DROPS Merino Extra Fine
DROPS Merino Extra Fine
100% Ull
frá 924.00 kr /50g
Þú færð garn sem þarf í að gera þetta mynstur frá 11088.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

Bright Sand Shore Cardigan

Prjónuð peysa úr DROPS Merino Extra Fine. Stykkið er prjónað með köðlum, kúlum og ¾-löngum ermum. Stærð S - XXXL.

DROPS 222-19
DROPS Design: Mynstur me-224
Garnflokkur B
-------------------------------------------------------

STÆRÐ:
S - M - L - XL - XXL - XXXL

EFNI:
DROPS MERINO EXTRA FINE frá Garnstudio (tilheyrir garnflokki B)
600-700-750-800-900-1000 g litur 01, natur

PRJÓNFESTA:
21 lykkja á breidd og 28 umferðir á hæð með sléttprjóni = 10 x 10 cm.

PRJÓNAR:
DROPS HRINGPRJÓNN NR 4: lengd 80 cm fyrir sléttprjón.
DROPS HRINGPRJÓNN NR 3,5: lengd 80 cm fyrir stroff.
DROPS KAÐLAPRJÓNN– fyrir kaðla.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

DROPS TALA, Marble NR 629: 7 stykki í allar stærðir.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Merino Extra Fine
DROPS Merino Extra Fine
100% Ull
frá 924.00 kr /50g
Þú færð garn sem þarf í að gera þetta mynstur frá 11088.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

MYNSTUR:
Sjá mynsturteikningu A.1 til A.6. Veldu mynsturteikningu fyrir þína stærð.
Mynsturteikning sýnir allar umferðir í mynstri séð frá réttu.

ÚTAUKNING-1 (jafnt yfir):
Til þess að reikna út hvernig auka eigi jafnt út, teljið fjölda lykkja í umferð (t.d. 220 lykkjur), mínus kanta að framan (t.d. 10 lykkjur) og deilið þeim lykkjum sem eftir eru með fjölda útaukninga sem á að gera (t.d. 3) = 70.
Í þessu dæmi er aukið út með því að slá 1 sinni uppá prjóninn á eftir 70. hverja lykkju – ekki er aukið út yfir kanta að framan. Í næstu umferð er uppslátturinn prjónaður snúinn, svo ekki myndist gat.
ÚTAUKNING-2 (á við um ermar):
Lykkjum er aukið út með því að slá einu sinni uppá prjóninn innan við 1 kantlykkju í hvorri hlið. Í næstu umferð er uppslátturinn prjónaður snúinn, svo ekki myndist gat. Útauknar lykkjur eru prjónaðar jafnóðum inn í A.2.

HNAPPAGAT:
Fellið af fyrir hnappagötum í hægri kanti að framan. 1 HNAPPAGAT = prjónið þriðju og fjórðu lykkju frá kanti slétt saman og sláið 1 sinni uppá prjóninn. Í næstu umferð er uppslátturinn prjónaður slétt, svo það myndist gat.
Fellið af fyrir hnappagötum þegar stykkið mælist (fellt er af fyrir síðasta hnappagatinu í kanti í hálsmáli):
S: 3, 10, 17, 24, 31, 39 og 47 cm
M: 3, 10, 17, 25, 33, 41 og 49 cm
L: 3, 11, 19, 27, 35, 43 og 51 cm
XL: 3, 11, 19, 27, 36, 44 og 53 cm
XXL: 3, 11, 19, 28, 37, 46 og 55 cm
XXXL: 3, 12, 21, 30, 39, 48 og 57 cm

------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Stykkið er prjónað fram og til baka frá miðju að framan, neðan frá og upp að handveg. Síðan er framstykkið og bakstykkið prjónað fram og til baka á hringprjóna, hvort fyrir sig til loka. Ermar eru prjónaðar fram og til baka á hringprjóna, neðan frá og upp. Stykkið er saumað saman eins og útskýrt er í uppskrift. Að lokum er prjónaður kantur í hálsmáli.

