prjónið 1 kantlykkju í garðaprjóni, prjónið 2 lykkjur sléttprjón, lyftið 1 lykkju af prjóni eins og prjóna eigi slétt, 1 lykkja slétt, steypið lyftu lykkjunni yfir lykkjuna sem var prjónuð (= 1 lykkja færri). Fækkið lykkjum á undan hálsmáli þannig: Prjónið þar til 5 lykkjur eru eftir í umferð, prjónið 2 lykkjur slétt saman, prjónið út umferðina eins og áður (= 1 lykkja færri). HNAPPAGAT: Fellið af fyrir 4 hnappagötum í hægri kanti að framan. Fellt er af fyrir fimmta hnappagatinu í kanti í hálsmáli. 1 hnappagat = prjónið 2 lykkjur saman og sláið 1 sinni uppá prjóninn. Í næstu umferð er uppslátturinn í mynstri prjónaður þannig að það myndist gat. Neðsta hnappagatið er staðsett ca 3-5 cm frá neðri kanti og efsta hnappagatið í kanti að framan ca 5-7 cm frá toppi. Þau 2 hnappagöt sem eftir eru, eru staðsett jafnt yfir með ca 7 til 8 cm millibili. AFFELLING: Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá 1 sinni uppá prjóninn á eftir ca 4. hverja lykkju jafnframt því sem fellt er af (uppslátturinn er felldur af eins og venjuleg lykkja). ------------------------------------------------------- BYRJIÐ Á STYKKI HÉR: ------------------------------------------------------- VESTI - STUTT ÚTSKÝRING Á STYKKI: Stykkið er prjónað fram og til baka í stykkjum og saumað saman í lokin. Að lokum eru lykkjur prjónaðar upp fyrir kant að framan og í hálsmáli. BAKSTYKKI: Fitjið upp 103-113-121-133-149-163 lykkjur (meðtalin 1 kantlykkja í hvorri hlið á stykki) á hringprjón 3,5 með DROPS Puna. Prjónið 1 umferð brugðið frá röngu. Prjónið síðan stroff frá réttu þannig: Prjónið 1 kantlykkju í GARÐAPRJÓN – sjá útskýringu að ofan, A.1 þar til 2 lykkjur eru eftir, prjónið fyrstu lykkju í A.1 (þetta er gert til að mynstrið verði alveg eins í báðum hliðum) og endið með 1 kantlykkju í garðaprjóni. Haldið svona áfram fram og til baka þar til stroffið mælist 5 cm – stillið af að næsta umferð sé prjónuð frá réttu. Prjónið 1 umferð slétt frá réttu þar sem fækkað er um 17-19-19-21-25-27 lykkjur jafnt yfir – sjá ÚRTAKA-1= 86-94-102-112-124-136 lykkjur. Skiptið yfir á hringprjón 4,5. Prjónið 1 umferð brugðið frá röngu. Prjónið nú sléttprjón með 1 kantlykkju í garðaprjóni í hvorri hlið. ATHUGIÐ PRJÓNFESTUNA! Þegar stykkið mælist 22-23-24-25-26-27 cm, prjónið nú mynstur þannig (frá réttu): Prjónið 1 kantlykkju í garðaprjóni, A.1 yfir næstu 12-12-12-14-16-18 lykkjur, prjónið sléttprjón þar til eftir eru 13-13-13-15-17-19 lykkjur, 1 lykkja brugðið, A.1 yfir næstu 11-11-11-13-15-17 lykkjur og endið með 1 kantlykkju í garðaprjóni. Haldið svona áfram fram og til baka. Þegar stykkið mælist 25-26-27-28-29-30 cm (stroffið í hvorri hlið mælist ca 3 cm – stillið af að næsta umferð sé prjónuð frá réttu), prjónið þannig: Fellið af fyrstu 4-4-4-6-8-10 lykkjur í byrjun á 2 næstu umferðum fyrir handveg (fellið af með