Lofoten |
|||||||||||||
|
|
||||||||||||
Peysa fyrir herra úr DROPS Lima með hringlaga berustykki og marglitu norrænu mynstri, prjónuð ofan frá og niður. Stærð S - XXXL.
DROPS 185-3 |
|||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- ÚRTAKA/ÚTAUKNING: Til þess að reikna út hvernig fækka/fjölga eigi jafnt í umferð, teljið fjölda lykkja í umferð (t.d. 104 lykkjur), deilið þessum lykkjufjölda með fjölda úrtöku/útaukninga sem á að gera (t.d. 12) = 8,6. Í þessu dæmi er fækkað með því að prjóna til skiptis ca 7. og 8. hverja lykkju og 8. og 9. hverja lykkju slétt saman. Ef auka á út þá er slegið 1 sinni uppá prjóninn til skiptis á eftir ca 8. og 9. hverja lykkju, í næstu umferð er uppslátturinn prjónaður snúinn slétt svo ekki myndist gat. LEIÐBEININGAR-1: Til að koma í veg fyrir að prjónfestan verði of stíf þegar mynstrið er prjónað er mikilvægt að herða ekki á þráðum aftan á stykki. Skiptið e.t.v. yfir á grófari prjóna þegar mynstrið er prjónað ef það strekkist á því. LEIÐBEININGAR-2 (á við um berustykki á peysu): Ef prjónfestan passar ekki á hæðina og það verða fleiri umferðir á hæðina en 10 cm eins og gefið er upp í uppskrift, þá verður berustykkið allt of stutt og handvegur of lítill. Þetta er hægt að jafna til með því að prjóna 1 auka umferð í sléttprjóni í umferð með einum lit með jöfnu millibili í berustykki. MYNSTUR: Sjá mynsturteikningu A.1 til A.6. Veljið mynsturteikningu fyrir rétta stærð (á við um A.4, A.5 og A.6). Allt mynstrið er prjónað í sléttprjóni. ÚRTAKA (á við um hliðar á fram- og bakstykki og mitt undir ermi): Byrjið 2 lykkjum á undan prjónamerki, prjónið 2 lykkjur slétt saman, prjónamerki, takið 1 lykkju óprjónaða eins og prjóna eigi slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð (= 2 lykkjur færri). ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Stykkið er prjónað í hring á hringprjón ofan frá og niður. Hægt er að prjóna upphækkun aftan í hnakka til að flíkin passi betur þannig að berustykkið verði aðeins hærra í hnakka. Hægt er að sleppa þessari upphækkun, þá verður hálsmálið alveg eins að framan og að aftan – sjá útskýringu á upphækkun neðar í uppskrift. Eftir berustykkið er fram- og bakstykki prjónað í hring á hringprjóna. Ermar eru prjónaðar í hring á sokkaprjóna ofan frá og niður. HÁLSMÁL: Fitjið upp 104-108-112-120-124-132 lykkjur á hringprjón 3 með litnum dökk blár Lima. Prjónið 1 umferð slétt. Prjónið síðan stroff (= 2 lykkjur slétt, 2 lykkjur brugðið). Þegar stroffið mælist 2-2-2-3-3-3 cm prjónið 1 umferð slétt þar sem fækkað er um 12-12-12-12-12-12 lykkjur jafnt yfir – LESIÐ ÚRTAKA/ÚTAUKNING = 92-96-100-108-112-120 lykkjur. Prjónið nú upphækkun aftan í hnakka eða farið áfram í að prjóna berustykki ef ekki á að prjóna upphækkunina. UPPHÆKKUN: Hoppið yfir þennan kafla ef ekki á að prjóna upphækkun. Setjið 1 prjónamerki í byrjun umferðar = miðja að aftan. Byrjið frá réttu með litnum dökk blár og prjónið sléttar lykkjur þar til prjónaðar hafa verið 11-11-12-13-13-14 lykkjur fram hjá prjónamerki. Snúið, herðið á þræði og prjónið 22-22-24-26-26-28 lykkjur brugðið. Snúið, herðið á þræði og prjónið 33-33-36-39-39-42 lykkjur slétt. Snúið, herðið á þræði og prjónið 