DROPS Karisma
DROPS Karisma
100% Ull
frá 616.00 kr /50g
DROPS Brushed Alpaca Silk
DROPS Brushed Alpaca Silk
77% Alpakka, 23% Silki
frá 836.00 kr /25g
Þú færð garn sem þarf í að gera þetta mynstur frá 2068.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

Warm Snuggles Kids

Prjónuð balaclava / húfa / lambhúshetta fyrir börn úr DROPS Karisma og DROPS Brushed Alpaca Silk. Stykkið er prjónað í sléttprjóni með kanti í stroffprjóni. Stærð 2 til 12 ára.

DROPS Children 37-27
DROPS Design: Mynstur as-003-bn
Garnflokkur B + C eða D
-------------------------------------------------------

STÆRÐ:
2 - 3/5 - 6/9 - 10/12 ára
Höfuðmál:
48/50 - 50/52 - 52/54 - 54/56 cm
Mál: Ummál að neðan eftir op: Ca 69-73-81-86 cm.
Hæð ofan frá og niður: Ca 37-40-43-46 cm.

EFNI:
DROPS KARISMA frá Garnstudio (tilheyrir garnflokki B)
100-100-100-150 g litur 77, ljós eik
Og notið:
DROPS BRUSHED ALPACA SILK frá Garnstudio (tilheyrir garnflokki C)
25-50-50-50 g litur 04, ljós beige

PRJÓNFESTA:
14 lykkjur á breidd og 20 umferðir á hæð með sléttprjóni = 10 x 10 cm.

PRJÓNAR:
DROPS HRINGPRJÓNAR NR 6: lengd 60 cm fyrir sléttprjón.
DROPS HRINGPRJÓNAR NR 5: lengd 60 cm eða 80 cm fyrir stroff neðst.
DROPS HRINGPRJÓNAR NR 4,5: lengd 40 cm fyrir stroff í kringum op að framan.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Karisma
DROPS Karisma
100% Ull
frá 616.00 kr /50g
DROPS Brushed Alpaca Silk
DROPS Brushed Alpaca Silk
77% Alpakka, 23% Silki
frá 836.00 kr /25g
Þú færð garn sem þarf í að gera þetta mynstur frá 2068.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

ÚRTAKA-1 (jafnt yfir):
Til þess að reikna út hvernig fækka eigi lykkjum jafnt í umferð, teljið fjölda lykkja í umferð (t.d. 55 lykkjur), mínus kantlykkjur (t.d. 4 lykkjur) og deilið þeim 51 lykkjum sem eftir eru með fjölda úrtöku sem á að gera (t.d. 7) = 7,3.
Í þessu dæmi er lykkjum fækkað með því að prjóna ca 6. og 7. hverja lykkju slétt saman.

ÚRTAKA-2:
Fækkið lykkjum á undan hverju prjónamerki þannig: Prjónið þar til 2 lykkjur eru eftir á undan prjónamerki, lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð (= 1 lykkja færri).
Fækkið lykkjum á eftir hverju prjónamerki þannig: Prjónið 2 lykkjur slétt saman (= 1 lykkja færri).

ÚRTAKA-3 (á við um í hvorri hlið við miðju að framan):
Fækkið lykkjum innan við ystu 4 lykkjurnar við miðju að framan. Öll úrtaka er gerð frá réttu!
FÆKKIÐ LYKKJUM Á EFTIR 4 LYKKJUR ÞANNIG:
Prjónið 4 fyrstu lykkjurnar eins og áður, lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð (= 1 lykkja færri).
FÆKKIÐ LYKKJUM Á UNDAN 4 LYKKJUR ÞANNIG:
Prjónið þar til 2 lykkjur eru eftir á undan 4 lykkjum, prjónið 2 lykkjur slétt saman, prjónið 4 síðustu lykkjurnar eins og áður (= 1 lykkja færri).

ÚTAUKNING-2 (á við um miðju aftan á húfu):
Aukið út um 1 lykkju hvoru megin við prjónamerki eins og útskýrt er að neðan. Öll útaukning er gerð frá réttu!
Prjónið þar til 2 lykkjur eru eftir á undan prjónamerki, sláið 1 sinni uppá prjóninn, prjónið 4 lykkjur sléttprjón (prjónamerkið situr á milli þessa 4 lykkja), sláið 1 sinni uppá prjóninn (= 2 lykkjur fleiri). Í næstu umferð (ranga) prjónið uppsláttinn snúinn brugðið, svo ekki myndist gat.

AFFELLING:
Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá einu sinni uppá prjóninn á eftir ca 4. hverja lykkju jafnframt því sem fellt er af (uppslátturinn er felldur af eins og venjuleg lykkja).