FRAM- OG BAKSTYKKI:
Fitjið upp 220-240-260-280-304-332 lykkjur (meðtaldar 5 kantlykkjur að framan við miðju að framan) á hringprjóna 3,5 með Merino Extra Fine. Prjónið 1 umferð brugðið frá röngu. Prjónið síðan stroff þannig – frá réttu: 5 kantlykkjur að framan í GARÐAPRJÓN – sjá útskýringu að ofan, * 2 lykkjur slétt, 2 lykkjur brugðið *, prjónið frá *-* þar til 7 lykkjur eru eftir, prjónið 2 lykkjur slétt og 5 kantlykkjur að framan í garðaprjóni. Fellt er af fyrir HNAPPAGAT í hægri kanti að framan – sjá útskýringu að ofan. Haldið svona áfram þar til stroffið mælist 6 cm. Skiptið yfir á hringprjón 4 og prjónið 1 umferð brugðið frá röngu þar sem aukið er út um 3 lykkjur jafnt yfir – sjá ÚTAUKNING-1 = 223-243-263-283-307-335 lykkjur.
Næsta umferð er prjónuð þannig – frá réttu:
Prjónið 5 kantlykkjur að framan í garðaprjóni, A.1 (= 41-48-48-48-48-48 lykkjur), A.2 yfir næstu 22-16-26-36-48-62 lykkjur, A.3 (= 43-52-52-52-52-52 lykkjur), A.4 (= 44-53-53-53-53-53 lykkjur), A.2 yfir næstu 22-16-26-36-48-62 lykkjur, A.5 (= 41-48-48-48-48-48 lykkjur), endið með 5 kantlykkjum að framan í garðaprjóni.
Haldið svona áfram með þetta mynstur. ATHUGIÐ PRJÓNFESTUNA! Þegar stykkið mælist 32-33-34-35-36-37 cm, fellið af fyrir handveg, þ.e.a.s. prjónið næstu umferð frá réttu þannig: Prjónið fyrstu 54-58-63-68-74-81 lykkjur í umferð (= hægra framstykki), fellið af næstu 6 lykkjur fyrir handveg, prjónið næstu 103-115-125-135-147-161 lykkjur (= bakstykki), fellið af næstu 6 lykkjur fyrir handveg, prjónið síðustu 54-58-63-68-74-81 lykkjur í umferð (= vinstra framstykki).

HÆGRA FRAMSTYKKI (þegar flíkin er mátuð):
= 54-58-63-68-74-81 lykkjur. Haldið áfram með 5 kantlykkjur að framan í garðaprjóni og mynstri eins og áður og haldið áfram með úrtöku fyrir handveg í hlið þannig: Fellið af 2 lykkjur 1-1-2-3-5-7 sinnum og 1 lykkju 0-2-3-4-4-5 sinnum = 52-54-56-58-60-62 lykkjur. Prjónið áfram þar til stykkið mælist 46-48-50-52-54-56 cm. Í næstu umferð frá réttu eru fyrstu 20-19-20-21-23-23 lykkjur (við miðju að framan) settar á þráð fyrir hálsmáli. Til að sleppa við að þurfa að klippa þráðinn frá sem prjónað er með, prjónið lykkjurnar áður en þær eru settar á þráðinn, fækkið að auki um 2 lykkjur jafnt yfir fyrsta kaðal í A.1 = 18-17-18-19-21-21 lykkjur á þræði.
Fellið síðan af fyrir hálsmáli í byrjun á hverri umferð frá hálsmáli þannig: Fellið af 2 lykkjur 1 sinni og 1 lykkju 2 sinnum = 28-31-32-33-33-35 lykkjur eftir á öxl. Prjónið áfram þar til stykkið mælist 51-53-55-57-59-61 cm, fækkið um 2 lykkjur jafnt yfir hvern og einn af 1-2-2-2-2-2 síðustu köðlum = 26-27-28-29-29-31 lykkjur, fellið af þegar stykkið mælist 52-54-56-58-60-62 cm.

