DROPS Belle
DROPS Belle
53% Bómull, 33% Viscose, 14% Hör
frá 447.00 kr /50g
Þú færð garn sem þarf í að gera þetta mynstur frá 2682.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

Cherelyn

Settið samanstendur af: Prjónuðum toppi með gatamynstri, picotkanti og A-formi. Stærð S – XXXL. Prjónuðu eyrnabandi með gatamynstri og picotkanti. Settið er prjónað úr DROPS Belle.

DROPS 191-16
DROPS Design: Mynstur vs-042
Garnflokkur B
-----------------------------------------------------------

Í ALLT SETTIÐ ÞARF:
Efni:
DROPS BELLE frá Garnstudio (tilheyrir garnflokki B)
300-350-350-400-450-500 g litur 11, bleikfjólublár

DROPS HRINGPRJÓNAR (80 cm) NR 4 – eða þá stærð sem þarf til að 21 lykkja og 28 umferðir með sléttprjóni verði 10 cm á breidd og 10 cm á hæð.

DROPS PRJÓNAR OG HRINGPRJÓNAR (40 cm) NR 3.
-----------------------------------------------------------

TOPPUR:
Stærð: S - M - L - XL - XXL - XXXL

Efni:
DROPS BELLE frá Garnstudio (tilheyrir garnflokki B)
300-300-350-350-400-450 g litur 11, bleikfjólublár

DROPS HRINGPRJÓNAR (80 cm) NR 4 – eða þá stærð sem þarf til að 21 lykkja og 28 umferðir með sléttprjóni verði 10 cm á breidd og 10 cm á hæð.

DROPS HRINGPRJÓNAR (40 cm) NR 3 – fyrir kant í hálsmáli.
---------------------------------------------------------

EYRNABAND:
Stærð: Ein stærð
Mál: Ca 9 x 48 cm

Efni:
DROPS BELLE frá Garnstudio (tilheyrir garnflokki B)
50 g litur 11, bleikfjólublár

DROPS PRJÓNAR NR 3 – eða þá stærð sem þarf til að 23 lykkjur og 32 umferðir með sléttprjóni verði 10 cm á breidd og 10 cm á hæð.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Belle
DROPS Belle
53% Bómull, 33% Viscose, 14% Hör
frá 447.00 kr /50g
Þú færð garn sem þarf í að gera þetta mynstur frá 2682.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað í hring):
*1 umferð slétt og 1 umferð brugðið*, endurtakið frá *-*.

MYNSTUR:
Toppur: Sjá mynsturteikningu A.1 til A.3. Veldu mynsturteikningu fyrir þína stærð (á við um A.1).
Eyrnaband: Sjá mynsturteikningu A.2 til A.4.
Mynsturteikning sýnir allar umferðir í mynstri séð frá réttu.

ÚRTAKA-1 (á við um hliðar á fram- og bakstykki):
Byrjið 3 lykkjum á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki er staðsett á milli þessa lykkja), takið 1 lykkju óprjónaða eins og prjóna eigi slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð (= 2 lykkjur færri).

ÚRTAKA-2 (á við um handveg):
Fækkið lykkjum innan við A.2/A.3 í hvorri hlið. Öll úrtaka er gerð frá réttu!
Fækkið lykkjum á undan A.3 þannig: Byrjið 3 lykkjum á undan A.3: Prjónið 2 lykkjur slétt saman og 1 lykkju slétt.
Fækkið lykkjum á eftir A.2: Byrjið á eftir A.2, prjónið 1 lykkju slétt, takið næstu lykkju óprjónaða eins og prjóna eigi slétt, prjónið næstu lykkju slétt, steypið óprjónuðu lykkjunni yfir lykkjuna sem var prjónuð.

-------------------------------------------------------

BYRJIÐ Á STYKKI HÉR:

-------------------------------------------------------

TOPPUR - STUTT ÚTSKÝRING Á STYKKI:
Stykkið er prjónað í hring á hringprjóna upp að handvegi, síðan er bakstykkið og framstykkið prjónað fram og til baka hvort fyrir sig.

