Ermi

Við nálgumst endalokin á jólapeysunni og nú prjónum við ermarnar!

Nú höldum við áfram

ERMI:
Setjið 42-44-46-48-50-52-54 lykkjur frá þræði í annarri hlið á stykki á sokkaprjóna 4. Prjónið til viðbótar upp 1 lykkju í hverja af 8 lykkjum sem fitjaðar voru upp í hlið undir ermi með DROPS Karisma 85, ljós beige = 50-52-54-56-58-60-62 lykkjur.

Setjið 1 merkiþráð mitt undir ermi – þ.e.a.s. mitt í 8 lykkjurnar. Látið merkiþráðinn fylgja með í stykkinu, það á að nota hann þegar fækka á lykkjum. Byrjið umferð við merkiþráðinn og prjónið sléttprjón hringinn. Þegar ermin mælist 2-3-4-4-4-4-4 cm, fækkið um 2 lykkjur mitt undir ermi – lesið ÚRTAKA að neðan.

ÚRTAKA (á við um mitt undir ermi):
Fækkið um 1 lykkju hvoru megin við merkiþráðinn þannig: Prjónið þar til 3 lykkjur eru eftir á undan merkiþræði, prjónið 2 lykkjur slétt saman, 2 lykkjur slétt (merkiþráðurinn situr á milli þessa 2 lykkja), lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð (2 lykkjur færri).

Fækkið lykkjum svona í 4.-4½.-6.-7.-8.-8½.-9. hverjum cm alls 4 sinnum = 42-44-46-48-50-52-54 lykkjur.

Prjónið þar til ermin mælist 18-22-26-30-34-38-41 cm frá skiptingu. Það eru eftir ca 4 cm að loka máli. Mátið e.t.v. peysuna og prjónið að óskaðri lengd fyrir stroff.

Skiptið yfir á sokkaprjóna 3. Prjónið 1 umferð slétt þar sem aukið er út um 4-4-4-4-6-6-6 lykkjur jafnt yfir = 46-48-50-52-56-58-60 lykkjur.

Prjónið stroff (1 lykkja slétt, 1 lykkja brugðið) hringinn í 4 cm.

Fellið af aðeins laust, með sléttum lykkjum yfir sléttar lykkjur og brugðnum lykkjum yfir brugðnar lykkjur. Ermin mælist ca 22-26-30-34-38-42-45 cm frá skiptingu.

Prjónið hina ermina á sama hátt.

Nú ermin tilbúin og það þýðir að #4 vísbendingin í þessu KAL hefur verið leyst. Nú eru bara nokkrir þræðir sem þarf að festa áður en hægt er að nota peysuna.

Tilbúin? Okkur hlakkar til að sjá allar frábæru peysurnar ykkar! Endilega sýndu okkur myndir með því að merkja myndirnar þínar á samfélagsmiðlum með #dropsalong og #DROPSChristmasKAL og ekki gleyma að senda inn myndir af peysunni þinni í myndasafnið okkar #dropsfan galleriet!

Þarftu aðstoð?

Hér fyrir neðan finnurðu lista yfir úrræði til að hjálpa þér að klára hálsmálið á jólapeysunni þinni.

Ertu enn í vafa? Þú getur skilið eftir spurningar með því að nota eyðublaðið neðst á síðunni og einn af prjónasérfræðingum okkar mun þá reyna að aðstoða þig!