VINSTRA FRAMSTYKKI (þegar flíkin er mátuð):
= 54-58-83-68-74-81 lykkjur. Haldið áfram með 5 kantlykkjur að framan í garðaprjóni og mynstri eins og áður og haldið áfram með úrtöku fyrir handveg í hlið þannig: Fellið af 2 lykkjur 1-1-2-3-5-7 sinnum og 1 lykkju 0-2-3-4-4-5 sinnum = 52-54-56-58-60-62 lykkjur. Prjónið áfram þar til stykkið mælist 46-48-50-52-54-56 cm. Í næstu umferð frá röngu eru fyrstu 20-19-20-21-23-23 lykkjur (við miðju að framan) settar á þráð fyrir hálsmáli. Til að sleppa við að þurfa að klippa þráðinn frá sem prjónað er með, prjónið lykkjurnar áður en þær eru settar á þráðinn, fækkið að auki um 2 lykkjur jafnt yfir fyrsta kaðal í A.5 = 18-17-18-19-21-21 lykkjur á þræði.
Fellið síðan af fyrir hálsmáli í byrjun á hverri umferð frá hálsmáli þannig: Fellið af 2 lykkjur 1 sinni og 1 lykkju 2 sinnum = 28-31-32-33-33-35 lykkjur eftir á öxl. Prjónið áfram þar til stykkið mælist 51-53-55-57-59-61 cm, fækkið um 2 lykkjur jafnt yfir hvern og einn af 1-2-2-2-2-2 síðustu köðlum = 26-27-28-29-29-31 lykkjur, fellið af þegar stykkið mælist 52-54-56-58-60-62 cm.

BAKSTYKKI:
= 103-115-125-135-147-161 lykkjur. Haldið áfram með mynstur eins og áður og haldið áfram með úrtöku í hvorri hlið fyrir handveg þannig: Fellið af 2 lykkjur 1-1-2-3-5-7 sinnum og 1 lykkju 0-2-3-4-4-5 sinnum = 99-107-111-115-119-123 lykkjur í umferð. Haldið áfram með mynstur eins og áður. Þegar stykkið mælist 50-52-54-56-58-60 cm, fellið af miðju 37-39-41-43-47-47 lykkjur fyrir hálsmáli, hvor öxl er nú prjónuð til loka fyrir sig. Í næstu umferð er felld af 1 lykkja = 30-33-34-35-35-37 lykkjur eftir á öxl. Prjónið áfram þar til stykkið mælist 51-53-55-57-59-61 cm, fækkið um 2 lykkjur jafnt yfir hvern og einn af 2-3-3-3-3-3 síðustu köðlum = 26-27-28-29-29-31 lykkju, fellið af þegar stykkið mælist 52-54-56-58-60-62 cm. Prjónið hina öxlina á sama hátt.

ERMI:
Fitjið upp 58-58-62-62-66-66 lykkjur á hringprjón 3,5 með Merino Extra Fine. Prjónið 1 umferð brugðið frá röngu, prjónið síðan þannig – frá réttu: 1 kantlykkja í garðaprjóni, stroffprjón (= 2 lykkjur slétt, 2 lykkjur brugðið) þar til 1 lykkja er eftir, prjónið 1 kantlykkju í garðaprjóni.
Haldið áfram í stroffprjóni þar til stykkið mælist 6 cm, prjónið 1 umferð brugðið frá röngu þar sem auknar eru út 9 lykkjur jafnt yfir – munið eftir ÚTAUKNING-1 = 67-67-71-71-75-75 lykkjur. Skiptið yfir á hringprjón 4. Prjónið síðan mynstur frá réttu þannig: 1 kantlykkja garðaprjón, A.2 yfir næstu 22-22-24-24-26-26 lykkjur, A.6 (= 21 lykkja), A.2 yfir næstu 22-22-24-24-26-26 lykkjur, 1 kantlykkja garðaprjón. Haldið svona áfram fram og til baka. Þegar stykkið mælist 8 cm aukið út um 1 lykkju innan við 1 kantlykkju garðaprjón í hvorri hlið – sjá ÚTAUKNING-2. Aukið svona út með 7-4-4½-2½-2-1½ cm millibili 5-8-7-11-12-15 sinnum = 77-83-85-93-99-105 lykkjur. Haldið áfram með mynstur þar til stykkið mælist 39-39-38-37-36-35 cm. Fellið nú af fyrir ermakúpu í byrjun á hverri umferð í hvorri hlið þannig: Felllið af 3 lykkjur 1 sinni, 2 lykkjur 4 sinnum, 1 lykkju 1-1-3-4-4-6 sinnum, síðan eru felldar af 2 lykkjur í hvorri hlið þar til stykkið mælist 46 cm í öllum stærðum. Fellið af 3 lykkjur í hvorri hlið. Fellið af þær lykkjur sem eftir eru.
Ermin mælist 47 cm í öllum stærðum. Prjónið hina ermina á sama hátt.