sléttum lykkjum) = 78-86-94-100-108-116 lykkjur. Næsta umferð frá réttu er prjónuð þannig: Prjónið 1 kantlykkju í garðaprjóni, mynstur eins og áður yfir næstu 8 lykkjur, sléttprjón þar til 9 lykkjur eru eftir, mynstur eins og áður yfir næstu 8 lykkjur og endið með 1 kantlykkju í garðaprjóni. Haldið svona áfram með mynstur. Í næstu umferð frá réttu er fækkað um 1 lykkju í hvorri hlið á stykki fyrir handveg – sjá ÚRTAKA-2! Fækkið lykkjum svona í hverri umferð frá réttu alls 1-3-5-6-8-10 sinnum = 76-80-84-88-92-96 lykkjur. Prjónið mynstur eins og áður. Þegar stykkið mælist 46-48-50-52-54-56 cm, fellið af miðju 36-36-40-40-44-44 lykkjur fyrir hálsmáli og hvor öxl (= 20-22-22-24-24-26 lykkjur) er prjónuð til loka fyrir sig. Í næstu umferð frá réttu er fækkað um 1 lykkju fyrir hálsmáli – sjá ÚRTAKA-3! Fækkið lykkjum svona í hverri umferð frá réttu alls 2 sinnum = 18-20-20-22-22-24 lykkjur eftir á öxl. Prjónið mynstur og sléttprjón þar til stykkið mælist 50-52-54-56-58-60 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Prjónið hina öxlina á sama hátt. HÆGRA FRAMSTYKKI: Fitjið upp 53-59-63-69-75-83 lykkjur (meðtalin 1 kantlykkja í hvorri hlið á stykki) á hringprjón 3,5 með DROPS Puna. Prjónið 1 umferð brugðið frá röngu. Prjónið síðan stroff frá réttu þannig: Prjónið 1 kantlykkju í garðaprjón, A.1 þar til 2 lykkjur eru eftir, prjónið fyrstu lykkju í A.1 (þetta er gert til að mynstrið verði alveg eins í báðum hliðum) og endið með 1 kantlykkju í garðaprjóni. Haldið svona áfram fram og til baka þar til stroffið mælist 5 cm – stillið af að næsta umferð sé prjónuð frá réttu. Prjónið 1 umferð slétt frá réttu þar sem fækkað er um 9-11-11-12-12-14 lykkjur jafnt yfir = 44-48-52-57-63-69 lykkjur. Skiptið yfir á hringprjón 4,5. Prjónið 1 umferð brugðið frá röngu. Prjónið nú sléttprjón með 1 kantlykkju í garðaprjóni í hvorri hlið. Þegar stykkið mælist 22-23-24-25-26-27 cm, prjónið nú mynstur þannig (frá réttu): Prjónið 1 kantlykkju í garðaprjóni, sléttprjón þar til eftir eru 13-13-13-15-17-19 lykkjur, 1 lykkja brugðið, A.1 yfir næstu 11-11-11-13-15-17 lykkjur og endið með 1 kantlykkju í garðaprjóni. Haldið svona áfram fram og til baka. Þegar stykkið mælist 25-26-27-28-29-30 cm (stroffið í hvorri hlið mælist ca 3 cm, fellið af 4-4-4-6-8-10 lykkjur fyrir handveg í næstu umferð frá hlið (þ.e.a.s. frá röngu – fellið af með sléttar lykkjur) = 40-44-48-51-55-59 lykkjur. Haldið svona áfram með mynstur. Í næstu umferð frá réttu er fækkað um 1 lykkju í lok umferðar fyrir handveg – munið eftir ÚRTAKA-2! Fækkið lykkjum svona í hverri umferð frá réttu alls 1-3-5-6-8-10 sinnum = 39-41-43-45-47-49 lykkjur. Prjónið mynstur eins og áður. Þegar stykkið mælist 30-32-32-34-34-36 cm, fellið af fyrstu 10-10-11-11-13-13 lykkjur fyrir hálsmáli í næstu umferð frá réttu = 29-31-32-34-34-36 lykkjur eftir. Í