44-44-48-52-52-56 lykkjur brugðið. Snúið, herðið á þræði og prjónið 55-55-60-65-65-70 lykkjur slétt. Snúið, herðið á þræði og prjónið 66-66-72-78-78-84 lykkjur brugðið. Snúið, herðið á þræði og prjónið sléttar lykkjur að miðju að aftan. Prjónið síðan berstykki eins og útskýrt er að neðan. BERUSTYKKI: Skiptið yfir á hringprjón 4. Prjónið 1 umferð slétt. Prjónið nú A.1 hringinn (= 23-24-25-27-28-30 mynstureiningar með 4 lykkjum). Haldið áfram með mynstur og aukið út eins og útskýrt er í mynsturteikningu. Lesið LEIÐBEININGAR-1 og LEIÐBEININGAR-2. ATHUGIÐ PRJÓNFESTUNA! Þegar A.1 er lokið eru 161-168-175-189-196-210 lykkjur í umferð. Prjónið síðan A.2 – JAFNFRAMT í fyrstu umferð er aukið út um 31-36-47-51-56-60 lykkjur jafnt yfir (merkt með ör-1 í A.2) = 192-204-222-240-252-270 lykkjur í umferð. Haldið áfram með mynstur. Í umferð merktri með ör-2 í A.2 er aukið út um 28-36-38-40-48-50 lykkjur jafnt yfir = 220-240-260-280-300-320 lykkjur. Þegar A.2 hefur verið prjónað til loka er A.3 prjónað hringinn (= 11-12-13-14-15-16 mynstureiningar með 20 lykkjum). Haldið áfram með mynstur og aukið út eins og útskýrt er í mynsturteikningu. Eftir síðustu útaukningu í A.3 eru 275-300-325-350-375-400 lykkjur í umferð. Í umferð merktri með ör-3 í A.3 er aukið út um 1-8-11-10-9-8 lykkjur jafnt yfir = 276-308-336-360-384-408 lykkjur. Þegar A.3 hefur verið prjónað til loka A.4 prjónað hringinn (veljið mynsturteikningu fyrir rétta stærð = 69-77-84-90-96-102 mynstureiningar með 4 lykkjum). Í umferð merktri með ör-4 í A.4 er aukið út um 22-20-26-26-24-34 lykkjur jafnt yfir = 298-328-362-386-408-442 lykkjur. Þegar A.4 hefur verið prjónað til loka mælist stykkið ca 25-25-26-27-29-31 cm frá uppfitjunarkanti við miðju að framan. Næsta umferð er prjónuð með litnum dökk blár þannig: 45-50-53-59-63-69 lykkjur slétt (= ½ bakstykki), setjið næstu 58-64-74-74-78-82 lykkjur á þráð fyrir ermi, fitjið upp 8-8-10-10-12-14 lykkjur (= í hlið undir ermi) prjónið 91-100-107-119-126-139 lykkjur slétt (= framstykki), setjið næstu 58-64-74-74-78-82 lykkjur á þráð fyrir ermi, fitjið upp 8-8-10-10-12-14 nýjar lykkjur á prjóninn (= í hlið undir ermi) og prjónið 46-50-54-60-63-70 lykkjur sem eftir eru slétt (= ½ bakstykki). Klippið frá. Fram- og bakstykki og ermar er prjónað til loka fyrir sig. HÉÐAN ER NÚ MÆLT! FRAM- OG BAKSTYKKI: = 198-216-234-258-276-306 lykkjur. Setjið 1 prjónamerki mitt í 8-8-10-10-12-14 lykkjur sem fitjaðar voru upp undir ermi í hvorri hlið og byrjið umferðina við eitt af prjónamerkjunum. STÆRÐ S, M, L, XL og XXL: Prjónið A.5 (veljið mynsturteikningu fyrir rétta stærð) hringinn (= 33-36-39-43-46-51 mynstureiningar með 6 lykkjum). Í umferð merktri með ör-5 í A.5 er lykkjufjöldinn jafnaður til þannig að það verða = 200-216-232-256-280 lykkjur í umferð (á við um S, L, XL og XXL – passið uppá að auka/fækka jafn mörgum lykkjum á fram- og bakstykki) (= 100-108-116-128-140 lykkjur á fram- og bakstykki). Þegar A.5 hefur verið prjónað til loka er A.6 prjónað hringinn (= 25-27-29-32-35 mynstureiningar með 8 lykkjum). Haldið áfram með mynstur þar til A.6 hefur verið prjónað til loka. Prjónið síðan eins og útskýrt er undir ALLAR STÆRÐIR. STÆRÐ XXXL = 306 