FRÁGANGUR:
Saumið axlasauma með lykkjuspori. Saumið ermar í við fram- og bakstykki. Saumið saum undir ermum. Endurtakið í hinni hliðinni. Saumið tölur í vinstri kant að framan.

KANTUR Í HÁLSMÁLI:
Prjónið upp frá réttu ca 84 til 120 lykkjur í kringum hálsmál (meðtaldar lykkjur á þráðum að framan og lykkjufjöldinn á að vera deilanlegur með 4) á hringprjón 3,5 með Merino Extra Fine. Prjónið 1 umferð brugðið frá röngu (með 5 kantlykkjum að framan í garðaprjóni í hvorri hlið). Prjónið síðan stroffprjón þannig: 5 kantlykkjur að framan í garðaprjóni, * 2 lykkjur slétt, 2 lykkjur brugðið *, prjónið frá *-* þar til 7 lykkjur eru eftir, prjónið 2 lykkjur slétt og 5 kantlykkjur að framan í garðaprjóni. Haldið áfram í stroffprjóni eins og áður þar til stroffið mælist 3 cm, JAFNFRAMT þegar stroffið mælist ca 1 cm er fellt af fyrir síðasta hnappagatinu. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur.

Mynstur

symbols = slétt lykkja frá réttu, brugðin lykkja frá röngu
symbols = brugðin lykkja frá réttu, slétt lykkja frá röngu

symbols = setjið 3 lykkjur á kaðlaprjón framan við stykkið, prjónið 3 lykkjur slétt, prjónið 3 lykkjur slétt af kaðlaprjóni
symbols = setjið 3 lykkjur á kaðlaprjón aftan við stykkið, prjónið 3 lykkjur slétt, prjónið 3 lykkjur slétt af kaðlaprjóni
symbols = Kúla: Prjónið 1 lykkju slétt, sláið 1 sinni uppá prjóninn, 1 lykkja slétt, sláið 1 sinni uppá prjóninn, 1 lykkja slétt í sömu lykkju (= 5 lykkjur), prjónið 3 umferðir sléttprjón yfir þessar lykkjur, í 4. umferð eru allar 5 lykkjurnar prjónaðar slétt saman = 1 lykkja á prjóni.
diagram
diagram
diagram
diagram
diagram
diagram
diagram
diagram
diagram
diagram

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS 222-19

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (12)

country flag Fontaine wrote:

Bonjour, pour la manche, le diagramme A6, la torsade du rang 4 se fait elle sur l’envers?J’ai un doute, elle se faisait sur l’endroit pour le pull.Merci

21.03.2024 - 14:18

DROPS Design answered:

Bonjour Mme Fontaine, vous avez raison, les torsades de A.6 doivent se faire sur l'endroit - commencez A.6 par le 2ème rang pour qu'il y ait 3 rangs avant les premières torsades (tant que le diagramme n'aura pas été corrigé). Merci pour votre retour. Bon tricot!

21.03.2024 - 16:00

country flag Wendy wrote:

Good day this is a beautiful piece, is there anywhere that I can get the pattern in PDF format please?

24.06.2023 - 10:06

DROPS Design answered:

Dear Wendy, you can click on the print option and, when it asks you to select the printer, you can choose to "Save as PDF". Happy knitting!

25.06.2023 - 13:45

country flag Anne Dubois wrote:

Pour l'arrondi de la manche, comment interpréter "rabattre 2 mailles de chaque côté jusqu'à ce que l'ouvrage mesure 46cm". Il me reste 6 rgs pour arriver à 46cm. Dois-je repartir ces 2m en 2x1m sur mes 6rgs restants ou dois-je rabattre en 1x2m au 5ème et 6ème rg ? Merci pour votre aide.