-------------------------------------------------------

BYRJIÐ Á STYKKI HÉR:

-------------------------------------------------------

LAMBHÚSHETTA - STUTT ÚTSKÝRING Á STYKKI:
Framstykki og bakstykki er prjónað fram og til baka á hringprjóna hvort fyrir sig, neðan frá og upp eftir klauf.
Síðan er stykkið sett saman og prjónað er áfram í hring á hringprjóna. Lykkjur eru felldar af fyrir háls, síðan er stykkið prjónað fram og til baka á hringprjóna til loka máls.
Húfan er saumuð saman í toppi. Að lokum er prjónaður kantur í stroffprjóni í kringum op að framan.

FRAMSTYKKI:
Fitjið upp 55-59-65-69 lykkjur á hringprjón 5 með 1 þræði Karisma og 1 þræði Brushed Alpaca Silk (= 2 þræðir).
Prjónið 1 umferð brugðið frá röngu. Næsta umferð er prjónuð frá réttu þannig: 2 kantlykkjur í GARÐAPRJÓN - sjá útskýringu að ofan, * 1 lykkja slétt, 1 lykkja brugðið *, prjónið frá *-* þar til 3 lykkjur eru eftir í umferð, prjónið 1 lykkju slétt og endið með 2 kantlykkjur í garðaprjóni. Prjónið alls 4 umferðir stroff.
Prjónið 1 umferð slétt frá réttu þar sem fækkað er um 7-8-8-9 lykkjur jafnt yfir – sjá ÚRTAKA-1 = 48-51-57-60 lykkjur. Skiptið yfir á hringprjón 6. Prjónið nú sléttprjón fram og til baka með 2 kantlykkjum í garðaprjóni í hvorri hlið þar til framstykkið mælist 3-4-5-5 cm. ATHUGIÐ PRJÓNFESTUNA!
Geymið stykkið og prjónið bakstykki eins og útskýrt er að neðan.

BAKSTYKKI:
Fitjið upp jafnmargar lykkjur og á framstykki og prjónið alveg eins og framstykkið (framstykkið og bakstykkið eru alveg eins). Setjið síðan stykkið saman fyrir háls eins og útskýrt er að neðan.

HÁLS:
Setjið framstykkið og bakstykkið á sama hringprjón 6 = 96-102-114-120 lykkjur. Prjónið 2 umferðir sléttprjón og prjónið jafnframt 2 umferðir garðaprjón yfir 4 lykkjur í klauf í hvorri hlið.
Setjið 6 prjónamerki í stykkið þannig: Setjið 1 prjónamerki í byrjun á umferð, þ.e.a.s. í skiptinguna á milli framstykki og bakstykki. Setjið síðan 5 næstu prjónamerki með 16-17-19-20 lykkja millibili.
Prjónið sléttprjón hringinn yfir allar lykkjur. JAFNFRAMT í fyrstu umferð er fækkað um 1 lykkju hvoru megin við 6 prjónamerkin – sjá ÚRTAKA-2 = 12 lykkjur færri. Fækkið lykkjum svona í 3. hverri umferð alls 3-4-4-4 sinnum á hæðina = 60-54-66-72 lykkjur eftir.
Prjónið 2 umferðir án úrtöku. Í næstu umferð er fækkað um 6-0-6-6 lykkjur með því að fækka um 1 lykkju á eftir hverju prjónamerki (á við um allar stærir nema 3/4 ára) = 54-54-60-66 lykkjur.
Prjónið sléttprjón þar til stykkið mælist 14-16-18-20 cm frá uppfitjunarkanti.
Í næstu umferð eru lykkjur felldar af fyrir op mitt að framan, þ.e.a.s. næsta umferð er prjónuð þannig: Prjónið 9-9-9-10 lykkjur sléttprjón, fellið af 10-10-12-14 lykkjur fyrir op í hálsi og prjónið sléttprjón út umferðina = 44-44-48-52 lykkjur í umferð.
Setjið 1 prjónamerki mitt í umferð (= mitt að aftan). Prjónið síðan húfuna eins og útskýrt er að neðan.

HÚFA:
Prjónið sléttprjón fram og til baka með 1 kantlykkju í garðaprjóni í hvorri hlið við miðju að framan.
JAFNFRAMT í næstu umferð frá réttu er lykkjum fækkað í hvorri hlið við miðju að framan og aukið er út við miðju að aftan eins og útskýrt er að neðan.

FÆKKIÐ LYKKJUM Í HVORRI HLIÐ VIÐ MIÐJU AÐ FRAMAN:
Fækkið um 1 lykkju í hvorri hlið við miðju að framan – sjá ÚRTAKA-3. Fækkið lykkjum svona í annarri hverri umferð (þ.e.a.s. í hverri umferð frá réttu) alls 3-3-4-5 sinnum í hvorri hlið.

