Sjalið vex

Nú höldum við áfram með sjalið! Eins og áður þá getur þú séð kennslumyndbönd neðst í hverri vísbendingu. Ef þú hefur einhverjar spurningar eða athugasemdir, þá getur skrifað þær í dálkinn neðst á síðunni.

Stutt útskýring

Í þessari vísbendingu þá heklum við frá umferð 5 til umferð 8.

Þegar mynsturteikningin hefur verið hekluð til loka á hæðina eru 17 loftlykkjubogar í umferð. Stykkið mælist ca 10 cm frá fyrsta loftlykkjuhring og niður mitt á sjalinu.

Mynsturteikning fyrir vísbendingu #2

	=	1 loftlykkja
	=	1 fastalykkja um loftlykkjuboga/loftlykkju
	=	1 tvíbrugðinn stuðull um loftlykkjuboga
	=	um þennan loftlykkjuboga er aukið út um 1 loftlykkjuboga með því að hekla 2 loftlykkjuboga eins og útskýrt er í mynsturteikningu
	=	byrjið hér

Vantar þig aðstoð við að byrja?

Hér er nákvæmari útskýring á hvernig þú byrjar á vísbendingu #2. Við höfum merkt hvar við vinnum með rauðum í mynsturteikningu.

UMFERÐ 1:
Heklið eftir mynsturteikningu A.2a þannig: 7 loftlykkjur, 1 fastalykkja um 1. loftlykkjuboga, 6 loftlykkjur, 1 fastalykkja um næsta loftlykkjuboga, 6 loftlykkjur, 1 fastalykkja um næsta loftlykkjuboga, 6 loftlykkjur, 1 fastalykkja um sama loftlykkjuboga – sem er merktur með litlum hring.

Eftir þetta er heklað eftir mynsturteikningu A.2b þannig: 6 loftlykkjur, 1 fastalykkja um næsta loftlykkjuboga, 6 loftlykkjur, 1 fastalykkja um næsta loftlykkjuboga, 6 loftlykkjur, 1 fastalykkja um næsta loftlykkjuboga, 6 loftlykkjur.

Að lokum er heklað eftir mynsturteikningu A.2c þannig: 1 fastalykkja um næsta loftlykkjuboga, 6 loftlykkjur, 1 fastalykkja um sama loftlykkjuboga, 6 loftlykkjur, 1 fastalykkja um næsta loftlykkjuboga, 6 loftlykkjur, 1 fastalykkja um næsta loftlykkjuboga, 3 loftlykkjur og 1 tvíbrugðinn stuðull um síðasta loftlykkjuboga, snúið stykkinu.

UMFERÐ 2: Heklið eftir mynsturteikningu A.2c, A.2b og A.2a.

UMFERÐ 3: Heklið eftir mynsturteikningu A.2a, A.2b og A.2c.

UMFERÐ 4: Heklið eftir mynsturteikningu A.2c, A.2b og A.2a.

Tilbúið!

Nú ertu tilbúin með vísbendingu #2! Ekki gleyma að deila myndunum þínum með okkur í dropsalong gallery!

Kennslumyndband