Það blómstrar

Nú ætlum við að hekla aftur litla ferninga. Hver ferningur er fallegt blóm umvafið fallegum kanti með einföldum lykkjum.

Litir

Við heklum 5 umferðir eftir mynsturteikningu A.6 í eftirfarandi litum:

UPPFIT + 1 UMFERÐ: bleikur
2. UMFERÐ: fjólublár
3. UMFERÐ: ljós fjólublár
4.-5. UMFERÐ: hvítur

LEIÐSÖGN VARÐANDI LITI:
Notar þú aðra litasamsetningu en þá sem við notum hér?
Merktu þá hjá þér hvaða litanúmer þú setur í staðin áður en þú byrjar, þú getur fundið yfirlit yfir litanúmerinhér.

HEKLLEIÐBEININGAR:
Það sem stendur á milli tveggja * á að endurtaka í hvert skipti þar sem stendur frá *-* í uppskrift.
Rauðu táknin í mynsturteikningu eru útskýrð í texta yfir myndum.

Nú byrjum við!

UPPFIT:
Heklið 4 loftlykkjur með litnum bleikur, tengið þær í hring með 1 keðjulykkju í fyrstu loftlykkju.

1. UMFERÐ:
Heklið 1 loftlykkju, 6 fastalykkjur um loftlykkjuhringinn.

Endið með 1 keðjulykkju í 1. fastalykkju í umferð, jafnframt er skipt yfir í litinn fjólublár, klippið frá þráðinn í litnum bleikur. Lesið LITASKIPTI að neðan:

LITASKIPTI:
Til að fá fallega skiptingu þegar skipt er um lit er síðasta lykkjan í umferð hekluð með nýja litum.

2. UMFERÐ:
Heklið «3 STUÐLAR HEKLAÐIR SAMAN Í BYRJUN UMFERÐAR» þannig: 3 loftlykkjur (jafngilda 1. stuðli), heklið 1 stuðul í 1. fastalykkju í umferð, en bíðið með að bregða þræðinum um heklunálina og að draga þráðinn í gegn í lokin, heklið 1 stuðul í sömu lykkju og dragið síðasta uppsláttinn í gegnum allar 3 lykkjurnar á heklunálinni.

Heklið * 3 loftlykkjur, heklið «3 STUÐLAR HEKLAÐIR SAMAN» þannig: Heklið 2 stuðla í næstu lykkju, en bíðið með að bregða þræðinum um heklunálina og að draga þráðinn í gegn um báða þessa stuðla í lokin, heklið 1 stuðul í sömu lykkju og dragið síðasta uppsláttinn í gegnum allar 4 lykkjurnar á heklunálinni *, endurtakið frá *-* 5 sinnum alls, 3 loftlykkjur (= 6 stuðlahópar og 6 loftlykkjubogar).

Endið með 1 keðjulykkju í 3. loftlykkju frá byrjun umferðar, jafnframt er skipt yfir í litinn ljós fjólublár, klippið frá þráðinn í litnum fjólublár.

3. UMFERÐ:
Heklið 1 loftlykkju.

Heklið 4 fastalykkjur um hvern loftlykkjuboga umferðina hringinn (= 24 fastalykkjur).

Endið með 1 keðjulykkju í 1. fastalykkju frá byrjun umferðar, jafnframt er skipt yfir í litinn hvítur, klippið frá þráðinn í litnum ljós fjólublár.

4. UMFERÐ:
Heklið 3 loftlykkjur (= 1 stuðull).

Heklið * 5 loftlykkjur, hoppið yfir 2 lykkjur, 1 stuðull í næstu lykkju, 2 loftlykkjur, hoppið yfir 2 lykkjur, 1 stuðull í næstu lykkju *, endurtakið frá *-* 3 sinnum alls.

Heklið 5 loftlykkjur, hoppið yfir 2 lykkjur, 1 stuðull í næstu lykkju, 2 loftlykkjur, endið með 1 keðjulykkju í 3. loftlykkju frá byrjun umferðar.

5. UMFERÐ:
Haldið áfram með litnum hvítur, heklið 1 loftlykkju.

Heklið * 1 fastalykkju í 3. loftlykkju/stuðul frá fyrri umferð, 3 fastalykkjur um 5-loftlykkjuboga, 2 loftlykkjur, 3 fastalykkjur um sama 5-loftlykkjuboga, 1 fastalykkja í næstu lykkju, 4 fastalykkjur um 2-loftlykkjuboga *, endurtakið frá *-* 4 sinnum alls.

Endið með 1 keðjulykkju í 1. fastalykkju frá byrjun umferðar. Klippið frá og festið enda.

Tilbúið!

Nú erum við tilbúin með einn ferning eftir A.6, sem á að vera 8 x 8 cm.

Heklið 10 svona ferninga í sömu litasamsetningu:

Öll mynsturteikningin fyrir vísbendingu#6

	=	4 loftlykkjur, tengið þær saman í hring með 1 keðjulykkju í fyrstu loftlykkju – sjá punkt í hring, umferðin byrjar og endar hér
	=	loftlykkja
	=	keðjulykkja í/um lykkju
	=	fastalykkja um loftlykkjuhring/loftlykkjuboga
	=	fastalykkja í lykkju
	=	stuðull í lykkju
	=	3 loftlykkjur
	=	5 loftlykkjur
	=	3 STUÐLAR HEKLAÐIR SAMAN Í BYRJUN UMFERÐAR: 3 loftlykkjur (jafngilda 1. stuðli), heklið 1 stuðul í 1. fastalykkju í umferð, en bíðið með að bregða þræðinum um heklunálina og að draga þráðinn í gegn í lokin, heklið 1 stuðul í sömu lykkju og dragið síðasta uppsláttinn í gegnum allar 3 lykkjurnar á heklunálinni.
	=	3 STUÐLAR HEKLAÐIR SAMAN: Heklið 2 stuðla í næstu lykkju, en bíðið með að bregða þræðinum um heklunálina og að draga þráðinn í gegn um báða þessa stuðla í lokin, heklið 1 stuðul í sömu lykkju og dragið síðasta uppsláttinn í gegnum allar 4 lykkjurnar á heklunálinni