næstu umferð frá réttu er fækkað um 1 lykkju fyrir hálsmáli – munið eftir ÚRTAKA-3! Fækkið lykkjum svona í hverri umferð frá réttu alls 11-11-12-12-12-12 sinnum = 18-20-20-22-22-24 lykkjur eftir á öxl. Prjónið mynstur og sléttprjón þar til stykkið mælist 50-52-54-56-58-60 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. VINSTRA FRAMSTYKKI: Fitjið upp og prjónið á sama hátt og hægra framstykki þar til stykkið mælist 22-23-24-25-26-27 cm. Prjóni nú mynstur þannig (frá réttu): Prjónið 1 kantlykkju í garðaprjóni, A.1 yfir næstu 12-12-12-14-16-18 lykkjur, prjónið sléttprjón þar til 1 lykkja er eftir og endið með 1 kantlykkju í garðaprjóni við miðju að framan. Haldið svona áfram fram og til baka. Þegar stykkið mælist 25-26-27-28-29-30 cm (stroffið mælist ca 3 cm), fellið af 4-4-4-6-8-10 lykkjur í næstu umferð frá hlið (þ.e.a.s. frá réttu – fellið af með sléttum lykkjum) = 40-44-48-51-55-59 lykkjur. Haldið svona áfram með mynstur. Í næstu umferð frá réttu er fækkað um 1 lykkju í byrjun á umferð fyrir handveg – munið eftir ÚRTAKA-2! Fækkið lykkjum svona í hverri umferð frá réttu alls 1-3-5-6-8-10 sinnum = 39-41-43-45-47-49 lykkjur. Prjóni mynstur eins og áður. Þegar stykkið mælist 30-32-32-34-34-36 cm, fellið af fyrstu 10-10-11-11-13-13 lykkjur af fyrir hálsmáli í næstu umferð frá röngu = 29-31-32-34-34-36 lykkjur eftir. Í næstu umferð frá réttu er fækka um 1 lykkju fyrir hálsmáli – munið eftir ÚRTAKA-3! Fækkið lykkjum svona í hverri umferð frá réttu alls 11-11-12-12-12-12 sinnum = 18-20-20-22-22-24 lykkjur eftir á öxl. Prjónið mynstur og sléttprjón þar til stykkið mælist 50-52-54-56-58-60 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. FRÁGANGUR: Saumið axlasauma innan við affellingarkantinn. Saumið hliðarsauma innan við 1 kantlykkju í hvorri hlið. HÆGRI KANTUR AÐ FRAMAN: Byrjið frá réttu neðst á hægra framstykki og prjónið upp innan við 1 kantlykkju ca 74 til 90 lykkjur á hringprjón 3,5 með DROPS Puna. Stillið af að lykkjufjöldinn sé deilanlegur með 2. Prjónið fyrstu umferð frá röngu þannig: Prjónið 1 kantlykkju í garðaprjóni, * 1 lykkja slétt, 1 lykkja snúin brugðið *, prjónið frá *-* þar til 1 lykkja er eftir og endið með 1 kantlykkju í garðaprjóni. Prjónið síðan A.1 með 1 kantlykkju í garðaprjóni í hvorri hlið. Þegar kanturinn að framan mælist ca 2 cm er fellt af fyrir HNAPPAGAT – sjá útskýringu að ofan. Haldið áfram fram og til baka í mynstri þar til kanturinn að framan mælist 4½ cm. Fellið af með snúnar lykkjur slétt yfir snúnar lykkjur slétt og brugðnum lykkjum yfir brugðnar lykkjur – sjá AFFELLING. VINSTRI KANTUR AÐ FRAMAN: Byrjið frá réttu efst þar sem lykkjur voru felldar af fyrir hálsmái og prjónið upp jafn margar lykkjur og prjónaðar voru upp í hægri kanti að framan á hringprjón 3,5 með DROPS Puna. Prjónið fyrstu umferð frá röngu þannig: Prjónið 1 