31.03.2023 - 12:27

DROPS Design answered:

Bonjour Mme Dubois, rabattez 2 mailles au début de chaque rang sur l'endroit puis au début du rang suivant sur l'envers et répétez ces 2 rangs jusqu'à ce que la manche mesure 46 cm; s'i vous reste encore 6 rangs, vous allez tricoter 3 fois ces 2 rangs au total. Bon tricot!

11.04.2023 - 09:58

country flag Lyne Roberts wrote:

What is the best cast on method for this pattern.

21.02.2023 - 03:35

DROPS Design answered:

Dear Mrs Roberts, there is no specific cast-on method required here, just use your usual technique, making sure it won't be too tight - find all our videos showing how to cast on stitches here. Happy knitting!

21.02.2023 - 10:12

country flag Lyne Roberts wrote:

What bust sizes are your patterns.Thankyou

12.02.2023 - 00:20

DROPS Design answered:

Dear Lyne, you can see the half-bust measurements of the garment in cm indicated in the schematic under the pattern instructions (41-43-45-47-49-51). Each number corresponds to a specific size: 41 is for the smallest size and 51 is for the largest size. Happy knitting!

12.02.2023 - 20:47

country flag Lyne Roberts wrote:

I wish to knit this pattern but there's no back photo.Does it include pattern?

06.02.2023 - 08:58

DROPS Design answered:

Dear Mrs Roberts, yes it does, you will work pattern A.3 and A.4 on back piece (with A.2 on each side of the jacket). Happy knitting!

06.02.2023 - 10:28

country flag Depaux wrote:

Bonjour Madame oui j'aie recommender les cotes avec les mailles qui sont indicer sur le patron je vous remercie pour les conseille que vous me donnée

08.12.2022 - 16:44

country flag Depaux wrote:

Bonjour madame j'aie bien reçu votre message et je vous remercie encore le modèle est bright sand shore cardigan je le tricote en bleu foncer j'aie du mal à comprendre les diagrammes du modèle après les cotes heureusement que je comment le modelé en gros plans du gilet en photo que je regarde en très gros plant Mercie pour votre conseille Mercie a vous madame depaux

06.12.2022 - 19:42

DROPS Design answered:

Bonjour Mme Despaux, lisez bien les diagrammes en commençant en bas à droite (1er rang = sur l'endroit) et de droite à gauche sur l'endroit puis de gauche à droite sur l'envers. Les 5 m de bordure devant de chaque côté sont comprises dans le nombre de mailles à monter et vous n'avez pas besoin de les ajouter. Les manches se tricotent dans un point de riz fantaisie (cf diagramme A.2). Bon tricot!

07.12.2022 - 08:07

country flag Gouince wrote:

Je ne comprends pas pour le diagramme j'aimerais faire taille moyen je ses pas où je doit regarder pour le diagramme et dommage que l'ont voie pas le dos merci beaucoup pour votre réponse

08.11.2022 - 14:39

DROPS Design answered:

Bonjour Mme Gouince, cette leçon explique comment lire les diagrammes et devrait vous aider - en même temps, suivez bien les explications écrites qui indiquent comment tricoter les diagrammes. Nous n'avons malheureusement pas de photos du dos et n'avons plus le pull, mais le motif va se trouver dans le dos également, tout comme indiqué dans les explications. Bon tricot!

08.11.2022 - 16:50

country flag Babsi wrote:

Bei den kraus rechts gestrickten Blenden: werden KEINE verkürzten Reihen gearbeitet? Ich frage wegen der Höhe...! Oder wird das durch die Zopfmuster nivelliert?

27.05.2021 - 18:12

DROPS Design answered:

Liebe Babsi, hier wird keine verkürzte Reihe gestrickt, sollten Sie einige wollen, dann können Sie gerne einige stricken. Beachten Sie, ob Ihnen die Höhe unterschiedlich sein und verkürtzen Reihen verlangt. Viel Spaß beim stricken!

28.05.2021 - 07:54