lykkjur. Prjónið A.6 hringinn JAFNFRAMT í fyrstu umferð er fækkað um 2 lykkjur jafnt yfir = 304 lykkjur (= 38 mynstureiningar með 8 lykkjum – ATH: Í þessum stærðum er ekki prjónað A.5 þar sem mynstureiningin er prjónuð í A.4). Haldið áfram með mynstur þar til A.6 hefur verið prjónað til loka. ALLAR STÆRÐIR: = 200-216-232-256-280-304 lykkjur í umferð og stykkið mælist ca 8-8-6-6-4-3 cm frá skiptingu við handveg. Prjónið síðan sléttprjón með litnum dökk blár. JAFNFRAMT í fyrstu umferð eftir A.6 er fækkað um 1 lykkju hvoru megin við bæði prjónamerkin – lesið ÚRTAKA (= 4 lykkjur færri). Fækkið lykkjum svona með 6 -11-12-8-9-14 cm millibili alls 4-3-3-4-4-3 sinnum í hvorri hlið = 184-204-220-240-264-292 lykkjur. Þegar stykkið mælist 29-31-32-33-33-33 cm frá skiptingu er aukið út um 36-40-44-48-52-56 lykkjur jafnt yfir = 220-244-264-288-316-348 lykkjur. Skiptið yfir á hringprjón 3. Prjónið stroff (= 2 lykkjur slétt, 2 lykkjur brugðið) í 8 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – en til að affellingarkanturinn verði ekki stífur er slegið 1 sinni uppá prjóninn á eftir 8. hverja lykkju jafnframt því sem fellt er af (uppslátturinn er felldur af eins og venjuleg lykkja). Öll peysan mælist ca 62-64-66-68-70-72 cm frá öxl og niður. ERMI: Setjið 58-64-74-74-78-82 lykkjur af þræði í annarri hlið á stykki á sokkaprjón 4 og prjónið að auki upp 1 lykkju í hverja og eina af 8-8-10-10-12-14 lykkjum sem fitjaðar voru upp undir ermi = 66-72-84-84-90-96 lykkjur. Setjið 1 prjónamerki mitt í 8-8-10-10-12-14 lykkjur og byrjið umferð við prjónamerki (= mitt undir ermi). STÆRÐ S, M, L, XL og XXL: Prjónið A.5 hringinn (= 11-12-14-14-15 mynstureiningar með 6 lykkjum). Í síðustu umferð í A.5 er fækkað um 2-0-4-4-2 lykkjur jafnt yfir = 64-72-80-80-88 lykkjur. Þegar A.5 hefur verið prjónað til loka er A.6 prjónað hringinn. STÆRÐ XXXL: Prjónið A.6 hringinn (= 12 mynstureiningar með 8 lykkjum – ATH: Í þessari stærð er ekki prjónað A.5 þar sem mynstureiningin er prjónuð í A.4). ALLAR STÆRÐIR: Þegar A.6 hefur verið prjónað til loka er prjónað sléttprjón með litnum dökk blár. JAFNFRAMT í næstu umferð er fækkað um 2 lykkjur mitt undir ermi. Fækkið lykkjum svona í ca 10.-7.-6.-6.-5.-4. hverri umferð alls 9-12-15-15-17-20 sinnum = 46-48-50-50-54-56 lykkjur. Prjónið síðan áfram þar til ermin mælist 38-38-39-38-36-35 cm frá skiptingu (styttra mál í stærri stærðum vegna lengra berustykkis). Prjónið 1 umferð slétt þar sem aukið er út um 10-8-10-10-10-12 lykkjur jafnt yfir = 56-56-60-60-64-68 lykkjur. Skiptið yfir á sokkaprjón 3 og prjónið stroff (= 2 lykkjur slétt, 2 lykkjur brugðið) í 8 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur, en til að affellingarkanturinn verði ekki stífur er slegið 1 sinni uppá prjóninn á eftir 8. hverja lykkju jafnframt því sem fellt er af (uppslátturinn er felldur af eins og venjuleg lykkja). Ermin mælist ca 46-46-47-46-44-43 cm frá skiptingu. Prjónið hina ermina á sama hátt. |
|||||||||||||
Skýringar á teikningu |
|||||||||||||
|
|||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (9)
Marit Furuseth wrote:
Hvor mange nøster av lima garn medium størrelse trenger jeg til en enkel langermet genser?