FRAM- OG BAKSTYKKI:
Fitjið upp 194-214-230-250-274-302 lykkjur á hringprjón 4 með Belle.
Prjónið 4 umferðir GARÐAPRJÓN – sjá útskýringu að ofan. Prjónið síðan 1 umferð slétt.
Næsta umferð er prjónuð þannig: Setjið 1 prjónamerki í byrjun á umferð (= í hlið), * prjónið 36-41-45-48-54-61 lykkjur sléttprjón, A.1 (= 25-25-25-29-29-29 lykkjur), 36-41-45-48-54-61 lykkjur sléttprjón *, setjið 1 prjónamerki (= í hlið) og prjónið frá *-* einu sinni til viðbótar. Haldið svona áfram með mynstur hringinn. ATHUGIÐ PRJÓNFESTUNA!
Þegar stykkið mælist 6-6-6-8-8-8 cm er fækkað um 1 lykkju hvoru megin við bæði prjónamerkin – lesið ÚRTAKA-1 (= 4 lykkjur færri). Fækkið lykkjum svona með 6 cm millibili alls 6 sinnum í hvorri hlið = 170-190-206-226-250-278 lykkjur.
Þegar stykkið mælist 38-39-40-41-42-43 cm prjónið garðaprjón yfir 20-22-26-28-30-32 lykkjur í hvorri hlið (þ.e.a.s.10-11-13-14-15-16 lykkjur í garðaprjóni hvoru megin við bæði prjónamerkin), aðrar lykkjur halda áfram í sléttprjóni og A.1 eins og áður. Þegar prjónaðar hafa verið 4 umferðir í garðaprjóni í hvorri hlið er næsta umferð prjónuð þannig: Fellið af fyrstu 3-4-6-7-8-9 lykkjur í byrjun á umferð fyrir handveg, prjónið næstu 79-87-91-99-109-121 lykkjur eins og áður, fellið af næstu 6-8-12-14-16-18 lykkjur fyrir handveg, prjónið næstu 79-87-91-99-109-121 lykkjur eins og áður og fellið af síðustu 3-4-6-7-8-9 lykkjur fyrir handveg. Klippið frá. Bakstykki og framstykki eru nú prjónað fram og til baka hvort fyrir sig.

BAKSTYKKI:
= 79-87-91-99-109-121 lykkjur. Prjónið síðan þannig, þ.e.a.s. fyrsta umferðin er prjónuð frá röngu: Prjónið A.3 (= 7 lykkjur – ATH: Byrjið á 2. umferð í mynsturteikningu og lesið mynsturteikningu frá vinstri til hægri), prjónið 20-24-26-28-33-39 lykkjur sléttprjón, A.1 (= 25-25-25-29-29-29 lykkjur), 20-24-26-28-33-39 lykkjur sléttprjón og endið með A.2 (= 7 lykkjur – ATH: Byrjið á 2. umferð í mynsturteikningu og lesið mynsturteikningu frá vinstri til hægri). Haldið svona áfram með mynstur.
JAFNFRAMT í fyrstu umferð frá réttu er fækkað um 1 lykkju í hvorri hlið fyrir handveg innan við A.2 og A.3 – lesið ÚRTAKA-2 (= 2 lykkjur færri). Fækkið lykkjum svona í S, M, L og XL: Í 4. hverri umferð (þ.e.a.s. í annarri hverri umferð frá réttu) alls 2-5-6-9 sinnum í hvorri hlið og í XXL og XXXL: Í annarri hverri umferð (þ.e.a.s. í hverri umferð frá réttu) alls 13-18 sinnum í hvorri hlið = 75-77-79-81-83-85 lykkjur.
Þegar stykkið mælist 53-55-57-59-61-63 cm (úrtöku fyrir handveg er nú lokið), fellið af miðju 35-35-37-37-39-39 lykkjur fyrir hálsmáli og hvor öxl er prjónuð til loka fyrir sig. Fellið síðan af fyrir hálsmáli í byrjun á hverri umferð frá hálsmáli þannig: Fellið af 1 lykkju 2 sinnum = 18-19-19-20-20-21 lykkjur eftir á öxl. Prjónið síðan áfram þar til stykkið mælist 56-58-60-62-64-66 cm og fellið af með sléttum lykkjum frá réttu. Prjónið hina öxlina á sama hátt.