ÚTAUKNING MITT AÐ AFTAN:
Aukið út um 1 lykkju hvoru megin við prjónamerki mitt að aftan – sjá ÚTAUKNING-2. Aukið svona út í annarri hverri umferð (þ.e.a.s. í hverri umferð frá réttu) alls 4-4-5-5 sinnum.
Eftir allar útaukningar og úrtöku eru 46-46-50-52 lykkjur í umferð.
Prjónið þar til stykkið mælist 23-24-25-26 cm frá prjónamerki mitt að aftan, þ.e.a.s. frá þar sem lykkjur voru felldar af við miðju að framan – eða prjónið að óskaðri lengd (þetta mál er hæðin á opi mitt að framan). Stykkið mælist ca 37-40-43-46 cm ofan frá og niður að uppfitjunarkanti. Fellið af með sléttum lykkjum frá réttu.

FRÁGANGUR:
Saumið húfuna saman í toppi innan við affellingarkant.

KANTUR Í KRINGUM OP AÐ FRAMAN:
Byrjið frá réttu neðst í opi að framan þar sem lykkjur voru felldar af og prjónið upp ca 84-90-94-100 lykkjur í kringum op að framan innan við 1 kantlykkju í garðaprjóni á stuttan hringprjón 4,5 með 1 þræði Karisma og 1 þræði Brushed Alpaca Silk (= 2 þræðir). Lykkjufjöldinn á að vera deilanlegur með 2.
Prjónið stroff hringinn (= 1 lykkja slétt, 1 lykkja brugðið) í 5-6-6-6 cm. Fellið laust af með sléttum lykkjum yfir sléttar lykkjur og brugðnum lykkjum yfir brugðnar lykkjur – sjá AFFELLING.
Brjótið stroffið niður að innanverðu á stykki. Saumið stroffið niður þannig að það myndist tvöfaldur kantur.
Til að koma í veg fyrir að kanturinn verði stífur og beygist út, er mikilvægt að saumurinn sé teygjanlegur.

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS Children 37-27

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (5)

country flag Geneva wrote:

How do you knit "one ridge over the 4 stitches? "

27.01.2024 - 20:16

DROPS Design answered:

Dear Geneva, 1 ridge = work 2 rows in garter stitch (as indicated in the EXPLANATIONS FOR THE PATTERN), which are 2 knit rows. This means that you will knit these 4 stitches in the next 2 rows. Happy knitting!

28.01.2024 - 23:56

country flag Geneva wrote:

How do you knit "one ridge over the 4 stitches? "

27.01.2024 - 20:16

DROPS Design answered:

Dear Geneva, 1 ridge = work 2 rows in garter stitch (as indicated in the EXPLANATIONS FOR THE PATTERN), which are 2 knit rows. This means that you will knit these 4 stitches in the next 2 rows. Happy knitting!

28.01.2024 - 23:56

country flag Flaviana wrote:

If I wanted to use a group D yarn for the size 9-12 years, in this case Drops Melody, how much would I need?

03.11.2021 - 11:58

DROPS Design answered:

Dear Flaviana, you will find how to calculate new amount of yarn here - just remember texture will be different when using an alternative. Should you need any assistance, please contact your DROPS store so that they can help you, even per mail or telephone. Happy knitting!

03.11.2021 - 13:24

country flag Flaviana wrote:

Do I need to use the two strands (1 Karisma and 1 Alpaca) all the way through the hat or just in certain places? For the bigger size, I read that 150g of Karisma are 300m long, but 50g of Alpaca are 167m? Thank you.

03.11.2021 - 11:44

DROPS Design answered:

Dear Flaviana, this pattern is worked with 2 yarns held together: 1 strand Karisma + 1 strand Brushed Alpaca Silk (not Alpaca) - Karisma comes in ball 50 g and Brushed Alpaca Silk 25 g/140 m - reason why you require less ball, for ex. in first size you need 2 balls Karisma but just 1 Brushed Alpaca Silk. Happy knitting!

03.11.2021 - 12:22

country flag Karin Wallin wrote:

Hei Kan jeg bruke Drops Air til denne lua? Hilsen Karin

08.10.2021 - 10:14

DROPS Design answered:

Hej Karin. Ja du kan byta ut DROPS Brushed Alpaca Silk mot DROPS Air. (Dvs att du stickar den med 1 tråd Karisma och 1 tråd DROPS Air). Se bara till att du får den stickfasthet som uppges på mönstret, och att beräkna riktig garnåtgång. Mvh DROPS Design

08.10.2021 - 11:22