kantlykkju í garðaprjóni, * 1 lykkja snúin slétt, 1 lykkja slétt *, prjónið frá *-* þar til 1 lykkja er eftir og endið með 1 kantlykkju í garðaprjóni. Prjónið síðan næstu umferð frá réttu þannig: Prjónið 1 kantlykkju í garðaprjóni, 1 lykkja brugðið, A.1 þar til 2 lykkjur eru eftir, 1 lykkja snúin slétt og endið með 1 kantlykkju í garðaprjóni. Haldið svona áfram fram og til baka þar til kanturinn að framan mælist 4½ cm. Fellið af með snúnar lykkjur slétt yfir snúnar lykkjur slétt og brugðnum lykkjum yfir brugðnar lykkjur. Saumið tölur í. KANTUR Í HÁLSMÁLI: Byrjið frá réttu yst í hægri kanti að framan. Prjónið upp innan við 1 kantlykkju ca 145 til 181 lykkjur á hringprjón 3,5 með Puna. Stillið af að lykkjufjöldinn sé deilanlegur með 2 + 1 og að kanturinn dragist ekki saman / verði of laus miðað við hálsmál. Prjónið e.t.v. fleiri / færri lykkjur. Næsta umferð er frá röngu og er prjónuð þannig: Prjónið 1 kantlykkju í garðaprjóni, * 1 lykkja snúin brugðið, 1 lykkja slétt *, prjónið frá *-* þar til eftir eru 2 lykkjur, prjónið 1 lykkju snúna brugðið og endið með 1 kantlykkju í garðaprjóni. Prjónið síðan næstu umferð frá réttu þannig: Prjónið 1 kantlykkju í garðaprjóni, A.1 þar til 2 lykkjur eru eftir, prjónið fyrstu lykkjuna í A.1 (þetta er gert til að mynstrið verði eins í báðum hliðum) og endið með 1 kantlykkju í garðaprjóni. Haldið svona áfram með mynstur. Þegar kantur í hálsmáli mælist 2 cm er fellt af fyrir 1 hnappagati í næstu umferð frá réttu, með því að prjóna 8. og 9. lykkju slétt saman og sláið 1 sinni uppá prjóninn. Í næstu umferð er uppslátturinn prjónaður inn í mynstur og mynstrið er prjónað eins og áður þar til kanturinn í hálsmáli mælist 4½ cm. Fellið af með snúnar lykkjur slétt yfir snúnar lykkjur slétt og brugðnar lykkjur yfir brugðnar lykkjur. |
|||||||
Skýringar á teikningu |
|||||||
|
|||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (10)
Kristín Marín Siggeirsdóttir wrote:
Það væri gott ef myndirnar sýndu flíkina frá öllum hliðum - ég væri mjög til i að sjá hvernig bakið lítur út á þessu vesti.
04.04.2022 - 01:48Michèle PREVOST wrote:
Je propose Châtaigne douce
08.08.2021 - 02:33Birgitta wrote:
Snyggt med rund halsringning på en enkel väst
05.08.2021 - 17:02Janice Walsh wrote:
Name suggestion: Just Right (because it actually fits the model).
04.08.2021 - 16:02Eliza wrote:
Jest prześliczna chciałabym taką kiedyś wydziergać. Piękny dekold.
04.08.2021 - 15:24Erika Green wrote:
I love this pattern and would live to knit it, but cannot find the actual pattern anywhere ! Can you help?
04.08.2021 - 12:59MARCHAND wrote:
J'aime le style apporté par ce petit gilet .
04.08.2021 - 09:53Hanne Damm wrote:
Sehr stylisch
03.08.2021 - 22:21Teresa wrote:
Me encanta, si no es muy difícil lo haré
03.08.2021 - 21:11Shannon Oxley wrote:
Neverending Story
03.08.2021 - 18:44