FRAMSTYKKI:
= 79-87-91-99-109-121 lykkjur. Prjónið síðan þannig, þ.e.a.s. fyrsta umferð er prjónuð frá röngu: Prjónið A.3 (= 7 lykkjur – ATH: Byrjið á 2. umferð í mynsturteikningu og lesið mynsturteikningu frá vinstri til hægri), prjónið 20-24-26-28-33-39 lykkjur sléttprjón, A.1 (= 25-25-25-29-29-29 lykkjur), 20-24-26-28-33-39 lykkjur sléttprjón og endið með A.2 (= 7 lykkjur – ATH: Byrjið á 2. umferð í mynsturteikningu og lesið mynsturteikningu frá vinstri til hægri). Haldið svona áfram með mynstur.
JAFNFRAMT í fyrstu umferð frá réttu er fækkað um 1 lykkju í hvorri hlið fyrir handveg innan við A.2 og A.3 – lesið ÚRTAKA-2 (= 2 lykkjur færri). Fækkið svona í S, M, L og XL: Í 4. hverri umferð alls 2-5-6-9 sinnum á hvorri hlið og í XXL og XXXL: Í annarri hverri umferð alls 13-18 sinnum í hvorri hlið = 75-77-79-81-83-85 lykkjur.
Þegar stykkið mælist 50-52-54-56-56-58 cm setjið miðju 25-25-23-23-23-23 lykkjur á þráð fyrir hálmáli og hvor öxl er prjónuð til loka fyrir sig. Fellið síðan af fyrir hálsmáli í byrjun á hverri umferð frá hálsmáli þannig: Fellið af 2 lykkjur 2-2-3-3-3-3 sinnum og 1 lykkja 3-3-3-3-4-4 sinnum = 18-19-19-20-20-21 lykkjur eftir á öxl. Prjónið síðan áfram þar til stykkið mælist 56-58-60-62-64-66 cm og fellið af með sléttum lykkjum frá réttu.
Prjónið hina öxlina á sama hátt.

FRÁGANGUR:
Saumið axlasauma innan við affellingarkantinn í hvorri hlið.

KANTUR Í HÁLSMÁLI:
Prjónið upp ca 96 til 114 lykkjur í kringum hálmál (meðtaldar lykkjur af þræði að framan) á stuttan hringprjón 3. Prjónið 4 umferðir garðaprjón hringinn, fellið síðan af með sléttum lykkjum.

-------------------------------------------------------

EYRNABAND - STUTT ÚTSKÝRING Á STYKKI:
Stykkið er prjónað fram og til baka að óskaðri lengd og er saumað saman við miðju að aftan.

EYRNABAND:
Fitjið upp 21 lykkjur á prjón 3 með Belle. Prjónið 1 umferð slétt (= ranga). Næsta umferð er prjónuð frá réttu þannig: Prjónið A.2 (= 7 lykkjur), A.4 (= 7 lykkjur) og A.3 (= 7 lykkjur). Haldið áfram með mynstur fram og til baka svona.
ATHUGIÐ PRJÓNFESTUNA!
Þegar stykkið mælist ca 48 cm (eða að óskaðri lengd – dragið frá ca 6-8 cm miðað við ummál höfuðs), prjónið 1 umferð slétt frá röngu. Fellið af með sléttum lykkjum frá réttu.

FRÁGANGUR:
Saumið saum við miðju að aftan innan við affellingarkant.

Mynstur

symbols = slétt frá réttu, brugðið frá röngu
symbols = brugðið frá réttu,slétt frá röngu
symbols = á milli 2 lykkja er slegið 1 sinni uppá prjóninn
symbols = á milli 2 lykkja er slegið 2 uppá prjóninn, í næstu umferð er annar uppslátturinn prjónaður slétt, hinn er prjónaður snúinn slétt (= 1 lykkja fleiri).
symbols = prjónið 2 lykkjur í 1 lykkju með því að prjóna 1 lykkju slétt framan í og aftan í sömu lykkju (= 1 lykkja fleiri)
symbols = fellið af 1 lykkju
symbols = lykkjan er nú þegar á hægri prjóni eftir að lykkjur voru felldar af, þ.e.a.s. hoppið áfram í næstu rúðu í mynsturteikningu
symbols = prjónið uppsláttinn snúinn slétt bæði þegar táknin eru prjónuð frá réttu og frá röngu
symbols = prjónið 2 lykkjur slétt saman bæði þegar táknin eru prjónuð frá réttu og frá röngu
symbols = lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð
symbols = lyftið 1 lykkju af prjóni eins og prjóna eigi slétt, prjónið 2 lykkjur slétt saman, steypið lyftu lykkjunni yfir lykkjurnar sem prjónaðar voru saman
diagram
diagram
diagram

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS 191-16

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (18)

country flag Christina wrote:

Tack har hittat alla delarna nu!

20.03.2024 - 17:03

country flag Christina wrote:

Cherelyn DROPS 191-16: Var hittar jag beskrivningen till picotkanten för topp och pannband? Tack på förhand!

20.03.2024 - 16:47

country flag Britt Mari Knudseth wrote:

Bakstykket/ forstykket. Skal begynnelsen på pinnen både på rettsiden og vrangsiden starte med A3? Rad 2 og 4 på vr,1 og 3 på r siden. Skal likeså alle pinner slutte med A2?