15.08.2023 - 16:21DROPS Design answered:
Hej Marit, Du kan søge på herre - genser - Lima og vælge hvilken model. Garnforbruget er afhængig af hvilken model du vælger :)
16.08.2023 - 11:25Ingegerd Mattsson wrote:
Jag fattar inte. Diagram A1 ska jag öka 25 maskor på först varvet., 25 maskor på 2:a varvet . 25 maskor på 3:e varvet ELLER Ska jag sticka hela diagramet A1 12 varv med 3 st ökningar på 5:e,9:e, 11:e varvet 25gånger
10.02.2023 - 18:05DROPS Design answered:
Hei Ingegerd. Om du strikker i str. L skal A.1 strikkes 25 ganger = 100 masker. På 5. omgang øker du med 1 maske hver gang A.1 strikkes = 25 økte masker = 100 + 25 = 125 masker. På 9. omgang skal det igjen økes med 1 maske hver gang A.1 strikkes = 125 + 25 = 150 masker og på 11. omgang økes det også 1 maske hver gang A.1 strikkes = 150 + 25 = 175 masker. Så når A.1 er ferdigstrikket i høyden skal du ha 175 masker. mvh DROPS Design
13.02.2023 - 10:51Ingegerd wrote:
Drops mönster185-3 Large. oket diagram A.1 ska jag sticka hela diagramet 25ggr för att få rätt antal maskor eller vad
10.02.2023 - 06:41DROPS Design answered:
Hej Ingegerd, ja du har 100 masker, gentager A.1 som består af 4 masker 25 gange på omgangen = 100 masker. Husk at tage ud på 5.omgang i A.1 :)
10.02.2023 - 11:56Marianne wrote:
Bonjour ! Je voudrais tricoter ce beau modèle mais je lis dans les commentaires que certaines tricoteuses ont 7 pelotes en trop . Qu' en est-il ? Merci de votre réponse .
17.06.2021 - 08:51DROPS Design answered:
Bonjour Marianne, la quantité a été corrigée depuis à 750 g en taille L (au lieu des 850 à l'époque). Pensez à toujours bien vérifier votre échantillon en largeur et en hauteur - cette quantité correspond à l'échantillon et aux mesures du schéma. Bon tricot!
17.06.2021 - 13:13Chiara wrote:
Hi, I started to knit it a few times but everytime the neck curls up and folds out (like pointing towards the shoulders) I get to the A.3. Schemes, the husband tries it around is neck, stretches It but it doesn't straighten up. I am following the pattern to the dot, using lima yarn, right needles, knitting not too tight... is it normal? What can I do? It doesnt look like the one in the picture at all...
21.10.2019 - 22:41DROPS Design answered:
Dear Chiara, it's a bit tricky to have an idea without seing your work, please show it to your store (even per mail), it might be just a matter of length (when you will have finished yoke and divide piece for sleeve, this may disappear), but your DROPS store should be able to help you when seing it. Happy knitting!
22.10.2019 - 10:50FOUERE Christiane wrote:
Je viens de terminer ce pull en taille L = 850 g coloris 4305 soit 17 pelotes. Rien à dire sur le pull qui est de taille impeccable et qui est Magnifique mais...... j'ai 7 pelotes en trop !!! Comment cela se fait il ? Il faut rectifier les quantités sur les explications.
25.01.2019 - 15:04Judi wrote:
I usually wear a female sweater size large. What size would I knit this sweater for me??
19.07.2018 - 18:49DROPS Design answered:
Hi Judy, The diagram right at the bottom of the pattern gives you the measurements for each size. Happy knitting!
20.07.2018 - 08:01Wally wrote:
Bei mir sind auch 7 Knäuel Blau übrig, bei Größe L. (Bei 850 gr. Blau)
28.03.2018 - 17:14Annette Tünker wrote:
Ich habe dieses Model in Gr. M genau nach Anleitung gestrickt. Alles passte genau und der Pullover ist sehr schön. Aber ich habe 7 (!) Knäuel dunkelblau übrig. Kann es sein, dass die Mengenangabe nicht stimmt?
08.02.2018 - 15:03