02.07.2023 - 02:30

DROPS Design answered:

Hei Britt Mari Ja, første pinne strikkes fra vrangen (både bakstykket og forstykket) og det startes med diagram A.3 og sluttes med A.2. Tråden ble klippet da bolen var ferdig strikket. Rad 2 + 4 i diagrammene er fra vrangen og leses fra venstre mot høyre, mens rad 1+ 3 er fra retten og leses fra høyre mot venstre. mvh DROPS Design

03.07.2023 - 10:59

country flag Torunn Mikkelsen wrote:

Hva er forklaring på opp/ned trekanten i sidene på A2 og A3 - jeg strikker pannebånd.

18.01.2023 - 20:32

DROPS Design answered:

Hei Torunn, Det symbolet er en 'v' og betyr felle av en maske. God fornøyelse!

22.01.2023 - 12:45

country flag Irene wrote:

Buongiorno ho bisogno di aiuto per i diagrammi A2 e A3 non capisco il simbolo del triangolo con la punta in basso come faccio ad intrecciare una maglia? Vi riferite alle diminuzioni degli scalfi o invece vanno accavallate le due maglie in una lavorate al giro precedente e se si come faccio passo una maglia senza lavorare, lavoro la secona e accavallo la prima? Grazie

15.07.2022 - 09:55

DROPS Design answered:

Buonasera Irene, deve proseguire come indicato e intrecciare le maglie. Buon lavoro!

10.08.2022 - 22:41

country flag Lagler Tünde wrote:

Üdvözlöm! A MINTALEÍRÁSBAN az áll, hogy "LUSTAKÖTÉS (körben kötve): 1 borda = két kör 1 kör sima szemekkel, 1 kör fordított szemekkel." A TESTRÉSZNÉL meg az, hogy "Kössünk 2 bordányit (= 8 sor / kör) LUSTAKÖTÉSSEL- olvassuk el a fenti magyarázatot. Ezután 1 kört kötünk sima szemekkel." Szerintem, ha 1 borda = 2 kör, akkor 2 borda = 4 kör és nem 8. Most milyen széles a minta 4 vagy 8 kör?

08.07.2022 - 12:54

country flag Margoth Hansson wrote:

Jag stickar just nu Cherelyn och har kommit så långt att jag maskat av för ärmhål MEN då förstår jag inte förklaringen på diagrammet. det är inte översatt fr norska. snälla, kan ngn ge en översättning så jag får mitt linne färdigt

30.06.2022 - 09:12

DROPS Design answered:

Hej! Nu är diagramsymbolerna översatta till svenska, tack för info! Mvh DROPS Design

30.06.2022 - 12:00

country flag Carolyn Gonzalez wrote:

Hello! This looks like a lovely pattern. I am trying to follow diagrams b4 I start. I cannot get A2 and A3 to work out. So, always from left to right? (instead of R-L). Since now flat reverse stitch for r2 and 4 or R1 and 3? And when I get to "knit YO twisted" I do not have a YO from the previous row. Can you perhaps write out instead of diagram? I have tried multiple times and just can't figure out where it should be backwards.... Help please!!! Thanks much! :-)

03.03.2021 - 17:58

DROPS Design answered:

Dear Mrs Gonzalez, on first row on back piece work from WS: A.3 (starting with row 2 and reading L-R), and finish with A.2 (work row 2 and read L-R), turn and n ow work from RS: A.2 (= row 3, read R-L), and finish with A.3 (row 3 = read R-L) and continue like this, ie from WS read diagrams from L-R and from RS from R-L. Happy knitting!

04.03.2021 - 07:39

country flag Edith wrote:

Je suis en train de réaliser ce beau modèle. J'ai un souci avec la taille. Bien que l'échantillon corresponde au modèle, la taille est beaucoup trop grande !!! Je fais habituellement un XL et ici le L est encore beaucoup trop grand. Y a t'il d'autres personnes dans mon cas ? Merci !

04.08.2020 - 22:32

DROPS Design answered:

Bonjour Edith, pensez à vérifier les mesures indiquées par le schéma pour choisir la taille, si votre échantillon/tension sont justes, alors vous obtiendrez les mesures indiquées pour la taille choisie dans le schéma. Bon tricot!

05.08.2020 - 08:00

country flag Jaqueline wrote:

Estoy con dificultad para entender los diagramas A2 y A3. ¿Por qué son distintos? ¿No va a quedar un lado diferente del otro? La blusa es muy bonita, pero esta parte me está costando bastante.

01.07.2020 - 00:29

DROPS Design answered:

Hola Jaqueline. Trabajamos los dos diagramas para que el patrón quede simétrico.

01.07.2020 - 20:45